" مجلـــس كأس آسيـــــــا "

[DMC]

^
^
^
لا تعليق مشكور ميتسو على أداء الرائع على قطر

وفيتنام واليابان خلها على الله

تمنيت لو اداء امام فيتنام واليابان لكن شو فايدة الثلاث النقاط

يلا هاردلك للأخوة القطريين

[saw101]

مبروك للامارات الفوز المشرف
وهاردلك لقطر

[ابتسامــــــه]

آآخ من الامارات فاز ومنع فريق عربي خليجي من التأهل

ما فادت الـ 3 نقاط

هارد لك لـ قطر
هارد لك لـ الامارات
هارد لك لـ عمان

ألف ألف مبرووووووك للعراق
يا رب يسحقووون الفيتناميين


بــ التوفيق كل التوفيق للمنتخبات الخليجيه

[DMC]

ابتسامه

ألف ألف مبرووووووك للعراق
يا رب يسحقووون الفيتناميين

وين يسحقونهم اظن راح يأكلونهم حبا حبا

ساري وحيد

المنتخب لعب بـ 3 لاعبين خبره بس والباقي كلهم جدد ( 8 ) ومدرب جديد استلم الفريق قبل البطولة بشهر بس ولعب أمس أمام 100 ألف من الجمهور ودعم مادي ومعنوي من الحكومة ومقابل الاخلاص والتفاني اللي ظهر على اللاعبين كانوا يستحقوا الثلاث نقاط ، هذا الفرق مع بعض الفرق اللي خسرت من المنتخبات المستضيفه

لو تقصد لأمارات اليوم الشباب ردوا على كلامك بخصوص مستواهم
بس بسالفة الخسارة امام فيتنام واليابان ماتسألني تراني مب مدرب

[ابتسامــــــه]

ابتسامه


وين يسحقونهم اظن راح يأكلونهم حبا حبا

يا ويلو يا ويلو فيتنامي يا ويلو

متى نرجع للدوري وياخذ الوصل الدوري
بدل ما نعور قلوبنا بالاسيويه

[Tenkai]

ساري وحيد

لو تقصد لأمارات اليوم الشباب ردوا على كلامك بخصوص مستواهم

بس بسالفة الخسارة امام فيتنام واليابان ماتسألني تراني مب مدرب

أعتقد تتابع البطولة من قناة اماراتيه وأتمنى تكون شايف مباراة الامارات وقطر من قناة أبو ظبي الرياضيه وتسمع المذيع اللي قال كلام دليل كلامي من بداية البطولة
قال المنتخب الاماراتي ما يقدم مستوى غير في أرضه والدليل طول تاريخه الكروي حقق انجازين الأول في 96 في كأس أسيا المركز الثاني مع المنتخب السعودي والثانيه كأس الخليج الأخيره وكلها المشاركتين في أرضه وهذا لا يجعله من الكبار
قال المنتخبات الكبيره مثل اليابان وكوريا الجنوبية والسعودية وإيران أخذت كأس أسيا أكثر من مره وفي غير أرضها ويكفي كل كأس أسيا ويش تسوي
ملخص كلامي قلته قبل البطولة كأس الخليج غير كأس أسيا وكأس الخليج الماضيه غير كأس الخليج الجايه لأن اللي تكون الأرض والجمهور سبب الفوز بيفتقدها في بطولات ثانيه وبيخسر
ونتيجة اليوم ما هي مقياس حقيقي لأن المدرب القطري أثبت تخبطه من كأس أسيا الماضيه ( ولا فوز واحد لقطر في المشاركتين لكأس أسيا )

[DMC]

أعتقد تتابع البطولة من قناة اماراتيه وأتمنى تكون شايف مباراة الامارات وقطر من قناة أبو ظبي الرياضيه وتسمع المذيع اللي قال كلام دليل كلامي من بداية البطولة

هههههههه وانا بعد قلتلك منتخب لأماراتي لا يلعب بنفس مستواه
بس الروح فيله بدليل الفوز اليوم

قال المنتخب الاماراتي ما يقدم مستوى غير في أرضه والدليل طول تاريخه الكروي حقق انجازين الأول في 96 في كأس أسيا المركز الثاني مع المنتخب السعودي والثانيه كأس الخليج الأخيره وكلها المشاركتين في أرضه وهذا لا يجعله من الكبار

ههههههههه تقولي لأمارات مب ضمن الفرق الكبيرة في اسيا
السعودية اول بطولة اسيوية حصلته متى ؟؟؟
مب 1992 او 1994 شوف من الفريق الي تحداكم في نصف النهائي بعدين قولي اذا امارات فريق كبير او لا
المشكلة عند البعض يشوفون انجازات لأمارات مايشوفون وين وصلت لأمارات في البطولات لأسيوية
اذا قلتلي الماضي افضل عن الحاضر بوافقك لكن تقولي مب من الدول الكبير
دي كبيرة اشوي

قال المنتخبات الكبيره مثل اليابان وكوريا الجنوبية والسعودية وإيران أخذت كأس أسيا أكثر من مره وفي غير أرضها ويكفي كل كأس أسيا ويش تسوي

هل حصول على البطولة مرة واحدة اصبحت من الدول الكبيرة
الحين يونان بطلة كاس أوروبا تعتبر من الدول الكبيرة في القارة
اخي العزيز عليك وضع معاير معينة مب اذا لا فريق شال يعتبر فريق صغير ؟؟؟؟

ملخص كلامي قلته قبل البطولة كأس الخليج غير كأس أسيا وكأس الخليج الماضيه غير كأس الخليج الجايه لأن اللي تكون الأرض والجمهور سبب الفوز بيفتقدها في بطولات ثانيه وبيخسر

سبب حصول المنتخب لأماراتي للكأس هو اداء لاعيبة لأهتمام الشعبي والحكومي للبطولة
وخطط ميتسو الموفقة لكل مبارة بدليل فوز لأمارات على سعودية
ان شاء الله لأبيض راح يظهرون بمستواهم المعروف في البطولات الياية

ونتيجة اليوم ما هي مقياس حقيقي لأن المدرب القطري أثبت تخبطه من كأس أسيا الماضيه ( ولا فوز واحد لقطر في المشاركتين لكأس أسيا )

سبحان الله الفريق القطري خسر بسبب تخبط مدربه !!
اخوي شكلك ماتابعت مبارة لأمارات مع قطر كان بيكون كلامك غير
اداء المنتخب القطري في الشوط لأول رائع لكن شوط الثاني كان اماراتي بكل معناه الكلمة
فاحصل وفزنا بالمبارة بلأخير
لاتحكم الفريق من خلال ادائه بل بحكم تاريخه الكروي وماتنسى تاهلنا قبلكم للكأس العالم

[TURKi]

مبروك للعراقيين

****
هاردلك قطر

هارد لك يالإمارات

هاردلك عمان

( صراحة مثل ما قالت أختي ابتسامة )

آآخ من الامارات فاز ومنع فريق عربي خليجي من التأهل

و إضافة مني :
الاحظ لعب الإمارات تألق لمعرفته للمنتخب القطري ( ولو أن المنتخب القطري) كان من أقوا المنتخبات ترشيحا ً
ولكن أبطال الأبيض ( أبو إلا أن يبعدو عنهم تصريحات الصحف و المتشككين و هاجموا بهدفين نظيفين

عموما ً نتمنى من للمنتخب السعودي و المنتخب البحريني التوفيق

الله يستر ... ويعين يوفقنا منتخباتنا العربية

[Tenkai]

هههههههه وانا بعد قلتلك منتخب لأماراتي لا يلعب بنفس مستواه
بس الروح فيله بدليل الفوز اليوم
[color=#000080]

ما فهمتني
قبل البطولة قلت كأس الخليج غير كأس أسيا وحتى لعبت الامارات بمستواها وهذا مختصر كلامي

[color=#000080]ههههههههه تقولي لأمارات مب ضمن الفرق الكبيرة في اسيا
السعودية اول بطولة اسيوية حصلته متى ؟؟؟
مب 1992 او 1994 شوف من الفريق الي تحداكم في نصف النهائي بعدين قولي اذا امارات فريق كبير او لا
المشكلة عند البعض يشوفون انجازات لأمارات مايشوفون وين وصلت لأمارات في البطولات لأسيوية
اذا قلتلي الماضي افضل عن الحاضر بوافقك لكن تقولي مب من الدول الكبير
دي كبيرة اشوي

شوف انت استعجلت وما قريت كلامي صح ، أولا أنا قلت المذيع الاماراتي هو اللي قال
ثانيا انت دخلت في نقطه غلط وهذا يرجع لمعلوماتك للأسف
خذ المعلومات وقولي من المنتخب الكبير
أخوي منتخبنا بطل كأس أسيا من 84
وبعدها بطل كأس أسيا 88
وبعدها وصيف اليابان في 92
وبعدها بطل كأس أسيا 96
وبعدها وصيف اليابان 2000
عرفت الحين كيف كبير
هذي الانجازات اللي تسجل للمنتخبات أنها كبيره ما هو مره وحده وصول للنهائي يعتبر كبير وأرجع أقول لك هذا كلام المعلق الاماراتي

هل حصول على البطولة مرة واحدة اصبحت من الدول الكبيرة
الحين يونان بطلة كاس أوروبا تعتبر من الدول الكبيرة في القارة
اخي العزيز عليك وضع معاير معينة مب اذا لا فريق شال يعتبر فريق صغير ؟؟؟؟

وضحت لك المعايير اللي ما تعرفها تاريخيا واللي ما حققها أسيويا غير اليابان والسعودية وايران وكوريا الجنوبية

سبب حصول المنتخب لأماراتي للكأس هو اداء لاعيبة لأهتمام الشعبي والحكومي للبطولة
وخطط ميتسو الموفقة لكل مبارة بدليل فوز لأمارات على سعودية
ان شاء الله لأبيض راح يظهرون بمستواهم المعروف في البطولات الياية

أرجع وأقول لك كلامي الماضي اللي على لسان المعلق الاماراتي :
المنتخب الاماراتي ما يقدم مستوى غير في أرضه والدليل طول تاريخه الكروي حقق انجازين الأول في 96 في كأس أسيا المركز الثاني مع المنتخب السعودي والثانيه كأس الخليج الأخيره وكلها المشاركتين في أرضه وهذا لا يجعله من الكبار
يعني احتمال حصوله على كأس غير الكأس الوحيد في الخزائن الاماراتيه صعب ويحتاج لتنظيم بطولة جديدة في الامارات

سبحان الله الفريق القطري خسر بسبب تخبط مدربه !!
اخوي شكلك ماتابعت مبارة لأمارات مع قطر كان بيكون كلامك غير
اداء المنتخب القطري في الشوط لأول رائع لكن شوط الثاني كان اماراتي بكل معناه الكلمة
فاحصل وفزنا بالمبارة بلأخير

لاتحكم الفريق من خلال ادائه بل بحكم تاريخه الكروي وماتنسى تاهلنا قبلكم للكأس العالم

تابعت المباراة من أول دقيقه
وأنت قلتها لا تحكم بالاداء أحكم بالتاريخ .. وأعتقد التاريخ واضح يصب لمصلحة من سواء في عدد التأهل لكاس العالم ( السعودية 4 مرات ، الامارات مره وحده ) أو في انجازات كأس أسيا ( السعودية 3 مرات ، الامارات لا شيء ) أو حتى في كاس الخليج ( السعودية مرتين، الامارات مره وحده ) لمن التاريخ !!

[ابتسامــــــه]

عرفت الحين كيف كبير

رغم انجازات المنتخبات الأسويه بـ قارة آسيا
مثل السعوديه اليابان كوريا الجنوبيه
إلا إنها ما تقدر تجاري المنتخبات العالميه على مستوى باقي القارات

أخوي ساري انا وياك بالكلام إلي قلته .. " من خلال التاريخ ما نقدر نقارن السعوديه بالامارات "
هذي حقيقه على كل الاماراتيين يتقبلونها ..

لكن بالنهايه ما استفدنا من انجازات المنتخب السعودي و الياباني ووو
في البطولات العالميه

أبطال كأس آسيا لا يستطيعون مجاراة باقي المنتخبات الغير الآسيويه

المنتخب السعودي ما شاء الله عليه 4 مرات متتاليه يمثلنا "كأسيويين وعرب وخليجيين " بكأس العالم
نطمح له يوصل لـ أبعد من تواجده بكأس العالم و خروجه من الدور الاول بنقطه أو 3 نقاط !




و أخيرا أتمنى نقاشنا يكون كيف تتطور منتخباتنا للأفضل
مب كل واحد يقول انا أفضل منك ووووو

[nadved]

للاسف العرب دايما تطلع نذالتهم على بعض

بصراحة لم اتوقع خروج قطر من منطلق حب لاخيك ما تحب لنفسك

يعني طلعت خلي فرصة لغيرك

و ثانيا هناك هدف قطري الغاه الحكم بداعي التسلل( لوكان اهمى ما حسب تسلل من مكان زي هذا) و كأن هناك مؤامرة لتأهيل فتنام

[DMC]

nadved

للاسف العرب دايما تطلع نذالتهم على بعض

بصراحة لم اتوقع خروج قطر من منطلق حب لاخيك ما تحب لنفسك

يعني طلعت خلي فرصة لغيرك

الحين تقول المنتخب لأماراتي عنده النذالة هههههههه عجيب أمرك
لأمارات لعبت تحسين صورتها فقط لاغير
والحين لو لأمارات خسرت من قطر جان قلت لأمارات ماعندهم مستوى ووووووو الخ
بلأخير خفك اشوي على المنتخب لأماراتي

و كأن هناك مؤامرة لتأهيل فتنام

هههههههههههههه اليوم مؤامرة وبلأمس مستوى لأماراتي ضعيف
شو بقى علشان تقوله غير الي قلته
بخصوص فوز لأمارات على قطر كان عودة روح للمنتخب لأماراتي
وبعد قطر ماقدم شي يشفعه للتأهل
بس ماتزعل العراق راح تفوز فيتنام
منتخب العربي لأخر
ساري وحيد

ما فهمتني
قبل البطولة قلت كأس الخليج غير كأس أسيا وحتى لعبت الامارات بمستواها وهذا مختصر كلامي

اوكي وضحت الصورة

شوف انت استعجلت وما قريت كلامي صح

بيني وبينك قريته

أولا أنا قلت المذيع الاماراتي هو اللي قال
ثانيا انت دخلت في نقطه غلط وهذا يرجع لمعلوماتك للأسف
خذ المعلومات وقولي من المنتخب الكبير
أخوي منتخبنا بطل كأس أسيا من 84
وبعدها بطل كأس أسيا 88
وبعدها وصيف اليابان في 92
وبعدها بطل كأس أسيا 96
وبعدها وصيف اليابان 2000
عرفت الحين كيف كبير

اخوي شكلك فهمت قصدي بالغلط قلتلك ان لأمارات تعتبر من الفرق الكبيرة
ماقلتلك ان نحن افضل من منتخب السعودي ؟؟؟؟

هذي الانجازات اللي تسجل للمنتخبات أنها كبيره ما هو مره وحده وصول للنهائي يعتبر كبير وأرجع أقول لك هذا كلام المعلق الاماراتي

المعلق يعتبر جزء من الشريحة الشارع الرياضي
وممكن قالها بلحظة حزن وأسف من مستوى المنتخب

وضحت لك المعايير اللي ما تعرفها تاريخيا واللي ما حققها أسيويا غير اليابان والسعودية وايران وكوريا الجنوبية

اخوي في فرق من يحصل على البطولة ومن يلعب وله قدم في الخارطة
مثلا نقول اسبانيا
دوري قوي ولاعبين مشهورين لكن لم يحصلوا على كاس العالم ؟؟
مع انه فريق يعتبر من الفرق الكبيرة عالميا
السبب هو نتائج الفريق وسيرته الحافلة بلأنجازات القارية والعالمية
ولأمارات طالع سجلها وراح تعرف ليش قلت انها من الدول لأسيوية الكبيرة

أرجع وأقول لك كلامي الماضي اللي على لسان المعلق الاماراتي :
المنتخب الاماراتي ما يقدم مستوى غير في أرضه والدليل طول تاريخه الكروي حقق انجازين الأول في 96 في كأس أسيا المركز الثاني مع المنتخب السعودي والثانيه كأس الخليج الأخيره وكلها المشاركتين في أرضه وهذا لا يجعله من الكبار
يعني احتمال حصوله على كأس غير الكأس الوحيد في الخزائن الاماراتيه صعب ويحتاج لتنظيم بطولة جديدة في الامارات

ان شاء الله الأبيض يثبتون مستواهم في كاس الخليج 19

تابعت المباراة من أول دقيقه
وأنت قلتها لا تحكم بالاداء أحكم بالتاريخ .. وأعتقد التاريخ واضح يصب لمصلحة من سواء في عدد التأهل لكاس العالم ( السعودية 4 مرات ، الامارات مره وحده ) أو في انجازات كأس أسيا ( السعودية 3 مرات ، الامارات لا شيء ) أو حتى في كاس الخليج ( السعودية مرتين، الامارات مره وحده ) لمن التاريخ !!

اخوي كلامنا هو عن المنتخب لأمارات على مستوى اسيا
ليس مقارنة بينه وبين السعودية

[saw101]

^^^
المنتخب السعودي والاماراتي فيهم الخير
...
بس حبيت اقول شي واحد
منتخبنا بالنسبه للدوري السعودي تقريبا يلعب بالرديف
وانا ساكن بمكه برازيل السعوديه
تدرون ليه برازيل السعوديه
لان معظم اللعيبه الي بالاهلي والاتي من مكه
والهلال يبغا لعيبه من مكه
ولو منتخبنا ينظر بمنظور البطوله وتكوين منتخب لايقهر كان استخرج لعيبه ولا في الاحلام
وافضل اللعيبه الي من مكه محمد نور لاعب الاتحاد وعيال الموسى ( احمد - كامل - معتز )
وفيه كثير لسا ما ظهرو على الانديه
وهذا سبب احراز الوحده للمركز الثالث بالدوري .. بتقولون افارقه لا والف لا
لان الهوساوي تعتير اكبر قبائل نيجيريا ( درس بالتاريخ انا وجهي ^-^)
وهم في السعوديه لهم قرون يعني كيف نقول عليهم مجنسين .. هو صح اصلهم افريقي بس مو مجنسين والي بمكه يعرف هالشي
ومعليش طولة عليكم بالخرابيط الفاضيه
سلام

[DMC]

وهم في السعوديه لهم قرون يعني كيف نقول عليهم مجنسين .. هو صح اصلهم افريقي بس مو مجنسين والي بمكه يعرف هالشي

في حال تكلمنا عن أصل الشعوب
لو تقول قرون بمكن قليلة بنظري وماتنسى ترى اجناس وايدة اختطلت بالعرق العربي
فا مستحيل الحين عايش في الخليج عربي مئة بمئة
لأن تلاقي نفس الهيئة والبشرة في باكستان او ايران او حتى في جزر القمر
باختصار الشخص عاش ولدت في السعودية وبلأخير صار سعودي

[Tenkai]

رغم انجازات المنتخبات الأسويه بـ قارة آسيا
مثل السعوديه اليابان كوريا الجنوبيه
إلا إنها ما تقدر تجاري المنتخبات العالميه على مستوى باقي القارات

أختي ما أدري على أي أساس بنيتي هذا الكلام ..
أعتقد تابعتي كأس العالم 2002 وشفتي انجاز اليابان وكوريا بالذات ..
لكن نعترف إن المجاراه كانت بسيطه في باقي البطولات ولكن هذي أكبر المنتخبات الأسيويه ما قدرت تجاري المنتخبات العالمية كيف حال المنتخبات الباقية ؟

أخوي ساري انا وياك بالكلام إلي قلته .. " من خلال التاريخ ما نقدر نقارن السعوديه بالامارات "
هذي حقيقه على كل الاماراتيين يتقبلونها ..

لكن بالنهايه ما استفدنا من انجازات المنتخب السعودي و الياباني ووو
في البطولات العالميه

أبطال كأس آسيا لا يستطيعون مجاراة باقي المنتخبات الغير الآسيويه

من قال ؟
تابعتي البطولة الأفروأسيويه من أول ما أقيمت لآخر نسخه كيف مستوى المنتخبات الأسيويه ونتائجها؟
لو تابعتي تاريخ كأس القارات بتشوفي بعض الانجازات للمنتخبات المشاركة من أسيا والكبيره فقط مثل اليابان والسعودية وكوريا وفي أول نسخه السعودية فازت على أمريكا بثلاثيه نظيفه ولعبت النهائي مع الارجنيتن وخسرت بمستوى قوي
وغيرها من البطولات ولكن بعضكم يشوف كأس العالم وبس

المنتخب السعودي ما شاء الله عليه 4 مرات متتاليه يمثلنا "كأسيويين وعرب وخليجيين " بكأس العالم
نطمح له يوصل لـ أبعد من تواجده بكأس العالم و خروجه من الدور الاول بنقطه أو 3 نقاط !

أختي المشكلة تتكلموا بدون ما تتأكدوا من الكلام ..
المنتخب السعودي في 94 تأهل للدور الثاني وبأربع نقاط وفي المركز الثاني تأهل وفي مجموعته هولندا وبلجيكا وتواجده ما كان تواجد فقط .. وخرج من البطولة من صاحب المركز الرابع في البطولة المنتخب السويدي ..
وكلامنا عن الكبار في أسيا فهذا المنتخب السعودي وانجاز 94 وكوريا واليابان في 2002
وصلوا لأدوار متقدمه وهذا بحد ذاته يمثل تحديد كبير للمنتخبات الكبيرة في أسيا

و أخيرا أتمنى نقاشنا يكون كيف تتطور منتخباتنا للأفضل
مب كل واحد يقول انا أفضل منك ووووو

ردي كان لرد أخوي دمسي وعشان بس نوضح المنتخبات المؤهله فعلا على المنافسه على كأس أسيا