قهوة WoW .. :P

[Karazhan]

اخيرا عرفت الطريقه

اول ماتحط الصوره شنو تسوي ؟

اضغط عليها دبل كلك والصوره بالمربع قبل لا تضغط على اضف الرد السريع

عاد لما تضغط يفتحلك مربع في كل الاحجام يعني يقولك تبي الصوره كبيره او صغيره او نفس اللي انا انا احطهم قبل يوم كنت غبي

وبعدين وين تبي الصوره يمين يسار

ترى سهله بس انت وياه شغلوا مخكم

انتوا بالسعوديه لما الحين تسمون المطعم الهندي بوفيه

اقص المواعين اللي جدام راجو واللي فيهم بطاطس و فلافل و زهره و تكا و مرق نحم و مرق دجاج

المواعين هذي اللي تكون مثل المنقليه

تعرفون شنو منقليه ؟ محد فيكم بالجيش او دخل تجنيد ؟

منقليه صحن اللي يحطون اكل فيه للجندي طبعا اسمه جندي بين الناس العاديين واهله وربعه لكن بالمعسكر اسمه بصطار

مثل ماقال الشاعر


ديره بتايا ليت منهو لها طار ,,,, مفارق التجنيد والعسكريه

لا دق وتسحيب ولا قم يا بصطار .. ولا كافور بالشاي ولا منقليه

صح لسانك

يقول لا دق يعني مو دق تلفون عالصاحبه تالي الليل , قصده دق يعني يدقونك دق بالزحف و مشيه الضفدع و مشيه البشه

ولا قصدهم يدقونك دق يعني دقني لا , يدقونك دق او كلمه دق يعني يقعد الضابط عالكرسي تحت الظل وانت بالشمس ويدقك تسوي تمارين او تسوي حركات تضحك الضابط وجذي

المهم نرجع لمحور حديثنا

وبصراحه انا نسيت شنو محور حديثي بصعد فوق اشوف شنو

كأنه عن الصوره , المهم الصوره اول ماتحطها تكون صغيره اضغط عليها دبل كلك تفتح معاك واختار الحجم

اشبك ياشيخ

قولوا شسالفه يامعود

احسن من اشبك انته كذا

شفيك انته

او

براسك حبه ؟ نزلها وله اديك كف انزلها من كوعك

قولوا

براسك شي

بس ليش جمله شطولها شعرضها

اخر شي طراق من كلاش يروح يبجي

يلا بتعشى

باي

[Derover]

ماشاء الله شكلك حاسب حسابنا معاك ولا شلون بتاكل هذا كله لحالك
الأكل يكفي 4 أشخاص ع الأقل
جان قلتلي قبل لا اتعشى عشان انطرك واتعشى وياك

اي على طاري الأكل انا مادري شسآلفتي تخيل أتغدى الساعة ثنتين الظهر تجي الساعة 4 اصير جوعان ع الآخر
إلّا اليوم صآر شي غريب .. أكلت وانا رآيح للدوام من مطعم صمونتين الساعة 12 الظهر وشبعتني لي المغرب
حتى مآتغديت إلّا بعد ال8 بليل
مادري ليش عندي احساس ان عندك خبرة بكل امور الحياة طب سياسة فضاء هندسة ..
فأتوقع عندك تفسير للحآلة هذي
يلآ جآوب ليش

[Derover]

لقيت واحد بيشتري Elementium Ores الستاك بـ 55 قولد
عآد عندي تقريباً 600 ستاك يعني 33 ألف قولد ..
صفقة مآ تنطوف!

[Karazhan]

انا كتبت رد

رد كبير جدا لدرجه اني يوم خلصت من كتابته قلت هذا الرد راح اسميه ام الردود لكبره

وانا متعود اني كل مااكتب رد اسوي عليه كوبي واخفظه عشان اذا ضغطت اضافه رد و الصفحه طلعت غلط او اي شي , اقدر اعيد كتابه الرد بسهوله واضغط بيست وخلاص

بعد الرد نسيت وما انساني الا الشيطان

كتبت كلام يااخي واجد , دخلت بالمعهد ودخلت بمواصفاتك شلون ودخلت بالحمام او القمري ونروح نرمي بالصبيه وقلتلك تعال معانا انا وبندر

بعدين دخلت بالالعاب و بالعلم لما سألتني وقلت انك فاهم بالهندسه و الطب و انا قلت لا فاهم ولا شي و انا مااعرف الا بعض النقاط بس المهم كتبت كل شي

بس نسيت اسوي كوبي وضغط على اضافه الرد وطلعت الصفحه غلط

شفت الساعه لقيتها 3 عرفت ان المنتدى كل يوم من 5 سنوات بالوقت هذا تصير الصفحه غلط


عموما مالي خلق اكتب الكلام لأني حتى نسيت شكاتب

[Derover]

أكررره شعووووور !
حآآس فيك والله
شكثرر صآرت فيني بهالمنتدى بالذآات
مررة قعدت أكثر من سآعتين أكتب رد
على مآ نسخت آلروآبط وحطيت صور و و و .. طقيت ارسآل ولا الصفحة مآتشتغل!
حسيت شوي وبنجلط ..

عآد تدري ترآ والله كتبت لك ان المنتدى بيطفي لكن طفا قبل لآ آرسل

طلع مو بس يوشي الي يقتل آلموآهب

[Derover]

يآولد انا آنهد حيلي وآنآ أرسل CoD .. الـ Ores مآدري متى بخلصون !
بس آلقولد آلي بجي بآجر يرد آلروح .. فخلنآ نكمل نرسل، ان شاء الله خالصين قريباً

[Karazhan]

لا تدزلي خاص ارجوك

احنا يااخي الفاضل والكلام موجه لك يا روفر

احنا يالكويتي يابو طرح , احنا مجرد حشو منتديات

يعني احنا اللي نتعب و نمارس العمل المنتدياتي ونضيف ونعدل و نشيل الناس على روسنا

اخر شي يجي مراقب مايستحي على وجهه ويرسلك رساله خاصه يقولك اي رد قبل تكتبه دزه لي عشان اطبعه

يعني في انا سألت سؤال وقلت منو يعرف شلون اذبح البوس الفلاني ؟

انا عندي الحل , بس مااقوله انا ارسله للمراقب واهو يكتبه لك , ليش ؟ عشان الشكر يروح له

او مراقب يقعد بالقسم مبسوط و حاط رجل على رجل وقاعد يشوف القسم فيه حركه والناس تشتغل , هذا يسأل و هذا يجاوب

هذا يحط مواضيع و هذا يعقب على المواضيع , و مرتاح نفسيا , لأن اهو بس يطالع ويشارك عالخفيف , طبعا لو يسكت اشرفله لأن مشاركاته كلها نفس وجهه

الاعضاء العاديين هم يقومون بكل شي , طبعا سياسه المنتديات تقول اذا الشخص وصل مرحله الاجتهاد ياخذ نك ذهبي و اوسمه

هذا طبعا يحصل بالمنتديات لاتقول مايحصل , بس الحمدلله ان هني مافي نوعيه مراقبين نفس جذي

مراقبينا عندهم خبره بكل اقسامهم , اما بعض المنتديات يكون المراقب رفيجه بره الانترنت يعني , وعشان يضبطه يحطه بقسم معين والقسم هذا مثلا فيه مراقب واحد , يحطه فوقه ويخليه مسؤول عليه ويتدخل بشغله

يعني مثلا انت لغتك الفرنسيه 100% و عايش في فرنسا 10 سنين وتعلم الفرنسيه نفس ماتعرف العربيه , وانا صاحب المنتدى دخل علي رفيجي قالي ضبطني خلني مراقب عندك , وانا بدوري شفت ان قسم الفرنسي مافيه مراقبين الا واحد لأن يعرف فرنسي

حطيته فيه , طبعا المراقب السابق صارله عندي 5 سنوات وماشفت شي عليه وبالعكس كل الناس تمدحه , انا حطيت رفيجي عليه ورفيجي قعد يطرد فلان ويعدل مشاركات فلان ويلعب على كيفه

طبعا اول عمل يقومون فيه تدري شنو ؟ التحرش بالبنات , يضبط البنات عشان يعطونه وجه , يعني يعطيها وسام و نقاط وهالامور عشان تضبط , المهم المراقب القديم زعل واشتكى للأداره قالهم ان فلان يبط الجبد ذبحني كل شوي لاعب بالقسم

يزعل المراقب الجديد ويتهاوش مع فلان واللي اهو المراقب القديم وبعدين توصل لصاحب المنتدى واهو اكيد راح يصف مع رفيجه ويشيل الرقابه من فلان

وجذي صار قسم الفرنسي بدون مراقب كفو , صار المراقب الحمار , عمرك شفت حمار مراقب ؟ ماشفت

صار جذي والقسم طاح شوي شوي لين صار تكمله عدد بالمنتدى

هذا اللي انا مابي يحصل هني , لازم يكون كل شي مضبوط

طبعا يمكن يوشي يحك راسه على باله عنه , لا والله مو عنك ولكن مابي الوضع يوصل بالاقسام وخصوصا القسم هذا

انا من عمري اقول ان شفتوا علي شي غلط عدلوا واذا يحتاج توقيف صكوني توقيف , انا ماقلت جذي عشان ياناس شوفوني ترى مااخاف من التوقيف , انا قلت عشان مهما كان الشخص تعرفه لا تتردد بالمعاقبه

اذا اهو ما احترم نفسه واحترم القسم والناس و المراقب يتوقف لو كان اخوي , واذا مراقب فتح الباب على الواسطه و قعد يطوف حق فلان و يترك فلان ويعاقب علان جذي راح يفتح عليه باب ماراح يتسكر الا بزوال ملكه

خصوصا اذا انا كنت بالقسم موجود

لأني مااحب هالسوالف ولا احب اشوف واحد يطوف لربعه ويعاقب باقي الناس على اتفهه الاسباب , بصراحه مااقدر امسك نفسي لازم اتكلم واذا تكلمت مايوقفني الا التوقيف

لذلك اضبطوا انفسكم عشان ما اعلن الزحف المقدس

امس كلمني شخص من خارج المنتدى ويدخل بس قليل قالي البسطويسي شدراك يمكن قدم استقاله وانت ماتدري , وراح وانت على بالك موجود

قلتله البسطويسي والله اعلم ان مراقب كبير بالمنتدى

تقولولي ليش

انا اقولك , البسطويسي اذكر اول مره دخل قبل فتره طويله لما اغلب الشباب قالوا ان البسطويسي اهو ولد بطنها , وصارت هوشه على السالفه هذي

المهم من زمان دخل , واهو اخذ توقيف وانا اخذت انذار , لأن ماكو شي يثبت ان اهو انا , يمكن رقم الايبي شافوه الاداره وقالوا مايتطابق عشان جذي اخذت انذار فقط

المهم اهو اخذ توقيف , وبعد 3 ايام رجع اسمه عادي , يعني راح التوقيف

بعدين دخل مره ثانيه وراح قسم ثاني قعد يشارك و ايضا شارك هني معانا وبالنهايه اخذ توقيف وانا لحقته بتوقيف

بعدين راح منه التوقيف علما بأن كل شخص اخذ توقيف معاه راح بلا رجعه , يعني اوتلاند مثلا اخذ توقيف الى اليوم من 4 سنوات , اهو لا

المهم دخل اخر مره معاه مجموعه من الشبيحه , منهم نخيلان , كلهم اخذوا توقيف

كلهم توقيف مدى الحياه الا البسطويسي يومين ورجع اسمه طبيعي

يعني الحين لو تدخلون على البسطويسي تشوفون اسمه عضو ولو تدخلون على اللي دخلوا معاه بنفس الوقت تشوفون كلهم عضو موقوف الى اليوم



من هذا انا اقول ان المجاهد البطل المغوار الرمز القائد البسطويسي اهو مراقب كبير

مو مراقب صغير يعني نكه بالاصفر ولا مراقب رسمي باللون الازرق ولا الاحمر , الظاهر ان اسمه باللون العنابي او الاخضر , يمكن اهو دارك تب شدراكم

يعني مثلا دارك تب معجب فيني و مو حلوه يشارك بأسمه دارك تب عشان اذا شارك فيه معاي كل الناس راح تخاف مني وتقول نفتك من شره عشان ما يشيلنا

ولو اقول نكته سخيفه الكل يضحك عليها اسبوع عشان يعني يجاملون , عشان جذي اختار اسم البسطويسي

يمكن مو اهو دارك تب يمكن مراقب لون اسمه عنابي او يعني واحد واصل

لأن كل ما يحصل على توقيف من ثاني يوم ينشال , هذا ماله تفسير الا ان البسطويسي مراقب كبير هني , وكل ما اخذ توقيف او باند دخل بأسمه العنابي وشاله

واللي قالي عنه رفيجي يمكن اهو استقال او لا

انا بصراحه ماادري , لكن اذا يشوف كلامي او لما الحين موجود اتمنى يدزلي رساله لو فاضيه في ملفي الشخصي

مايدزلي بالخاص لأن بالخاص واقول للناس انه دزلي يقولون جذاب ما دزلك وتقول دزلي

دزلي بالملف عشان اقولهم شوفوا دزلي ويدخلون يشوفون بعيونهم

وعشان ابيك بالزحف المقدس اللي راح يصير بالقريب العاجل

ان شاء الله الزحف راح يكون الى الاداره و الحرب ضد الاداره

[Karazhan]

انا تركت ووركرافت وفي جعبتي يمكن نص مليون جولد

والله اخر ايامي ماادري شنو اسوي فيه

تخيل شريت الجناط اللي 26 خانه يمكن و عندي 12 شخصيه او اكثر مااذكر لكن تقريبا 10 بدون وظائف , قعدت يوم فاضي جان اخليهم انجنير كلهم من 1 الى 400 ماادري 450 , والله حتى نسيت حد الوظيفه جم , المهم وصلتهم للفل , وشريت اسلحه وشغلات من المزاد

ماكو شي بخاطري ما شريته

بالنهايه عندي 500 الف ماادري شنو اسوي فيهم , والحين عطيت اخوي الاكاونت قالي بلعب ووركرافت مع ان اهو ترك اللعب من فتره

المهم عطيته اكاونتي , حده مستانس 12 شخصيه 85 و نص مليون جولد و كل الشخصيات لابسين جير محترم


س لملم

[Derover]

كلآم خطير يا كرزان صج ماخاب ظني يوم قلت عندي احساس انك خبرة بكل شيء في الحياة

تبي الصراحة انت مكانك المراقب العام للمنتدى لكن مثل ماقالوا الي ما يعرفك ما يثمنك

ما دروا ان عندهم كنز عظيم في المنتدى

وشنو سالفة المشرف الي يقولك ارسلي رسالة قبل لا تكتب رد؟

ترا التشفير ما يفيد :P عطنا السالفة كاش مع ذكر أسماء السالفة خربت > بوديك بدآهية

وعلى طاري جنودك المجهولين وينهم ما قمنا نشوفهم؟

لا يكون بس تخلّوا عنك شوف كلهم يمكن يتخلون عنك إلّا البسطويسي هذا الوفي الي لو يموت ما يخون

[Derover]

500 ألف قولد؟ شكله عندك مغارة علي بابا مو بنك

صرت الخرافي حق توايلايت همر

انت تكنز المال من غير فائدة انا أشتري فيه قير اذا دخلت Pug DS

شريت الشولدر والهاند تير كل قطعة ب17 ألف الله لا يخسر

بس الخير واجد الحمدلله

اوك حجي انا بفصل بعد بنام يلا سلام

[Karazhan]

البسطويسي اهو يدي اليمين

بس شوف انا سرقت لك اوسمه المنتدى كلها

الله يقطع ابليسك يا يوشي خليتني احترف السرقه والتزوير

شوف هالاوسمه



الحين شنو المطلوب منك ؟

انا سويت اوسمه جذي



بس يوم حطيتهم بالتوقيع شنو قالي التوقيع ؟ قالي عدد الحروف كبير جدا

فأنا لازم احطهم عشان الناس اللي تشوفهم تقول ان صح كل هالاوسمه مايكفون عند صورته ولازم يحطهم بتوقيعه

بس المشكله مايصير لأنهم ياخذون حجم

المطلوب جزاك الله عني وعن كل المزورين والحراميه خير , ابيك تصور الاوسمه كلهم وتحطهم بصوره و تقطع فيهم لغايه ماتصير الصوره مقاس الاوسمه عشان احطهم بالتوقيع


عرفت شلون , يعني صوره وحده فيها كل الاوسمه حجمها يكون 20 كيلو , لو احط الاوسمه كلهم حجمهم كبير حيل عرفت الطريقه

فأنت اخذ الاوسمه كلهم بصوره و ضبط الصوره ودزها لي عشان احطها بالتوقيع

اتمنى تتلف هذي الرساله بعد قرائتها عشان محد يصيدنا

تعال سرقت لك الشعار مال وسام الشكر

عشان مره وحده تعلق بالصاله او بالدوانيه وتقول لربعك دازينه لي اداره المنتدى مع DHL تقديرا لجهودي عندهم

[Karazhan]

انا دورت برنامج الرسم هذا عندي ولا حصلته

مع اني اذكر شفته بس ماادري وين اختفى

[Karazhan]

لقيته

بتعبث فيه وبشوف

[Karazhan]

السلام عليكم ورحمه الله وبركاته

اولا حبيت اوضح بعض النقاط عشان مايكون في لبس عند الناس اني اضمر الحقد او اكره او اي شي ضد احد المراقبين او الاعضاء

وبوجه الخصوص المراقب يوشي او فهد 2 , انا فهد 1 طبعا

اولا كل الكلام اللي فوق واللي كتبته اليوم و امس انما هو من باب المداعبه فقط لاغير

ويمكن بعض الناس على باله الكلام صج ولكن لو كان صج كان المراقب بنفسه حذف كل شي وكأن شيئا لم يكن

ثالثا انا انتقدت المراقب على الاوسمه , ويعلم الله اني على علم بأن المراقب لا ناقه له ولا جمل في موضوع الاوسمه وكل مايستطيع تقديمه هو نقاط التقييم , وفعلا ماقصر كل شوي يعطيني كم نقطه , لكن الاوسمه انا اعلم انها بيد المراقبين الاعلى مرتبه

لذلك ككلمه حق اقولها اليوم ولا اعلم ان كنت سوف استمر معكم ام لا

لذلك وقبل ان يحذف ردي و تتوقف عضويتي راح اقول كلمه حق للأداره المتخبطه والتي لاتستطيع حتى اداره بقاله

اول شي كلنا نعلم ان لكل مجتهد نصيب , مهما كان الحافز قليلا ولكن يساوي الكثير عند المجتهد

انا عن نفسي ماتهمني لا اوسمه ولا نقاط تقييم ويكفيني حب الناس و كل وقت ادخل المنتدى اجد من يضحك معي ويتحدث معي , وحتى بالالعاب عندما ادخل ووركرافت او ستار وورز اجد اناس اتحدث معهم

عكس بعض المراقبين اللي حتى مايعرف المراقبين اللي معاه بنفس القسم

انا شخصيا ولله الحمد عندي معرفه الناس تسوى كل الاوسمه بالمنتدى , ولم تثنيني التوقيفات من سنه 2007 الى الان عن دخولي للمنتدى والألتقاء بالاخوه الاعضاء الى هذا اليوم والى ان يحكم الله بيني وبينهم , والكل يعرف هذا الشي

لكن المشكله ان الاداره ولا اعرف من المتسبب الرئيسي في فشل الاداره ولكن لابد لها من اعاده النظر بالمراقبين الاداريين , يعني من اللي لون اسمه عنابي وفوق

لو بيدي لكنت استبدلتهم جميعا , ولكن المشكله ان كل من اراد التغيير في بعض الامور او القوانين سكروا الباب بوجهه

انا سمعت ولا ادري ان كان الكلام صحيحا ام لا , ابو راشد , يمكن نصكم مايعرفه , انا شخصيا كنت في موضوع اشارك ابو راشد , يعني انا و ابو راشد ضد اشخاص نحاورهم في موضوع , وكان وقتها اسمه بالازرق , وبنفس الوقت خرج ودخل بالاسم العنابي

يعني حصل على ترقيه واهو معاي حتى كتبت بالرد على وضرب للي اتحاور معاه مثال وقلت "مثل ابو راشد طلع ازرق ودخل عنابي"

المهم اني كنت حاضر الترقيه , بعد فتره يمكن شهر او شهرين الاخ قدم استقاله , ليش ؟

هني وصلني كلام والله اعلم ان كان صحيح او لأ , ولكن سمعت ان طلب بعض التعديلات وبعض الامور والادراه رفضت طلبه , وقعدت فتره يكلمهم عشان يوافقون ولكن دون جدوى , فقدم استقالته الرجل وتركهم

لو ابو راشد يدخل او بأسم مستعار اخر ماادري لكن لو يشوف يليت يقول صحيح هالكلام او لأ

غير ابو راشد كل ما شفت مراقب الا واسمع استقالته من المنتدى

ليش ؟

مايصير كل المشاكل تكون من المراقب نفسه , والدليل ان المراقب يقدم استقالته ويظل موجود , تكلمه تقوله ليش مستقيل يقول مالي خلق للأداره , طيب ليش مرشح نفسك من البدايه ان كنت مو فاضي

علامات استفهام ضد الاداره , انا شفت بعض الاقسام الشبه ميته , لو يشارك فيها شخص مشاركتين ياخذ وسام تميز

وشفت اقسام وبوجه الخصوص قسم العاب الكمبيوتر بكل العابه واجهزته الوسام شبه مستحيل

تقدر تقولي الاداره الكريمه عن السبب ؟ ماتقدر تقول تدرون ليش ؟ لأن الاداريين مو من اهتمامهم العاب الكمبيوتر

لو من اهتمامهم كان شفتوا كل شهر 100 وسام يتوزعون على الكل

روحوا شوفوا قسم الترفيهي , قسم الترفيهي مواضيعه مكرره دائما , و المواضيع تكون عاده مأخوذه من منتديات ثانيه

يعني مثلا


عد الى الخمسه و فجر راس اللي بعدك

او

صور لنا اكلك

طبعا كل منتديات العالم فيها المواضيع هذي , لما ادخل انا الموضوع واشوف الناس اللي تضحك على اي شي تشوف كل واحد عنده 10 اوسمه

ليش ؟

لأن عد الى ال5 وفجر راس اللي بعده

الاخ الثاني او الاخت في موضوع صور لنا اكلك , مسكينه اخر مطعم كلت فيه اهو مطعم هندي , مطعم عبدالقادر اللي الزهيوي فيه كبر القطو بس ماتقدر تصور الجباتي و ماعون قيمه وسمبوسه

فشله تصورهم والبنات معاها يدرون انها راقيه ولا عمرها اكلت في مطعم هندي

تروح وانتوا عارفين كلكم ان جوجل مو بعيد عننا من المنتدى , وتدخل جوجل وتشوف منتديات ثانيه فيهم نفس الموضوع فتاخذ الصور وتحطهم وتقول انا اللي مصوره وهذا اخر مطعم رحت له

وتاخذ وسام الابداع ليش لأنها كشخه وتروح تتغدا في مطعم نينو و تتعشى في فرايديز

يجي الاخ معجب في شخصيه بنت ويسجل بالمنتدى على اسمها , ويقعد يسولف مع البنات والبنات كلهم مستانسين , طبعا اهو شاف الاهتمام من العربجيه والمراهقين قال خلني استفيد دام الناس مو شايفه خير

قعد معاهم سنه

سنه وحده لا اكثر

تدرون شنو حصل عليه يا اخواني اعضاء اقسام الالعاب ؟؟

اخليكم مع الرابط

http://montada.com/showthread.php?t=714835

عشان تشوفون بعيونكم احسن

لو تلاحظون ان التسجيل كان سنه 2010 واحنا الحين سنه 2012

لكن اهو كتابته الموضوع كانت في سنه 2011 و بعدها اخ توقيف , يعني سنه

هذا شاب دخل بأسم بنت , طبعا انا قلت يمكن حب يستعبط

ولكن لما فكرت فيها عرفت ان الرجل طقها صح , عرف ان اذا كنت بنت سوقك ماشي , يعني فتره سنه يا اخوان شنو حصل عليه ؟ شوفه عينكم

حصل على 6 اوسمه و نقاط تقييم 7 وعدد مشاركات لم تتجاوز ال 1000

في فتره سنه بس

انت وانت وانت كم سنه صارلكم بالمنتدى تشاركون , وجم وسام اخذت طول هالفتره ؟ انا مابي تقولي عندك 6 اوسمه او اكثر , انا ابيك تقولي بأول سنه سجلت فيها بالمنتدى كم حصلت على اوسمه ؟

عشان تعرف ان البنت سوقها ماشي هني اما انت اقعد بالزاويه فلق محار

هذا الشاب الظريف عرف شلون يقتنص الفرص , عنده لعبه يلعبها وسجل بالمنتدى عشان يشوف لها حلول , ولكن بدل انه يسجل ولد سجل بنت , وحصل على كل جوائز المنتدى وفوق هذا حصل على كل الحلول للعبته و توكل على الله بعد ما اخذ اللي يبيه


---

طبعا شنو مشاركاته , في قسم الترفيهي و المطبخ وهالامور

يعني مواضيع وجودها زي عدمها , اما انك تكتب موضوع يهم شريحه كبيره وتقعد ليل نهار تجابل الموضوع و تساعد الناس وماتقصر بشي تاخذ توقيف على سبب تافهه ولا حتى يرف جفن لهم

هذي الحقيقه , انا على مشاركاتي هذي لو اني بأسم بنت كان اوسمتي مني اقصى اليمين الى اقصى اليسار وكنت مراقب مخفي

يعني اي شخص مايعجبني بالمنتدى اعطي اشاره بطرف اصبعي للخروف واهو يقوم بالواجب

انا عشان ما اعفس القسم هذا عليكم , قررت اني احارب هالاداره اللي ماتصلح حتى اداره مخبز ايراني و راح اكتب في المدونه لأنها الافضل للأمور هذي

واتمنى توصلون الكلام هذا للاداره عشان مره وحده اما انهم يعدلون نفسهم ويضبطون ادارتهم او يفنشون روحهم ويخلون غيرهم من هو قادر على اداره المنتدى ان يقوم بدلا عنهم

ولكن اعتقد ان ماراح يختارون الا المسح والتوقيف والاعتراف بالفشل مستحيل يقولون اننا فشلنا بالاداره , لذلك راح يحاربون كل من ينتقدهم

وانا اتمنى ان يكونون عاقلين ومتفهمين و يعرفون انهم فاشلين حقيقتا ويتركون هذا المجال لغيرهم

[Jeremie]

لا تعليق.......................... عجبتني حركة الماسنجر......... السؤال ليش أنبه ضميرة بعد موسمين من المسلسل..

عزيزي فهد قول الحقيقة يزعل هل الأيام.... الواحد لما تقوله أنت غلط وهو يدري يسوي لك سالفه طويلة وعريضه لأنه عنده الصلاحيات .. عندنا بالشركة رفعنا خطاب تظلم ضد المانجر وفي الأخير لم ينجح أحد اللوم صار علينا يقولون طريقتكم غلط والشي إلي سويته مش صح وظلمتوه المسكين.. الطريقه الوحيدة كانت الطريقه إلي سويناها .. بس الشي الزين بالسالفه أنه ماسكتنا عليه وريناه الأشناب والحين الجو متقلب بيننا بس ما علينا الواحد أهم ما عليه صحة ويرجع بيته والنفسيه مرتاحاه بدلاً من أرجع البيت والنفسية مقفله حدها وتشوفني صرت أتصفح المنتدى الحين . أيام أول بس أتفرج... النفسيه لا تعليق..........