اشاعة سول ريفر جدييييييدة

[سكوال الصنديد]

خبر رائع .... نفسي أعرف مصير رازيل بعد تلك النهاية الغريبة وهناك الكثير من الأشياء التي لم تكتشف ... حكيم الأعماق وسالفة كين ؟؟؟ وغيره وغيره وأنا ما أبغى


أعرف إلا شيء واحد هل رازيل راح يرجع أم لا ... النهاية مبهمة وما عجبتني ؟؟؟؟


كيف لو كانت لعبة مغامرات كأنيموشا ؟؟؟

هذا حلم وأأأأأأأه لو تحقق ؟؟؟؟

[marshall d teac]

اظن رازيل صعبه يرجعونه واظن في الجزء الاخير كانت نهايته ، انا اتمنى يسوون جزء عن رازيل يوم كان مصاص دماء وكيف كانت حياته الى ان تطور وظهرت له اجنحه

[Judge Balthier]

Dro
شكرا على المداخلة


سكوال الصنديد
شيء حلو انا نشوفك هنا ، للحين في موضوع فف8 ، ودي أرجع له في اقرب وقت ان شاء الله , في كم عضو ما اشوفهم فيه .


مارشال

بالنسبة لامنيتك الظاهر هي الي بتصير لان ما في اي مبرر غير كذا اذا كانوا بيرجعوا رازيل ، بس احيانا يخربوها مثل فاينل فانتاسي 10 لما رجعوا تيدوس و 13-2 لما خربوا نهاية الجزء الاصلي وقاموا يكذبوا نهاية الجزء الاول ولعبوا في لايتننج ما كفاهم الشخصيتين الي راحوا .

[Razielia]

القبح لا تحاتينه ههههه صار موضة العصر XD
الجيم بلاي 100% بيتطور ولو كان ريميك يكون أحسن خاصة ان جيم بلاي الجزء الاول لا يطاااااااااااااااااااق @_@

لا صج اهم شي القبح !! ..ماعطيهم هيبة وقوة ...جذي المفروض شكل مصاصي الدماء !!!
مو مثل اللي نشوفهم في توايلايت البايخ وغيره...مافي فرق بينهم وبين الناس العاديين @@ !! شلون الواحد يهابهم او يخاف منهم ؟؟

بس بلود اومن اللي الجيم بلاي كان لايطاق باقي الاجزاء كان اوكي.. لانه كان قديم حيل عام 95 او 96 بس من باقي النواحي كان ممتاز..القصة epic والـcut-scenes بالنسبه للالعاب القديمه كانت اوكي ..والاداء الصوتي والحوارات من اروع مايكون ..يعجبني اداء الممثلين في هالسلسله بشكل عام..
بحط مشهد عشان تشوفين الجيم بلاي..شكله مزعج..كنت ابي اشتري اللعبة من الستور بس في ناس شروها وماقدروا يلعبون وقالوا اللعبه غير قابلة للعب @@ عشان جذي هونت..بس كان خاطري اجرب هالجزء لانه الوحيد اللي مالعبته..بس تابعتها عاليوتوب وقريت كل شي عنها وعن تاريخها !!
تمنيت لو الريميك يكون حق بلود اومن...

شوفي الجيم بلاي هني( مادري عطيتج اياه من قبل ولا لأ بس بحطه عشان الكل يشوف بعد ) ..الانترو عجيب صراحه..ومشهد كاين في العالم السفلي ( 4:38 ) كان مؤثر ..ركزي على معنى المشهد وتجاهلي الجرافيكس لانه وايد بدائي -_- :

بس خذت ديبلوم في القصة من الدكتوره رازييليا....يعني عندي فكره عن السلسله بشكل عام ^^

that's my disciple XD


سكوال الصنديد :

ما أبغى أعرف إلا شيء واحد هل رازيل راح يرجع أم لا ... النهاية مبهمة وما عجبتني ؟؟؟؟

احتمال يرجع اذا اللعبة الجديدة في زمن الماضي ونشوف رازييل لما كان انسان (sarafan warrior-priest ) ولكن حياته كانسان كانت قبل فترة بلود اومن بكثير وDefiance كان في زمن بلود اومن لذلك اذا كانت اللعبة الجديده تكملة لـDefiance استبعد الفكرة ولكنها ليست مستحيلة..هناك احتمال..

او يمكن يرجع لما كان مصاص دماء وهذا الاحتمال الاقوى ...لكن wraith Raziel اعتقد مستحيل ..

بالنسبة للنهايه...رازييل ضحى بنفسه وتضحيته هي اللي حولت السيف الاسطوري الى سيف الـsoul reaver اللي نعرفه في باقي اجزاء السلسله واصبح السيف تجسيد لروح رازييل واصحبت لديه قدرة رازييل على التهام الارواح( هذا يفسر سبب عدم قدرة السيف على ايذاء رازييل وتحطمه لاحقا في زمن SR1 لان الروح اللتي بداخل السيف هي روح رازييل ) ..وتضحية رازييل كانت الطريقة الوحيده اللتي مكنت وريث التوازن (كاين ) من ان يدرك مسعاه الحقيقي واستطاع بسبب هذه التضحية ان يرى و يهزم حكيم الاعماق( واللذي كان العدو الحقيقي !!! ) و الاهم اصبح هناك امل ان يستطيع كاين اعادة Nosgoth كما كانت ويلغي الدمار اللذي لحق بها ..

تأمل كلمات كاين في هذه الفقره :

Now, at last, the masks had fallen away. The strings of the puppets had become visible, and the hands of the prime mover exposed. Most ironic of all was the last gift that Raziel had given me, more powerful than the sword that now held his soul, more acute even than the vision his sacrifice had accorded me - the first bitter taste of that terrible illusion: Hope



ولذلك ..
لا معنى من عودة رازييل فقد ادى دوره على اكمل وجه ومثل ماقال بالثيير مافي اي مبرر يرجع ..ماله داعي يلغون تضحيته ويخربون اللعبه .. واللعبتين اللي حطهم كمثال اوضح دليل ...

[marshall d teac]

^^^^^^^^^

ما شاء الله تفاصيل اللعبه والقصه كلها عندج ،،،،
انا نزلت جزء بلود اومن الاول اللعبه كقيم بلاي لا تطاق ابدا ،، ولكن قصتها عميقه وعاجبتني ،،، وانا من معجبين قصص مصاصي الدماء بشكل عام

[LordSora]

السلام عليكم ورحمة الله وبركاته
صحيح أني ما جربت العبة لكن راح
أجربه سوال بسيط عن اللعبة
على أي جهاز نزلت
لازم أجرب اللعبة
تسلم على الخبر judge balthier
والسلام عليكم ورحمة الله وبركاته

[marshall d teac]

ليجاسي اوف كين ( سول ريفر 1 + بلود اومن 1) نزلت على البلاي استشن 1ليجاسي اوف كين ( سول ريفر 2 + بلود اومن 2 + جزء ثالث يجمعهم مع بعض بلعبة واحده) نزلت على البلاي استشن 2

[LordSora]

شكراً جزيلاً marshall ما قصرت في مساعدتي
يعني جزءين على بلاي ستيشن 1 وجزءين على بلاي ستيشن 2

[marshall d teac]

^^^^^^

العفووو

لا البلاي استيشن ٢ نزل ٣ اجزاء ،، جزء خاص بسول ريفر والبطل يكون رازيل ،، وجزء خاص بلود اومين والبطل يكون كين ،،، وجزء اخير جمعهم مع بعض ((يعني مره تلعب برازيل فتره وبعدين ينتقل التحكم لكين )) وبالنسبه لي الجزء الاخير ما عجبني كثير

[Razielia]

وبالنسبه لي الجزء الاخير ما عجبني كثير

why T_T
في الجزء الاخير وضحوا وايد اشياء كانت غامضه في القصة ..والنهاية كانت something !!
صج في مراحل مملة ..بس overall عجبني الجزء ..


KUMMEI
اذا تبي تجرب اللعبة بحط لك ترايلر للجزء الاخير ..عشان ماتاخذ فكرة مو زينه عن هالجزء من كلام مارشال XD


عجبني هالتريلر ..اعتقد باللغة الايطاليه...(رازييل يضحك لما قال Vae victus بالايطاليه XD ) :








هني ترايلر عام 2003 ..الموسيقى وايد غير عن موسيقى LOK لما شفت الترايلر اول مرة ماكنت ادري انها موسيقى الترايلر الاصلية ....صج ماتناسب جو اللعبة بس مع الترايلر طالعه nice :

ما شاء الله تفاصيل اللعبه والقصه كلها عندج ،،،،
انا نزلت جزء بلود اومن الاول اللعبه كقيم بلاي لا تطاق ابدا ،، ولكن قصتها عميقه وعاجبتني ،،، وانا من معجبين قصص مصاصي الدماء بشكل عام

of course ...I'm a Legacy of Kain fanatic fan XD

[SALM0RE]

الارت ستايل مال السلسلة فريد من نوعه فانه خايف انهم يغيروا الارت دايريكشن مثل مانذكر في مقالة الإشاعة فتظهر العبة بعالم و شكل تقليدي و مشابه لاحد الالعاب الشهيرة او افلام هولييودية

[Judge Balthier]

^
^
^
الان فهمت قصدك ، تخيل كاين ما يشرب دماء ويصير يأكل خضروات ، لا لا لا تصير اللعبة مصخرة ، لا ان شاء الله يحتفضون في الارت وافكارالعالم .

[marshall d teac]

في الجزء الاخير وضحوا وايد اشياء كانت غامضه في القصة ..والنهاية كانت something !!
صج في مراحل مملة ..بس overall عجبني الجزء ..

((انا اقصد من ناحيه القيم بلاي كانت مكرره وممله <<< طبعا هذا راي الشخصي ،،، اما بالنسبه للقصه فلا غبار عليهاا

of course ...I'm a Legacy of Kain fanatic fan XD[/QUOTE]


لووووووووووول me 2

[marshall d teac]

هذه الاجزاء اللي عندي حاليا لوووووووووول والله ذكريات

[Razielia]

^^^^^
ما شاء الله..
a true fan ..just like me XD !!

الارت ستايل مال السلسلة فريد من نوعه فانه خايف انهم يغيروا الارت دايريكشن مثل مانذكر في مقالة الإشاعة فتظهر العبة بعالم و شكل تقليدي و مشابه لاحد الالعاب الشهيرة او افلام هولييودية

انا من زمان حاسة اللعبة بتتغير بدون ايمي والفريق الاصلي...و اللي انذكر في المقالة اكد مخاوفي..


وغير جذي سكوير تملك اللعبة الحين ..احتمال سكوير تقول : اللعبة ماتناسب الجيل الجديد..اذا بنسوي جزء جديد لازم نغيرها !!

ماستبعد نشوف كاين بتصميم جديد قريب لشخصيات سكوير (مايلوق على شخصيات LOK) ..ونفس الشي عالم اللعبة (nosgoth ) يمكن يغيرونه بعد ويصير شكله تقليدي مثل ماقلت ..
او يضيفون شخصيات جديدة تماما مالها دخل في اللعبة ويحشرونهم غصب في القصه ( تعرفون بهارات سكوير )


وحاسه انهم بيهتمون بالجيم بلاي والجرافيكس على حساب القصة ..مثل باقي الالعاب الحين.. وهالشي بيقضي على اللعبة لانها story-based game !!



يعني بعد سنوات من الانتظار..
ماستبعد يخبصون في اللعبة ويخربونها ويطلعون لعبة جديدة مختلفة تماما ويقولون :

this is the new Legacy of Kain ..ENJOY !!



بس شسوي بعد ...امري لله ..بانتظر واشوف اخرتها معاهم..
بس ماراح اتفائل وايد...عشان ما انصدم في الاخير..

الان فهمت قصدك ، تخيل كاين ما يشرب دماء ويصير يأكل خضروات ، لا لا لا تصير اللعبة مصخرة ، لا ان شاء الله يحتفضون في الارت وافكارالعالم

اي خضروات بعد ؟!!
are you mocking him ?!

انا شرحت في ردودي السابقة ليش الاغلبية متشككين بخصوص اللعبة الجديدة ..(هذا اذا كانت الاشاعة صحيحة )
these fears are TOTALLY Justified you know !!




btw people...

شرايكم بـ Kain & Raziel في Lara Croft and the Guardian of Light ?

انا اشوفه استهزاء بالشخصيتين..كاين و رازييل صايرين سخيفين ..
لا وكل واحد ماسك machine gun & grenades !!
what the heck ?!!
Kain must be rolling in his coffin >> I bet there's a huge tornado inside his coffin right now !!