قهوة WoW .. :P

[لوعةالفرقا]

هههههههههههه << خلنا نجاملك شوي عشان ماتجيك حاله نفسيه ههههههه

ولد بطنها وانت وش عليك خرم ولا فتحه ولا إيش ماتكون المهم انه توصف الحاجة الملحه للدخان

الخلاصه ان للأمانه إلى الآن دخنت زقارتين عاديه بس اندي خنتها حق علبط وحسيت اني ابي اخلصها وافتك !!

وانا تصدق الفلتر قعد معي يومين ولسى فيه دخان ماخلص مدري وش الهرجة شكلي امزه بطريقة غلط انت عارف شيء إلكتروني اكيد له طريقة ينصح بها



المهم يا يوشي النكت ماتت خلاص

يقولك
ماتلاحظون ان المحشش اختفى

ماعاد له نكت جديده

تدرون ليش !!؟

آخر مره راح المحشش للدكتور
وكان يشتكي من صدره

قاله الدكتور:
تحس انك زي المكتوم !؟

قال المحشش:
لا أحس اني زي آل سعود


ومن يومها المحشش ما حد يدري عنه ههههههههههههههههه

[Karazhan]

^^^^

ياجماعه ترى مااعرفه


لا تسحبوني معاه مااعرفه ولا عمري شفته

[Karazhan]

وانا ابي اسألك يالطيب

بما انك دخنتها عبط ليش تشتريها , واللي يبط جبدي شفت لك مشاركه تقول انك فقير وسيارتك تصليحها ب500 ريال وماعندك

مره تشتري وتحذف بعد اول استخدام و مره تقول ماعندي

نفس اخوي الثالث امس يقولي ها كم يوم مادخنت زقاره عاديه قلتله 10 ايام , قلتله ليش ما تشتريها وتشربها ؟ قال انا مابي اقطع الزقاره اصلا

يعني انت نفسه ماتبي تقطع الزقاره اصلا وتشتري عبط , بس شوف اذا ماتبيها روح وزاره الصحه وقولهم في واحد يعرض الزقاير للبيع وانا شريت منه , راح يقولولك شنو اسمه ووين ساكن

قولهم بشرط انكم ترجعون فلوسي لي منه , وبعدين دق عليه وتواعد معاه ولما يجي يلقون القبض عليه ويرجعون فلوسك وتروح بيتكم




بس نصيحه يا لوعه


اذا انت تبي تدخن و ودك تخفف يعني

بالبيت استعمل الزقاره الالكترونيه ولما تطلع خلها بالبيت و اخذ الباكيت العادي و اطلع

بالحاله هذي تكون شنو ؟ تكون بدل ماتشرب باكيت كامل باليوم راح تشرب 10 زقارات بس , يعني خففت 60% من التدخين

ولما ترجع البيت دخن الالكترونيه


فهمت قصدي ؟ عشان ما تصير ريحه بيتكم او غرفتك معفنه وما تأذي اهلك , ترى ريحه الزقاره معفنه بس انت ماتحس لأنك متعود اما الغير مدخنين يشمونها لو بعد كيلو

عشان جذي انا الحين صارلي 10 ايام ما دخنت زقاره عادي , لو ادخن الحين باليوم زقاره وحده عاديه راح اكون خففت 299% لأني كنت اشرب باليوم 3 باكيتات والحين اشرب باليوم زقاره


يعني مو شرط تقطعها و مو شرط تضل على الالكترونيه , لكن لاتشتري مثلا 6 علب فلاتر , اشتر 3 علب او 2 و كل ماتكون في البيت او الدوام اشربها و اذا كنت رايح البر او حداق , لا انت بالرياض ماعندكم بحر

يعني اذا كنت بره البيت اشرب زقاره عاديه

هذا والسلام عليكم ورحمه الله وبركاته

[لوعةالفرقا]

انا اقصد اني دخنت السجارة العاديه عبط لاني مكتفي الالكترونيه ماديه الغرض وزياده

وانا لي 4 ايام دخنت بس سجارتين عاديه وعاد تدري انا فكيت 4 فلاتر وإلى الآن ولا واحد خلص

يعني الظاهر الفلتر يمشيني يومين بالراحه ^_^

[Saleh Alhitmi]

مشاءالله الملل وصلكم انكم تسولفون بدخان وفلتر ام الفضاوى خخخخخ

[Karazhan]

انت الظاهر جديد يا اخ صالح

احنا هنا دوانيه , سولف باللي تحب

اذا كانت الحكومات تمنع ابداء الرأي للمواطن البسيط ف الحكومه بالمنتدى تسمح انك تتكلم بكل شي , الا انك تحرض على العنف

تحرض على الاغتصاب

تحرض على المخدرات و المشروبات الروحيه

تحرض على كل ما هو سيئ للبشريه

اما باقي الامور تكلم فيها على راحتك , مثل مثلا اليوم شنو تغديت ؟


لوعه بصراحه قول الصج

منو احسن الالكترونيه او العاديه

وهل ارتحت نفسيا فيها , مااكلمك عن انها تفر راسك او شي ثاني , اقصد النفسيه يعني تشرب والناس اللي عندك مايقولولك يالطيب ذبحتنا بريحتها طفها لو سمحت

و هل تعتقد انها مضره و ما تلوم الصحه او الناس خصوصا الشركات اللي دفعت مليار لمحاربه الالكترونيه , هل فعلا انهم صادقين وان الزقاره الالكترونيه ضررها اكبر من الزقاره العاديه


عشان كل مدخن ياخذ بكلامك ويشوف ناس مجربه , يمكن يقولون عني اسوي دعايه لأني من ملاك اسهم الشركه وابي لها الربح

ولكن انت مواطن سعودي تقيم على بعد 1200 كيلو عني عطهم وجهه نظرك فيها

[Karazhan]

ولا تفك فلاتر , لما يخلص اللي معاك افتح الثاني

اذا قرب يخلص تحس فيه طعم كأن حرق , ولكن مايمنع انك تنشف دمه , اشرب لين يخلص البخار وبعدين فك الثاني

والفلتر يجي عليه ربل صوب الراس و نفس الستيكر تحت , سكرهم لا تخليهم مكشوفين عشان ماينشف ويتبخر كل شي

و الله يكون في العون . عقبال ما تصير 10 ايام بدون ريحه زقاير نفسي

باقي عندي 3 فلاتر و الرابع فيه نص عمر , وطلبيتي يمكن توصل بعد 10 ايام

ماادري شلون بقزرها , مع ان الطلبيه 12 علبه يعني تكفيني شهرين

ماادري شلون بقزرها , اسأل هل بالخفجي او حفر الباطن في فلاتر , او رفيجك هذا عنده مندوب بالحفر او الخفجي

[ام ابـراهيم]

أختي لوعا عن جد تدخنين أم انك تمزحين مع كرزان
و هالأنواع عن جد موجوده أم أنكم تمزحون
يا ريت واحد يخبرني الحقيقة

[Derover]

إثنين يحششون في مقبره جتهم شرطه انحاش واحد وقال الثاني انا ميت بس طالع اشوف وش السالفة

طيب خذ هذي


محشش سألوه لوخلص النفط ومافي بنزين بالسياره وش بتسوي
قال عاد الشكوى لله مالنا غير التكاسي

هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههه
ههههههههههههههههههههههههه هاهاهاهااه هههههههههههههههههههه

مآعلييييييييييك من آلعذّال آستمرررر يآآبطل
ترآ جد نكت حلوة وآنآ أوّل مرة اقراها وضحكت من قلب
اذا عندك مثل هالنكت الحلوة لآ تبخل علينآ

[Karazhan]

إثنين يحششون في مقبره جتهم شرطه انحاش واحد وقال الثاني انا ميت بس طالع اشوف وش السالفة

هاهاهاهاه
كااااااااااااااااااااااااااااااااااااااااااااااااااااااااااااااااااااااااااااك

اي اي اي بطني بطنتي هههههههههههههههههههههه كاااااااااااااااك

مو قادر لا لا لا لا برجع كااااااااااااااا لاتنسى التقييم اااااااااااااااااااااااااااااك

بطني قويه قويه


كثر من هالنكت والله ضحكتني يابطل هاهاهاه

وله يقول انا ميت بس بشوف شسالفه هههههههههههههههههههههه المحشش عذره بمخباته

هاهاهاهااهه وسام التميز بس هاهاهاهاهاهاها

[Karazhan]

أختي لوعا عن جد تدخنين أم انك تمزحين مع كرزان
و هالأنواع عن جد موجوده أم أنكم تمزحون
يا ريت واحد يخبرني الحقيقة

لوعه رجل مش بنت

لو بنت انا اعطيج كفاله انها ماراح تتزوج كان كل الرياض يعرفونها لا وتدخن الكتروني بعد

موضوع الزقاره صحيح مو قاعدين نتغشمر وهذا مقطع عنها

[Karazhan]

هذي الزقاره حاطها على الكيبورد عشان بدون جمره فعادي احطها على اي مكان و الباكيت هناك حاطه بالشحن مع انه متروس بس الاحوط وجوبا احطه عالشحن

شوفوا كيبوردي لونه ابيض بس صاير اسود من ايام الزقاره العاديه , كنت امسكها والعب او اكتب ويحطين الرماد او التتن على الكيبورد فأنا مالي خلق انفخ عليه عشان يطير لذلك اكتب عليه وينطبع لونه عالكيبورد

لكن الحين لا تتن ولا طفايات حتى لاحظوا الطاوله مافيها طفايه ولا ولاعه









هذي الزقاره حجمها الطبيعي , في نوع من نفس الشركه اسمه بريميم 100 تجي اطول من هذي , اما هذي طول الزقاره العاديه بس الفلتر يجي اطول لأنه فيه السخان و السائل

وطبعا هذي ايدي , ايد المندوب بشحمها ولحمها اللي وده يسلم عليها او يصور معاها

وتلاحظون لابس الخاتم , خاتم علاء الدين وهالخاتم لو احكه يطلع المارد , وان شاء الله راح اكتب موضوع خاص عن الخاتم وشلون احكه ويطلع المارد و اخليكم تشوفون مواصفاته وشنو يقدر يسوي





.
هذا الباكيت مابقى فيه الا هالفلترين , طبعا الفلاتر الباقيين خلصوا وخاشهم بكرتونهم وناطر الدفعه توصل

الحين مابقى الا الفلتر اللي راكب على الزقاره و بالباكيت حاط البطاريه اللي على اليمين و فلترين على اليسار

و لا تخفي عليكم ايدي بعد بس بدون الخاتم

بس شوفوا اظافري شرايكم فيهم

[Rshaman]

الزقاير ياناس مضرة في الصحة والله انا مستغرب ليش الناس تشربها ؟؟ يعني انت عارف انها مضرة ليش تشربها ؟؟؟؟؟؟؟؟؟؟؟؟؟ انا الحمدلله ماأدخن ولا ابي ادخن ولاني مطوع وعمري 21
طبعآ انا قلت عمري 21 لأن عندنا العوازم اعمارهم 12 سنة يدخنون .. ههههههههههههه .. احسن وقت تقطعونها رمضان منها ترتاح نفسيا ومنها تموت والله راضي عنك

[Karazhan]

لا مو مضره الالكترونيه


وشفيهم العوازم ؟ وين ساكن انت

[ام ابـراهيم]

شو سيجارة إلكترونيه أول مرة أسمع عنها