معرض عمار (الخطاف)

[orange road]

شهالرسوم الحلوة خطافوووووووووو

مت من الضحك على البوكيمون اليديد...
^^ وشكلك حلو بدون القناع (عاد لا تصدقون انه حلو جذي في الصج تلقونه حول ومركب طقم ضروس بعد)

رسمة البنات حلوة ^^ والرسمة الثانية اللي بالابيض والاسود وايد حلوة (الاخ قلب من المقالب وصار مزارع.. احسن خل يسود الهدوء على وجه الكرة الارضية لمرة منذ 1000 عام ((قمت أخورها)) )

اعترف.. انت لونت الرسمة الاولى مالت اللوك اليديد باي برنامج؟؟ الفوتوشوب والا الاوبن كانفاس؟؟؟ :vereymad:

[Shadow Cat]

سلااااااااااااام الخطاف...
ماشالله مااااشالله شهالزين ....رسمات يديدة هااه؟
ادري من زمان مارديت بس متابعة اول بأول "مشكلة الكسل"... لول

اولا بعلق على الرسمة اللي في الصفحة القبلية...رهيييييبة بشكل ما تتصور...خاصة السكتج مله و خطوات اكتمالك للرسمة رهييييبة هالحركة...الوضعية صعبة بس ضبطها عدل...التصميم اللي على الزي رهييب و دقيق!!!amazing:7:
الرسمات اللي في هالصفة..واااااااااااااااو الصراحة شغل عدددددل ماشاااااااااااااالله عليك "تف تف تف" .ههه..
بس صدق رووووعة...شكل الخطااف اليدييد عجيب ..كووول مرة :6147: ..
تلوين صار أحلى بوايد ..في تطور..و مثل ما قالت ساكورا واكي "رسمك نظيف" ماشالله...
و الخطاف الثاني بعد عجيب..!! مادري لفتت نظري الساعة...احسه كوول مع اللبس ..
سكتجات البنات حلوووووه مرة...عجبتي الشباصة*اللي على شعر البنت..حركة حلوة...
ههههههههههههههههههههههههههههه مال البوكيمون يفطس من الظحك..
الجاليري هذااا خطييييييييير..و نتوقع منك المزيد من التطور انشالله.. ^-^..
hope to see new works soon..

chaw chaw

[Rex]

السلام عليكم

ما شاء الله !
الرسومات الأخيرة حلوه مره أخ خطاف ^^

خاصة شكل الخطاف الجديد
الرسمه ما عليها كلام!
لكن شكلة وهو ماسك القناع كأنه كان متضايق من القناع
مثلا (قاعد يتخيل)
ماسك النظارة اللي ععينه (منزلها عن عينة شوي)
وجزء من القناع طالع من جيبه!

بيكون كول أكثر بعد

ملاحظ اسكتش حق بنت!
لا بأس به! لكن الخصر ضيق جدا...

الرسمه الأخيرة ههههههه
أكيد هذا بوكيمون نادر يديد

وتابع

[talal07]

أهلاً خطاف آسف أول شي إني ما قمت بزيارة موضوعك
أنا آسف جداً ..
رسمك خطاف غير سكل ورائع كذلك ، ولكن كل ما الاحظ كعيب
هي الخطوط فقط .. ومع السلامة

[mai_arumashi]

مع اني متأكده ان سالفه تغيير اللوك ما هي الا حركه استراتيجيه لاستقطاب اهتمام الرأي العام...بس شو اقول...حركه ناجحه خاصة ان اللوك اليديد احسن الجديم الف مرة *قبل لاتغيره محد كان متجرىء يقول شي عن اللوك الجديم ..الحين بيطلعون فيه عيوب الدينا*

و ستايلك صار احسن و الخطوط صارت انظف

يعني باختصار رسمك الحين صار متعه للعين ...اوه ...و انا اقول ليش ما اشوف شي من الصبح..
...الحين كل شي اوضح

[الخطاف]

السلام عليكم والرحمة

ماشالله الردود كثيرة وستانست عليها وايد

SolidSnake85
أبشر أخوي بالمزيد من الرسمات جريب إن شالله
ومشكور على ردك السريع في الجاليري وأتمنى التواصل منك والتشجيع على طول
ثانكس

J_girl
ثانكس ثانكس أختي
وإذا كنتي تبين ترسمين بهالمستوى ماعليج إلا
القليل من الإرادة والمتعة ووقت فاضي شوي وبتطلعين بنتيجة برسمتج مذهلة
ومع الوقت بتحترفين
وأتمنالج التوفيق مثل ما أتمناه لي

lord zacx
من؟.... كركوريمون
أنت شلون طلعت من كرة البوكي؟
كركوريمون إرجع للكرة...... بيوووووووووووووووووووووووو
ههههههههههههههه.... أختفى
ثانكس على ردك لكل رسمة زاكس
ونجوف رسمك أنت بعد جريب :vereymad:

sakura wakky
أهلاً أهلاً ساكورا واكي ... شلونج؟
مشكوره حيل على تواصلج معاي بالجاليري
مادري ليش أجوف ردج غير عن باقي الردود بجاليريي
ثانكس ثانكس على التشجيع القوي
وإن شالله رسمي بعد بيتقدم للأمام أكثر وأكثر بيعجبج أزيد وأزيدوبيكون أنظف وأنظف لين مايبين شي من الرسمه من زود ماهي نظيفة ههههههههه
وفعلاً سعيد بردج وموفقة بدراستج

LINK_FOX
أخوي لينك...يالله على ردك الطويل
أستانست عليه وايد.... ثانكس
ولاتحاتي وتوصي الأعضاء ليردون على...في هالمنتدى شعارنا ((كلنا على قلب واحد)) مثل فرقة ميامي
وأبشر بالرسمات قريباً لكن ... درزن؟.... أعتقد بأنه وايد

sharp eyes
ياحيالله شارب آيز في الجاليري
أقول....تعرف أخوي شارب شلي يعجبني فيك؟
صراحتك وايد قوية أنزين... ليش ماكتبت السبب عن الأسكتشات إلي ماعجبوك؟
أنتظر منك رد مهم وضروري جداً جداً
وتسلم على الرد وخلنا نجوفك ونجوف رسومك

sweet girl
سويتي شلونج؟
مشكورة وكلج نظر
وعلى فكرة رايج صحيح بالنسبة عن القناع
بعد شاسوي... الذنب مو ذنبي إذا الله سبحانه خلقني حلو
وبالنسبة للكبابيس
أنا بصراحة أي شي ألبسه يطلع حلو علي
فـــــ قلت أجرب الكاب علي وأجوف النتيجة
لكني طلعت أحلى بعد هههه هههه هههه
ثانكس على الرد سويتي وتابعي الجاليري وصوري بعد

orange road
أهاااااااااا...مادام إن هالبوكيمون اليديد أعجبج يعني أكيد بأنه ماعندج إياه
هالبوكيمون زين.... بس فيه عيبين
الأول بأن بطنه خايس
والثاني بأنه يكركر وايد
وهذا إلي يقول عنه سائق باص القطعة 13 ((بس بابا مافي كركر واجد والله))
وعلى فكرة في بوكيمون يديد توه نازل .... أعتقد بأن أسمه أرانجرومون
وأنا أستسلم للمرة الثالثة اللحين وباعترف
الرسمة باللوك اليديد الحلو الأحسن واحد لونتها بالأوبن كانفاس2
مادري شلون عجبني هالبرنامج
ثانكس على الرد أورنج رود وتواصلج معاي


Shadow Cat
أنتي ماتأخرتي على الرد ولا شي
بس أنا إلي من زمان ماحطيت رسمات
كلام ساكورا واكي عدل... رسماتي كلهم نظاف....((توني مغسلهم ))
وإن شالله رسماتي بيكونون نظاف على طووووول
والساعة إلي بصورتي كانت جزء من الكشخة
والبوكيمون اليديد ترى ماعليج منه
سايداك أحسن منه بوايد.... كركوريمون وايد غبي ترى
بس باخلي عندي لين مايتطور وباجوف النتيجة شتطلع
ثانكس على الرد أقين شادوكات

REFLEX
ريكس صديقي ...كيف الحال؟
تصورك لرسمة الخطاف وهو ماسك القناع حلو
مافكرت فيها بهالطريقة. والقناع مبين جزء منه وهو في الجيب له معنى بعد
باستفيد منها في صوري القادمة
وعن سكتشات البنات كنت باجرب أسلوب رسمه جايفة بس ماصدتها عدل
والخصر بالرسمه كانت أضيق من جذي بعد><
وأما عن البوكيمونات
عندي أنواع وايد نادرة محد يدري عنها
براويكم إياهم جريب هههههههههههههه
ثانكس على الرد ريكس

talal07
مشكور أخوي طلال على الرد البسيط
لكنك ماوضحت شاللي مو عاجبك بالخطوط
هالملاحظات أنا أحبها وما أفوتها وأستفيد منها

mai_arumashi
مممممممممم...ملاحظة لابأس بها ماي
لكن محد يقدر يتطنز ويطلع عيوب على شكلي بدون القناع
وهالحركة كانت في بالي من زمان بس ... كنت أستشير بعض الناس لين ما أستقريت على هالشكل
حلو صح؟
أكيد صح
ورسماتي صارت أنظف من قبل لأني أستعمل تايد اللحين

[john5]

وين ردي ؟
المهم مو مشكله برد من جديد -.-
أحم أحم :-
أهلا خطاف ^^ .
رسوماتك الجديده رهييييييييييييبه جدا الشكل الجديد حلو بس مخليك بشكل عادي أحب الشكل القديم - - .
و السكتش جميل ^-
أما الي ببيض و أسود هممممممم جميله جدا جدا أجل تشتغل مزارع في وقت فراغك ؟
أزرع لي تفاح الله لايهنيك ^^ .
و الأخيره يبيلي واحد من وين صدته ؟
تابع خطوف ^.^

[Manga Angel]

مرحبا
وووووووووو
من زمان ما دخلت
رسمات كثير منزلها أنا مو شايفها بعد
نفسي أعلق عليهم كلهم
لكن ما عندي وقت ......... المحاضرة شوي وبتبدا
شو ماعلقت ما راح يطلع معي غير انو رسمك بيجنن
ماشاء الله عليك
عنجد انا مش عارف من وين بتجيب كل هالتنوع

[sharp eyes]

أهلا زعيم

خلاص خلصنا المهمة .. وقضينا عليه تامر على شي ثاني

هههههههه اندمجت وايد ..

اوكي .. أول شي مشكور زعيم على هذا المديح انا صريح معاك لانك تتقبل النقد.. وادري اني ما راح انقص من قيمة رسمك بصراحتي

السكتش اللي اقصده .. اهو السكتش الثاني ( بعد رسمة الخطاف اليديد ) .. الصراحة كتف البنت اللي على اليسار ضخم ( بالنسبة لبنت ) .. فصاير شكلها مو مقبول ..
اما الشي الثاني بالسكتش فهو .. البس .. تقليدي جدا جدا .. ومكرر وايد

تعجبني زعيم على تقبلك صراحتي .. تعجبني .. وصدقني عندي رسمات وايدة .. بس السكانر عندي سخيف جدا .. فوايد محبطني.. فلازم اروح عند ميثم اذا ابي اسوي سكان .. وللاسف مو صايرة فرصة ..
بس انشالله اسويلهم سكان .. عشان ابدي تلوين بعد ..

خوش زعيم .. انشوفك بابداعات يديدة

[Blue..Moon]

اهلين وسهلين خطفطف ^^.
ماشالله عليك رسومك هذي حلوه حيل ضحكني البوكيمون كركور والمزارع ((على قولة ديكو))صاير كيوت وشكلك المطور حلو والوانها حلوه صاير كانه شخصيه هاديه وليست كثيره الكلام راونا المزيد من ابداعك ولا تظل سنه سنتين يالله ترد

[SolidSnake85]

شكل الخطاف عنده شي يقوله....أنتظر الردانشالله يحط رسمات يديدة

[الخطاف]

السلام

john5
مشكور على الرد أخوي
أنت عاجبك الشكل القديم أكثر؟
أكثر الأعضاء قالوا لي جذي
حتى إني أذكر بأني قلت لخلود مرة بأني باغير شكل الخطاف
عصب وقالت لي إذا ماعجبها الشكل اليديد بتطردني :vereymad:

لكن زين إلي عجبتها
وهالشكل اليديد خليته للقصص العادية لكن في المقالب والضرب باحط الخطاف بالقناع المعروف
وأما عن البوكيمون.... ترى هالنوع تقدر تحصله برامز
سعرة وايد رخيص ههههههههه


Manga Angel
مشكووووووور مشكور شكراً
حتى بوقتك الضيق حطيت لي رد
هذا يعني بأن رسمي صج أعجبك... تسلم مانجا أنجل
وإن شالله نجوف ردودك للرسمات الياية


sharp eyes
هلا شارب مرة ثانية
لو تدري... أستانس على الأعضاء إلي يعطون رايهم بكل صراحة
أصرً جذي منستفيد ونعرف وين أخطائنا ونصلحهم
ممممممممممم
أهااااااا... عيل هذي هي ملاحظاتك
بحاول أعدل رسماتي الياية من ناحية الكتف
وإذا تبي الصراحة... رسم البنات من زمان وأنا متغربل فيه
صعبين ولهم قواعد مايخلصون
لكن في نوع يديد من التغيير والنتعة
وأما عن السكانر السخيف إلي عندك
على الأقل عندك سكانر ... أنا وهارد قاعدين بدون سكانر يا إننا رايحين لشاهين أو زاكس أو المزيف ونسكنر عندهم لكن إن شالله منشتري واحد جريب
وأشتر لك واحد أنت بعد
ومشكور على الرد شارب وأتمنى أجوف ردودك متواصلة معاي


Blue..Moon
أهلاً بلومون .... البنات مايعوقون ويطلعون أسامي غريبه (خطفطف )
حاولت أحط بلومون بنفس الوزن بس ماتركب بلملمون؟.... ماتصير
ههههههه
على العموم
مشكورة أختي على الرد
وبالفعل تقريباً حللتي الفكرة إلي باوصلها من شكل الخطاف اليديد
هادي وكيوت (وسيم وحلو) ومايتكلم وايد
وجوفي هالرسمة وعطيني ورايج وإذا قدرتي وصفيها لي بعد
ثانكس مرة ثانية

[الخطاف]

هذي رسمة يديده ملونه
إن شالله تعجبكم
ماخذالي وقت طويل برسمها بالرصاص
لكني طولت بالتحبير وطولت أكثر وأكثر بالتلوين
...
وملاحظة صغيرة
أدري بأن الخلفيات تعطي قوة بالرسمة
لكن ماحبهم
فـحطيت خلفيه سريعة

[الخطاف]

SolidSnake85
صدقت صدقت

[SolidSnake85]

مرحبا خطاف
بصراحة....رسمة عجيبة...ماشالله عليك الوضعية واختيارك للألوان....ok
الشي الوحيد اللي أحس انه مو مكمل الرسمه الريول...قلة التكسفات في البنطون...وقلة تفاصيل الجوتي... غير تشي...رسمك ماشالله
بس بغيت أسألك واتعلم منك...بالنسبة للرسم...أنا يا أرسم بالرصاص...يا أرسم بالحبر...ماقد مرة حبرت في حياتي...فهل يوم ترسم الرسمة...تحبرها بقلم حبر...ولا بالكمبيوتر..
وبالنسبة للتلوين...كيف لونت تشي...والكاب كف تدرج الألوان تشي..بأي برنامج اتلون...لأني بصارحة ماعندي غير البينت...وأبا أتعلم ألون بهاي البرامج...فأي برنامج تنصحني..قالي سوورد بالفوتوشوب....بس أنا ابا رايك
وانشالله انشوف رسمات أكثر