والله انا الي افتقدكم صراحه ^^
----
طيب السؤال الاول :
انتو تقولو العيب المدمر في القيم بلاي هوا كان الاوتو باتل والي كل ما اشوف واحد يقلي روح انتا ولعبتك الي ماتحتاج الا زر اكس بس صح ؟ ياخي بالله هذا كلام ؟ يعني ما يبغالها ترا روح انتا اضغط ATT وبعدين انزل تحت حط MAG واختار مثلا FIRAGA صعبه هذي ؟ طيب طيب ولا تزعل يا ابويا روح تحت واختار MAG بعدين حط BLIZZARD وارجع فوق واختار للبارات الثانيه ATT
خلاص كذا تمام ؟ يعني كأنو مافي زر اسمو اوتو باتل وصلى الله وبارك ,, لا انتو بس تبغو تطلعو عيب من تحت الارض ,,
السؤال الثاني :
انتو تقولو الشخصيات ترفع الضغط خصوصا هوب وسنو وفانيلا صح ؟
سؤال انتا لو بعمر هوب وفقدت امك اش حتسوي ؟ وشفت امك كانها ماتت على يد واحد الي هوا كان سنو اكييد بما انك اولا صغير في العمر وثانيا في حاله غضب راح تتهمه وتحقد عليه وراح تسوي اي شي عشان تقتله مها حاول يقنعك لانك صغير وماتفهم وراح تسوي الي في راسك ,,
وبخصوص سنو ياخي واحد يحب وحده ومستعد يضحي بكل شي عشانها يعني ليش ماحشيتو امرؤ القيس او روميو ؟ جت على سنو بس ؟
اما فانيلا ما شفت عليها شي صح هيا شويه صوتها يجيب الهم لاكن هيا شخصيه يعني تقدر تقول زي ريكو من العاشر ,,
السؤال الثالث :
القصه انتو تقولو ماتنفهم صح ؟ او بالاصح تنفهم لاكن بعد ماتقرا الداتا لوج ,,
بالله اتخيل لو حطولك القصه بالتفصيل الي زي في الداتا لوج تتوقع قد ايش راح تكون طول اللعبه وقد ايش راح تاخد مساحه وقد ايش راح تكون طول العروض يعني تبغوها زي طول عروض لعبه ميتل جير 4 ؟
اتفق معاكم لو قلتولي على الاقل يوضحو الاساسيات زي الفال سي والـ لسي الي كانت شويه معقده بس انكم تقولو القصه ماكانت بالمستوى المطلوب لا هذي كثر منها امكن انتو ماقلتو بس شفت منتديات وناس تقول كذا ,,
السؤال الرابع :
الخطيه وما ادراك ما الخطيه طبعا في هذا السؤال انا معاكم ,,
بس السؤال الاساسي هنا هل من جد كانت سبب انك توقف اللعبه او انك تبيعها ؟
ياخي العاشر كان فيه شويه خطيه يعني تقدرو تمشوها للجزء دا ,,
استغرب جدا وخاصه من فانز اللعبه الي ترك اللعبه بس عشان كذا ؟
السؤال الخامس :
الموسيقى ياربي حتى الموسيقى ما سابوها في حالها ,,
سؤال واحد بس اش احسن موسيقات هذا الجزء او X_2 ؟
اذا جوابك هذا الجزء طيب ليش ماعيبتو على اكس تو اش معنا عيبتو على هذا الجزء ؟
المشاركة الأصلية كتبت بواسطة dro
