Ďŗấġ๑и Ỡ₣ Ềąŕŧђ
يعطيكم العافيه تقرير اكثر من رائع ومرتب وجميل ولقيت فيه كل المعلومات الي ابيها عشان اقرر اذا اشتري اللعبه او لا
وايضا اشكر zack على انطباعه عن اللعبه جدا جدا استفدت من كل كلمه كتبها
عاد مادري ماحسيت فيها شي يميزها .... حتى احس الجيم بلاي ميت
شفت كذا فيديو جيم بلاي انا ادور crazy gameplay @@
بس تقاييمها حلوه واكيد بترضي وايد اذواق
عضو مثالي
مشرف سابق
يعطيكم العافية على الموضوع ،، كنت ناوي اعمل واحد اذا محد سوالها ..
حاليا لعبت فيها حوالي 3 ساعات وخلصت اول مهمة .. طبعا بديت اللعبة على اصعب مستوى Give me Deus Ex وناوي اخلصها
بدون ماقتل اي احد وبدون مانكفش من اي احد او كاميرات .. اللعبة شكلها صعبة والتجسس فيها حلو .. ذكرتني كثير بـ Splinter Cell .
اللعبة تقييم مبدئي 8.5/10 .
عضو مثالي
العفو شباب..
الصعوبه دائما ما تكون لها حلول واستراتيجيات معينه لتعديها .. بس في هذه اللعبه الحلول معدومه جدا في الرؤساء ..توقع كثير من اللاعبين يفضلون الرؤساء الصعبين << مب انا طبعا >..>
عضو متواصل الابداع
على فكرة انا خلصت اللعبة ومن وجهة نظري اول زعيم كان اصعبهم الباقي تقدر تلاقيلهم حل غير انه بيكون معك في وقتها سكيلز متنوعة تسهل كل شيالمشاركة الأصلية كتبت بواسطة zack77
عضو مميز
السلام عليكم ورحمة الله وبركاته
يعطيكم العافية شباب على هذا الموضوع الرسمي ،، عطيتونا المعلومات بالمختصر المفيد ،،
على الرغم من ان تقاييم اللعبة ممتازة جدا وكنت متحمسة لها من ايام اي 3 ،، لكن حسيت ان طريقة اللعب مش من ميولي بعد ماشفت القيمبلاي ،، و اقصد فيه المنظور الاول صحيح انه يتيغر الى ثالث اثناء القتال ،،لكن مثل ما ذكر احد الاعضاء يسبب لك لخبطة ..
لكن في وايد ايجابيات فيها ،،طول عمر اللعبة + نهايات متعددة + طريقة لعب متعددة ايضا ..حبيت فكرة انك تلعب مرحلة باستراتيجية معينة كالتخفي او Hack and slash XD !
بشكل عام ،، احب اتابع اللعبة كقصة من خلال اليوتيوب ^^
Avatars ~
Sigs.~
عضو مميز
^
يعطيكِ العافية اختي على إبداء رأيكِ حول اللعبة و على الصور الجميلة
عضو مميز
اللعبه تقاييمها مشلعه
بس استغربت مالها شعبيه بالمنتدى
سؤال للي جربو اللعبه هل تستحق اللعبه كل هذا التقييم!!!
عضو مميز
معظم إلي لعبوها قالوا إنها ضمن أفضل ألعاب هذي السنة
مشرف سابق
انهيت اللعبة على Give Deus Ex ، بدون اي قتل ، وبدون اي انذار
من افضل الالعاب بصراحة قصة وجيم بلاي وساوندتراك ممتاز .
وجبت البلايتينوم فيها ^_^
عضو مثالي
^^
على البركه .. ما توقعت ان فيه احد راح يجيب البلاتينيوم من اول نهايه .. اكيد اخذ منك وقت طويل على ما تجيبه .. خاصة في تروفي الأب جريد و السكيلز
من دون اي لود ؟؟بدون اي قتل ، وبدون اي انذار
________________________________________
ختمت اللعبه واخيرا بعد 25 ساعه من اللعب المتواصل على اعلى صعوبه
وللأسف النهايه ما كانت بذاك المستوى المتوقع للعبه.. ( للمعلوميه اللعبه لها اربع نهايات) يعني كنت متوقع افضل من كذا
بس تظل اللعبه رائعه من جميع النواحي ما عدا صعوبة الرؤساء والتقديم السيء لهم ..
يعني هو في العاده العاب الشوتر دائما ما يكون لها تقديم ممتاز للرؤساء وحوارات جيده بينه وبين البطل قبل المعركه.. هنا لا .. الحوارات جدا معدومه من هذه ناحية . وهاذا شيء ازعجني جدا وقلل حماسي للقصه
وبعدين صعوبة الرؤساء في اللعبه مالها اي داعي ..يعني ما ادري وش يحسون فيه المطورين .. السلبيه ان معارك الرؤساء دائما ما تكون مساحة اللعب فيها ضيقه جدا والمشكله ان البعض منهم عندهم السرعه ( مثل الرئيس الثاني ) في الجري وما تقدر تهرب منهم وتطلق عليهم الا اذا اخذتلك كم ضربه منهم
يعني لازم تنتظر منهم اي جليتش علشان تقدر تذبحهم .. وهاذ اللي صار معاي
فعلا هذه السلبيتين خربت علي نسبه كبيره من اللعبه ... ارجوا انهم يتعلموا من اخطائهم في العابهم القادمه
بس عموما الجوانب الأخرى من اللعبه رائعه.. من ناحية الساوند تراك الجبار .. وايضا طريقة دمج الأسلحه مع الأب جريد اللي انبهرت منها ابصراحه ..خصوصا طريقة دمج الشودقن في الأب جريد . عطى للسلاح اضافه ممتازه
( في نوعين من الأيتمز تدمج فيها اسلحتك .. تعطيك فرق بعد الدمج .1- ايتم تضيف للسلاح..مثل الكاتم وغيرها ..2. ايتم اذا دمجتها في اي سلاح .. يعطيك قوه في الضرر من ناحية الطلقات او سرعه في تعبئة الذخيره وغيرها )
وايضا نظام التطويرات فيها خورافي زي ما قلت من قبل.. والأحلى في التطوير السبيشل سكيلز اللي تستخدمها مثل .. الأختفاء اللي ساعدني جدا على المرور بين الجنود بدون ما يحسون فيني
وايضا تطويرات الهاكنق اللي اذكر اني قعدت ساعات على ما اطورها كلها..علشان اقدر افتح جميع الابواب والكمبيوترات .. التي لها نظام حمايه عاليه جدا .. يعني تعطيك فرق كبير ..موب مثل تطويرات الألعاب الأخرى العاديه
وايضا الأستكشاف فيها ممتع ورائع .. والمهمات الجانبيه مع انها قليله .. بس عطتني تنويع ممتاز وما عطاني ملل مثل انفيموس مثلا
انا من شريت ps3 .. الى الأن ما شفت مثل ايدوز .. تعطيني لعبة شوتر جوها ولعبها مختلف تماما عن العاب الشوتر الأخرى
يعني فعلا عطتني شيء مبتكر ورائع
القييم النهائي : 9/10
بأنتظار اول اضافه للعبه
عضو مثالي
مقطع + بعض الصور لأضافة The Missing Link
مشرف سابق
^
ايوة طولت في البلايتينيوم واضطريت اعيد اللعبة عشان تروفي الاسلحة ، واكتشفت انه اللعبة تلعبها تجسس تسهلل من صعوبة مواجهة الاعداء @@ .
وانا معاك في نقطة الاعداء فعلا تقديمهم سيء جدا كان من الممكن يكون افضل ، وايضا معارك الزعماء فيها نوع من التكرار توقعت يكون لكل زعيم اسلوب خاص
او طريقة معينة او بييئة مختلفة غير البيئة الضيقة والمغلقة ، حتى الزعيم الاخير خيبت امل .
---------------------
بخصوص الاضافة الجديدة اتوقع انها اثناء سفرك الى سنغافورة لانه باين انه طالع من السرير ، مو متاكد لكني متحمس للاضافة كثير وراح اشتريها .
عضو مثالي
^
هو اللي يقهر في تروفي الأسلحه ان ..ايتمز الأب قريد تاخذ مساحه كبير من الشنطه ..والمشكله انك ما تقدر تفضي من المساحه خاصة اذا كنت في مهمه والسلاح المطلوب في الأب جريد موب موجود عندك !!
هو على فكره في شخص يبيعلك الأب قريد بسعر وقدره . بس انا ما دريت عنه الا في اخر الأحداث (حظي تعيس)
انا كنت ناوي اطلع البلاتينوم بس اللي صار :
اني كنت مسيف على مكان في العالم الفتوح .. ( اول منطقه ) وكنت مطور الشخصيه في الكامل تقريبا ومطور بعض الأسلحه .. وقلت راح اخلي الملف خاص في البلاتينوم
المهم جا اخوي الله يهديه وبدا اللعبه من جديد وسيف على الملف حقي ..وطار حلم البلاتينوم في اللعبه
من جدك انت!!!.. انا راح اسحب على جميع الألعاب لأجل الأضافه ^^ << الحب مشكلهبخصوص الاضافة الجديدة اتوقع انها اثناء سفرك الى سنغافورة لانه باين انه طالع من السرير ، مو متاكد لكني متحمس للاضافة كثير وراح اشتريها .
اللي اعرفه ان جنسون راح يفقد قدراته الخارقه ..وراح يحاول انه يهرب من المكان اللي هو فيه... بس ودي اعرف وشو سالفة الأشخاص اللي يضربونه ^_^ ... متحمس
على فكره سكوير انكس استفادت كثير من المبيعات الي حققتها ايدوز في اللعبه ( بما انها الناشره ).. خاصتا في اول اسبوعين من نزول اللعبه .. وتصدرها المركز الاول في الولايات المتحده من ناحية المبيعات
والأن شحنت الشركه ما يقارب 2 مليون نسخه الى العالم ...... يعني هاذا دليل على النجاح القوي الذي حققت اللعبه
عضو مثالي
افضل ساوند تراك في اللعبه حتى الأن ^^
اخخ كم اعشقك deus ex
ضوابط المشاركة
