▌▌ [ســ]ــgآآلفـטּــا [בے] ــلـgهے/موضوξ الاسبوξ (مـا بـــعد الـمرحلة الجــامعية !)▌▌

[Nissan]

السلام عليكم
____________________
الموضوع طووووووووووووووووووول صار له اكثر من 3 اسابيع ,,,,,, اعتقد صار لازم وقت التغير

___________________
احب اقترح الموضوع الجديد اذا عجبكم _

العطلة الصيفية ......شو راح تعمل؟ ماهي مشاريعك؟ كيف تستفيد من العطلة؟

[Xe'Ngura]

حلوة الفكرة ... اقول سكروا الموضوع احسن وافتحوا لم تنتهي الامتحانات ...

[Rave Master]

السلام عليكم و رحمة الله و بركاته ^^

نأسف على التأخير و أعتذر بما اني ما عندي وقت... ما اقدر ارد <<< يا حلوج على بالج الناس مأخرة الموضوع علشانج هههههاااي قلبي ويهج

بس حبيت اقهركم و ابشركم بنفس الوقت... وأخيرا حققت حلم من أحلامي و اللي هي الذهاب إلى كوريا... انا الحين بكوريا و اليوم ثاني يوم... طبعا مستحيل سفرة كشته بس لحد الآن مستانسة و مبسطة و كوريا بلد حلوة و خضارها رائع ... ادعوكم لزيارتها

نومو تشواسويو... نانون هيبوكهي يوو <<< ما تعرف إللا كم جملة و تتفلسف

كنت وايد مشغولة ارتب للسفرة التعليمية هذه... علشان جي اعتذر مرة ثانية على عدم مقدرتي في الرد على هذا الموضوع... اعتذ مرة ثانية و اعطيكم الإذن تغيرون العنوان ...

سلام و نشوفكم على خير

[أنــفــاسـ]

بس حبيت اقهركم و ابشركم بنفس الوقت... وأخيرا حققت حلم من أحلامي و اللي هي الذهاب إلى كوريا... انا الحين بكوريا و اليوم ثاني يوم... طبعا مستحيل سفرة كشته بس لحد الآن مستانسة و مبسطة و كوريا بلد حلوة و خضارها رائع ... ادعوكم لزيارتها

حركتاات .. عقبال تحقيق باقي الاحلام الثانيه
ترا اخرنا الموضوع عشانج <<< والله من النصب خخ
وفي الاخير ما سويتي لنا شي >_>
طبعا عقابك تصورين لنا الاماكن اللي زرتيها .. كل ما مريتي مكان صوري الله لا يعوقج بشر

موب رحتي لكوريا خلاص تسحبين علينا P:

نترياج ^^

[Alora]

السلام عليكم..

إنتم الى الآن في ذا؟
باللهِ مامليتوا من ذا الموضوع؟... طلع من خشومي مع إني مارديت فيه
يالله! اللي عنده فوكره يقول لنا عشان يغيرونه..
انا اقترح اممم
موضوع عن الذاكره يعني وش أخبار ذاكرتك؟ كم حجمها؟.. امتلت معلومات الى مابدأت تسرب؟
مواقف صارت لك بسبب ذاكرتك الضعيفه؟ ولو ذاكرتك قويه تحس بالقهر لما احد ينسى موعد مهم؟

باللهِ وش رأيكم؟ زين والا موب زين؟

ونرحب بأي اقتراحات أخرى ==> ياويل اللي ما يوافق على موضوعي

[Sander]

اما عليك موضوع

احلى شيء يوم يجيك واحد و يسلم و يسأل و يبوس و أنت منت متذكره
تبي فرصة تهرب منه قبل لا يحس خخخخخ

بما أننا مجبرين نقبل موضوعك عندي سؤال: حد منكم قابل شخص فاقد للذاكرة؟ ودي أقابل واحد كذه، ابي أشوف وشلون تصير حياته.

موضوع عن الذاكره يعني وش أخبار ذاكرتك؟ كم حجمها؟.. امتلت معلومات الى مابدأت تسرب؟
مواقف صارت لك بسبب ذاكرتك الضعيفه؟ ولو ذاكرتك قويه تحس بالقهر لما احد ينسى موعد مهم؟

ذاكرتي ممتازة بس أنا الي ما أتعب نفسي و احفظ ، السعة ماشاءالله، و استغرب من الي ينسون مواعيد أو احداث مهمة.
نادراً ما انسى بس في الإختبارات تجيني نحاسة و اسطل شكله خلل بالذاكرة يضرب يوم تتوتر الأعصاب

يصير انسى أسامي زملائي الي عالهامش بس ما بنسى وجوههم.
و غالباً إذا قلت بأني ناسي بكون أساساً ما حفظت و لا اهتميت يعني بالأصح ما خزنت هالمعلومة ف مستحيل استرجعها <

تخزين الأرقام و الأسامي عندي موش أوكي، آخذ الي يهمني و اترك الباقي ولا كأني سمعته .

يقولون الذاكرة أنواع، بصرية، سمعية و حسية، كلهم شغالين تمام معاي، اما السمعية مو صاحية، اعتمد عليها في المهام الصعبة حفظ قصائد و غيره .

اما المواقف:
مرة نسيت موعد وصول أهلي، راحت علي نومة بالأصح و يا أني انحرجت يوم اصحى و القاهم قدامي بدال ما استقبلهم استقبلت المخدة هذا أسوء موقف خانتني فيه ذاكرتي.

يسلموا عالموضوع ألورا.

[بطووووطه]

.
.


ذاكرتي ..
هممم استنوا خلوني أتذكر كيف وضعها <== مبين من أولها
لا و الله الحمدلله .. عال العال .. لا وبعد صرت شيك ينقال عني صرت أسجل الأشياء المهمة في الكالندر <== وينها الشياكة بالله

بس يقولوا مؤخرًا أنه جاتني حالة "زهايمر" .. بس الحقيقة أنه :

و غالباً إذا قلت بأني ناسي بكون أساساً ما حفظت و لا اهتميت يعني بالأصح ما خزنت هالمعلومة ف مستحيل استرجعها <

أكون ما اهتميت بمعنى الكلمة .. و أشوف أنه ماله داعي أحفظ كل من هب و دب <== حتى الذاكرة ماتبي أي شي ينحفظ فيها .. <== ينقال عني "ذويقه" ترا

بس كلو كوم و أني أحفظ مقادير الطبخ كوم تاني >_> ..
بالله البيض دحين بكل أكله .. أحفظ أنها بأكله رقم 1 أنه مقدارها حبتين أما أكله 2 مقدراها سته حبات أما الأكله رقم 3 مستواها أرقى ينقال أنه صفار البيض بس .. طيب و بياض البيض وين أحطه <== قلبت ع الموضوع :P
كم مره إذا عجبتني أكله .. أقول لماما أحفظيها انتي و أنا بأسويها

بما أننا مجبرين نقبل موضوعك عندي سؤال: حد منكم قابل شخص فاقد للذاكرة؟ ودي أقابل واحد كذه، ابي أشوف وشلون تصير حياته.

حتى أنا أبي أقابل واحد كذه .. أقصد وحده كدا <== عشان لا تسوا لي مشكلة
و كمان واحد جنبه يحكي "قبل و بعد " .. قصدي وحده :P <== و مابي مشكلة ثانية


همممم و مواقف صارت لي بسبب الذاكرة الضعيفة .. ما أتذكر صراحة >_> <== بالله لك وجه تقولي ذاكرتك عال العال :P


( ألورا )
أبد مافيكِ أي دكتاتورية بس شاطرة <== برضو لأنها ملت من الموضوع المطروح خصوصًا إنها ماتدري فيه شي

( ساندر )

اما المواقف:
مرة نسيت موعد وصول أهلي، راحت علي نومة بالأصح و يا أني انحرجت يوم اصحى و القاهم قدامي بدال ما استقبلهم استقبلت المخدة هذا أسوء موقف خانتني فيه ذاكرتي.

خخخخخخخخخخ .. مُحرج مرا .. أهم شي وقتها قدرت تدبر لك مخرج محترم :P


دمتم بود ..

.
.

[أنــفــاسـ]

ذاكرتي احيان زيرو -__-
احتاج فورمات وبقوه

بس الحين افضل من قبل ... غالبا فهمي اقوى من حفظي

جاتني فتره والى الحين مستمره اني ما احفظ الاسماء
يعني تقولي اسمك الحين وتجي اليوم الثاني واسألك عن اسمك -____-

اذكر مر كورس كامل وانا اخبص في اسماء زملائي ... وانواع الاحراجات
وفي الاخير قالي واحد من الشباب ( ما تحفظ اسمائهم لانهم موب في بالك )
هنا سكت لانه جد لو كنت مهتم اعرف اسمائهم كان عرفتها

اذكر مره قابلني واحد وتبويس ووشلونك واخبارك
ووش صار معك .. وهل انت متوظف او كملت دراستك .. ومن هالكلام
انا احس انه موب غريب علي بس ما عرفته ..
الرجال شكله حس اني ما عرفته
وسألني عرفتي ؟
قلت والله وانا اخوك ما عرفتك -___-
احراج والله
قال انا فلان ( حتى نسيت اسمه اللي قالي -__-)
كنت جنبك بثالث ثنوني
قلت الله حيه <<< يقالي عرفته خخخ

بس بجد يبيلي اشوف صرفه في ذاكرتي

وعلى فكره تذكرت اكمل المحاضره اللي حملتها من المنتدى عن الذاكره

تحياااتي

[shjoonal3in]

وينك يا شبسة بس وينك خخخ < سمايل أبو حواجب خخخ

الموضوع عن الذاكرة .. تسلمين ألورا على الاقتراح ..(:
هذا موضوع ذو شجووووون < مب أنا وحدة ثانية خخ
جد هذي معاناة لا تصفها الكلمات ولا العبارات ..

يقولكم واحد راح عند دكتور يقوله يا دكتور يا دكتور أنا ذاكرتي تعبانة بشكل فظيع ..
خلاااااااص تعبت من هالمشكلة ..
قاله الدكتور من متى وعندك هالمشكلة ؟
رد المريض.. أي مشكلة؟




..

أيام أول كانت الذاكرة عندي مية بالمية .. أحتاجها على طول تفزعلي ..
بس ألحين .. مرة و مرااات ..

كنت أحفظ دفتر التلفونات حق البيت بكبره ..
أرقام الأهل وقرايبهم ونسايبهم خخخ وعيالهم اللي يدرسون برا
خمسطعشر رقم مع فتح الخط .. و أسمّع

و المناهج اللي 12 سنة و كل شي مطلوب إنه ينحفظ نصاً .. نحفظ قصائد و دروس و حتى مواضيع التعبير اللي بالإنجليزي نحفظها .. ضحكوا علينا والله ..

..

أما ألحين الذاكرة تليك و تسرب أشياء مهمة .. و صارت مواقف كثيرة محرجة بسبة الذاكرة ..

بس أحس إني أطنش السالفة .. خصوصاً لما تكون سوالف مب مهمة ..
يعني لما أنسى أسماء أو أرقام أو أي حدث .. عادي أقول نسيت .. حتى لو انحرجت شوي ..
أحيان أكون ناسية امتحان أو تسليم .. أقول الله كريم وأمشّي الموضوع

الأسماء بشكل عام ما أحفظها بسهولة .. الأحداث إذا لقطت شي منها زين ..
يعني بصراحة .. التسليمات الامتحانات حتى الاجتماعات ..
كله صديقتي تذكرني فيهم .. على طول مسجات ..
شجون لا تنسين بكرة عندنا كذا .. الساعة كذا ..
دايماً .. وأذكر مرة عرضوا علي إشراف على مشروع و رفضته قلتلهم تبوني أنكبكم أنا كل شي أنساه .. يقولون سجلي بدفتر ..
قلتلهم جربت الدفتر .. وكان معاي على طول بس كنت أنسى أكتب فيه خخخ

..

مرة كانت ربيعتي مسوية حفلة الحناء ..
و مخبرتني ومطرشة مسج وحاطة التاريخ واليوم وكل شي ..
أنا ذاكرتي خانتني وحطيت في بالي يوم ثاني ..
و شادة حيلي اتصل أبارك لها وهاه كيف كان اليوم
تقولي والله تعب ومشاوير .. أقولها لا لا الحفلة أقصد خخخ
تقولي يا بنت الحلال الحفلة كانت من يومين
أقولها لا بجد .. عبالي اليوم .. تقول هذا و أنا أرسلتلك وبعد ناسية !!
<ضحكت و غيرت الموضوع على طول

غالباً تعودت مواقف النسيان أقلبها ضحك ..
إلا في مرة من المرات بصراحة نفسياً انقهرت جداً من النسيان ..

السالفة .. مرة عزمت ربيعتي (هي نفسها خخخ عانت معاي هالبنت)
و يوم جيت أحاسب تذكرت إني خليت البوك بغرفتي ..
هي اللي دفعت الحساب ..انحرجت شوي بس لأنا ربع لا تضايقت ولا انقهرت ..

القهر .. إننا كنا طالعين رحلة و بعدها بأقل من نص ساعة بتحرك الباصات ..
وكان كل شيء جاهز .. وكان ما ينفع أروح الرحلة من غير فلوس .. لأنها رحلة لمعرض الكتاب ..
و لأني متذكرة بالضبط إني خليته بالغرفة ما فكرت في أي شي ء ثاني
طرت على طووول ..

أول ما دخلت الغرفة وقبل لا أدوّر ولا حتى أسوي شيء ..
مثل اللي شاف مكان و فجأة بس تذكر كل شيء ..!

تذكرت إني في الليل شلت الفلوس كلها من البوك وحطيتها بجيبي عشان ما اضطر أشيله !
يعني الفلوس كانت معي .. من البداية ..
ولو بس تذكرت .. ما كنت انحرجت وتبهذلت بالمشوار والشمس كل هذا
):

..

كم مره إذا عجبتني أكله .. أقول لماما أحفظيها انتي و أنا بأسويها

حركة الصراحة .. أنا على طول أسجل بجوالي كل شي ..
سواء وصفات سواليف حواديت كلمة طايرة عجبتني ..
مثل .. حكمة .. بيت شعر .. أدري أن الذاكرة صايرة مشخل فـ أأمن مستقبلي

حد منكم قابل شخص فاقد للذاكرة؟ ودي أقابل واحد كذه، ابي أشوف وشلون تصير حياته.

أنا عشت مع شخص كذا P:
و فعلاً شي غريب سبحان الله ..

بمعنى الكلمة ..هالشخص أخوي صارله حادث فظيع فقد فيه الذاكرة و رجع كأنه طفل .. ما يعرف ولا شيء .. يعني تعلمه .. لا تسوي كذا .. هذا غلط .. اقعد لا تروح ..
يقول لنا أنا ما أتذكر ولا واحد فيكم .. ما يعرفنا ..
يكلمنا مثل الأطفال .. الطفل ممكن ما يعرفك بس يكلمك و يدق معك سواليف عادي بعفوية ..
يتصرف قدام الناس بعفوية كنه طفل ..
الشخص مثل هذا بسهولة يتحكمون فيه ..
يعني يقولون له كل الأكل هذا ياكله ما يقول لأ ..
سو كذا ما يقول لأ .. ما يعرف يتخذ قراره لأنه ما يعرف يفكر فيه أصلاً ..
كنت كل يوم أقوله جب لي حلاوة يجيب لي < أم الفــلّة
الحمدلله بعد سنييين تعافى هو و رجع طبيعي وصرت أقوله جب لي حلاوة يقولي
اقلبي وجهك قاعد على بنك خخخ

بس عنده مشكلة النسيان أفظع مننا كلنا ..
صارت له موااااقف كثيرة .. و كلها قهر بصراحة .. أبسط شي اللي كل يوم يوقف سيارته مكان ولا يتذكر وين وقفها .. و تدخل سيارته تشوفها كلها ستكرات طلبات البيت .. غير المهام والتذكير والخ
الله يعينه ويعين الجميع ..

و السموحة طولنا عليكم > كم دقيقة تكلمنا .. واحد قاعد يشيك رصييده خخخ

[Sander]

خخخخخخخخخخ .. مُحرج مرا .. أهم شي وقتها قدرت تدبر لك مخرج محترم :P

خخخخخ ابد ولا مخرج محترم ولا حاجه، "معليش راحت علي نومه "

بس بجد يبيلي اشوف صرفه في ذاكرتي

تذكرني بواحد من خوياي، كان يقول نفس كلامك و ماكنت أقتنع، احسبه يبالغ.
الله يعينك ياشيخ.

السالفة .. مرة عزمت ربيعتي (هي نفسها خخخ عانت معاي هالبنت)
و يوم جيت أحاسب تذكرت إني خليت البوك بغرفتي ..
هي اللي دفعت الحساب ..انحرجت شوي بس لأنا ربع لا تضايقت ولا انقهرت ..

خخخخخخ صارت معاي بس أنا كنت المعزوم و صاحبي نسي محفظته
لو ما بينا معرفة كان حطيته في البلاك لست
معك حق تنحرجين

أنا عشت مع شخص كذا P:
و فعلاً شي غريب سبحان الله ..

بمعنى الكلمة ..هالشخص أخوي صارله حادث فظيع فقد فيه الذاكرة و رجع كأنه طفل .. ما يعرف ولا شيء .. يعني تعلمه .. لا تسوي كذا .. هذا غلط .. اقعد لا تروح ..
يقول لنا أنا ما أتذكر ولا واحد فيكم .. ما يعرفنا ..
يكلمنا مثل الأطفال .. الطفل ممكن ما يعرفك بس يكلمك و يدق معك سواليف عادي بعفوية ..
يتصرف قدام الناس بعفوية كنه طفل ..
الشخص مثل هذا بسهولة يتحكمون فيه ..
يعني يقولون له كل الأكل هذا ياكله ما يقول لأ ..
سو كذا ما يقول لأ .. ما يعرف يتخذ قراره لأنه ما يعرف يفكر فيه أصلاً ..

ياسبحان الله، بيرجع طفل؟ بينسى كل شيء؟ بصراحة مو متخيل..

كنت كل يوم أقوله جب لي حلاوة يجيب لي < أم الفــلّة
الحمدلله بعد سنييين تعافى هو و رجع طبيعي وصرت أقوله جب لي حلاوة يقولي
اقلبي وجهك قاعد على بنك خخخ

بس عنده مشكلة النسيان أفظع مننا كلنا ..
صارت له موااااقف كثيرة .. و كلها قهر بصراحة .. أبسط شي اللي كل يوم يوقف سيارته مكان ولا يتذكر وين وقفها .. و تدخل سيارته تشوفها كلها ستكرات طلبات البيت .. غير المهام والتذكير والخ

الله يكون في عونه.
تسلمين على مشاركتنا بما لديك.

[أبو نائل]

موضوع متميز جدا نشكركم على تحديثه

الذاكرة الله يسلمكم فقدت كثير عشان المعلومات قامت تززززيد

حتى من زود النسيان فكرة أني أجعل ذاكرة خارجية عشان ما تضيع المعلومات

مواقفكم مررررررررره حلوة يالربع

بقولكم موقف الفله كان بالأمس

كنت بسوق الذهب أدور لي هدية

مريت يم محل وإذا بواحد من الربع شغال فيه نداني رجعت له وأسترسلت معه بالسوالف لين ما عرفته

والحمد لله أنه ما حس فيني أني ماعرفته هههههههههههههههه

في مواقف كثيرة بس الذاكرة ما تساعد

يعطيكم العافية على الموضوع الفله

وسوالفكم ما تنمل

[Alora]

ياحليلكم! اخترتوا موضوعي وانا مادريت!
تصدقون نسيت إني اقترحت شيء ==> اول دليل إن ذاكرتي الله يستر عليها بس خخ

( ألورا )

أبد مافيكِ أي دكتاتورية بس شاطرة <== برضو لأنها ملت من الموضوع المطروح خصوصًا إنها ماتدري فيه شي

ها؟ وشو؟ لا لا اعرف بس مابغيت ارد ==> رقعيها

المهم...
أنا الصراحة من جيت أمريكا وانا ذاكرتي مو ذاك الزود... بالعربي رايحه فيها
تصدقون ذاك اليوم ابوي قال لي غيري باسوورد الايميل حقي... وقلت له اوكي.. وعلى طول رحت للكمبيوتر.. والا افتح لي مواقع وانسى طلب ابوي
==> بنت اللذين حتى 5 دقائق ما مرت من طلب منك الطلب

@@ عاد ابوي ذاكرته "كانت" ماشاء الله.. مافي اقوى منها... واتذكر يوم إني صغيره كل ماقلت له نسيت
قال تكذبين علي! يالله على الغرفه.. يا إني تعاقبت على شيء مو ذنبي

أسوأ موقف يوم إني اواعد أبوي عند مكان محدد يجي ياخذني من الجامعه
واطلع مع صديقتي واخليها توصلني.. وطقيت ابوي نص ساعه قبل لا اتذكر إن قلت له
ولا بعد... الشغاله ذكرتني يوم سألت عنه

بس فيني شيء... ماادري هو عندكم او لا
تصدقون مااسامح اللي ينسى موعد معي ..
أنا انسى اوكي بس الشخص الثاني... يوووه اسوي له سالفه طويييييله عريضة واحط شروط عشان ارضى
==> استغلال
ادري شريره... بس الناس تشوف خطأها بسيط وخطأ الثانين موب بسيط
بس والله الأشياء المهمة! ماانساها ==> غير عن طقت ابوي

سلام

[yugi motoo]

تسلمين ألورا عالموضوع

وسعوا شوي لي فضفضة طويلة مع الذاكرة
وعطوني مناديل كمان لأنه مواقف احراج وقهر
<< مقدمة

صراحة الذاكرة مال أمها عندي
أحس أحيان تشتغل تمام، أتذكر ناس من أول ابتدائي وأسماءهم في بالي،
وأحيان أجلس جنب واحد يوم اليوم اللي بعده ما اعرف اسمه -.-"

أتذكر موقف بالمدرسة، واحد أول مرة أشوفه جلس معي أنا وواحد وقاعد يكلمنا وقالي اسمه << لليوم ناسيه xD

واليوم الثاني اللي كان معنا يقولي "فلان سو كذا وفلان راح وفلان جا"
وأنا أعمل فاهم ومهتم وفي بالي "منو فلان هذا؟"
المهم جا ذاك الفلان جلس معنا سأل ايش نتكلم
ناسي اسمه طبعا.. قلتله ولا شي نحش بــ فلان
إحراج والله هو زعل وأنا مادري شالسالفة -.-


موقف ثاني .. أول أمس
جلست بغير الباسوورد للإيميل،
عملت تسجيل خروج من المسن ودخلت غيرت الباسوورد
ما مرت خمس دقايق حتى، جيت بسجل دخول عالمسن وإلا ناسي الباسوورد الجديد

خخخخ شكلي كان غبي وأنا أجرب

بس اللي لاحظته فيني إني ما أقدر "أحفظ"
لكن أقدر بسهولة "أتذكر"
خخخ مادري كيف أشرح،

يعني الدروس مثلا، تلقاني ساعتين قاعد أحاول أحفظها ماقدر -.-
بس فيه دروس ثانية لو كنت منتبه بالحصة بسهولة أتذكر كلام الأستاذ

وأرقام التلفونات.. فيه أرقام بسهولة أحفظها لما واحد يقولي هي،
بس رقم تلفوني مو حافظه لليوم xD

أنا عشت مع شخص كذا P:
و فعلاً شي غريب سبحان الله ..

بمعنى الكلمة ..هالشخص أخوي صارله حادث فظيع فقد فيه الذاكرة و رجع كأنه طفل .. ما يعرف ولا شيء .. يعني تعلمه .. لا تسوي كذا .. هذا غلط .. اقعد لا تروح ..
يقول لنا أنا ما أتذكر ولا واحد فيكم .. ما يعرفنا ..
يكلمنا مثل الأطفال .. الطفل ممكن ما يعرفك بس يكلمك و يدق معك سواليف عادي بعفوية ..
يتصرف قدام الناس بعفوية كنه طفل ..
الشخص مثل هذا بسهولة يتحكمون فيه ..
يعني يقولون له كل الأكل هذا ياكله ما يقول لأ ..
سو كذا ما يقول لأ .. ما يعرف يتخذ قراره لأنه ما يعرف يفكر فيه أصلاً ..

سبحان الله،
فقدان الذاكرة درجات ع فكرة،
فيه ناس تصير لازم تتعلم كيف تتكلم ثاني حتى
الحمد لله على كل حال،

__

يلا بالتوفيق
عـ، طاري النسيان،
السفر ماله غير أسبوع وكل يوم أحسب إني جاهز وأتذكر شي نسيته xD

[حلزونه]

السلام عليكم جميعا ^^

اخييييه ذاكرتي مرررررره شريره T-T
دايم داااااايم انسى اهم الاشياء اللي تصير مشكله لو نسيتها
بذكر اخر موقفين عشان اختصر قرقرتي الي ماتنتهي ^^"

مره واحنا نجهز اغراضنا عشان النقله من الرياض للمدينه فضيت كل الي في الكومودينا بالكرتون
وتركت في الدرج فلاش ميموري شديد الخصوصيه
على اساس لما انتهي من اغراضي احط الفلاش بشطنة لابتوبي ونشعتر عالمدينه
وللأسف نسيته ماتذكرته إلى عند اول محطه قابلناها لما مسكنا خط السفر
المشكله فيه صوري وصور صاحباتي بالجامعه T-T
لكن الحمدلله ربي رحمني ماسلمنا البيت لصاحبه وقتها
وابوي رجع يجيب باقي الاغراض اللي لنا في البيت وجابه معاه
طبعا اول ماستلمته حذفت صور صقيقاتي الحمدلله جات على كذا صراحه اتورط انا ولا اورطهم معي
توبه ماتصور معاهم ابد ان شاء الله <.<"

المهم الموقف الثاني شريت دليل سياحي للغه العنقليزيه على اساس اعرف اتحاور بالسفر
لاني في الانجليزي مشي حالك واللي معي مايعرف له ابد عاد مابي اتورط واتنح مع الناس O.o"
المهم اخترت الكتاب بعنايه وجلست اتصفحه على كم يوم
ولما جيت اجهز شنطتي نسيته في البيت ماتذكرته الا اول ماجلست بالطياره T-T
الحمدلله عدت السفره على خير عنقليزيتي المعدومه مشي حالها



وبما انه الموضوع عن الذاكره بقولكم على حاله غريبه يعاني منها اخوي <.<"
تخيلوا يحفظ الوصف لكن بطريقه معكوسه
يعني مثلا بيروح لقاعه الماحضره بجهت اليمين يلف تلقائي يسار مبرمج على اليسار كل ماراح
وكمان لما يسوق بالسياره يتنح كثير بسبب هالحاله يروح عكس الاتجاه ويضيع ويتأخر ~.~"


كح كح في موضوع جانبي يخص موضوع الذاكره <.<"
الي هو انه كثير مننا يمر بموقف يقول انه سبق وعاش هالموقف قبل كذا لكن مو متذكر متى
او احيانا تخطر على باله مواقف يكون متأكد انه عاشها لكن لما يسأل اللي حوله محد يأكد له صحة كلامه
هالحالتين صارت عليهم دراسه ويقولون انه جزء معين بالدماغ مسؤل عنها >> مو متذكره زين ^^"
المهم بعض الناس يقولون انه الانسان من وقت ولادته مر عليه شريط حياته كلها
وبسبب خلل معين يتذكر بعض المواقف قبل انه يعيشها شرايكم بهالحوسه

اريجاتوووو بالمرررره ثكرا الورا البلوره عالموضوع

[أبو نائل]

حلوزونه عليك مواقف ذكرتني بموقف

مره كنا بالرياض نقدم على أحد الكليات وكنت حاط ملابسي بالكبت طبعا أهم شئ عندنا الثياب

وكانت ثيابي المفضله عندي

المهم كنا راجعين على القطار صحينا من النوم أنا والخوي وحنا كتأخرين مع التأخير نسيت الثياب مجهزه بره الكبت
المهم وصلنا القطار وهو توه ماشي

وراحت رحلتنا

وحنا جالسين نتحرا الرحله اللي بعدها تذكرت الثياب ورجعت وخذتهم

هههههههههههههههههههههه

أعتذر لأني شاركت مرتين بس سوالفكم تحمس