قهوة WoW .. :P

[Karazhan]

الاوسمه طلع معطلها يوشي

كلام مكفول 100 الف او 5 سنوات منو ينتهي اول

الاوسمه معطلها الاخ المراقب

ليش ؟

هذا السؤال اللي يطرح نفسه على الساحه الشعبيه , ليش ؟ يبي ينتقم ؟ او ماقدم من بدايه دخوله الى المنتدى الى اليوم الا شي واحد

توقيفي و تحذيري

سألت احد الاخوه بالمنتدى , قلت ليش معطل الاوسمه ؟ قال احتمال مو اكيد لكن احتمال 80% انه حاقد على القسم لأن في شي كل الشباب مؤيدينه واهو مو عاجبه

قلت مثل شنو ؟ قال يمكن لأن احد ربعه قطع المنتدى و اهو شاف رفيجه راح قال خلاص مابي اعطي احد اوسمه الا لما يجي رفيجي

قلت هذا كلام غير معقول بصراحه , شوف سبب ثاني

قال يمكن يبي الاوسمه كلها له , ومايقدر يقول للأداره ابي 10 اوسمه , ولما يصرفوله الاوسمه يجون باجر الاداره يشوفون ابو الشباب عند اسمه 15 وسام كلهم التميز , يقولولك صاحي انت شنو هذا ؟ ليش ما وزعت ؟ يقول ليش اوزع انا اولى فيهم

انا ملت الى هذا الرأي , قلت صح لأن الاخ بيني وبينك ناشف نقطه تقييم مايعطي شلون وسام

عاد انتوا شنو تقولون ؟ واللي يفكر ويعطيني سبب مقنع اعطييييييييييييييييييه 100 جولد , 100 جولد ماتحلمون فيها بعمركم , انا اعطيكم ال100 كاش

بس قولولي ليش الاخ مو راضي يوزع

[Yoshi]

^

وش قصه اللى بالصوهـ .

غيرهـ يرحم والديكـ حسيت انك رافضي!

[Karazhan]

هذا ايه الله قدس سره وجعل قبره روضه من رياض الجنه

جاوب بما انك اول شخص بعد المشاركه فوق , جاوب قول ليش المراقب مو راضي يصرف ؟

يعني مثلا لو كان وزير او مدير شركه خاصه تتوقع يصرف معاشات للموظفين عنده ويعطيهم علاوات ؟ او يقولهم هالشهر ماكو فلوس راح نوزع بيض ؟

-

بعد قليل

قصتي اليوم الصبح مع البنك وشنو صار لما رحت اراجعهم

[Fiper]

السلآم عليكم , صبآح الخير ع الجمييع
أشوف الكل هنآ , مآ عندكم work او University
المهم مُمكن تقبلوني معكم بـ القهوة
بس أهم شيء مآنبي تكآليف يكفي قهوه و بس << انقلع بس

[Karazhan]

اهلا وسهلا احبابنا شرفتونا

احنا احسن مافينا هني ماعندنا رسميات

يعني روح اي سوق و اشتري ترمس و روح اقرب قهوه , اترسها شاي او قهوه و تعال عندنا واشرب على كيفك

بس اتمنى من الشباب مو يشترون ترمس مال شاي ويحطون داخل سبيرتو يعني شاي

مالنا خلق مباحث

[لوعةالفرقا]

ياهلا نورتنا

ارحب
صب القهوة يا كارزان لا تحرجنا مع الضيف

[Karazhan]

احنا عطاليه بطاليه , كنا نشتغل باللعبه نسوي باور لفل ب50 ريال و عايشين ولله الحمد

لكن من طلع البوت متنا من الجوع , هذا غير اللي اتركوا اللعبه , يعني السوق نايم

حاليا مطيحين بالقهوه هنا , متسكعين يعني

ناطرين ديوان الخدمه يوظفنا ونصير رجال نبني البلد بسواعدنا اللي تقول خشب جندل

انت ماسمعت محمد بن سليم يوم قال

من شاف كشخه ملابسنا يظننا من كبار الروس

من شافنا مايصدقنا حنا فقار هبدون فلوس

او كما قال

من شافنا بالمواتر قال يقول ذول رجال اعمال

حنا فقاره بدون اشغال والدين والله علينا جبال

يعني نتسلف سياره احد الاصدقاء عنده مرسيدس ونكشخ فيها عالكورنيش ومتسلفين غتره ودشداشه من المصبغه و نروح نقز عالبحر او شارع الحب

-

كأني طولت بالكلام ها

سلام عليكم

[Karazhan]

اصغر القوم خادمهم

انا اكبر من الشمس

شوفوا غيري حلو و مربرب يقوم بالواجب بو 17 سنه ويقط بدليات انجليزي لأن من عمره بمدرسه خاصه وابوه مدير كبير في ارامكو معاشه 3 ملايين بالشهر غير البونص السنوي 10 ملايين

[Jeremie]

فهد لو كلامك صحيح وخصوصاً لما قلت بإن أفقر سعودي عنده 100 مليون كان مافيه بهل القهوة غيركم بسطويسي , دي روفر وأنت .

100 مليون ونقعد بهل القهوة نروح Las Vegas ولا نروح جزر المالديف.

[Karazhan]

يا حبيكم للمسكنه "يعني تصيرون مساكين"

انا اعرف ناس كويتيين اغنياء , بس مو معروفين , يعني غني بس كاتم بقلبه ولا يعرف الا المقربين منه

عاد تشوف شكله تحلف انه ماعنده دينار وتشوف سيارته و بيته تقول هذا بالغصب يحصل فلوس اكل

ولكن لو تروح السالميه وهذي منطقه تجاريه و الاراضي فيها تضرب بمئات الالاف او كم مليون راح تشوف انه عنده ما يقل عن 10 عمارات , لو يبيعهم يسدد ديون الكويتيين كلهم

طبعا واجد شفت نفس هالنوع


انتوا جذي , بلد متروس نفط + عدد شعب قليل + ماكو مصرف غير انترنت و تحميل العاب من مواقع مجانيه = تدفع بالشهر 100 ريال , هذا وانتوا 99.99.99% من الشعب غير مدخن , يعني التوفير 99.99.99%

نص مولات الامارات لكم , نص اسواق البحرين لكم

البحرين كل سنه تنزل 1 سم بسبب الزحمه من اهل الشرقيه يروحون يشوفون حلالهم وفنادقهم ومنتجعاتهم



نهايه الفيلم يدخل عليك المنتدى يقولك انا فقير


تقوله شنو غداك اليوم يقولك مرق غزلان و طاووس محمر ومحشي حمام , يعني الطاووس محشينه حمام


انا اللي اكلمك غدانا اليوم عيش و مرق بطاط , بدون ادام , يعني حتى زعره مافي بالصحن , عيش او مثل ماتقولون رز و مرق بطاط , متيدم بطاط

وحضرتكم طاووس محمر بصلصه المحار

ويدخل المنتدى يعطيك دمعتين ويقولك انا مسكين , كأنك مساك بنغالي فاطر برمضان و تبي تطقه يقولك انا مسكين

برب احضر لمقطع فيديو

[لوعةالفرقا]

ماشاء الله عندك معلومات

بالاخص

البحرين كل سنه تنزل 1 سم بسبب الزحمه من اهل الشرقيه يروحون يشوفون حلالهم وفنادقهم ومنتجعاتهم

متاكد يروحون عشان حلالهم !!؟

[Karazhan]

والله هم يقولون نروح نشوف حلالنا

انت سعودي وابخص

اكيد تعرف اللي بالجدر , تعرف يعني شنو الجدر ؟ يعني مادري شنو تسمونه يمكن طنجره او الحصن الكبير اللي يطبخون فيه الرز عرفته , هذا احنا نسميه جدر

واللي بالجدر يطلعه الملاس


طلع اللي بالجدر خلنا نتثقف شوي

[Karazhan]

هههههههههههههههههه
ههههههههههههههههههههه
حصلت وسام هههههه

اخيرا

هههههههههههههه


مبروك للكل هالوسام

اهدي الوسام للملك والتلاميذ وكل المخلصين من الصحرا الى الصحرا


كل يوم بكتب مدونه بطب بيوشي طب عشان احصل وسام
هههههههههههههههههه

الف الف الف الف مبروك لقسم ووركرافت

الاوسمه الحين قامت تتوزع و رجع المنتدى مثل قبل يهتم بالكفاءات ويقدر الوقت والجهد اللي نبذله بخدمه هذا القسم بوجه الخصوص و المنتدى ككل

مبروك ياجماعه وسام الابداع

[Karazhan]

وورشيف مبروك انت بعد

عشان تعرفون اني اضحي بنفسي مثل فأر التجارب واخذ كم توقيف بعدين ناخذ اللي نبي

مو كل شي بالسهل

وانا اشكر الادراه على رأسهم فاينل فانتسي دام ظله على سرعه الاستجابه


مشكورين جميعا

[Karazhan]

وانا اكتب الردود وصلني مسج يقولون وسام جديد ويوم شفت وله وسام رابع

بسنا وسام يا منتدى بسنا وسام


برب يمكن يوصلني مسج ثالث وفيه زياده وسام جديد