.. طفح الكيل .. إلى متى ؟!!

[Karazhan]

اتمنى ان يتم التوقف عن الكتابه بالموضوع هذا

لأن لو تكلمنا راح ندخل بالامور القديمه واللي عفى عنها الزمن ويمكن تبدأ المشاكل مره ثانيه


لذلك اطلب من الجميع التوقف عن الكتابه ويترك الموضوع للتصويب في اعلى الشاشه على الاستطلاع

ويحدد المراقب الفتره الزمنيه للتصويت وبعدها يأخذ برأي الاغلبيه

وعفى الله عما سلف

[بسكوت البحر]

بافهد المشكلة كلنا حقين
PVP
ندور المشاكل
ههههههههههههههه

[Yoshi]

^
^

هذا اللى بيحصل

[kololo]

متواجد في الدوام وقاعد اتطمش على المنتدى مادري شسالفة كافي اني مجابل القيلد وأنها أمانهبرقبتي أنا والشباب نبيضها لأن احنا نمثلكم ويعطيك العافية أخوي. فهد على كل المجهود إلي تبذله ومشكورين والله. يثبتكم على الأخوة والتلاحم. وتقبلوا مروري.

[Deathcow]

يا شباب صلو على النبي... كل يومين مشكلة...


انا شفت ردود ولد بطنها ولا فيها اي خطأ.

لكن بوحا ما يرتاح الا اذا سوا مشكلة

[BoOoOo7a]

^
^
^

كل واحد حر برأيه ..

انت عجبتك .. ولكن عشرين واحد غيرك ماعجبته

[Dudette]

صلو على النبي (علية الصلاة والسلام)

وليش تحبون المشاكل خلاص الموضوع خلص والله يهديكم ترانا كلنا اخوان فما يحتاي كل هذا

[Warchif]

يا شباب صلو على النبي... كل يومين مشكلة...


انا شفت ردود ولد بطنها ولا فيها اي خطأ.

لكن بوحا ما يرتاح الا اذا سوا مشكلة

ولا بتشوف فيها خطأ إن شاء الله
الرجال محترم في كل كلمه ومبدع ولا يغلط على أحد ولا يستهزأ بأحد في ردوده
لأنه قمه في الأخلاق
ياخي والله انا صرت ماخش القسم إلا عشان ادور على ردوده
والله الرجال ما أخذ حقه من التقدير
اسلوبه فن
وكلامه عسل

الله يهني المنتدى بولد بطنها


لاتنسى ياولد بطنها رقم حسابي xxxx حول حق الإطراء ههههههههههههههههههههه
المره الجايه بنمدحك على طريقة خلف بن هذال

[BoOoOo7a]

المشكله بعد ماتقفل المضووع جاتني رساله سب وشتم على الخاص
للأسف ماكنت متوقع انه الشخص هذا مستواه بينزل كذا

صدق يوم قالوا

ضربني وبكى .. وسبقني واشتكى

ترا قسم بالله العلي العظيم ان عندي Screenshot للرد اللي انت بديت فيه المشكلة يالظالم يالمنافق .. ولكن ياحليلك .. Yoshi ماقصر وحذفها على طول وطلعك منها باردة مبردة

ويوشي هو الوحيد اللي قراها اتوقع

والرسالة كنت تقول فيها كلام ماينقال ..

وكنت تسبني انا والأخ h-online .. ولكن الأخ المسكين مالحق عليها ومايدري انك جبت سيرته

لذلك .. اسحب كلامك احسن لك .. لا يقلب الموضوع بجد هواش

[Flyn]

[Yoshi]

بوحا .. يعني مازلت تدور المشاكل ؟

من جدك انت ولا تستهبل ......................................................................................








وبالنسبه للرد المحذوف حقه حبيبي الإدارهـ تقدر تشوف اي شي محذوف

Flyn sup bro

[Flyn]

Show the deleted reply

[Yoshi]

هههههههههههههههههههههه

مايصير .. الشي اللى راح خلاص انتهى

[Flyn]

[Karazhan]

يا اخ بوحا انت مازلت مصر على انك الصح وكلنا الغلط ؟

هذا كان اول كنت كله صح لأن كان عندك ناس توقف معاك بدون ماتعرف السالفه

ولكن الحين الزمن تغير , الحين كل المشاركات لو تلقي نظره عليها تشوف الناس تقول انك انت الغلطان وانت اللي تدور المشاكل مو انا

انا دايم اطوفلك شماته وانت تطلع من الموضوع وتعطيني كلمه وتسكت بعدها عشان تنتظرني اغلط وتشتكي علي

انا بعطيك مشاركه وحده بس وهذي اخر مشاركه صارت بموضوع انت كتبته وانا علقت عليه , عشان تشوف ويشوفون الناس طريقتك الاستفزازيه واسلوبك بالكلام معاي او مع غيري عشان تخلي الشخص يغلط عليك وتستمتع انك تسوي ريبورت و توقفه

هذا موضوع شوف انت شنو كاتب وشوف انا شنو كان تعليقي واني كنت انتقد بليزرد

ولكن شوف شنو رديت علي

http://www.montada.com/showthread.php?t=718023&page=1



هذا طبعا موضوع واحد , وانا بعد ماشفتك كتبت الكلام هذا سكت عشان ما ابدأ بهوشه وبالنهايه توهم الناس انك ماتقصدني وتخليهم يقولون انت يا ولد بطنها اللي بدأت

بس انا سكت وبلعتها و مشيت , مع اني دائما اتحاشى المشاركه بمواضيعك لأن كل مشاركه لي احصل رد نفس هذا

بصراحه ماادري ليش تزعل لما اشارك معاك , لذلك ابتعدت عن التعليق بمشاركاتك , لاتفكر ان اذا ماشفتني اشارك بمواضيعك اني حاقد ليش تقول معلومه انا ماقلتها قبلك

لا والله ولكن انت السبب اللي يخليني اتحاشى مواضيعك , لأني كاسر الشر

طبعا المواضيع نفس الموضوع هذا كثيره , وهذا اسلوبك مع اللي مايعجبك , تقط عليه كلمه دفان من تحت لي تحت وتمشي , ووراك تشتعل النار وتتفرج عليها من بعيد , وتنتظر الزله عشان تسوي تقرير للأداره و توقف اللي مايعجبج

---------


اما بالنسبه للأخ المراقب تقول ان معطيني وجه وماخذ راحتي

تبي تعرف منو اللي المراقب معطيه وجه وماخذ راحته ؟

بقولك منو لكن اول شي هذا المراقب انسان قبل كل شي , وانسان ذو اخلاق و محمود السيره , الرجل لما صار مراقب كنا انا معاك يمكن قبله بالمنتدى

الرجل من اخلاقه ما حب ان يعطي توقيف لأي شخص كان بالقسم قبله , شلون يعطي توقيف لبعض الاعضاء اللي لهم باع طويل بالقسم

يعني يعطيني توقيف واهو بدأ اللعبه وقعد يسألني عن بعض الامور وتعلم لغايه ماصار احسن مني , من الاخلاق ان مايقدر يعطيني توقيف او يسوي شي يزعلني لأن مايبي يزعل احد

اهو يستحي ان يسوي شي وادخل عليه بعدين اقوله افا يا مراقبنا توقفني

مايبي يسمع هالكلمه

وانت كذلك , من زمان تشارك و عندك علاقه مع الاعضاء وانا ماادري شنو علاقتك مع المراقب او غيره ولكن مايقدر يعطيك توقيف عشان مايبي يزعل احد منه

الرجل سجل بالمنتدى بعدنا وتعلم مننا واحنا صوتنا عشان يكون مراقب , اهو مايقدر يوقفنا لأن ماينكر الفضل نفس بعض الناس

لذلك وعشان تعرف ان المراقب تضايق منك وتعب واهو يطوفلك ويعدل مشاركاتك , ومشاركاتي حتى

ولكن انت بالذات طوفلك لين قال بس , وعشان تعرف ان معطيك وجه وانت مصختها , شوف رده بالموضوع هذا وشلون الكلمه كررها مرتين تحس طالعه من قلبه

http://www.montada.com/showthread.php?t=716250&page=16


شوف شلون طلعت الكلمه من قلبه

راح تقول مو غلطان قول , ولكن شوف الناس شنو تقول عنك , او اللي يستحي يقولها لك شوف افعاله و نغزاته

انت اذا شفت 3 اشخاص قالوا انك غلطان لا تعارض وتقول لا , لا تقص على نفسك وتقول انتوا الغلط وانا الصح

لا تاخذك العزه بالأثم , دام 3 قالوا انت غلطان يعني انت غلطان , وحاول انك تصحح غلطت , ترى ماتقلل من شأنك اذا قلت غلطان وعدلت غلطتك

لا والله راح تكبر بعيون الناس وراح ياخذون فكره عنك حلوه , راح يعرفون انك حقاني ولا ترضى بالغلط وهذا الشي زين

اما انك تصر على غلطك وتعاند نفسك قبل الناس وبالاخير شوف , يوميا الاعضاء يكتشفون اسلوبك

مو مثل قبل كان محد كاشفه الا انا وكنت احذرهم منك ولا كان احد يصدقني لما اقول انت سبب المشاكل , الحين سبحان الله كل يوم اشوف

بمواضيع القسم عضو يقول انك سبب المشاكل

الناس اكشفتك خلاص , يا انك تعدل اسوبك وطريقتك الاستفزازيه لما يشارك واحد بموضوعك تقط عليه كلمتين كأنهم مو لك وتمشي

يااخي والله لو ان الد اعدائي دخل علي بموضوع انا كاتبه وشكرني عليه وكتب تعليقه استحي اقوله كلمه تزعله

يعني شخص دخل موضوعك وشارك تكسر فيه جذي , اقسم بالله اقسم بالله اقسم بالله اني ماارتاح لين اعتذر منه ولا ارتاح حتى بالنوم

لو يدخل شخص يشكرني او يقدملي مساعده او يسوي اي شي يفيدني اني اكسر فيه واعطيه كلمه وامشي

والله ما ارتاح لين اعتذر منه امام الناس , مثل ما كسرت فيه امام الناس بكلمه عشان اضحك الناس يعني واقولهم شرايك فيني نكته

انا ماادري انت شلون طبعك , يااخي امرك عجيب ماينعرفلك , انت عندك ربع عندك اصحاب ؟ تروح تخالط الناس تعرف الصح من الغلط

اسلوبك وطريقتك بالكلام تقول انت ماعندك اي معارف ولا تطلع من بيتكم , بس مستلم النت وتشخط بالعالم

غلط ياخوك هالطريقه , الناس لها كرامات ولها احترامها , نفس موضوع وورشيف اللي يقول انك دازله رساله بالخاص تسبه وتسب اهله

يعني لو يخخلون السب مفتوح بالمنتدى كنت سبيت العالم كلها

اذا بالخاص و ماسلم منك احد

عموما انا مابي اطولها معاك واهي صغيره , ولا ابي اولعها , ولكن كتبت هالكلام يمكن قلبك يعي اللي اقول ويمكن تزال الغشاوه من عيونك

وتعرف ان كل المشاكل طلعت بقسم العاب , وان اللي تسويه شي ماراح يوصلك لأي مكان ولا احنا في حاله حرب , ترى كلها لعبه لا راحت ولا جات

وحطيت الرابطين واحد طريقتك واسلوبك معاي انا بالذات واللي يكون بصفي ومايعجبك تستخدم نفس الطريقه

والثانيه للمراقب اللي عجز واهو يعدل بمشاركاتك واخر شي لما شاف واحد كتب نفس الكلام اللي محبوس بصدره و وده يقوله بس يستحي يقوله

كتبلي رد طالع من صميم قلبه , لأني كتبت الكلام اللي كان نفسه يقوله , لكن يستحي يقوله لأن مراقب ومايبي يكون مع عضو ويترك عضو

ولكن اللبيب بالاشاره يفهم

واذا انت مافهمت نغزاته فهذي مشكلتك , ولكن نصيحه مني لك

لا تأخذك العزه بالاثم , ان قالوا غلطان يعني غلطان

واسف عالاطاله يا اخوان وارجوا انكم تتقبلون كلامي بروح رياضيه

ومشكور وورجيف على الاطراء والله اخجلتني يااخي