قهوة WoW .. :P

[ReXis]

السلامو عليكوا انا من مصر و جديد ف اللعبه و كان عندى شويه استفساراات

[Jeremie]

لوعه خلك مثلي مافي أحد فكر يحطني على الكرسي

[Derover]

Jeremie مآعليك جآيك آلدور ان شاء الله
بس في لستة أسماء لآزم تقعد اوّل ولاحقين عليك

وانا أقول مادام الموضوع طوّل يعني راح الكول داون عن كارازان ويوشي و وارشيف

[Karazhan]

طولت عليكم ؟

رحت مع الملك شارع المطاعم و توني ارجع

ماخذ معاي خرتيت 2 حلوم مع كل شي بس بدون طماط , 2 نقانق مع جبن و مايونيز بدون طماط , 2 بيض بالفطر بدون طماط , 2 كلاوي بدون طماط , 1 بيبسي

لو طالب 2 بيبسي كان احسن , خلص البيبسي من اول صمونتين وقعد يطالع بيبسيي كأنه مخيل عليه

المهم نستأنف دروسنا لهذا اليوم

[Karazhan]

انا قلتلكم سالفه رفيجي محمد ؟

كأني قايلكم سالفته مع مسدس البحر

خل اقولكم

عندي رفيج اسمه محمد , مربرب وابيضاني وتشوفوه تقول هذا وين والعنف وين

اهو من اصول فارسيه , يعني اكيد راح يطلع ابيضاني مو نفس باقي الشباب اللي اجلح املح

المهم رفيجي هذا مره دق علي وبيتهم بعيد شوي عن بيتنا واهو ماعنده سياره وقتها , وقالي تعال اقعد عندي نسولف وجذي , المهم انا وقتها دقيت سلف وكان موتري كمارو موديل 94 والسالفه هذي اقرب مالها سنه 96

المهم رحت جان اشوفه واقف ناطرني عند باب بيتهم

رفيجي نفس هذا شييين بن



في فلم Carlito's Way


شلون محامي و شاطر وصقعه و رفيجه مجرم اللي اهو انا , وبعدين يطلع الشكل خداع واهو مجرم بالفطره

المهم لما وصلت شفته ماسك مسدس بحر

051810190544ixcg52oldqx.bmp

قلتله من وين حصلت المسدس قال من اخوي , شرايك نجربه ؟

قلت على شنو ؟

قال على قطو

قلت هذا مسوينه للسمج مو قطاوه

قال عادي نجربه عليهم

انا بصراحه من شكل رفيجي شلون يعني واحد مربرب وابيضاني وشاطر بالمدرسه , قلت صعبه يسويها , وبقوله اوكي وادري راح يغير رأيه

المهم ركب معاي السياره و مشينا بالفريج او الحي مالهم وله هذاك القطو السمين , اللي ما ودك تشوفه عند زباله ابد , هذا مكانه الجدر مع بصل و ثوم و زنجبيل عشان تفوحه وتروح ريحه الزباله و بعدين تكبسه فوق العيش

قلتله هذا عتوي من اللي يحبه قلبك , يلا لا يطوف

جان ينزل رفيجي من السياره ويمشي شوي شوي لين صار القطو بالمكان المناسب , جان ينيشن رفيجي عليه وانا طبعا بالسياره الى اللحظه هذي مو مقتنع ان راح يفعلها , ياجماعه ابيضاني مربرب وين يسويها , المهم انا اطلع واشوف نهايه السالفه شنو

المهم القطو قعد يطالع رفيجي , كأنه يقول اهو الثاني انعل ابو الدنيا حتى الصقعات يشيلون مسدسات , اخاف بتسويها بس

والقطو ما كمل كلامه الا رفيجي ضغط الزناد وانطلق السهم , والله ياجماعه ما ازل عليكم ان السهم دخل بعين القطو وطلع من ذيله

وقعد يرفس و يلابط ورفيجي ماسك المسدس و اهو فيه حبل من المسدس الى السهم عشان يسحب السمجه ان صادها , ورفيجي قعد يسحب الحبل عشان يمسك القطو

انا بالسياره فاتح حلقي عالاخر , معقوله فعلها . طلع مايغشمر , هذا لو قايله شوف انسان وجرب عليه اتوقع يسويها

طلع مجرم بس شكله ما يوحي بذلك , انا لما شفت القطو يرافس يبي النحشه والمنظر مقزز ورفيجي واقف عند الزباله يسحب الحبل عشان يمسك القطو , نزل من السياره وقلت انت شقاعد تسوي ؟؟

قال بمسك القطو عشان اطلع السهم منه

قلت وانت ما اكتفيت بضرب القطو عشان تمسكه وتطلع السهم منه , اقطع االحبل خله يذلف المنظر سد نفسي , ورفيجي يقول لالالا السهم ابيه مال اخوي شراح يقول عني , لازم اخذ السهم , قلت ياولد اقطع الحبل لابوك لابو السهد

انا بصراحه وقتها كنت صغير و كان المنظر مقزز مو متعود اشوف جذي , يعني لو انسان كان معقوله لأني شفت من قبل لأن مااحب اشوف الحيوانات تتعذب جذي , يعني عندي الانسان ولا الحيوان

المهم قلتله يا كلب اقطع الحبل , قال لالا مستحيل

قلت اقطع الحبل لا والله ادوسك بالسياره

لما شاف ملامحي اني اتكلم من صجي قطع الحبل , ومن قطع الحبل راح القطو يركض والسهم فيه ومادري وين راح

المهم انا انسدت نفسي وقعدت طول اليوم مااكل شي , ورفيجي يضحك ويسولف عن القطو ويتطنز عليه وكل شوي يقولي فهيد شفته شلون قعد يرافس

و انا مااقدر اقول لاعت جبدي او انسدت نفسي , كنت مضطر اني اجامل واضحك واقول ايييي هههههههه اييي شفته

عشان مايقولون الشباب شفيك عشان قطو صرت جذي , ويمكن يطردوني من الدوانيه واصير بدون ربع , لأن لازم الواحد يكون قلبه قوي ومايخاف او تلوع جبده

عاد رفيجي بعدين قالي ان لقى السهم بالقطو , راح يبحث عنه بالفريج لين شافه ميت وطلع منه السهم واخذه

فأنا احذركم من مرافقه اصدقاء السوء نفس رفيجي هذا .

عاد رفيجي هذا الحين مادري شنو صار عليه , لكن بعد السالفه بسنتين او 3 شفته شاري جيب برادو فاتحه من الوكاله , وبعدين انعدم فيه بس ماصار برفيجي شي , لكن السياره انعدمت بالمره

والحين يمكن 10 سنين مادري وينه او شنو صار عليه , اخوي شافه بمكان وقالي ترى شفت فلان ويسلم عليك , قلت ايييه شخباره هذا قال ويييه متزوج وعنده عيال الحين

هذا قبل كم سنه

المهم ان الولد طلع مجرم

وانا اقول لكم لا يغركم الشكل , يعني مو تشوفون واحد ابيضاني و مربرب ودشداشته جديده ومسكر زرار غولته اللي فوق حتى بدون يلبس غتره , ويكون من البيت الى المدرسه واذا طلع راح المكتبه بس يسوي وسايل للصف

لايغركم هالشكل , ترى 90% منهم مجرمين

[Derover]

تعال شنو دخل فيه السهم من عينه وطلع من ذيله ولمّا قطع الحبل راح القطو يركض ؟؟؟

آشررررررررح

[Karazhan]

المسدس صار ملف تحميل ها




ضربه بالمسدس من راسه واخترق جسمه كله وطلع من ذيله

روح اشتر المسدس وجرب مع اي قطو بس يكون راهي مو تروح لقطوه , لازم عتوي

وجرب شوف الوصف اللي قلته , عشان تعرف 100% المقصد , و مره وحده سجل بالكاميرا

لأن وقتها ايام سنه 96 ماكو تلفون بكاميرا , كان تلفوني اريكسون الصغير و اللي من هذاك اليوم الى اليوم وانا اعاني من اذني و صرت مااسمع عدل بسبته

عاد انت سجل الاحداث عشان تكون عبره و درس للأعضاء , وبدل ما يشترون مسدسات للسمك يشترونها للقطاوه , لأن اعتقد عدد القطاوه اكثر من عدد السمج بالخليج الفارسي

خليج عربي او فارسي ؟

ومن هذا المنطلق راح نقضي على شي اسمه قطاوه , ونقضي على مشكله اختفاء الدجاج

و اذا اهلك خاشيلك اكل وانت بالدوانيه وراجع الساعه 3 الفجر وتدخل المطبخ ماتشوف الا الصحن مكشوف والاكل مأكول , تطلع وله تشوف العتوي فوق الملحق يطالعك "له عين بعد يخز" ويطلع لسانه يمسح المرق من شواربه

زين


اول ما ضربه رفيجي القطو صار يتلوى بالارض وقعدت يصارخ جذي

كخخخخخخخخخخخخخخ ككككككخخخخخخخخخخخخخخخخخخ

انا لاعت جبدي بصراحه وما قدر اطالع المنظر فصرت اطالع رفيجي واقوله اقطع الحبل

رفيجي مجرم قاعد يخز القطو ويسحب الحبل يقول تعااال كأنه مو مصدق على الله صايد قطو

والقطو يرافس ويفرك بالارض واهو يسحب فيه , لين بالنهايه قطع الحبل رفيجي و القطو راح يركض والسهم فيه

صار نفس الفلم الهندي اللي الرمح داخل بطنه وقعد يتهاوش لين ذبحهم كلهم والرمح في بطنه واللي قلده ممثل مصري

انا بروح شوي موقع ثاني عندي شغل وراجع لكم

انا ادري ان كلكم وكم تكونون معاي الحين وتشوفوني عالطبيعه

حاس فيكم لأني قبل كنت اكلم بنت نفس هالحزه و كنت دايم اتخيل واسولف على نفسي اقول اي شرايج نسوي شاي ونشرب ونشوف اليوتيوب , طبعا انا اتكلم وكأنها معاي واهي ماتدري عن هوى داري

وكنت اعد ليالي القمر وارتقب البدر حتى ظهر

ولما تشبك اقولها وينج طولتي تقولي مشغوله

بلعتها كروت ايزي

بعد 3 سنين اكتشفت انها رفيجي

عاد انا ادري وحاس في شعوركم ان ودكم تكونون معاي وتشوفوني شلون اكتب شلون اكل شلون اشرب

شنو احب شنو مااحب

حاس فيكم , وانا بسوي فيلم اتكلم عن نفسي

واحطه باليوتيوب


يمكن وانا مااعتقد ولكن يمكن يطلع واحد يقول ماعندك سالفه و محد يدري عنك اصلا


راح اقوله عندي ناس من الصحرا الى الصحرا

والدليل وعشان اثبتلك ان يوميا مالا يقل عن 100 الف معجب يدخل يشوف كلامي وكتاباتي و يطلبون حسابي بتويتر وانا ارفض اعطيهم , بس بالمنتدى فقط راح يتم التواصل

وعشان اثبت للمشككين والجواسيس وعملاء الاستعمار البريطاني ان باليوم ما لا يقل عن 100 الف معجب

في موضوع انا كاتبه تحت بأسم تصويت او شي جذي

شوف كم واحد راح يشكرني بعد المشاركه هذي ولمده اسبوع عشان تعرف تحسبها وماتضيع

اذا باليوم 100 الف يعني بالاسبوع 700 الف عدل ؟ قول عدل

الحين 15 واحد بس , شوف بعد المشاركه هذي شلون راح يقفز الرقم الى 100 الف و باجر 100 الف لمدته اسبوع , بس الله يعينكم على اللاق


يلا انا رايح وقد اعذر من انذر

[Derover]

مآ يصير آنت مدخل مرتزقة من برا القسم تصوت لك بموضوعك

Passion وليالي المرح عجبهم موضوعك انا متأكد من هالشيء

[Karazhan]

ناس احرار شنو مرتزقه

لا تحكم مع النوايا ولاتحرجني مع اللي يحبوني ويهتمون لمواضيعي وردودي , يمكن ناس تحب تتابع مشاركاتي , يااخي لازم تحط في بالك اني اكثر الاعضاء بالمنتدى له جمهور صامت

مو اتكلم من فراغ اقسم بالله ان هذا الصج , وغير الرسايل اللي توصلني بالخاص و ناس مالهم شغل ولا عندهم حسابات بالمنتدى بس تدخل يوميا عشان تشوف مشاركاتي

ماراح اقول اسماء ولكن اللي يبي يقول يقول , انا قلت اسم واحد مره من المرات ودزلي خاص يعاتبني ليش قلت اسمه , ومن يومها مااذكر اسم اي شخص

فأتمنى يا دارفور مالك شغل بالناس اللي تشوفها معاي , ما ارضى احد يزعلهم

[Karazhan]

هذوله تلاميذ لازم ادافع عنهم بكل ما اوتيت من قوه


خلك تلميذ وراح ادافع عنك في البر والبحر

ويمكن بالجو

[Jeremie]

فهد بصراحة .. أكتب مسلسل سوي لك فيلم ... خلينا نشوفك بالأوسكار أفضل كاتب لفيلم أجنبي... خلينا نسمع أنك مرشح لجائزة نوبل ... سوي لك مدونه وسميها نانسي وأنا ..... بتشوف المعجبين والمعجبات معدين السكريبرز باليوتيوب ...

[Jeremie]

فهد بو عجره ... أنت ما تدخل قسمنا الثاني بس عندي إستفسار بسيط ..... وش رايك بال ميرسنري PVP .... أنا الهيلر يرفع ضغطي لما أكون كونسيلمنت. وفي واحد كان بيجيب العيد فيني بس لحقت أسوي Vanish ...

أبي أعرف السبيك إلي أنت تلعب فيه والطريقه إلى تستخدمها...

[Karazhan]

انا بعرف شي واحد الحين ابو عجره هذي شنو ؟

منو قالك انا ابو عجره ؟ يمكن بأسمي وانا مادري خل اشوف

الملك دام ظلي وقدس سري ولد بطنها اللي عروقي بالماي , فتى الجبل والبراري والقفار حامي الديار مبيد الاشرار
حاصل على درجه الاجتهاد من قم والنجف بلعبه ووركرافت , مندوب ملك ملوك الالعاب ولد بطنها الاصلي اللي عروقه بالماي


انا لما الحين ماشفت بأسمي ابو عجره , من وين مطلع هالاسم ؟

وباللعبه انا العب التالنت اللي بالنص مال الصواريخ , ارسنال يمكن او مضيع على كلاس ثاني

بس اللي بالنص مال الهيلر مو التانك

صرت هيلر ساعه وحده ورجعت مره ثانيه نفس التالنت

حاليا وقفت لعب اضرابا وتضامنا مع اخواني بالجمارك اللي يستحقون الاعدام شتقا حتى الموت

يعني حتى الحياه

او رميا بالرصاص

عطلوا مصالحنا و محد تأثر من اضرابهم الا الشعب وله الحكومه ماتدري عنهم لدرجه ان امس قالت لهم استريحوا ماكو زياده

لما يشيلون الاضراب و توصل الفلاتر راح اكمل لعب , بيني وبينك مليت من الباتش هذا ابي الباتش الجديد عشان في باتل جراند جديد , يعني من بعد الباتش القادم راح تبدأ اللعبه من جديد

[Jeremie]

قلت أبو روان قلت لي انا أبوعجره والحين غيرت ....ز قو أبو ايش وريح الأمه المسلمه..

[Karazhan]

ابو روان منو بعد


تجيب المصايب وانت نايم

ومره يقولولي ابو شنب مع ان ابو شنب الاصلي رفيجي مو انا