(؟؟) جميع الأسئلة والإستفسارات المتعلقة بالـ Graphic Card توضع هنا فقط (؟؟)

[abd640]

اخوي جنتل مان

واحد صاحبي وده بكرت شاشة متوسط الاداء وبسعر مناسب، فشنو تنصحنا ؟؟؟ ياليت تعطيني اكثر من اختيار لان اهوا راح يشتريه من السوق عندنا مو من النت، فعلشان اذا ماحصلته اشوف غيره...

وانا كان ودي اشتري كرت شاشة قوي بس ترددت بالشراء لان يقولون بعد كم شهر راح تنزل كروت الشاة الي تدعم DX11 ، فهل تنصحني بالانتظار ؟؟ انا كان اختياري HD 4870 1GB (قبل 4 اشهر)

ويعطيك العافية

[Gentleman]

abd640 ::

أنصحك بكرتين أدائهم مقارب وبسعر ممتاز مقابل الأداء .. كرت HD 4770 و HD 4850 ..

بالنسبة لكرت قوي إذا ناوي تستمر عليه لسنين اصبر شوي لأنه إحتمال كبير هذي السنة نشهد بطاقات DirectX 11 وإذا كان هناك تأجيل ألب الظن في أول السنة القادمة ..

وشكرا ..

[(OPEL)]

السلام عليكم اخوي .. كيف حآآلك ؟؟

يالغآآلي انا عندي استفسارين

الاستفسار الاول .. انا عندي لاب توب DELL LATITUDDE D830

وكرت الشاشة ضعيف جـدا .. ولا يشغل اي لعبـه ..

أبي اغير كرت الشاشة .. اقدر اغيره ولا لا ... ؟؟ مع العلم ان الميزانية 600 ريآل او 700 عآدي بس اهم شي يضبط الالعاب ..


الاستفسار الثاني ..

بالنسبـة لو ابي اجمـع جهـآآز حلـو .. فكم بييكلفني ..؟؟ ( مذربورد + رآمآت + معآلج + كرت شاشة + كرت صوت + شاشة + كيس ) .. ( أهم شي يشغل معظم الالعاب الحديثه مؤقتاا )


وجزاك الله الف خير على الموضوع ..

[Gentleman]

وعليكم السلام ورحمة الله وبركاته ..

بالنسبة لإمكانية تركيب كرت شاشة فإذا كان الجهاز يحمل منفذ PCI-E فهو قابل للتركيب .. عموماً أنصحك توديه لأحد المحلات وهو راح يعطيك الخبر الأكيد ..

بالنسبة للجهاز فإذا بتشتري القطع من الخارج بيكون ارخص أكيد و 500 إلى 700 دولار تجيب جهاز جيد جداً .. أما إذا من السوق المحلي فأكيد بيكون أغلى .. عموما ياليت تفتح موضوع جديد حيث ان هذا الموضوع مخصص لإستفسارات كروت الشاشة ..

وشكرا ..

[(OPEL)]

الله يعطيك العافيه اخوي .. اما بالنسبة للكروت ماجاوبتني ..

انا عندي 700 ريآل و ابشتري كرت وش تنصحني فيه ...

[abd640]

abd640 ::

أنصحك بكرتين أدائهم مقارب وبسعر ممتاز مقابل الأداء .. كرت HD 4770 و HD 4850 ..

بالنسبة لكرت قوي إذا ناوي تستمر عليه لسنين اصبر شوي لأنه إحتمال كبير هذي السنة نشهد بطاقات DirectX 11 وإذا كان هناك تأجيل ألب الظن في أول السنة القادمة ..

وشكرا ..

شورتك وهداية الله يا اخوي جنتل مان، ننطر كروت Dx11 ، لان انا قلت حرام اشتري واحد بو Dx10.1 وراح ينزل Dx11 بعد جم شهر، ننطر احسن....

بانتظار خبرتك ونصايحك لاختيار الكرت
جزاك الله خير اخوي

[Gentleman]

(OPEL) ::

بصراحه بـ 700 ريال مادري شنو تجيبلك .. ما عندي فكرة عن السوق السعودي .. إذا تقدر تروح وتعطيني أرقام موديلات وأنا أشير عليك بالأفضل ..

abd640 ::

كل تأخيره في خيره إن شاء الله ..

وشكرا ..

[ZiDaNe 5]

السلام عليكم
اخواني بغيت اسأل عن كرت GeForce 9800 GT 512MB بجم بالكويت و جم واط يحتاج ؟
و بغيت اشتري PSU يكون زين و يتحمل الكرت علما الي عندي الحين 300 واط

و شنو تنصحون بكرت سعره زين و يشغل الألعاب بمستوى حلو ؟

و مشكورين

[GENERALS.MOD]

السلام عليكم
وش رايكم بــ هذا الكرت
ATI Mobility Radeon™ HD 3650
512MB
هل بإمكانه تشغيل الألعاب القوية مثل
Call of Duty: World at War على الإعدادات العالية ؟؟

وشكراا

[abd640]

اخوي جنتل مان...

للاسف الموديلات الي قلت لي عنها ماحصلتها بالكويت عندنا، اغلب الي موجود بالسوق nvidia ..

ياليت لو تعطيني جم موديل من الفئة المتوسطة وياليت تكثر الانواع والاختيار كثر ماتقدر علشان تكون فرصة احتمال اني القاه كبيرة... وانا ودي بو 1GB وليس 512MB

ويعطيك العافية

[Gentleman]

ZiDaNe 5 ::

وعليكم السلام ورحمة الله وبركاته ..

بالنسبة للكرت .. إنسى الكرت الي ذكرته لأنه صار قديم و إختار كرت ATI HD 4850 أو HD 4870 حسب الميزانية .. وهم يحتاجون على الأقل 400 واط من نوع جيد وأنصحك من شركة Thermaltake وهي منتشرة بمنطقة حولي ..

GENERALS.MOD ::

وعليكم السلام ورحمة الله وبركاته ..

كرت HD 3650 صعب تشغيل لعبة COD4 عليه بالإعدادات العالية .. لكن أداء اللعبة مقبول مقارنة بالكرت ..

abd640 ::

صعب تلقى 1GB بمستوى متوسط .. وحجم الذاكرة مو أهم شيء في إختيار الكرت مقارنة بالمواصفات الثانية ..

عموماً إذا تقدر تطلب الكرت من الإنترنت أسهل لك وأصرف .. إذا ما تقدر حاول تلقى الكروت التالية بالسوق المحلي مرتبة من الأضعف إلى الأقوى ::

من شركة Nvidia للميزانية المفتوحة ::

GTX 275
GTX 280
GTX 285

للميزانية المتوسطة ::

GTX 260 ( كرت مثالي للميزانية المحدودة مقابل الأداء الكبير )

من شركة ATI للميزانية المفتوحة ::

HD 4850 ( كرت مثالي للميزانية المحدودة مقابل الأداء الكبير )
HD 4870 512MB
HD 4870 1GB
HD 4890
HD 4870 X2

للميزانية المتوسطة ::

HD 4650
HD 4670
HD 4830
HD 4770

لاحظ حلول ATI أفضل في هذا الجيل .. و أنصحك بكرت HD 4850 إذا كانت ميزانيتك محدودة وتحتاج كرت ذو أداء مرضي وهو يعتبر مدخل للكروت العالية القوة ..

وشكرا ..

[GENERALS.MOD]

طيب أخي هل بإمكان كرت Mobility Radeon HD 4650 1GB تشغيل
Call of Duty: World at War على الإعدادات العالية ؟؟
وأسف أخي لأني تعبتك معاي

[Gentleman]

أغلب المجربين للكرت يقولون أن الكرت يشغل اللعبة بوضوح عالي ومرضي وقريب من الإعدادات العالية عند دقات العرض المتوسطة .. إذا كانت ألعابك بمستوى COD4 أو أقل منها فهذا الكرت جيد جدا إذا كنت تلعب بدقات عرض غير كبيرة ..

وشكرا ..

[mr.khader]

اخي يعطيك العافية

المشكلة كالتالي

اقتني جهاز بلوحة xfx 630i وكرت الشاشة

NIVIDIA GeForce 7100 / NIVIDIA nForce 630i
المشكلة ,,
اثناء اللعبة
1) اما اللعبة تخرج والجهاز يعيد التشغيل
2) الجهاز يطلع شاشة زرقاء ما الحق اقرأها ويعيد التشغيل + مع العلم اني غيرت الرام و بدلتها و مسحتها ونظفتها ,, لكن نفس المشكلة ,, ولو في طريقة كويسة لتنظيف قطع الكومبيوتر او تنصح فيها ياريت
3) هذه اهم مشكلة ,, اللعبة بتهنج ,, يعني بتوقف مرة وحدة بيصير خطوط في الصورة خطوط بالطول ولو كان شغال صوت الصوت كمان بيهنج القصد بيوقف وبيضلوا الصوت في جزء من الثانية يتعاد بس مقطع قصير جداً وكأنها اجزاء من الثانية ,, ويسبب ضجة وطبعاً ما تصير إلا بالالعاب ,, وكمااان ما تفتك إلا لما تعمل restart
ارجو الرد يا غالي والله قهرتني هذه المشكلة

انا فتحت الجهاز وكان في اللوحة قطعة سوداء مكتوب عليها xfx وهي بتاعت كرت الشاشة اظن ,,
حطيت ايدي عليها كانت ساخنة بشكل مش طبيعي ,, لذلك اريد حلاً يا طيب ,, لهذه المشكلة

ربما كلماتي غير مرتبة
اهم مشكلة الاخيرة

[Gentleman]

mr.khader ::

بصراحة عدة أسباب ممكن تكون هي المشكلة .. يمكن حرارة الكرت هي المشكله وحاول تنزل برنامج قياس حرارة الكروت مثل Everest .. أيضاَ يمكن التعريف فيه مشكلة .. إمسح التعريف السابق ونزل الأجدد .. ويمكن المشكلة تكون من قطعة ثانية في الجهاز مثل الرام وعدم التوافق والله أعلم ..

وشكرا ..