الي يبغى اي مساعده في تعديل سيارته يدخل

[الملك الحزين]

اول شي ..السلام عليكم ياشباب ... والله يعطيك الف عاااااافيه يا مستر استبنه الغالي والله ما قصرت

ثاني شي اعذروني على قلة مشاركتي معاكم << ظروف


اخوي عندي سؤال ياريت تساعدني فيه ... الحمدالله انا شريت من فترة BMW 528 موديل 96 ...

طبعا غيرت جنوطها وركبت جنوط بي ام 745 موديل 2004 والسياره والحمدالله ما عليها كلام ...

ولي صديق له شغل في المعارض ...اعطاني انوار الخلفيه حقت موديل 2002 مستعمله لكن نظيفه وقالي فقط بدل انوراك القديمه بالجديده ... وانا والله رحت الكهربائي حتى يغير الأنوار وتفاجأت انه يقولي هذي الأنوار لو بتركبها يبغالها كمبيوتر علشان تشتغل لأن في جزء منها يوجد فيه مثل الـ LED ... الصراحه انا انقهرت لأنها الأنوار حلوه وطلعت على السياره حركه ... فا اتمنى منك اخوي انك تساعدني هل يوجد طريقه اني اركب الأنوار من غير كمبيوتر او هل عندك طريقه ثانيه ... لأن الصراحه حاجه تقهر الرجال عطاني الأنوار هديه والأنوار حلوه بس ما اقدر اركبها وسألت الكهربائي على سعر الكمبيوتر يقولي مستعمل تقريبا 1700 ريال

اتمنى منك اخوي المساعده واذا لك نظره خاصه في تعديل السياره لا تبخل علينا ... ووش رايك بالشمعات اللي لونها ازرق تقليد الزنون هل تنصح فيها واذا في نوع معين قوي وحركه خبرني يالغالي ... وما تقصر اخوي
وهذي صوره للنور ...


سلام ...

[MR.أستبنه]

هلا والله اخوي ولا تشي الهم مدام اخوك حاط هذا الموضوع حق التعديل فراح احل مشكلتك
في عده طرف
اول طريقه انك تروح وتدور الكمبيوتر في التشليح وتركبه
الطريقه الثانيه انك تشوفلك كهربائي حريف يركبلك الاسطب ويركب اللمبات الداخليه القديمه على الاسطب الجديد وهذي طريقه سهله بس يمكن تحتاج للتخريم والتركيب بالقوه
الطريقه الثالثه انك ترهم الاسلاك ترهيم بحيث انك تفك الاسطب القديم وتقطع اسلاكه وتركب الاسطب الجديد وتركب اسلاك السياره على اسلاك الاسطبات
وانا انصحك انك تغير الوجهيه بالوجهيه الجديده
وتغير الصدامات وتركب صدامات ام 5 الرياضيه
اما بالنسبه للزينون فهذي بي ام حرام تحط شي تقليد فانا انصحك انك تركب زينون اصلي ...



وراح اشوفلك طرق ثانيه وارد عليك اهم شي لا تشيل هم ................

[الملك الحزين]

ياغااااالي والله ما قصرت ...

يعطيك الف عافيه ...

شكلي بشوفلي كهربائي يفهم وبعطيه الأسطبات .. لأني قد حاولت اني افك الغطا الخارجي وما انفك وهذي افضل طريقه ...

وبالنسبه للصدامات والوجهيه والزنون انشالله بسويها بس الحين السيوله ما تشجع ... ومن يومين دافع 4000 ريال تغير فلاتر وزيت وسيور وبواجي والدوده ... <<< الماني :vereymad:

وماقصرت اخوي اتبعتك معاي ...

خلينا نشوفك

[MR.أستبنه]

يارجال وش دعوه تعبكم راحه


وبعدين على فكره ترا بقولك حاجه
لازم تتحمل كل الي بيجي مدامك شريت بي ام
لان قطع الغيار نااااااااااااااااااااااااااااااااار

[max2004]

اشكر الاخ استبنه على المجهود الرائع والله يعطيه العافيه...

انا توني مطلع لي تويوتا XA لون اسود ومركبلها جنوط 16 وانوار ضباب

حبيت اسال وش يصلح ازبط فيها .....

وسؤال ثاني مافي محل اقدر افصل عنده شبك امامي يكون نيكل ؟

اذا كان فيه ابي عرف كيف اسعاره وموقعه .... ترى انا من سكان الرياض

وشكررررررررررررررا....

[MR.أستبنه]

اول شي مبروووووووووك ويعطيك خيرها ويكفيك شرها
ثاني شي انصحك انك تغير صداماتها وتركب صدامات رياضيه كبيره(تفصيل) وزوايد جانبيه
وتركب زينون
وتضلل
وتزود مكينتها لانك راح تتعرض للتحديات لانها سياره جديده والناس تبي تشوف قوتها فزود علشان ما تتفشل
وبالنسبه للشبك انت تبي الشبك الي يجي فيه دوائر صغيره او معينات او مثلثلت صغيره او تبي نفس شبك الوكاله
اذا تبي الخيار الاول فعندك عده محلات في الرياض منها ردلاين الي في التحليه او العليان او العوبثاني الي في الغرابي
واذا تبي الخيار الثاني فعليك انك ترش شبك الوكالع عند اي ورشه ..........

واسعاره مختلفه تبدأ من 100 ريال الى 700 ريال وحسب الشغل والمحل

[Man-Apart]

انا عندي ماجنا 2003 رياضية... وابغى اعدلها خارجيا واعدلها في الماكينه كمان..

ومستعد ادفع الكثير عشان اخليها احسن ماجنا..

واهم شي عندي تلغيم المكاينه..

وش تنصحني ومشكور..

[عمودي]

والله ما شالله مب مقصر معنا MR.أستبنه

وأنا مشكلتي مشكله

اولا انا ساكن بالرياض

انا توي شاري لكزس gs300 2004 اسود من داخل بيج

وابي اخشب الطاره ورحت عند رد لاين اللي بالتحليه وقال بـ 800 ريال :vereymad:

والله حرام غالي ,,, وابي منك تعلمني مكان يخشبون الطاره يكون شغلهم نضيف ورخيصين

وابي اركب شبك رياضي بس ما ادري كم سعره

وجناح الوكاله بعد ما ادري كم سعره

ارجووووو الاجابه وشكووووووورين على الموضوووع

بأنتظاركم

[MR.أستبنه]

هلا والله بالشبااااااب
اول شي اخوي Man-Apart
الماقنا سياره حلوه وقويه
والفئه الرياضيه ما ينقصها الا بعض الاشياء البسيطه مثل الجنوط وانا انصحك بجنط 17 يكون على شكل خليه او شبكه
وتركب زينون وان كان لونها اسود تركب لها اغطيه لمات سوده
وان كنت تبي تعدل فيها زياده فغير الصدامات بصدامات رياضيه كبيره وركب سستم صوت وتلغيم المكينا انا انصحك تستنا الاخ راعي الجي تي ار هو افهم مني بهالامور


اما الاخ عبودي
اول شي يعطيك خيرها ويكفيك شرها ومبروك عليك
ثاني شي في عندك محل بتقاطع الملك فهد مع التحليه اسمه لوازم 80 هذا شغله نضيف واسعاره حلوه
وفيه محل في الصناعيه القديمه اسمه الابداع وفي محل في الغرابي اسمه العوبثاني كلهم شغلهم نضيف واسعارهم حلوه
اما بالنسبه للشبك فانا انصحك تسويه عند رد لاين لان شغله في الشبوك زين ولو انه شوي غالي
والجناح والله ما ادري عن سعره ........

[راعي الجي تي آر]

اخوي مان أبارت
مكينة الماجنا
ما يبالها الا تزويد اللانسر ايفولوشن
لو تقدر تشتريها تركبها على الماجنا
احلم حد يطوفك
وهذا اقتراحي لك

[skillman]

يا شباب حبيت اسال عن قيمة :

1- تلوين السيارة مع الأستكرات . يعني اذا كنت ابا لون السيارة
اصفر ويكون عليه رسومات بالأسود .

2- جناح سبورت حديدي مع التركيب..

3- تهبيط السيارة.........



وشكراً للأخ ( MR.أستبنه ) وباقي الشباب.......

[ClK]

السلام عليكم ورحمة الله وبركاته

عساك على القوه اخوي استبنه.MR اخوي راعي الجي تي ار وباقي الشباب

انا عندي اودي A4 لون اخضر غامق القير اوتوماتيك وعادي من داخل بيج وودي اركبله زوايد رياضيه وجنوط واقوي مكينته واركبله ستكرات (ابغاه لا صار ولا استوه)
ولاكن يا ريت مع ردك اخوي تحط لي صور علشان تفصيلها
مع العلم اني من سكان الدمام وياريت تعطيني اسامي بعض المحلات

وشكرا....

[راعي الجي تي آر]

راح ادور لك صور معدلة لموترك
بس هو موديل كم؟

[ClK]

عساك على القوه

2003
الجدييد

[MR.أستبنه]

هلا بالشباب كلهم ...............


اخوي سكل مان هلا بك

اول شي على اللون اذا تبي تصبغ السياره اصفر بتكلفك حدود 2000 ريال الى 5000 ريال
والرسم اذا تبيه استكر فهو مو غالي اما اذا بويه فراح يكون غالي شوي
اما بالنسبه للجناح فوالله ما ادري عن سعره بس مو غالي وراح اشوفلك
والتنزيل اذا تبي تقص سست او يايه فهو بحدود 100 ريال الى 300 ريال




الاخ سي ال كي
انا قد شفت زوايد تجي من نفس الوكاله والله خطيره
وبالنسبه للمكينه انا ما انصحك تزودها لانو حرام تلعب بمكينه الاودي