خادم (سيرفر) العاب سعودي

[عبد العزيز 2020]

اخي Hany_GS

كيف اقدر اقابل واحد على السيرفر السعودي في لعبه يوري
اخي سان دان انا ملعب لعبتك ذي
وشكرا

[BATiYAZ]

اهم شي ايج اوف امبيرز فيه

[Hany_GS]

السلام عليكم ورحمة الله وبركاته.....

من الردود وجدت انه ما به ((فيه) لغير الناطقين بالقصيميه ) الا لعبتين:
ميدال اوف هونور و رينيجاد.

اقتراح SanDan يكون السيرفر ديمو ممتاز. لأن الشباب ما عندهم نيه يشرون اصلي. لكن المشكله انه لازم كل واحد يصير عنده النسخه الديمو (ما ينفع اللعبه الكامله المنسوخه).

ولذلك في البدايه سوف نضع سيرفر ميدال اف هونور ولكن حجم الديمو كبير (تقريبا 133MB ) واعتقد انه قليل من اللاعبين يقدر ينزله من الإنترنت

( اذا كنت تقدر اضغط هنا )

لذلك نبي منكم اقتراحات وشلون نقدر نوزع النسخه الديمو على اللي يبي يلعب..

بعض الأفكار:

1) نطلب من احد المجلات انه تحط النسخه بالسي دي اللي يجي مع المجله (عيب هذي الفكره ان المجله شهر وبعدين تسحب)

2) نضع سي دي اللعبه الديمو بحراج الكمبيوتر (اللي بالرياض) (نعتذر عن المناطق الأخرى (الا مدينة عنيزه ما ادري وين احطه به ))


ملاحظه:
بالنسبه للألعاب الإستراتيجيه ممكن تلعب باستخدام كالي لكن المشكله انك لازم تنتظر احد يجي يلعب معك وفي الوقت الحالي افضل شيء انك تتواعد انت وخوياك اللي تبي تلعب معهم على وقت معين.

بالنسبه للعبة Renegade : على حسب الإحصائيه اللي قمت بها (سألت واحد ) وجدت ان ميدال اوف هونور احسن فنرجو من اللي يبي يلعب بـ رينيجاد يجرب ميدال اوف هونور الين نحط سيرفر لرينيجاد


ارجو ان لا تبخلو علينا بأفكاركم... وشكرا

[MAD-BOSS]

2) نضع سي دي اللعبه الديمو بحراج الكمبيوتر (اللي بالرياض) (نعتذر عن المناطق الأخرى (الا مدينة عنيزه ما ادري وين احطه به ))

شغلك نظيف ...........حطها هناك وخبرنا متى تبي تنزلها

بالنسبه للعبة Renegade : على حسب الإحصائيه اللي قمت بها (سألت واحد ) وجدت ان ميدال اوف هونور احسن فنرجو من اللي يبي يلعب بـ رينيجاد يجرب ميدال اوف هونور الين نحط سيرفر لرينيجاد

هذا شي قاضين منه!!

[SanDan]

الرسالة الأصلية كتبت بواسطة Hany_GS
السلام عليكم ورحمة الله وبركاته.....

2) نضع سي دي اللعبه الديمو بحراج الكمبيوتر (اللي بالرياض) (نعتذر عن المناطق الأخرى (الا مدينة عنيزه ما ادري وين احطه به ))


ارجو ان لا تبخلو علينا بأفكاركم... وشكرا

لا تنسى تحط معها المرحلة الإضافية Hunt علشان تصير فيه مرحلتين على ال سيرفر

انا اهم شي عندي يكثرون اللي بالسيرفر وارى ان الطريقة الوحيدة هي النسخة التجريبية Demo لأن ماعتقد فيه ناس كثير بيشرون اصلي :"

[~Dream Knight~]

السلام عليكم............
هذا اول مشاركه لي في هذا المنتدى الي كلمة رائع قليله بحقه......
وانا ما اخفيكم كنت ماني راعي العاب لكن بصراحه....يوم دخلت على هالمنتدى تغير الوضع... حسيت اني ما طلعت على الدنيا.....يعني العالم لعب وتحديات وفله.......وانا ما ادري عن الالعاب شي.....وبأقل من اسبوع غيرت كرت الشاشه حقي(الكمبيوتر سرعته 1700)وشريت اكثر من عشرة العاب
الخلاصه....انا كتبت في هالموضوع لانه لي سؤال حوله....وهو عن برنامج كالي....ابغى الله لايهينكم لو يتكرم علي احد الاعضاء ويشرح لي عن هالبرنامج....وياليت يكون من الصفر
يعني عن كيفية اللعب مع شخص محدد....بالعربي انا ابغى العب مع ولد خالي بريد اليرت2 كيف اللعب مع هو بالذات....وش الطرق الي اسويها....وتكفوووون ردوا ولاتفشلوني دامها اول مشاركه

وشكرا

[Hany_GS]

السلام عليكم ورحمة الله وبركاته

لقد تم وضع سيرفر خاص لميدال اوف هونور الديمو. وبهذا السيرفر يمكنك ان تلعب انت وغيرك باللعبه وانت بالبيت.
ولكي تستطيع اللعب لازم تنزل النسخه الديمو (الكامله ما تنفع) من اللعبه. لكن حجمه كبير (133MB)، ولذلك سوف يتم وضع اللعبه على سي دي ويوضع في حراج الكمبيوتر اللي بالرياض (الموقع تقاطع الملك فهد مع خريص) تجده إن شاء الله بعد الساعه 5 من عصر يوم الإثنين 25/1/1423 عند الهنود اللي بالمواقف اللي قدام المسجد. (ابأقولهم يوزعونه على بعض لكن انت اذا ما لقيته عند واحد دور غيره. اسئله عن سي دي "ميدال اوف هونور" . واللي يقدر يوصله لمناطق المملكه الأخرى فنرجو منه انه يرد على هالموضوع بالمكان اللي وضعه فيه.

يحتوي هذا القرص على:

1- Medal Of Honor (جماعي ومنفرد)
2 - C&C Renegade (لعب جماعي فقط)
3 - ( Day of defeat (half-life mod
4 - GameSpy Arcade

لنسخ ميدال او هونور الجماعي اضغط على ملف setup.exe
الألعاب الأخرى وضعت لأنه فيه احتمال نضع لهن سيرفر وايضا للفائده.

السيرفر السعودي اللي تستطيع منه اللعب بـ "ميدال اوف هونور" وهو

moh.saudi.net.sa
212.118.136.10

واسم السيرفر SaudiGS (هذا تحتاجه اذا كنت تبي تشبك عن طريق GameSpy arcade

وقريبا ان شاء الله renegade "اذا كان عليه طلب"

لمزيد من المعلومات يمكنك الإشتراك في القائمة البريديه SaudiGS@yahoogroups.com

للإشتراك اذهب الى هذا الرابط

http://groups.yahoo.com/subscribe/SaudiGS

ملاحظه: فيه باتش رقم 1.11 على القرص "هذا خاص بالنسخه الكامله من ميدال اوف هونور" لا تشغله الا اذا كانت عندك النسخه الكامله.

وايضا اذا جزم مجموعه كبيره على شراء النسخه الأصليه ممكن نضع سيرفر ثاني للنسخه الأصليه


واخيرا المشكله الرئيسيه اللي لاحظته انه اكثر الناس ودهم يلعبون لكن ما يعرفون وشلون يشبكون فلذلك ارجو من الشباب اللي يعرفون طريقة الشبك على سيرفر لميدال اوف هونور وايضا استخدام برنامج Gamespy arcade انهم يضعون شرح كامل وشلون تشبك وتلعب عشان ينتعش السيرفر بالاعبين وكذلك يردون على الأسئلة اللي تطرح بالمنتدى او بالقائمه البريديه ( لأني لظروف قاهره ما اقدر ارد)

[SanDan]

شباب اللي عنده gamespyarcade يحط X على Servers In My contry Only حتى يطلعله سيرفر SaudiGS بس

[بطل ريد اليرت 2]

هلا اخوي هاني

انا اقول من الضروري جدا وضع سيفر سعودي للعبة يوريز يرفنج الاصليه الكامله لان لها شعبيه كبيره جدا لي موضوع كتبته عن يوري ردو علي 77 واحد هذا دليل على ان لها شعبيه كبييره جدا لكن انا ابي اعرف اذا سويتو سيرفر ليوري كيف اقدر احطه لانهم حاطين امريكي و باسيفكي و اوروبي بس

[Hany_GS]

السلام عليكم ورحمة الله وبركاته....

انا مستعد لكن هل يوجد ليوري سيرفر???

Hany_GS

[Z.o.Z]

أنزيت شلون ألعب و أدش الموقع؟؟

و لازم يكون عندي الcd للعبه؟

[جمال]

عندي سؤال يمكن قديم عليكم

الاشرطه المنسوخه اقدر اشغلها على السيرفر؟

[MAD-BOSS]

اليوم فريت حراج الكمبيوتر فر دورت بكل مكان عند المسجد وغيره
كاهم يقولون انا ما فيه معلوم لعبة ميدال اوف اونر?:

يابن الحلال منا منا دور محد يعر ف عنها شي انت وين حطيتها بالظبط

وبالنسبه للgame spy arcade انا نزلت اخر نسخه له 1.09 وحطيت x على server in my country only س ما طلع لي شي؟

وشلون الطريقه بالظبط والتفصيل الممل

وشكرا

[Hany_GS]

السلام عليكم ورحمة الله وبركاته......

انا قلت للهندي اللي عطيته يوزعه على خوياه لكن شكله ما وزعه.



ممكن يا شباب تدلونن على محل ثاني اقدر احط اللعبه عنده؟


Hany_GS

[MAD-BOSS]

الرسالة الأصلية كتبت بواسطة Hany_GS
السلام عليكم ورحمة الله وبركاته......

انا قلت للهندي اللي عطيته يوزعه على خوياه لكن شكله ما وزعه.



ممكن يا شباب تدلونن على محل ثاني اقدر احط اللعبه عنده؟


Hany_GS

عندك سلمك الله محلين معروفين بالالعاب والشباب بالمنتدى يعرفونهم :


1- محل جزيرة الكنز (مكتوبه بالانقلش) يشتغل فيه واحد اسمه شيبو بس الظاهر منت محصله ماخذ اجازه وكفيله جالس بداله قبال فندق هوليدي ان بحراج الكمبيوتر.

2- محل ركن البرامج ويشتغل فيه واحد اسمه عبد القادر على شارع التحليه محل صغير تحصله اذا تعديت اول اشاره تجيك اذا خليت شارع العليا العام بظهرك على يدك اليسار.

ومشكرا على مجهودك