^ ^ جلسات بناتيه ^^

[.:Passion:.]

السلام عليكم

يعطيج العافيه كلير عالموضوع

بنسبة لي : احب العب ps3 , psp , xbox
احب الالعاب خصوصاً الرعب رزدنت ايفل بذات و سايلنت هيل @@
في العب اخرى احبها لاكرا كروفت و انتشارتد و فاينل فانتسي و داينستي واريورز .....و غيرهم كثير
الاشياء الثانية احب الازياء و الرسم و تعلم اللغات و مدمنة النت و التصاميم .

ان شاء الله لـي عودة

[Al Bhed Girl]

السلام عليكم ورحمة الله وبركاته


عيدكم مبارك والله يعيده عليكم ان شالله بالصحة والعافية والأمان ^^



بالنسبة لسوالف الفوتوشوب ،، انا بديت اتعلم فيه شغلات حلوة بعدين وقفت ،،الحين خاطري اكمل
اذا تعرفون اي موقع عربي او اجنبي بشرط انه يكون خوش موقع ويقدم دروس فوتوشوب مختصرة وواضحة
ونتايجها حلوة ،،فيدوني فيه

لان ودي اصقل مهاراتي شوي واطورها بالتصميم -.- "

وان شالله اشارككم بتصاميم عشان تقدمون نقدكم ^^



بالنسبة للقيمينج .. وااو باشن ماتوقعتج تعرفين فف @_@

اي جزء لعبتي ؟؟


بالنسبة لأنتشارتد ،، احس توم رايدر خطفت منها الاضواء
بركز اهتمامي على توم رايد ،،اما انتشارتد 3 نزلت من ترتيبها كأولوية في القيمنيج ليست تبعي XD


BTW


شسويتو بالعيد ؟؟ @_@


انا قضيتها مابين زيارة القرايب ،، وت اباوت يو ؟!

[.:Passion:.]

و عليكم السلام و رحمة الله و بركاته

الله يبارك فيج و ينعاد عليج بالصحة و العافيه ^^

حـلـو انج تتعلمين الفوتوشوب ^^ ان شـاء الله تبدعين فيه
عن مواقع ماتذكر موقع لتعليم فوتوشوب ,
..
توم رايد لعبة حـلـوهـ @@ لعبت تقريباً كل اجزائها
انتشارتد الجزء الثاني اجمل من الثالث .. لكني حبيت العبها @@ في تشابه بين اللعبتين
انتشارتد و توم رايد في طريقة اللعب و هذا الي يعجبني فيهم
و ااايد اتحمس الوقت اللعب XD

[Yuri]

سلام

امم انا طبعا في يوم العيد ما قدرت انام جلس في الصاله اشوف خواني يستعدون لصلاة العيد و بعدين جهزنا الفطور بعدين اجتمعنا

و نفرزتني المنكير اثاريني حطيت من النوعيه الي تنزل خخخخخ بعدين لفينا على اهلنا و رجعت و اخذت نوووووووووومه لين 2 باليل

خخخ ممله

بالنسبة للالعاب هل ايام جالسه انا و اخوي الكبير نلعب كول اف ديوتي مرحلة الزومبي ووو فله حدنا مستوى 19 بعدين ذبحونا @@

شكرا على تفاعلكن هه ^ـ^

[Yuri]

بالنسبة لتعلمك يا البيد شيء حلو انصحك ادخلي اليوتيوب راح تتعلمي بسرعة و بسهوله مثل ما تعلمت انا ^^

[Roxii]

موضوع جميل كلير ،، ^_^

بالنسبة للالعاب انا ما احب العب بلاي ستيشن او غيره لاني مو ماهرة في اللعب تماما
واخوي الصغير عنده بلاي ستيشن ،، بس يعني ما عمري تحمست العب فيها ! لاني اعرف نفسي فاشلة ،، بس يمكن لو جربتها احبها !
بس احب العب العاب في الفيس بوك مثل IT girl و Restaurant city ،، رغم ان انقطعت عنها بسبب الجامعة

في وقت فراغي ، اقرأ ، اصمم بالفوتوشوب ، أرسم ،، واطلع مع صديقاتي

وبالنسبة للعب الكورة ، يوم كنت بالابتدائي والاعدادي كنت العب كرة سلة وطائرة وجمباز >> رياضية محترفة
بس يوم كبرت ما صار اني لعبت

ومو عيب ان البنت تلعب سوني او كرة ،، كلن ينام على الجنب اللي يريحه
وان شاء الله اتعلم العب سوني في المستقبل واحبها مثلكم

[Yuri]

اهلا روكسي معنا ^^

يب كل واحد ينام على الجنب الي يريحه
امم كيف المدرسة هل ايام معاكم كيف اول يوم فيها بالنسبة لي مني فاضيه البان بروح استعد للذهاب
كم اشوفم

[yami vergil]

موضوع لطيف

سامحوني تأخرت عليكم XD

ممممممم هوايات ؟؟ هوايتي النوم لوووووول

ايام شبابي ( اقصد لين عاك 2010) كنت مهووسه اكثر بالالعاب والانيمي والمانجا
كنت احاول ارسم رسموات لي عام 2008 تقريبا وعندي مجموعه محتفظه فيها

كنت فالثانويه العب كرة سله وفالجامعه لعبت سكواش

ولما كنت صغيره كنا كل خميس نلعب كورة قدم

الحين ................................... الله يعيني ان شاء لله عشان ارد مثل اول لوووووول

هاي مقدمه ولي رجعه ان شاء الله

[Al Bhed Girl]

السلام عليكم ورحمة الله وبركاته



مرحبا صبايــــــــــــآ ..




كيفكون شو الأخبار ؟ = P


راح اتبع نصيحتكم ان شالله بتعلم الفوتوشوب باليوتيوب ،،اعتقد ان اخذ الدروس هناك بيكون احلى كفيديو @_@

يامي فيرجل
ا

يام شبابي ( اقصد لين عاك 2010) كنت مهووسه اكثر بالالعاب والانيمي والمانجا
كنت احاول ارسم رسموات لي عام 2008 تقريبا وعندي مجموعه محتفظه فيها

لا يامي لا تقولين جذي !! ^______^

ترا العمر مجرد رقم .. والشباب يكون في الروح والشخصية .. لايغرج الكبر ولا الشيب ،، مو صحيح تقابلين بعض الناس وتسولفين معاهم وتكتشفين ان عندهم عيال وكبار بس مابين لا من شكلهم ولا سوالفهم ؟؟ و ياما شفنا شباب تحت العشرينيات جنهم شياب لأنهم مايهتمون بصحتهم ،،

طلع مرة دكتور بقناة الكويت يتكلم عن الصحة .. يقول جانا شاب عمره البيولوجي -عمر المؤشرات الحيوية بجسمه- يساوي 60 سنة !
ليش ؟ من الأكل وادمان النت والقعدة وقلة الرياضة والهوايات .. الله يشافيه امين ويعافيه ..


اللي اقصده ان عيشي كل يوم بيومه ولا تفكرين جم زاد عمرج ،، مارسي رياضة ،،نامي زين ،،واضحكي من القلب ،،واكلي فواكه وخضار واشربي 2 لتر ماي

هذي كلها عوامل تساعد في نقصان العمر البيلوجي + تخفي ملامح الكبر ..

كنت فالثانويه العب كرة سله وفالجامعه لعبت سكواش

نآيس نآيس ،، خليج رياضية واستمري ادري جتج حاله ركود بس لا يفوتج على الاقل مشي نص ساعة باليوم فهذا كفيل بتحسين الصحة ^^

يامي حبوبة سؤال .. شني السكواش وشفرقها عن التنس ؟ T_T



بالنسبة للممارسات الرياضية .. فأنا احب امارس Body Combat حيييل استمتع فيه مع البودوكون وهو حركات قتال ثم تختم باليوغا + الجري الطويل + تمارين Body vive اللي تقدمها Les Mills



سؤال للصبايـــــــــآا ..



كيف تحبين ان تكون حقيبتك ؟

[ام ابـراهيم]

كيف تحبين ان تكون حقيبتك ؟

عادة أحب الحقائب كبيرة الحجم.
و يكون لونها متناسق مع حجابي أو حذائي.

أحب الألوان الزاهية و أحبها ذات لون موحد أو لونين على الأكثر.

[:Rebecca:]

مراحب ^^

همم بحب الاحمر الالون الزاهية احلى من الكئيب مو ^^ طيب بنشوف اي فستان بتختاروا يا بنات تخيلوه مع بادي ابيض ^^

[angelxanime]

كيف تحبين ان تكون حقيبتك ؟

احبها تكون متوسطة والجيوب فيها كثيرة ^^

[Yuri]

كيفكم بنات
... ليش ما اشوف احد يدخل قسم المرأة ... الله يوفقكم بدراستكم ^^

[Amanda~]

سلام صبايا

مثلكم انا من زمان احب العاب الكمبيوتر مثل الاربيجي فاينال فانتسي كل اجزاءها مع انها صعبه
التصميم والفوتوشوب حلو كثير استمتع فيه بس مشكلتي احيانا ما القى له وقت واحيانا القى نفسي متحمسه كثير اتعلم اشياء في لتصميم

حابه اعرف رأي الصبايا بأفضل طريقة للتعامل مع الام احيانا تحسي انه امك عصبيه واقل شيء منك يصير تكبرة
احيانا يكون فيه حواجز بين الام وبنتها بسبب فرق العمر والزمان والانشغال بالدراسة والحياة
كيف اكسب محبة امي اكثر ؟
واللي عندها طريقة ناجحة او قصة تحكي لنا ؟
خاصة مرات مافيه شيء يعوض عن محبة الام الله يخليها ويطول بعمرها

[Favorite girl]

بالنسبه للي فوقي .. والله مدري بس إذا عصبت أبعدي عنها إليين ماتهدأ و أنتي عاد تعرفين الباقي << مافحالي أكتب

--

صراحةً يابنات في شيء قاهرني ..

انو كل مالعبنا إحنا البنات يقولون اللعب حق الصغار والعيال

طيب تركنا اللعب والجري والنقز .. رحنا للبلاي ستيشن عاد مافي اي شيء ممتع غير العاب الحرب والقتال والرعب

اول شيء يقولون أش الإجرام هذا .. صح إنها تعلم على الإجرام وكذا لاكنها مجرد لعبه ولو كانت حقيقه محد بيتحمل مناظر الدم والقتل والأشياء المرعبه ووو إلخ

ثاني شيء مايخلون لنا مجال انو نسوي اي شيء غير الأشياء التافهه زي :: التنظيف ,, الطبخ ,, التلفزيون ,, ووو إلخ من الأشياء التافهه

يعني صار كل شيء حلو ومسلي للأولاد الأغبياء -_-

صح ولا لا

أنا بالنسبه لي لو قالو لي وانا قاعده اجري .. او العب .. اتركي اللعب تراه للعيال .. راح يكون شكلي كذا O_o وانفجر عليهم

وانتو لو صار لكم كذا اش راح تسوون ^_^