موضوع كامل للطلبات والاستفسارات .. تمارين .. مكملات .. تغذية !!

[homaid]

عن الجدول اكيد لازم تغيره كل شهر تقريباً .. اولاً لك عشان ماتمل .. وللعضلة عشان ماتتعوود ..
فنوع في اساليب تمارينك وترتيبها والتكرارات

الكابتن العنيد شو احسن عدد لتكرارت وجلسات الضخامه
وممكن تحطلي عدة جداول حق الضخامه والاوزان المثاليه كابتن

[al3neeed]

بخصوص بياض اليض ان كلته احتمال حتى الامعاء والمصارين كلهن يطلعن اما الماده الصفرا ماعندي مشكله وياها ماشي حل غير بياض البض
.................................................................................................... .........
يعني لازم تكون الوجبه اليوميه تتالف من 12 اللي طريتهن والمكسرات وزبدة الفول السوداني لازم تكون يوميه ماتكفي اللحوم والبقوليات عنها والحليب والجبن مايسد عن الزبادي
..................................................

والخضار ليش الجزر والخيار اذا ما كان متوفر الخضره
.........................................................................
العشاء لازم تكون تونه او بروكلي وشو البروكلي
.........................................................................
قبل التمرين تاخذ حاجه فيها سكر وكاربز مثل شو والامينو اسيد شوفايدته
..........................................................................
وبخصوص الجدول ممكن تعطيني كافة جداول الضخامه من البدايه الى اخر شي
بخصوص التكرارت حق الضخامه كم تكرار وكم جلسه وكم تمرين وكم لعبه وكم جهاز شو متخربط لكن لو ترتبلي اياهن استاذي
والسموووووووووووووووووووحه منك

بياض البيض هو اللي يحتوي على نسبة البروتين الأعلى .. يعني حاول 3 بياض بيض و1 بيضة كاملة .. واذا ماعجبك الطعم ضيف جبن خالي الدسم يكون حلو ..
نظام الاكل اللي حطه اخوي البرسا مش لازم اطبقه .. .. كل واحد وطبيعة اكله يقدر ياكل اللي متوفر عنده .. بس المم تغطي حاجتك الغذائية اليومية .. حاول تنوع افضل
الخضار مش لازم جزر ياخوي .. خضار كل انواع الخضار .. خس خيار طماطم .. يعني خذلك سلطة كاملة ..
البروكلي هو نفس القرنبيط بس لونه اخضر ..



قبل التمرين تاخذلك مثلاً خليط سوفان وملعقة عسل .. او توست وملعقة زبدة الفول السوداني .. عشان يكون عندك طاقة للعب ,, ..

عن الجداول سبق وان وضعنا اكثر من جدول .. تقدر تستعين فيهن في الردوود السابقة .. والجلسات اغلب الالعاب تكون 3-4 مع 8-10 تكرارات .. وللعضلة الكبيرة 4-5 تمارين وللعضلة الصغير 3-4 تمارين .. شوف ياخوي هذا جدولك انت ترتبه وتشوف اللي يناسبك .. ويناسب وقتك .. اهم شي تمشي ع القواعد الصحيحة له ( عدد التمارين وو التكرارات الخ .. )

[homaid]

ليش تختلف التكرارت مره 8-8-8
ومره12-10-8
ومره 10-10-10
شو السبب

[al3neeed]

كلهم نفس الشي .. شوف اللي يناسبك ..

حلو اذا كان 10-8-8 ولا اي شي .. المهم من 10-8 او 6-8 يكفي حتى ..
بس تزيد الوزن .. .. يعني وزن يمديك تسوي فيه 8 تكرارات .. حااول

[fw4e]

السلام عليكم
الان انا ضعت من الردود ابغى افهم ماهي المكملات المناسبة لي مع العلم ان لي شهرين في الجيم بدون ان استعمل اي مكمل وانا احتاج الان مكملات لزيادة الوزن والتضخيم
حاليا انا اخذ فاتح شهية و ملتي فيتامين فقط واحس انه لسه في نقص
وشكرالكم

[al3neeed]

السلام عليكم
الان انا ضعت من الردود ابغى افهم ماهي المكملات المناسبة لي مع العلم ان لي شهرين في الجيم بدون ان استعمل اي مكمل وانا احتاج الان مكملات لزيادة الوزن والتضخيم
حاليا انا اخذ فاتح شهية و ملتي فيتامين فقط واحس انه لسه في نقص
وشكرالكم

اهم 3 مكملات ..

الوي بروتين .. ( نايتروتك او بروكومبلكس او الاوبتمم ) والكل شرحناهم قبل ..

الكرياتين .. ( prolab ) مشرووح استعماله وصوره قبل بعد ..

واخيراً الملتي فيتامين .. وانت تستعمله اصلاً .. بس اهم شي راجع الردود عن فترة وكيفية ومتى تستعمل المكملات .. لان كل المعلومات اللي تحتاجها سبق وذكرناها ..

[نادر بهالزمن]

اخوتي اريد بروتين ينحف وبنفس الوقت يبني العضلات ويذوب الشحوم .. يعني ينزل وزني من ناحية الشحوم وبنفس الوقت تستفيد العضلات وتتقوى ارجوكم انصحوني عجزت خلاص

قالو ان هذا النوع كويس


هل تعرفون كم سعره وهل هو كويس صحيح ام كذب ارجوكم ساعدوني وشكرا

[homaid]

قمت الاحظ بداية ترهلات حول الخصر

[homaid]

السلام عليكم العنيد انته ماحد يقدر يسولف وياك على طول تسكر التلفون
الحين يوم تسيرون الصاله تشلون الجداول وياكم ؟
وشو احسن صاله في بوظبي

[vip01]

شكرا اخي البرسا انت واخي العنيد وجزاكم الله خيرا لكن لدي طلب اخر وهو افضل نوع غلوتامين ولكم جزيل الشكر والتقدير

[fw4e]

شكر لكم اخواني واخص بالذكر العنيد والبرسا لبقاء هذا الموضوع حيوي ومفيد جدا

[OnlineGmaes]

عنيد \ البرسا

الجدول هذا زين
http://www.muscleandstrength.com/wor...g-routine.html


ولا اخذ هذا المكثف اللي عطيتني اياه أحسن ؟؟
http://www.muscleandstrength.com/wor...g-workout.html

اثنينهم للمبتدئين بس في فرق كبير في الـ Sets و الـ Reps والأيام
يعني واحد ضعف الأخر!!

[homaid]

VPX Zero Carb Protein


شو ميزة هذا البروتين
وليش اغلى البروتينات
وماهيمميزات البروتينات الباقيه في هذي الصفحه
http://www.muscleandstrength.com/sto...y/protein.html

[homaid]

البرسا والعنيد اشكركم على الجهود الجباره وانشالله مانكون مثقلين عليكم
................................................................................................

[AI_BARCA]

الاخ حميد بخصوص الجداول معليش تأخرت لانه عندي ظروف شوي كانت

هذا 5 ايام في الاسبوع

http://www.muscleandstrength.com/wor...g-workout.html

وهذول جدولين حق 4 ايام

http://www.muscleandstrength.com/wor...t-workout.html

http://www.muscleandstrength.com/wor...t-workout.html

اختار اللي يناسبك من الثلاثة

بخصوص زيادة الوزن الحين انت تقول زدت في اسبوعين والحين ماخذلك يوم تقول صار عندك ترهلات اسفل اخصر !!

شيء غير منطقي ابداً ؟!؟

الانسان ما يلاحظ اي تغير من زيادة او نقصان الا في فترة اسبوع على الاقل وانت قلت بعد اسبوعين زايد وزنك وفرحان والحين بعدها بيوم في ترهلات ما يستوي

--------------------------

الاخ fw4e حالياً تحتاج لزيادة اكلك + بروتين + ملتي فيتامين + كريتين وممكن غلوتامين

---------------------------

الاخ نادر بهالزمن طلبك مستحيل

مافي بروتين ينحف ويبني عضل ويذوب الشحوم بنفس الوقت !!

لزيادة العضل تحتاج لزيادة الوزن .. وزيادة الوزن يرافقها اضافة القليل من الدهون لو كان اكلك سليم .. وبعدين وقت التقسيم او التقطيع الواحد ينشف جسمه من الدهون ويصفى على العضل بس

فهل في سيارة تمشي للأمام وفي نفس الوقت تمشي للخلف ؟!؟

لذلك حسب هدفك الان هل هو التضخيم او التقسيم والتقطيع فقط

فاذا كنت تريد تقطيع جسمك وابراز العضلات الموجودة .. تستطيع استخدام بروتين مثل الاوبتيمم او الايليت او النترو تيك ولكن ليس اللي وضعته في الصورة اللي شكله رصاصي ووضعه العنيد اكثر من مرة هنا + ملتي فيتامين + كريتين وممكن غلوتامين

---------------------

الاخ vip01 العفو وهذا واجبنا

بخصوص الغلوتامين عندك يا طويل العمر اي نوع غلوتامين يمشي المهم يكون بيور غلوتامين

يعني ممكن الاوبتيمم - ممكن البرولاب - ممكن Eas عادي اي شركة المهم يكون بيور غلوتامين اللي هو العادة يجي 5 غرام في الحصة

--------------------------

الاخ OnlineGmaes

اخذ الثاني يمكن يناسبك اكثر

مو مسألة فرق كبير هو التكنيك يختلف بس يمكن يناسبك الثاني افضلك علشان ما يكون معقد كذلك

-------------------------------------

الاخ homaid

بخصوص البروتين اللي وضعته اسمه زيرو كارب يعني بدون كاربوهيدرات وبدون دهون وبدون حاجة فقط بروتين صافي هذا للناس اللي تخسس وتبي تضعف وتقسم وكذا

بخصوص باقي البروتينات فهناك مئات الشركات والانواع .. الحين وش يفرق بين تلفزيون شارب وسامسونج وسوني وتوشيبا وسانيو و و و و و و .. في انواع ممتازة وشركات معروفة وفي انواع زينة تمشي الحال وفي انواع تعبانة صح .. البروتينات نفس الشيء

تحياتي