قبل التمرين بساعتين لابد تكون وجبه كلها كاربوهيدرات رز+صدر دجاج+موز+لبن.>إن شاء الله بتتمرن بكل تركيز وممكن تشرب قهوة قبل التمرين بساعة.
طبعا الرز كربوهيدرات. ولو تاخذه بدون زيت افضل وأفضل.
والصدر فيه بروتين.>لابد منه طبعا يبني العضلات.
والموز فيه كربوهيدرات وسكريات مهم للطاقه.
وبعد التمرين مباشرة لازم تاخذ شييء فيه سكريات او كارب بسيط مثل الموز او عصائر مثل عصير العنب او عسل او تمر.
وبعدها بعشر دقائق الى ربع ساعه تاخذ سكوب بروتين واذا كان مو موجود ممكن تاخذ حليب خالي الدسم 500 ملي او بياض بيض.
وبعدها بساعه اخذ وجبه دسمه كلها بروتين وكاربوهيدرات مثل:بطاطس+صدر دجاج+لبن+سلطه طبعا اذا كان الصدر كبير مو لازم لبن.
او علبه تونه كبيرة+خبز بر+سلطه.>وممكن عصير برتقال تنق نق عليه مع الخبز والتونه.
بالعربي الفصيح خلك وحش بالاكل>انا نفسك الان احاول قدر المستطاع اهتم بتغذيتي اكثر وأكثر لأن وزني ثابت له مده.
الاهم قبل التمرين كربوهيدرات مثل الرز او المعكرونه او الخبز والافضل خبز بر. والتوست كمان كويس.
فأنت إختار الي يعجبك ويكون طعمه حلو بالنسبه لك>ولو تغير بين هالاكلات يكون افضل.....وأي سؤال انا حاظر ولا تهتم عاادي جدا لا ازعاج ولا شيء انا كنت مثلك واسأل كثير والى الان اسأل بعد واحاول اكسب خبرة اكثر وأكثر.
نصيحه اخيرة ادخل كل يوم هنا وإقرأ المواضيع كثير وراح تصير محترف باللعبه>والمواضيع المميزة ادخل واقرأ.
