تـــحقيق حلمي ( الجزء الثاني )

[.hamad.]

يعطيك العافية عيسى

ان شاء الله توصل لهدفك

[Rashid.S]

ما شاء الله تباركـ الله ،،

عزيمة وإصرار وصبر ،، مبروووك عليكـ وعقبال ما تحقق الهدف القادم ،،

[3baco bh]

ماشاءالله .......
نتيجة ملموسة وجسم لوووووك
يحفظك ربي وننتظر المزيد

[ابـو عـزوز]

ماشاء الله تبارك الرحمن

عزيمه وقوة وإصرار .. الله لايضرك ويزيدك قوة وصحة

[Rayan.95]

ماشاءالله تبارك الله
جسمك خطييير
وبالتوفيق

[pyt]

ما شاء الله يا بطل جسمك جميل ومرتب واصل
بالتوفيق

[the legond]

اخي عيسى...... ماشاء الله عليك انت مثال للرياضي الطموح الباحث عن المعلومه وهي خير سلاح في هذه اللعبه.......واصل مشوارك ......دقت ساعة العمل ..........لارجوع .......الى الامام

يابطل ................واسال الله العلي القدير انه يسهل عليك طريقك ويحقق لك مرادك .

[Booyaka]

شكرا لكم جميعا على الكلام الطيب ، وإن شاء الله تأخذون هذه التجربة كحافز لكم بتحقيق حلمكم بهذه اللعبة
وإن شاء الله راح نفيدكم باللي نعرفه بهذا المجال ..

::::::::::::::::::::::

أخوي ملك الحزن ، وصلتني رسالتك ، وتمت الإجابة على الخاص ..

:::::::::::::::::::::

اخوي U turn ، كلامك سليم 100 % ، انا لعبت 4 شهور بالبيت ثم حولت للنادي لكي أكتشف شيئ جديد مع مدربين كبار
لكن للأسف طلعو مدربين أي كلام ولم يقدمو أي إضافة لي لدرجة اني أعرف تمارين أكثر منهم
بأكملت تمرين 4 شهور بالنادي ، ورجعت لتمارين البيت مرة أخرى

ودام أنك واثق من معلوماتك وعارف مستواك أنطلق كالسهم نحو حلمك ولا عليك من أحد

[yassenho]

ماشاء الله

الله يوفقك اخوي واصل وان شاء الله توصل للي تبيه

بس بغيت اسألك الغالي عن الكورس التضخيم بس ذي اللي استعملته

[Booyaka]

^ ^
يوفق الجميع إن شاء الله

أستخدمت كذا نوع من مكملات القينر سيرياس ماس ، الدب الروسي ، ميوتانت ماس ، أضافة لكرياتين volu gru
لكن صدقني لو انت مرتب جدول غذائي جيد تغنيك عن مكملات القينر حتى عضلاتك بيكون شكلها أحسن بالاكل الطبيعي
تحسها صلبة اما البروتين السائل يجعل العضلات رخوة بعض الشيئ .

[071071]

الله يقويك وان شاء الله تحقق حلمك ..

دوووووس والقلب يدعيلك

.
.
.
تحياتي لك ..

[yassenho]

انزين اخوي اذا ماعليك كلافه ممكن تقولي وش نظامك الغذائي

[Booyaka]

ماشاء الله رسائل اليوم كلها أستفسرات عن النظام الغذائي ، راح أفصل بردي لكم بهذا الخصوص لتوضح الصورة :

- وجبة الفطــور : 2 توست + 3 بياض بيض + قطعة جبن + عصير

- وجبة الغداء : يعتمد على طباخ الوالدة غالبا يكون رز مع دجاج او لحم وسلطة

- قبل التمرين بنصف ساعة : حبتين موز + ملعقة شكولاته نوتيلا + ملعقة زبدة فول سوداني

- بعد التمرين مباشرة : ملعقة زبدة فول سوداني + عصير عنب او حبة موز

- بعد التمرين بنصف ساعة : خمس بياض بيض 2 صفار + 100 غرام شوفان مع حليب

- العشاء : نصف دجاجة مشوية + 2 خبز + سلطة

- قبل النوم بساعة : روب + 2 توست + 5 حبات مرتديلا لحم

يعني نعتبر 5 وجبات رئيسية + وجبة كارب سريع قبل التمرين + وجبة بعد التمرين تحفيز المعدة لأمتصاص البروتين غالبا نحتاج وقت بين
30 - 45 دقيقة وهنا يكون انسب وقت لأمتصاص البروتين بعد التمرين ، واللي حاب يستخدم مكمل بروتيني فمرة واحد بعد التمرين فقط
يكون جدا كافية .

وطبعا مع إضافة مالتي فايتامين و أوميقا 3 ( زيت السمك ) تكون النتائج حلوة
وتقدرون تغيرون بالوجبات على كيفكم ، أضافة تونة او ستيك لحم بطاطس رز لكن الاهم تجمع كارب وبروتين ، وأستخدمو
زيت الزيتون في الاكل جداا مهم لانه من الدهون الغير مشبعة المفدية للبناء

وبالتوفيق للجميع ...

[mr.m0hamed]

ماشاء الله باين جسمك الضاخمه عندك حلوه
لكن الصوره مو واضحه ياريت لو تحط لينا صور واضحه ,,
وراح تشوف تفاعل كثير .. تحياتي لك وأستمر عزيزي

[Booyaka]

ماشاء الله باين جسمك الضاخمه عندك حلوه
لكن الصوره مو واضحه ياريت لو تحط لينا صور واضحه ,,
وراح تشوف تفاعل كثير .. تحياتي لك وأستمر عزيزي

حياك الله اخوي ، وشكرا لمرورك العطر
وان شاء الله لو في صورة اوضح راح احطها لكم