موضوع للنقاش حول Manga Naruto2

[ryu_2004]

للرفع ...

[الداعي إلى الله]

السلام عليكم .....
شباب انا ابي اسأل سؤال ؟؟؟؟
منو
اقوى
jiraiya
VS
Itachi
?
ومع السلامه

[ryu_2004]

أكيد جيرايا ( لأنه واحد من الأسطوريين ) .. و هذا بعد باعتراف ايتاشي .. ايتاشي قال أني ما بقدر على جيرايا ..
لكن بنفس الوقت ايتاشي قوي جدا و ما يستهان به لأنه للحين ما طلع قدراته الحقيقية ..

[Kisame]

أكيد جيرايا ( لأنه واحد من الأسطوريين ) .. و هذا بعد باعتراف ايتاشي .. ايتاشي قال أني ما بقدر على جيرايا ..
لكن بنفس الوقت ايتاشي قوي جدا و ما يستهان به لأنه للحين ما طلع قدراته الحقيقية ..

هلا .... ريو ... شلونك ...
عفوا !!!! أنا معارضك ... بهذي الشغله ...
جيرايا قوي وإيتاجي ... قوي ...
بس ترى في واحد من السانين أعترف أنه إيتاجي ... أقوى منه ... وخرج من الأكاتسكي لأنه أقوى منه ...
وأهو أوروتشمارو ...
فالسؤال ألحين ...
منو أقوى جيرايا أو أوروتشمارو .؟؟
بصراحه أنا أقولك ... شي واحد عن إيتاجي وجيرايا ...
أهم الأثنين أقوياء و ماطلع عنهم شي لحد الحين ...
بس أنا ابي أعرف متى قال إيتاجي أنه جيرايا أقوى منه ....

بس لو تذكر ... يوم تواجهو ... في حلقه رقم 85 ..
جيرايا ... سوى حركة بطن الضفدع ...وقال ما أحد هرب منه قبل ...
وإيتاجي هرب منه ... وقال أنا لا أستطيع أن أصدق ...
ويوم راحو ... قال كيسامي لإيتاجي ... انت تستطيع ... وسكت ..
بعدين قال إيتاجي .. ما نبي نارتو الحين لانه .. مستواه ... عادي ..
يعني يقدرون ياخذونه ...
وبصراحه ...
إيتاجي ... أتوقع مستواه .. مستوى الكاجي ... لأنه واحد من السانين يقول أقوى مني ..
وهم هذا السانين بقى يسير هوكاج ... لكن بسبب حقده ما خلووووه ....

وفي شي ثاني لاتنسى ان المانجكيو ما يقدره إلا الشارنقن ( المانجكيو )


وسامحنا على المعارضه ....


عزيز ... أخ ريو

[jiraiaya]

السلام عليكم .....
اكييييييييييييييييييييييييد jiraiya
لأن اهو الاقوى اكيد ....
وان jiraiya اقوى من oruchimaru بالتأكيد وبالنسبه للي يقول ان oruchimaru اقوى من jiraiya فهو غلطااااااااااااان 100 % واذا oruchimaru اقوى ابي دليل ؟؟؟؟ وباااااااااااااااااي

[ryu_2004]

أخ كيسامي من حقك تعارضني و تبدي رايك بكل صراحة و وضوح .. أنا معاك بأن ايتاشي أقوى من أورو و هذا باعتراف أورو و أنا ما نسيت هذا الشي ..

بس أنا راح أقول لك وين ايتاشي قال أن جيرايا أقوى منه .. في الحلقة لما كان ايتاشي جالس مع كيسامي فوق الجبل و كيسامي قال لايتاشي : ( أنا ما أقدر عليه بس أنت يمكن ) .. ايتاشي قال كلام بما معناه و راح أتأكد لك فيما بعد : ( أنا بعد ما أقدر عليه و لو قدرنا نقتله راح نموت معاه بس كل شخص له نقطة ضعف ) ..
و على هذيك الأيام كان في جروب مترجم نفس الحلقة و ايتاشي قال فيها : ( لو احنا السبعة حاولنا نقتل جيرايا ما بنقدر عليه و لو قدرنا عليه راح نموت معاه ) .. و طبعا راح اتأكد لك ..

و انا ما أقول أن صفة السانين راح تخلي جيرايا هو التوب TOP .. بس أكيد هذي الصفة لها اعتباراتها و لا تنسى فارق العمر بينهم و أكيد جيرايا عنده تكنيكات أكثر و أقوى من ايتاشي .. حتى ايتاشي لما شرد هو و كيسامي من تكنيك ( معدة الضفدع ) اضطر أنه يستخدم أحد أقوى تكنيكاته ( النار السوداء ) و الشارينغان اختفت من عينه ( لأنه خسر الكثير من الشاكرا على هذاك التكنيك ) ..
و أنا أحس لما ايتاشي قال لكيسامي : ( عرفنا قدرات ناروتو ) .. هذي كانت حجة علشان يشرد .. لأنكم لو لاحظتو ايتاشي دايما ينسحب بهذي الطريقة .. في الظهور الأول مثلا شو قال قبل ما ينسحب : ( احنا ما ناوين نشعل حرب ) لأنه شاف ان الموقف ما لصالحه تقريبا .. (( طبعا هذا توقعي و أنا ذكرت بعض هذي الأشياء في الردود السابقة )) .. يعني ايتاشي ما قدر يتخلص من تكنيك جيرايا العادي إلا باستخدام واحد من أقوى تكنيكاته و هذا يدل على أن ايتاشي بذل مجهود كبير أمام جيرايا على عكس جيرايا اللي استخدم بعض تكنيكاته العادية و المألوفة .. بس لا تحسبني نسيت أنا ايتاشي استخدم المانجيكيو على أخوه ( أنا ما نسيت هذي النقطة ) ..

و يمكن بعضكم يقول أن جيرايا ما يقدر على أورو .. أنا أقول لك أنه يقدر يقتل أورو .. و لو تذكرو أول ما طلع جيرايا شو قال المدرب ( مدرب كونوهامارو ) لجيرايا : ( أنت الوحيد اللي يقدر يوقف أورو ) .. و يمكن كان جيرايا من قبل ضعيف أمام أورو لأنه كان يبغاه يرجع لصوابه ( مثل ناروتو و ساسكي ) .. كلنا نعرف ان ناروتو أقوى من ساسكي بوايد و مع ذلك معظم الأحيان ينغلب لأنه يبغ ساسكي يرجع لصوابه و لكن لو ناروتو تقاتل مع ساسكي بجدية ناروتو راح يغلبه 99% ..
فللحين ما في أي شي يدل على ان أورو أقوى من جيرايا .. كل اللي شفناه أن أورو يتمصخر على جيرايا و يظهر بمظهر الثقة أمام جيرايا و هذا يحسسنا أن أورو أقوى من جيرايا ..

و ثاني ليش كيسامي و ايتاشي كانو مترددين قبل ما يشيلو ناروتو ؟؟ هم خايفين من جيرايا أصلا علشان هالشي هم حاولو اغراء جيرايا بهذيك البنت ( اللي نوموها مغناطيسيا ) و بعد ما ابتعد جيرايا عن ناروتو راحو علشان يشيلو ناروتو ..
لو كان ايتاشي واثق من أنه أقوى من جيرايا كان بيروح مباشرة و بيغلب جيرايا و بيشيل ناروتو .. و جيرايا لما طلع لهم فجأة شو قال: ( ما بتقدرو تشيلو ناروتو لأني راح أتخلص منكم الحين ) .. قالها و هو واثق من نفسه .. و ايتاشي ما رد عليه ..
و لا تنسو ان ايتاشي يعتمد بشكل رهيب على الشارينغان ( و خاصة المانجيكيو شارينغان ) ..

يعني بالمختصر المفيد ما في أي شي يدل على أن أورو أقوى من جيرايا لكن على العكس .. الواضح للحين و المنطقي أن جيرايا أقوى من ايتاشي بوايد ..

المهم أنا تعبت من كثر الكتابة مع ان عندي كلام وايد بس راح احطه مرة ثانية .. و ان شاء الله يكون كلامي واضح و مفهوم ( اسلوبي في الانشاء تعبان وايد ) ..

[ryu_2004]

إيتاجي ... أتوقع مستواه .. مستوى الكاجي ... لأنه واحد من السانين يقول أقوى مني ..
وهم هذا السانين بقى يسير هوكاج ... لكن بسبب حقده ما خلووووه ....

وفي شي ثاني لاتنسى ان المانجكيو ما يقدره إلا الشارنقن ( المانجكيو )

أنا بعد أحب أقول لك شي يا أخ كيسامي .. احنا للحين ما شفنا شو طبيعة العلاقة بين أورو و بين ايتاشي .. و ما عرفنا ايتاشي أقوى من أورو بشو .. يمكن يتفوق عليه بمجال أورو يعتبره مجال مهم و هو أصلا شي عادي .. أورو عمره 50 و ايتاشي 17 ( على ما أعتقد ) فمن الطبيعي أن الصغير اذا تفوق على الكبير و لو بمجال واحد راح يقول الكبير: انا انغلبت و أنا ضعيف ..إلخ
ثانيا احنا ما عرفنا كيف أورو يعتبر أن ايتاشي أقوى منه .. هل هم تقاتلو مع بعض؟؟ هل اورو شاف قدرات ايتاشي و قدّر أنه اقوى منه ؟؟
بالمختصر للحين ما واضح لينا أي شي عن طبيعة العلاقة بين أورو و ايتاشي و كيف أن ايتاشي أقوى من أورو ..

و ثالث شي يا أخ كيسامي ما شرط أن المانجيكيو تنغلب عن طريق مانجيكيو مثلها .. لو تذكر العيوز شو قالت أول ما اعترضهم ايتاشي .. قالت أن أحسن طريقة لهزيمة اليوشها ( حامل الشارينغان ) أنك تهاجمه من الأمام و من الخلف ( نقطة ضعفه ) ..
و ثاني شي ايتاشي بنفسه قال أن كل شخص لازم و له نقطة ضعف .. و لو كان ايتاشي ما ينغلب كان بيحطوه زعيم الأكاتسكي .. من الواضح الحين أن زعيم الأكاتسكي هو أقوى شخص في العصابة و اللي بعده ممكن يكون زيتزو أو ايتاشي .. بس بعدنا ما شفنا قدرات باقي الأعضاء و احتمال قوي أن يكون فيهم شخص أقوى من ايتاشي ..
فمسألة هزيمة حامل الشارينغان مش صعبة و أكيد في أكثر من طريقة لهزيمته ..

[ryu_2004]

أنا صراحة عندي توقعات من زمان و نسيتها بس الحمدلله أن الأخ الحبيب كيسامي ذكرني فيها الحين ..

بالنسبة لطبيعة العلاقة بين أورو و ايتاشي .. طبعا من الواضح ان معظم أعضاء الأكاتسكي هدفهم من الانضمام للعصابة هو الحصول على الطاقة و تجميع قوى اضافية و تطوير مهاراتهم الشخصية و بعدين يسيطرون على العالم ..

بس أنا حاس ان أورو كان أكثر واحد طماع من بينهم .. أنا ما أتوقع أن السبب الوحيد من خروجه من العصابة أن ايتاشي أقوى منه .. أكيد في أسباب ثانية لكن ايتاشي كان أهمها ..

أنا عندي استنتاج .. أورو كيف عرف أن ايتاشي أقوى منه ؟؟ هو تتوقعو أن أورو حاول يشيل جسم ايتاشي ( بتكنيكه المحرم الأبدي ) و ما قدر يشيله و ايتاشي أدبه ؟؟
أنا حاس انا أورو كان يبغ يشيل جسم ايتاشي و هو ما قدر عليه علشان هالشي هو الحين يبغ ساسكي ..

و بالنسبة للعصابة .. ليش تتوقعو انهم يبغو يقتلو أورو ؟؟ هل لأنه يشكل خطر عليهم من خلال محاولاته المستمرة لتطوير نفسه ؟؟ و لا يخافو أنه يفضحهم و يفشي أسرارهم ؟؟ و لا قوانين المنظمة تنص على أن اللي ينسحب من المنظمة يقتل ؟؟
شو تقولو ....

و بانتظار آراءكم و توقعاتكم ..

[روك لي]

ناروتو نص ضرابته دراغون بول ونتوا فرحانين بالمسلسل

[ryu_2004]

ناروتو نص ضرابته دراغون بول ونتوا فرحانين بالمسلسل

أخ روك لي شكلك داش عرض أنت .. يا تناقش معانا بهدوء و علم أو تسكت بحلم ..

هي نعم فرحانين بالمسلسل .. و هذا موضوع لنقاش احداث ناروتو مو دراغون بول .. و ثاني شي شكلك انت فرحان بالمسلسل أكثر منا لأنك مسمي عمرك باسم واحد من أبطال المسلسل ..