B GAllries

**orange road** · 07-05-2002, 01:59 AM

حلوة رسومج

والتطور واضح وايد فيها..

بس مثل ما قالت اريكسيا حاولي تركزين اكثر على التناسق..
وخصوصا حجم الراس بالنسبة للجسم والاطراف

ومثل ما قال شاهين... حاولي تحددين الخطوط الخارجية

انتي تلونين بالالوان الخشبية.. شرايج بعد ما تخلصين التلوين تحددين الخطوط باللون البني

جربي...
جربت هالطريقة مع الالوان الخشبية وطلعت النتيجة حلوة

وخلينا نجوف اكثر من رسوماتج وانتاجج المميز

**BUBLE** · 08-05-2002, 04:30 PM

مشكورييييييييييييييييين كلكم

وهذي رسمة بالرصاص توني راسمتها

**BUBLE** · 08-05-2002, 04:33 PM

وهذي بعد رسمة ثانية اليوم انتهيت منها

**حسن مان** · 09-05-2002, 12:04 PM

رسمك وايد حلو يذكرني برسم (واحد صحبي ماعرفوش)

أمزح فقط .....تابعي الرسم الحلو

**orange road** · 09-05-2002, 02:50 PM

واو...
الرسمة الاخيرة تحفة

العيون رهيبة..
مع الحلج الصغير...

**BUBLE** · 09-05-2002, 11:43 PM

مشكوووووووووووورييييييييييييييين كلكم
على ردودكم واقول انتوا بعد لازم تحطون رسوماتكم علشان نتهى بفنكم ولا تبخلون علينا
وهذي الرسمة امس خلصتها صار لي 3 ايام الونها عطوني رايكم بلا تاخير

ما طلعت كاملة لاني راسمتها بالعرض

**wildkitty** · 09-05-2002, 11:56 PM

حلوه رسمتك بس لو كانت الرقبه اطول شوي لكانت احلى

**BUBLE** · 10-05-2002, 12:08 AM

مشكورة على ردج يا wildkitty
و الرقبة صج شوي قصيرة بس الشال مغطي على نصف الرقبة

وشكرا;-)

**Ranma Saotome** · 10-05-2002, 01:05 AM

تلوييينك عجيب ياببل وأحلى شي الدموع ضبتيها بشكل ممتااااااااز..
التلوين والرسم كله ممتاز..
وبخصوص الرقبه أعتقد أنك رسمتيها قصيره وتبين قصيره مب لأن الشال مغطّي.. لو تلاحظين معاي ببل أن انحناء الرقبه واتصالها بالصدر يبين أن الرقبه قصيره.. وهذا كل مافي الامر... لكن الرسمه 10 على 10

**حسن مان** · 10-05-2002, 04:58 PM

واو رستك وايد مجنونه (أموت أنا في المشاعر و الاحاسيس) حلوة وايد

طيب ليش قاعدة تبشي قولي لي منو زعلها وانا .......

عن إذنكم أنا رايح أجيب المسدس مالي عشان اقتله هذا الي زعلها

(رسمه حلوة)

**BUBLE** · 10-05-2002, 08:46 PM

شكرا على الردود
وهذي اول محاولة لي للرسم على الفوتو شوب
ادري انها دون المستوى المطلوب
لهذا السبب حطيتها وابيكم تقولون لي شنو الاخطاء

**BUBLE** · 10-05-2002, 08:50 PM

وهذي بعد امس رسمتها على السريع

**Ranma Saotome** · 10-05-2002, 08:58 PM

اللااااااااااااااااااااااااااااااااااااااااااااااااااااااااااااااي
Ah! My Goddess أمووووووووووووت على هالمسلسل روووووووووعه
وااااايد واااااايد حلوه الرسمه الاخيره عجبتني واااااااااايد.. حلوه حلوه حلوه حلوه حلوه ... بس شي بسييييييييط أن ورى الخصل اللي في قمة الراس كان المفروض يكون في شعل لأن في رسمتك يبين كأن الراس في الوسط غااائر...
الرسمه الاولى طلعت العيون فيها حلوه وايد طلعت حلوه ولمعتها مضبوطه.. الشعر حلو وبس اللمعه بيضا وايد.. لو تدرجتي خليتيها وردي فااتح وفي الوسط ابيض شوي أحسن..
كمحاوله اولى perfect...

**wildkitty** · 10-05-2002, 09:28 PM

انت احسن مني انتي حاولتي على الفوتوشوف انا كنت بحاول بس فشلت قبل المحاوله

بس بالنسبه للمره الاوله حلوه
رسمتك 2 او مايجدنس حلوه بس احس ان الويه شويه عريض والشعر كانه مو ضبوط
بس استمري ترسمين عشان اشوف رسوماتك
انا عندي رسمه ل اوه ماي قدنس انا راسمته بس مو مكملتها اذا كملتها باحطها ابيج تشوفينها وتعطين رايج فيها اوكي

**alucardracula** · 11-05-2002, 04:06 AM

السلام عليكم
روعة رسمك الى أوه ما جودس و التلوين حلو أيضا
أتمنى أن لا تتركين الفوتوشوب كل شي يجي بالمتابعة
و احنا راح نتابع رسومك و يالله ابهرينا بالتوفيق..

الموضوع: B GAllries

أدوات الموضوع

السلام

ضوابط المشاركة