شوف يوشي
في واحد اسمه الكساندروس عنده اولاد 2 , واحد اسمه داريون والثاني Renault مادري شلون ينكتب اسمه بالعربي وخلنا نطلق عليه اسم رينالت
المهم الكساندر هذا كان يمشي بحصانه بالحرب الثانيه وشاف كرستاله عجيبه طايحه من اورك وورلوك , واخذها وعمل منها ashbringer
السلاح هذا ليجندري طبعا , ولكن بالاسم والصوره بس , يعني محد من اللاعبين قدر يحصل عليه نهائيا , واهو اصلا موجود للاعبين مجرد اسم وشكل فقط , تشوفه مع تيرون و دايورن بس
المهم السلاح هذا كانت فيه قوه عجيبه ضد الundead وكان يخليهم رماد من اسمه صانع الرماد او شي جذي
المهم مو قلنا الكساندر عنده اولاد اثنين ؟
راح كيلذوزاد واللي اهو البوس الاخير في ناكس و قال ياجماعه نبي حل مع هالرجل والسلاح اللي معاه شلون ؟
قالوا ماكو الا خيانه نسوي , وفعلا كلموا ولده رينالت وقالوله شوف حبيبي انت مسكين ومظلوم بالدنيا و طايح حظك ولا لك اعتبار وانت مثل مايقولون البطه السوده في عائلتك , شرايك تتخلص من ابوك وتصير معانا واحنا نعطيك منصب ونخليك زعيم
قال مااقدر ياجماعه اذبح ابوي ولكن شوفوا حل ثاني
قالوله خلاص انت سو كمين لأبوك ويكون بروحه واحنا نذبحه وانت لا تسوي شي
قال خلاص بس اصير زعيم ؟ قالوا اي تصير زعيم واعتبر نفسك من الحين انت زعيم سكارلت كروزيد "الدنجن اللي في سكارلت منستري اللي قريب من مدينه اندر ستي
قالهم قولوا والله ؟ قالوا والله بس جيب ابوك
المهم الولد هذا عمل كمين لأبوه وطبوا عليه واذبحوه واهو يشوف
راح كيل ذو زاد "اسمه صعب" واخذ الكساندر وحطه معاه , طبعا احياه خلاه انديد وحطه عنده في ناكس واهو نفسه البوس اللي راكب حصان مع 3 غيره واهو اللي يقط السلاح هذا ايام لفل 60
المهم لما حطه عنده , زعل ولده الثاني واللي اهو داريون واللي اهو حاليا زعيم الديث نايت وذبح نفسه بالسيف هذا عشان يخلص روح ابوه وهالخرابيط
المهم السيف الاصلي واللي مصنوع من الكرستاله واللي ماسكه تيريون و داريون واللي تشوفه بالصور يكون لونه احمر برمادي هذا الاصلي ليجندري وهذا مو للاعبين مجرد سلاح له قصه في بعض الاحداث وحبوا بليزرد يحطونه عشان الناس تعرفه وتعرف قصته وقصه ناكس و سكارلت كروزيد وغيرها
اما اللي موجود واللي كان مع اللاعبين هذا واحد ثاني يطيح من البوس اللي قلتلك ولكن بعد ماصار انديد , والسلاح epic مو اسطوري "ليجندري"
ويكون شكله نفس ماانت حاطه بالصوره اسود والجمجمه في اخضر , هذا كوربتد او الملعون مو الاصلي
وحتى لو تمسك السلاح هذا راح يكلمك بين فتره وفتره , ويقول اكثر من جمله و من الجمل اللي يقولها my son watched me die ويقصد ولده اللي عمل كمين له وشافه واهو يموت
حتى اذا كان عندك السلاح هذا ورحت سكارلت كروزيد وقابلت الولد اللي ذبحه ابوه راح تشوف الناس كلها تركع لك و يكونون نفس ماتقول اصحابكم محد يجي يذبحك نفس ماتدخل عادي , وبالنهايه لما توصل للولد تشوف ابوه يجي من الباب ويكلم الولد وبعدين يذبحه
هذا بأختصار السلاح اشبرنقر , يعني في 2 واحد اساسا مو للاعبين واللي تشوف صورته ليجندري وتشوفه مع البوسات مثل داريون و تيرون والثاني يطيح من ناكس ايام لفل 60 ويقطه الكساندر نفسه ولكن مو الاصلي يكون الملعون
وسلامتكم ويسلم المشاهد والحاضرين والكل ولا قصورا بأحد مع السلاامه ماتشوفون شر كل يوم تعال
المشاركة الأصلية كتبت بواسطة Fluta
