قهوة WoW .. :P

[Rshaman]

اشراف اممم لا مو اشراف ... اشراف ؟؟ لا مو اشراف ؟؟ اشراف .. اي اشراف


انا فكرت اكون مشرف شرايكم ؟؟ ( رد ثاني لأن الي فوق اخذ طاف )

[ام ابـراهيم]

والى ان يتم تغير السياسه ويتم رفع هارت واستغفار الى الون الازرق و الاصفر يكون للأعضاء المميزين

والله يا أخي انت تستحق كل خير و أنت أجدر منا بكثير
و لا يوجد غيرك يستحق الرقابة بل الإشراف على المنتدى بأكمله
هالمنتدى يبيله رجل مثلك مثقف و ملم بما يدور من حوله

[Karazhan]

الله يسلمج ويخليج انا اقل مما تتصورين يا اخت استغفار

انا مجرد شخص احاول قدر المستطاع اني اعدل بالقسم

مو معقوله يظل القسم من 5 سنوات على وضعه بدون تغيير

ولا معقوله ان المشرف والعضو المميز نفس اللون , وهناك الوان كثيره

لازم نصحح المسار ولو كلفنا حياتنا , اهم شي اني اكون عند حسن اعضاء القسم اللي اعتبرهم مثل خواتي

هذا وانا مضرب عن الكلام ولكن ماحبيت اتركج بدون رد واسف عالتأخير

[Karazhan]

انا من كثر ما ابحث عن اوسمه سويتلي وسام شكرا لك وحطيته , انا اسوي احسن من انطر المشرف يعطينا وجه

طلع الموضوع سهل وان شاء الله راح احط اوسمه كل الاقسام بتوقيعي و خلاص مابي اوسمه من المنتدى

[Karazhan]

ممكن وسام ؟

على فكره ترى انا بنت واسمي ريري

وهذي صورتي اللي فوق

مشكورين

[Derover]

اوكيشن

قـال البـدوي:
يا الله على المطـر والدفى وشبة النـار
ودلة بمسمار وتمر وناس حيه <3
‏

كمل المصري:
وسندوتش طعمية وقبنه وزيتون وخيار
وشاي بحليب و حلاوة طحينيه:|


صح لسانكم

^

طبعاً مو مسروقه لول

هههههههههههههههههههههههههههههههههههه
هههههههههههههههههههههههههههههههههههههههههههههههههههههههههه
ههههههههههه هآآآههاها هههههههههه وسندويتش طعمية هههههههههههههههههههههههههههههه
مآلك حل يآآ يوشي ههههههههههههههههه

[Derover]

كرزآن آنآ مآ آبي آشرآف آبي بس شكر، شكر مو يعني سكّر شوقار لآ يعني يضغطون كلمة شكر بنهآية الموضوع

[Karazhan]

حلاو

انا عطيتك شكر وخلاص مااقدر اعطيك اكثر

انت مشكلتك طحت بقسم الواحد لو تقوله عطني باجيك من الزقاره مايعطيك هالمره تبي يشكرك

لا وكويتي بعد يعني يشوفونك نعوم مثل المسلسلات وعلى بالهم كل الكويتيين جذي ناعمين نفس البلام و طقته

مايدرون ان اذا طلعنا للبر الشباب يلعبون بشنبي شد الحبل

المهم انا عطيتك شوف غيري

روح قسم الاسره هناك حط رابط توقيعك واقعد طر الشكر منهم

فشلتنا فضحتنا بين الناس انت والشكر هذا

[Derover]

كلامك صح يبيله اروح ألعب بالقسم ترفيهي لعبتين ع السريع عد من الواحد لي الـ10 واحذف طماطة على عضو عشان يشوفون توقيعي
ولآ شكلي بروح أفر ع المنتدى كلّه وأهم قسم الضيافة والترحيب تلقاهم مستحين وما راح يردوني لآن انا اوّل واحد رحّب فيهم
ولآ تصدق اذا تبي وسام بقسم الضيافة والترحيب سولك ماكرو أهلاً أهلاً العضو الفلاني ان شاء الله تفيد وتستفيد ..إلخ
يومين ثلاث إلّا تشوف آلوسآم على كتفك

يلآ بسم الله خلنآ نشوف رزقنا .. يالله صبآح خير

[Karazhan]

انا قبلك قلت جذي وعملت ماكرو

وعليكم السلام اهلا وسهلا

حياك الله اختي

حياك الله اخي

وكل يوم جذي بالنهايه اكتشفت ان قسم الترحيب مايحسبون المشاركات

يعني مشاركاتك 100 و تروح تشارك بالقسم هناك 100 تشوف مشاركاتك ماتحركت

ولا في اوسمه

يعني لا تتعب نفسك , اذا تبي روح السياحه والسفر

ادخل منتديات اجنبيه و ادخل اقسامهم السفر و الاوربيين بايعينها يسافرون كل مكان , انت اخذ مواضيع و صور وحطهم وقول هذا انا واكتب كلمتين او اكتب مقدمه وبعدين قول اخليكم مع الصور

بس اهم شي لازم تعرف الدوله اللي تحط صورها وقول اخليكم مع المسكيك وحط صور

بعدين قول اخليكم مع فنزويلا وحط صور وبعدين مع جنوب افريقيا وحط صور وكل دول العالم

ياخذ منك الشغل يوم , ولكن تطلع ب4000 شكر و 5 اوسمه مع جم نقطه تقييم

فوق هذا الناس تتحطم فيك تقول ماشاء الله ديروفر حده مليونير كل دول العالم راح لهم ودنا نصير تلاميذه عشان ياخذنا معاه

ولا تنساني من خالص دعائك

[Karazhan]

شوف يا اخ ديروفر

ادخل الرابط هذا

http://montada.com/showthread.php?t=698688

شوف كم عدد المشاهده بعدين شوف كم عدد الشكر عندي

مايحتاج تشوف كل اللي عطوني شكر 12 واحد

عدد المشاهدات 12 الف وشوي

12000 لا تنقص 0 ولا 00 نقص 000 اللي عطوني 12 واحد

مادري ابجي او اضحك

عرفت ابوي يعني لا تترجى شي , توكل على الله وشوف قسم السياحه او دور قسم شبه ميت و روح حركه يومين راح يعطونك اللي تبي صدقني

[Karazhan]

http://montada.com/forumdisplay.php?...e=2&order=desc

هذا ثالث موضوع عشان ما تضيع

عدد المشاهده 12 الف و 869 يعني بعد واحد واللي اهو انت لما تدخل يصير 870

هذوله لو ارشح نفسي في مجلس الامه لا تقول الاول

اصلا مااشوف الاول , هذوله لو انزل على الاشراف ويعطوني اصواتهم كان الاول

هذوله لو يعطيني كل واحد فيهم دينار اسدد 90% من قرضي

ولكن نفس ماقلت انت

الاغلبيه الصامته هذوله

[Derover]

آي والله !!
حتى بالقسم آلترفيهي مآينفع آلوآحد يقعد يجينز مشآركآت، لآن مقفلين العداد
يبيله أشووف قسم ثآني، أمّا قسم السياحة والسفر هذآ خوفك أحط صور معالم دولة وتطلع بدولة ثآنية
يعني اقول شوفوني رحت الرياض واحط لهم صورة برج ايفل وساعة لندن
ابي قسم سهل، مآكو الا قسم الطبخ
آنآ رآيح مطبخ البيت أدور لي كتاب ولآ شيء أنسخ منه
اذا مآلقيت بحط لهم رقم كنتآكي ولآ هآرديز يمشون حآلهم هاليومين لين آشتري كتآب وأعلمهم شلون يطبخون

[Derover]

شالقحط 12 ألف والي معطين شكر ينعدون بالاصابع
آلحين أفر على موآضيعك وآحد وآحد وأضبطك بالشكر
آنطر بس

[Karazhan]

4 اوسمه مره وحده ضبطني شلون