قهوة WoW .. :P

[Karazhan]

الله يسلمك رحت الصاله شفت مسدس لعبه مال بنتي , شفت مكان البطاريات قطعه نيكل جان اكسرها واخذها واركبها على الجاليليو واضبطت

لو تطيح علي الشركه تغسل ايدها

ولو تطيح علي بنتي تغسل ايدها

الحين ضبطت وتشتغل على البطاريه الصغيره واذا ضغطت الزر تثبت البطاريه لكن ان خليتها البطاريه تتحرك داخل

[ميكافلي]

باك يا شباب

معذرة والله عالقطعه والسحبة عاللعبه ،،، بس اني صاير هواوي بالالعاب مدري وش فيني ،،، والله ما ارسى لي على لعبه.

يافهد العازمي ،، ياخوي وش هالصور حقت الدخان الالكتروني ،، جربتها عند واحد من الشباب زينه بس موشتها صعبه ،،، العروق تطلع وانت ما موشت شي.

بعدين ياخوي وش هالزحمه بالفلتر ،، ونيكل حق مسدس بنتك ،،


ياخوي دخن عادي ولا بطل

[Karazhan]

انا زين فهمت طرمان مادري خرمان

كلمه قالها لوعه نسيتها بس معناها مقحط

الحين شنو يعني موشت ؟

يمكن والله اعلم قصدك مزه او نفس او شفطه لأنك قلت عروقك تطلع الظاهر مزه

لا شوف انت يمكن مجرب صينيه او زقاره فلترها منتهي

جرب الامريكيه او تدري شلون تواعد انت و لوعه قبل جسر البحرين لأن اهو كل يومين يروح البحرين , يمرك وجرب مالته امريكيه

وقولي رأيك , حتى يمكن انت تقول هذا كويتي يقص علينا , اسأل لوعه اهو سعودي و مليونير من الرياض , وانت عارف المليونير صعبه يكذب

قوله قطعت الزقاير بعدها او لأ


هذي الله يسلمك انا بحثت عنها و تحرين وعملت اللازم , اكتشفت ان مالها اي ضرر على الانسان نهائيا , حتى النيكوتين اللي فيها ماله ضرر

وكل شخص يقول ضررها اكبر من الزقاره العاديه قوله وين دليلك , صدقني راح يقولك فلان يقول , ولما تبحث خلف الاشاعه تشوفها طالعه من شركات التبغ العالميه لأن هالزقاره اكسرت سوقهم

امس جربها واحد من ربعي وعطاني فلوس قالي اطلبها لي , و قبل امس جربها واحد ثاني وكان نفسي 3 باكيتات باليوم و بعد تجربتها قطع التدخين و كل يوم اشوفه بالدوانيه يقولي فهد عطني زقارتك بشرب

لغايه ما ابتلشت فيه و طلقت الدوانيه باللي فيها

هذي مالها اي ضرر وتغنيك عن التدخين

و لولا رفيجي ملك اللعبه اللي عروقه بالماي قال ان التدخين سر المرجله كان انا قاطعها من زمان لكن مجبور ادخن عشان مقوله رفيجي دام ظله واهو السبب الرئيسي اللي خلاني اشتريها

جرب الاصلي وادعيلي , لاتقرب صوب الصيني حتى لو قالولك امريكيه بس صناعه صينيه , اخذ امريكي 100% مثل blu cigs و v2 وغيرهم

اما ال mods واللي يكونون انواع اكبر ويركب عليهم بطاريات كبيره نفس اللي حاط صورها فوق و في انواع غيرها , هذي للي مايبي يكشخ , هذي للمدخن اللي يبي اطول مده يدخن لأن تعطيك يومين بدون تشحن البطاريه حسب كلام الناس ويقولون 3 ايام بعد

و مع التانك تصير شيشه مصغره


احنا نبحث عن الخير للبشريه , التدخين مشاكله كثيره لك و لغيرك , 4800 ماده مضره , و غيرك يتأذى من الدخان والريحه

هذا غير ان الواحد بدايه عمره مع التدخين , يعني عمره 10 سنين ويدخن راح يبتلش كل شوي صايدته الخدامه و دايسه في بطنه , خصوصا لما تغسل دشداشته و لما تبحث عن خرده او فلوس في مخباته راح تشوف بقايا تتن من الباكيت او تشوف حرق الجمر على دشداشه , و يومه ما يعدي

تفركه فرك تخليه مره ثانيه قبل يدخل بيتهم يفصخ الدشداشه ويقطها تكرم بالزباله ويدخل البيت , ولما تقوله وين دشداشته يقولها رحت البقاله و امسكوني عرابجه وصطروني وقطوا هدومي ونحشت منهم قبل يصعدوني السياره

كل هذا عشان ماتدوس في بطنه


الحين حتى تروح المدرسه وتشربها بالصف المدرس مايدري عنك

[Jeremie]

والله بالمنتدى أشياء عجيبه واحد مصور يده وهو يطبخ شي جميل وا وحش وفيه واحد مصور يده معاه سيجارة...... لا تعليق ...... خربت الشباب ....... لوعه كان بيقطع بس بس ........

يتــــــــــــــــــــــــــــــــــــــــــبع..

[Karazhan]

الله بلاني بسبب سرقي للأوسمه والصور والتواقيع

ماكو صوره رمزيه او شخصيه او بتوقيع الا وسرقتها

سمعت ان ديروفر الله بلاه وصارت رجوله رجول عنز

صار درايني

نفس اللي مع سندباد مادري اي حلقه اللي شاف رجل بالصحراء وقاله شيلني وصلني مكان ولما شاله سندباد شاف رجوله تتحول رجول عنز

عاد ديروفر قطع فتره الظاهر راح لندن علاج بالخارج يشوف حل

يعني السالفه صح مو اشاعه

[Karazhan]

ديروفر الجديد

او درايني الجديد

[لوعةالفرقا]

يعني إللي افهمه ان الفلتر حق بلو ما يتعبى !؟

بس التانك إللي يتعبى ؟

[Karazhan]

اذا الفلتر شغال تقدر تعبيه , تفتحه من المكان اللي تمز منه و تنقط فيه على القطن لما ينترس وتسكره وتنطر شوي وبعدين تشرب

هذا اذا كان الفلتر شغال 100% بس ماكو دخان

اما اذا تحس ان الفلتر مايعطيك القوه اللي كانت اول ماشريته لا تعبيه


كل شي يتعبى بالدنيا

انا اقدر اعبي راسك كلام الحين واخليك ماتشوف بالدنيا غير الملك قدس سره و تفجر نفسك بقسم ميتل جير , تصير استشهادي للملك

الفلتر تقدر تعبيه بس شوف انا طلبت من امريكا 30 مل 3 انواع , يعني المجموع 90 مل

طلع علي ب15 دينار واقل بعد

بالكويت ال 7مل بس ب10 دنانير

شوف سعره بالصيدليات كم و بعدين قرر

[ام ابـراهيم]

والله بالمنتدى أشياء عجيبه واحد مصور يده وهو يطبخ شي جميل وا وحش وفيه واحد مصور يده معاه سيجارة...... لا تعليق ...... خربت الشباب ....... لوعه كان بيقطع بس بس ........

يتــــــــــــــــــــــــــــــــــــــــــبع..

هههههههههههههههههههههههههههههههه
ههههههههههههههههههههههههههههههه
صدقت و الله

[Derover]

يآولد جان زين رجولي رجول عنز اكتشفت ان مخي مخ عنز

تخيّل صارلي اكثر من شهر اداوم بقاعة مو قاعتي وعند دكتور مو دكتوري ومادة مو مادتي

ما توقّعت اني دلخ لهالدرجة

المهم قعدت اسبوع احاول اقنع الدكتور ينقلني ومادري شلون دبرت واسطة والحمدلله قال الدكتور اوك انقلك بس ما اعيد لك المد تيرم ولا الكوزات والغياب محسوب عليك وأي يوم تغيب راح اعطيك حرمان

اساساً اهو من زمان معطيني حرمان بس الحمدلله شاله وقال يوم وآحد تغيب بعطيك حرمان

وبعدين شكلي كسرت خاطره قال خلاص انت شد حيلك وان شاء الله اذا التزمت ودرست وطلعت درجاتك زينة بالإمتحانات راح ادبل لك الدرجة

والحين عندي امتحان يوم الإثنين وقاعد ادرس له من الحين

وللعلم هذي بتكون اوّل محاضرة احضرها عنده

المشكلة بعد مااعندي إلا نوتة فيه شرح أي كلام يحط لك قانون ومثال واحد وبس .. أمّا شرح الدكتور يعطيك القانون وعشرين مسألة وكل مسألة لها طريقة ف الله يعين

[ام ابـراهيم]

تخيّل صارلي اكثر من شهر اداوم بقاعة مو قاعتي وعند دكتور مو دكتوري ومادة مو مادتي

ههههههههههههههههههههههههههههههههه
ههههههههههههههههههههههههههههههههههههههههههههه
تقتلون بالضحك

[Derover]

بعد هالسالفة اتوقع اني استحق وسام الغباء وبجدارة بعد

[Karazhan]

لا عادي تصير

انا السنه اللي طافت اكتشفت اني انام واشبك في بيت مو بيتنا و عائله مو عائلتي و زوجه مو زوجتي

لين اكتشفت بالصدفه لما شفت عيالي مع امهم بالجمعيه وماعرفتهم هم عرفوني الحمدلله و اجتمع شملنا مره ثانيه

انا حسبتك بلندن تعالج بسبب سرقه الاوسمه والصوره

بما انك طالب مجتهد عندي سؤال

اول شي ليش ماتطلع بطالي ؟ احسن لك لأن ماكو مصبنجي اصلي الا ويكون بطالي


ثاني سؤال وين احصل مغناطيس يكون دائري و لونه نيكل , ابي مغناطيس اصغر من ال 5 فلوس , وين احصلهم بالكويت , يعني لا يجي واحد يقولي بشارع ال60 , اقوله وين شارع الستين يقولي بجده

انا كويتي ابي بالكويت

[Jeremie]

دي روفر على طاري الدراسه .... أول قبل حرب الخليج كنت في مدرسه Epic المدرسين كاتبين أسماء طلابهم على ورقه إلي كاتب على ورقه شخابيط وإلي كاتب على ورقه نصها مشقوق.. عاد أنا توني داخل أول إبتدائي وكان عندي أخو في ثاني وا واحد في ثالث... كل مدرس ناد كل طلاب صفه إلا انا.. نطرت إلى الفسحه بالساحه مافي أحد عطاني وجه وقال لي تعال.... في الفسحه جاني أخوي إلي في ثاني وأخذني معاه الصف بعد الفسحه.. أخذت الكتب وكملت الدراسه بثاني.... قبل الإختبارات الفصل الأول بإسبوع كنت رامي الكتب على الأرض قدام التلفزيون وقت العصر .. كنت أنتظر قناه البحرين يجيبون مسلسلات كرتون ورحت خارج منطقه التغطيه مؤقتاً (WC )وجيت وإلا أبوي ماسك الكتاب ويقولي ليش كاتب إسمك على كتاب أخوك..... الكتاب لصف الثاني وإسمي عليه... قلت له كتابي.......... ثاني يوم أنا وهو والمدير على طريق الجهه إلي فيها الصف الأول وسحب المدير الكتب من شنطتي وداومت بالصف الأول.... حرام كانت أموري ماشيه أعرف أقرأ وأكتب ..( خريج روضه )....غلطتي كنت أنتظر البحرين.. كان أنتظرت البحرين الثانيه(55)... بعد ساعتين أحسن و كان تخرجت بدري... إلي بيقول أبوي ليش توه يدقق ... يداوم شفتات والشفت يتغير مره بالشهر و أنا لما أخليه يوقع الشهاده كنت أجيه في وقت الزحمه وهو بيمشي الدوام..... السؤال لو رحت مع أخوي إلي بالصف الثاث وش بيصير......... طبعاً الحادثه تكررت مره ثانيه بعد ما نقلت من المدرسه كنت بثالث ورحت سادس.... بس صادوني ثاني يوم...

[Yoshi]

ههههههههههههههههههههههههههههههههه

قويه جيرمي لاسالفه معقووله اوف اوف ماشاء الله شكلك نابغه .. ماشاء الله تبارك الله ,

بس بسألك وش المسلسل اللى كنت تنتظرهـ لول ؟