رحت لهم في مجمع البحر , شفت الموظف وله اهو اللي اشترك عنده , وذكرني بعد قالي مندوب الملك دام ظله ؟ قلت اي ماشاء الله تذكر
وقلتله كل شوي يفصل جنني والحين عملت ريست وراح كل شي , قالي خلاص اسويلك الضبط و روح اشبك وان ماشبك دق و ادزلك فني يشوف المشكله
انا طبعا اعرف حظي , قلت مستحيل يشتغل والسالفه بالبكس مو الراوتر , المهم قالي الراوتر مافي شي و شغال والحين سويت برمجه , شخبار اللعبه قلت ماشي حالها قال انا مازلت العب و شريت جيلد وور 2 و لعبت البيتا , قلت اي نفسي و قعدنا نسولف شوي جان امشي و اقول ماراح يشتغل الراوتر
رجعت البيت وركبت الراوتر و GUESS WHAT
ما اشتغل هههههههههههههه
دقيت و شخطت فيهم تشخيط
قالي الفني اتبع الخطوات , واحفظوا الخطوات انتوا بعد لليوم الاوسد
قالي روح اكسبلور , اوبشن , كونكشن , ادد برودباند و حط اسم المستخدم اللي اهو اشتراكك و حط الباسورد نفسه بالضبط و اضغط كونك , ضغط وله GUESS WHAT
اشتغل
طبعا انا شلت الواير من الراوتر وركبته بالكمبيوتر سيده
قالي عندك كيبل ثاني غير اللي من البوكس مال الفايبر الى الراوتر ؟ قلت اي عندي , قال حلو تعجبني
الحين ركب الكيبل مال الفايبر بالراوتر , قلت ركبت
قال ركبت الكيبل الثاني بأي فتحه من الراوتر الى الكمبيوتر , قلت ركبت
قال رجع لأبوك فلوسه , قلت رجعت
قال قط نصهم بالبحر \\ انا وين رحت
المهم ركبت الكيبل مال الفايبر الى الراوتر بالفتحه اللي مكتوب فيها انترنت و الكيبل الثاني ركبته بالفتحه رقم 1 ووصلته الى الكمبيوتر و اشتغل كل شي طبيعي
قلت يالطيب انا سألت الموظف بالفرع قالي الكيبل توصله من الراوتر اسرع واحسن , قال اكيد احسن
قلت الحين انا اخلي الكيبل من الراوتر الى الكمبيوتر و اخلي الراوتر وايرلس لعيالي و اي واحد يبي يشبك عادي , قال عادي لأن الكيبل راح تاخذ السرعه كلها , تقريبا دبل الوايرلس , اما الوايرلس تاخذ السرعه قطاعي ما تاخذها مثل ماتوصلك من الشركه
الحين انا شابك كيبل و مخلي تلفوني عالوايرلس و اجهزه العيال بعد
قلتله شنو كانت المشكله ؟ قال الظاهر ان الراوتر كان معلق و مبرمج لكن مو مستقبل البرمجه عدل
والحين اخليكم تتغدون بالهنا وعافيه
غدانا زبيدي حياكم
