الي يبغى اي مساعده في تعديل سيارته يدخل

[MR.أستبنه]

معايا هوندا بريليود لون كحلي موديل 94
ابي اغير لونها و اخليه اكثر من لون ممزوج مع بعض زي سيارات نيد فور سبيد الجديد
فين اقدر اسويه في السعوديه؟وكم يكلف؟
وايش تنصحوني اسوي في السياره؟

اخوي هذا الي يسمونه اللون السحري او الماجك كلر وهذا يسوونه عندنا بالرياض بحدود السبع الاف ريال وانت طالع

[MR.أستبنه]

السلام عليكم

أنا سيارتي نيسان بريميرا 2001 لونها عنابي فل اوبشن (يعني قيرها اتوماتيك و جنوط و ازياقها الجانبية بلون السيارة)


ودي اعدل فيها ولا عارف وش اعدل فيها والميزانية المتوفرة حالياً 3000 ريال



وما عندي لها حالياً صورة لكني املك صور لسيارة اوربية تقدر تقول انها توأم اسيارتي نسخة منها








وابغى منكم تقولون لي وش اعدل فيها علماً اني صبغت الزوائد بلون السبارة لأانها كانت سوداء ومشوهة شكل السيارة





وش تنصحوني هل اركب لها جناح ومن هالأمور .........؟

اخوي نصيحتي انك بس تفصل لها صدامات تكون شوي سبورت وتركب جناح وتغير الشبك والجنوط وراح تكلفك بحدود ال5000 ريال

[عابد 25]

ياهلا بك أخوي MR.أستبنه ، ومشكور على جهودك الذي تبذلها في خدمة الجميع .


أنا عندي سوزوكي ليانا 2003 ، وهذي صورة لها إذا ما كنت تعرفها:


الهيكل الخارجي تمام ، مركب فيه جناح وفيابر أمامية وخلفية وزوائد جانبية ، لكن أنا أستفسر عن فتحة الكبوت ( فتحة التهوية ) في مكان الكبوت ، وهذي ناوي أركبها إن شاء الله في أقرب وقت ، وودي أناقش معاك هالفكرة ، ياليت تفيدنا برأيك .

والنقطة الثانية .... وش رأيك في تركب الفلتر والبواجي الرياضية ، هل تزيد من سرعة السيارة أم مالها فايدة ؟



ولك تحياتي

[MR.أستبنه]

ماشأ الله والله ان الليانا عاجبتني

وفكره فتحه التهويه كويسه وانا انصحك انك تسويها على الابواب بعد


انت رح لمحل فيبر قلاس واطلب منه يوريك صور او جبله صوره ويسويلك اياها

اما البواجي والفلاتر فهي كويسه بس نسبه زيادتها في القوه ماهي كثيره

واي شي تبيه انا حاضر

[عابد 25]

ماشأ الله والله ان الليانا عاجبتني

وفكره فتحه التهويه كويسه وانا انصحك انك تسويها على الابواب بعد


انت رح لمحل فيبر قلاس واطلب منه يوريك صور او جبله صوره ويسويلك اياها

اما البواجي والفلاتر فهي كويسه بس نسبه زيادتها في القوه ماهي كثيره

واي شي تبيه انا حاضر

مشكور أخوي على ردك وعلى رأيك ...


وياليت تقولي بالضبط وين محل فيبر قلاس ...

[Z-Fighter]

السلام عليكم .......

كيفك يا اخوي استبنة ومشكورعلى الخدمة الجميلة الي تعملها للاعضاءواريدمنك خدمتين لوسمحت:

الاولىعندي سيارة نيسان بيك اب غمارتين 2004 ونوع موديلها 2400 GL

ابيض دفع خلفي اشتريناها لاخوي وابي منك تعطيني افضل تجهيزات من كل شئ

من الصدام الى الصدام ومن الداخل ومن الخارج والجنوط وكل شئ .....

الثانية لي عندي كامري 2002 ومن طراز XLI فضي وابغى منك

تعديلات على كيفك مثل الاولي على ان تطلع رياضيةهي والاولي النيسان او قوية....

بس ابي منك شئ الله يخليك ياخوي هو تنظيم ردك لي بأن تكتب القطع مع السعر بالترتيب حتى اقرأه بطريقة

سهلة..........

وشكرا والسلام ..........

[MR.أستبنه]

هلا والله اخوي .......
بالنسبه لكل شي بقوله فهو من تفكيري \يعني \ لسه ما شفته على سياره

وبالنسبه للاسعار فوالله الاسعار الي بقولها لك يمكن ما تكون مضبوطه ميه بالميه

اول شي الوانيت النيسان
من قدام
تغير شكل الشبك بحدود .................200 ريال
تصبغ الصدام (الي تحت الي يجي لونه اسود) ...............100 وانت طالع (على حسب الشغل)
تحط فتحه تهويه على الكبوت ..........................نفس الي 100 وطالع
تركب انوار زينون .............................1500
تشيل العلامه الي قدام..................(يارجال شلها بيدك)
تركب لحيه تكون حلوه وماهي كبيره....................100ريال
تصبغ مساكات الباب ............................50(على حسب الشغل)
تركب جنط 18 او اكثر...........طبعاً على حسب الجنط (انا الى الحين ما شفت وانيت مركب الا جنوط سفاري)
تنزله شوي.........................طبعاً السعر اذا تبي تقص السست غير اذا تبي تلين
تسويلك غطا فيبر جلاس للحوض بحيث انك تسكرهعلى المستوى نفسه (زي الونيتات في امريكا)
من ورى
تشيل كتابه نيسان او تحطها باللون الي يعجبك
تشيل الصدام الخلفي ونغيه فيبر على حد بدي السياره
من داخل
اذا عندك امكانيه تغير المراتب فغيرها ولا تتردد
اقلبه من داخل ابيض واسود او ابيض واحمر
غير الطاره(الدركسون)
غير الطبلون
ركبلك سستم مسجل وسماعات
المكينه
مكينه النيسان معرفه انها تتحمل فانا اقولك اذا تبي تقويها ركب كل شي ينفع للكربيريتر لانه مو بخاخات
وهذي انا اخليها للاخ راعي الجي تي ار لانه خبير بالسيارات اليابانيه



اما الكامري فسوف يأتي الرد بعد قليل ...........

[MR.أستبنه]

بالنسبه للكامري

فعندك كثير من الحركات الحلوه
منها :-

انك تركب صدامات لوينا اس اس الجديده (مافي احد سواها الى الحين)
او انك تفصل صدامات على كيفك وحسب الموديل الي تبيه وهذي راح تكلفك 2000 واكثر
تركب زينون
وجنوط 17
وتشيل العلامات الي ورى
تنزلها شوي
تضليل خفيف
تغير اشبك
من داخل
تركب مراتب رياضيه او تركب جلد
تغير الطبلون

او انك تقلب السياره من داخل اسود وتركب كروم
وتحط سستم صوت وسماعات


وفي حركات ثانيه بس راح تكلف كثير
زي انك تسوي اللون السحري (ماجك كلر) وهذا يكلف 7000 او اكثر

[راعي الجي تي آر]

والله النيسان البيك آب ركب عليه توربو
وشوف كيف بيطير
راح تشق جياتي
على فكرة
مجربة على هايلكس
بس ما جربناها على نيسان
فانت جرب

[MR.أستبنه]

مشكور اخوي راعي الجي تي ار على هذي المساعده






وينكم ياشباب وووين طلباتكم

[راعي الجي تي آر]

لا شكر على واجب

[king of alex]

هلا اخوي انا ابي مساعدة معقدة شوي...

انا اخوك من ليبيا ابي اشتري سيارة بس تكون 2.0 لتر لأن الجمارك عالية في ليبيا و ماقدر اشرحلك بالمطول فيا ريت تورني سيارات مطورها 2.0 لتر بنزين تكون تستاهل البيع يعني معدله و تستاهل لأني دورت ما لقيت....

ان شأء الله ما تقلنا عليك.

[mr__marf]

السلام عليكم
كيفك يا مستر استبنه
أنا عندي اكورد 2003 رصاصي ومعدل فيها حبتين بس عندي مشكله كانت السياره فل الفللي ماشاء الله عليها قويه الين ماركبتلها جنوط 17 انخصت السياره وسرت حاقد على ابوها . المهم طبعا الجنط تجاري بس مهو ثقيل
يعني بالله ياشباب اللي يعرف بكم الجنط الاصلي حق بلدها مقاس 16 لايبخل عليا بالرد .
ثاني شي فلتر الهوا هذا اللي متعبني جمب المكينه والهوا هناك مرره حار
فايش رايك يا مستر ايش احسن احطو قدام اللديتر في الواجه يعني او احطو تحت عند الصدام وافتحلو فتحه ؟
ومشكورييييييين جدا

[راعي الجي تي آر]

هلا اخوي
فلتر سيارتك فلتر وكالة ولا انت مركبنه اللي على شكل بيب طويل؟
والجنوط
انصحك تشتري جنوط الاكورد الجديد
لأنها عجييييبة

[mr__marf]

شكرا لك

لا مو فلتر بلدها انا مركبلها فلتر رياضي k&m بس ما ركبت الماصوره ركبتو مكان الاصلي وانشاء الماصوره في الطريق .