|~|ملـــتقى أعضاء منتديات البلايستيشن|~|

[عاشق الإبتسامة]

سلااااااااااام
كيفكم شباب
دودي
بالنسبة للافلام
اتفرجي سكارفيس لالبتشينو فلم جبار
والتحول حددي اي تحول وبنساعد
كنجدوم هارتس لعبة جبارة واي مساعدة انا مستعد سلااااااااااام

[d.o.d.y]

سلااااااااااام
كيفكم شباب
دودي
بالنسبة للافلام
اتفرجي سكارفيس لالبتشينو فلم جبار
والتحول حددي اي تحول وبنساعد
كنجدوم هارتس لعبة جبارة واي مساعدة انا مستعد سلااااااااااام

مع اني اكره الباتشينو بس وش اسوي الملل
اما التحول هو اخر شي يعني الخامس ^^

[The Last Fantasy]

حمد .. تتوقّع أعضاء الفئات هذي بيقرون ردّك ؟ .. .. Forget it ..
إمـا يوضعون تحت الأمر الواقع ولا مهنا نفع ..

عبارتك الثانية صريحة وفي الصميم .. لا غلط ولا شي .. اللي زعل عارف نفسه غلطان ..
واللي موب عاجبه يفكّنا من شرّه ..

[Grandia Fantasy]

دودي للأفلام احنه حاضرين
عندج افلام كثيرة و راح اقولج احلاهم

the lord of the rings 1 , 2 , 3 <<<<<<<
the godfather 1 , 2 , 3 <<<<<<<
the ring
pulp fiction <<<<<<
memento
romeo and juliet
the silence of the lambs
fight club
snatch <<<<<
the matrix 1 , 2 , 3
eternal sunshine of the spotless minds <<<<< انصحج في هذا كثير
se7en
L.A Confidential
Sin City <<<<
batman begins <<<<
crash <<<<<<<
forrest gump <<<<<<
donnie darko <<<<
V for vendetta <<<<<
cinderella man <<<<<
big fish
moulin rouge <<<<<
اللي عليه سهم و لونه عادي يعني فلم ممتاز
اللي عليه سهم و لونه احمر يعني لازم تشوفينه

و إذا تبين دخلي هالصفحة
Top Movies
و هذي فيها افضل 250 فلم حسب موقع imdb و هذا افضل موقع للأفلام

[The Broken Legend]

dody
مالج ألا هيفا أقصد فلم saw 1 &2 فعلا رائع رائع رائع

سولدين
المشكلة الاولى انا لا أوافقك عليها و قلت لك التفاصيل على المسن
المشكلة الثانية صح كلامك .. هالاسلوب استفزازي كثير .. صار معي لمن كنت مدير عام بمنتداي .. << أعلان رسمي أللي يبي وصلتة يرسلي على الخاص << لا لا امزح معاكم المنتدى سكرتة من فترة ..

[Zero]

وفي الصميم

كلام سليم <<من زمان كان ودي أشوف تلك الجملة ..

[Austin 3:16]

أوستن .. أحسك كرهتني, ما عندي شغلة غير تحرير ردودك ومواضيعك .. خلّيت ريمكس,, ريميك .. مدري, حسيتك تقصد ريميك .. إذا لا, قول لي أرجع ريمكس ..

لا عادي اخوي سوليدن .. أنا كنت قاصد ريميكس ... لأني سويت ميكس لموضوعين في موضوع .. لكن ريميك تنفع .. وكلها تصب في نفس المعنى تقريبا .....

وبالنسبة لكلمة الكتّاب الدائمين .. ممكن صح لكن هناك ممن لايكتب .. متفرج فقط .. والجملة الثانية فكلامك صحيح 100% ... رغم أنه شيء محزن ان ترى عضو مميز جدا يرحل ..

الطلب 2 : اي تعطوني قائمة بالأفلام الجدية او الحلوة الي بسوق مليت ابي اشوف افلام وما في عقلي اي فلم ^^

أخوي جرانديا فانتسي ماقصر ... لكن Fight Club و Memento و Silence of the Lamp و Seven و L.A. Confidentioal أيضا من الأفلام التي يجب ان تريها ... ماأدري ليش اخوي جرانديا ماأعطاها حقها .... فكلها أفضل من Batman Begins على الأقل ..

وفيه أفلام كثيرة لكن سوف أضع أفلام القرن الواحد والعشرين الممتازة والتي شاهدتها :

سلسلة Lord of the Ring
City Of God: فيلم برازيلي مذهل جدا جدا جدا جدا ... عصابات وقصة حقيقية ..متكامل تقريبا ..
Memento: قمة الإخراج في هذا الفيلم ... رغم أنه من الممكن أن يصيبكي بمرض فقدان الذاكرة
Etenral Sunshine of the Spotless Mind : جيم كيري .. في أفضل أفلامه ..
Hotel Rwanda: فيلم عن حرب رواند الشهيرة .. انساني للغاية ...
Million Dollar Baby: فيلم انساني عن فتاة تحب الملاكمة ...
Sin City: مقتبس من الكوميكس .. ممتاز وخاصة في التصوير ...
Batman Begins: لاتوجد به سخافة الأجزاء السابقة ..مميز جدا ...
The Incrediable: فيلم رسومي مذهل .. قصة لعائلة خارقة .. أفضل فيلم رسومي ..
Kill Bill: فيلم خيالي من جزئين .. عن رحلة للإنتقام ...
Crash: فيلم إنساني يتحدث عن العصبية ... سواء للسود او العرب او الاسبانيين ..
Donnie Darko: فيلم عن الزمن ذو إخراج متكامل ...
OldBoy: فيلم كوري ... ممتاز جدا وملحمي .. عن مساوئ الإنتقام ...
Gladiator: فيلم غني عن التعريف ..
Hero: فيلم صيني ... يتحدث عن أهمية بقاء الشعب بدون حروب ..
Cinderella Man : ملاكم .. وكيف واجه النكبة الأقتصادية ...
Wallace & Gromit : فيلم من الصلصال ... مضحك جدا ..
V for Vendetta: إرهابي مقنع .. فتاة تم حلق شعرها .. ممتاز ..
Snatch: فيلم ولا أروع ... راااااااااااايق ..

صار معي لمن كنت مدير عام بمنتداي

أنت كنت المدير العام ... لاعجب في انه أنتهى .... أمزح معاك .. ليش تعصب؟؟

[Grandia Fantasy]

Austin افا والله افا انا اظلم هالافلام
لا بالعكس fight club احلى من batman حتى فلم L.A. Confidentioal
و memento
لكني نسيت احط عليهم سهم لأنهم كانوا كثير ><

[The Broken Legend]

أنت كنت المدير العام ... لاعجب في انه أنتهى .... أمزح معاك .. ليش تعصب؟؟

قمة الدبدبة فعلا .. و أهو ما انتهى .. انا سكرته بإرادتي

حسين لا تخاف .. انا قلت له قمة الدبدبه لكن انت ستظل boss dob للأبد دون منازع ^ ^

[Austin 3:16]

و أهو ما انتهى .. انا سكرته بإرادتي

انت سكرته لانه انتهى خلاص .. مااحد يزوره .. أظن الدبدبة عنك انت تفوقت على حسين ...

[Soliden]

حفّزوني ولّا أطلع هي تستر على خلوني مراقب لأني افضل عضو هنا ولّا راح أهجركم وبعدين شوفوا متى تلقون واحد زيي (هنا المشكلة, لمن الواحد يعتقد إنه الفضل.. لا, وما يكتفي بالفكرة .. بل يظهرها لنا)..

مافيها شيء لو تبغى تصير مراقب .. لكن امشي في الطريق إللي يوصلك لهذا الشيء, الاتزان في الأسلوب والتواجد الدائم والصبر كذلك, ولازم تعرف إن الرقابة ما تعتبر حافز, إذا القسم إللي إنتا نشيط فيه مكتفي .. فما راح تصير مراقب, لأنه مالها معنى ما دام القسم مو بحاجة.. أيضا "عدم المطالبة بالرقابة سواء برسالة أو بتلميح أو بموضوع بعضوية ثانية" .. وتذكّر, مو مواضيعك المميزة إللي راح تخليك مراقب ..

للي يربط التحفيز ببقائه في المنتدى .. إذا كان همك الأول والأخير هو التحفيز AKA الرقابة .. فأنصحك تبتعد .. أما إذا كنت تحب الطرح والنقاش وقضاء الوقت مع الاعضاء وكذلك الاصدقاء .. فالمنتدى مناسب لك ..

ملاحظة: لا يخيّل للبعض إنه إحنا ما نحفّز مرة .. لا, نسوي مسابقات ونعطي عضويات مميزة ونغيّر أسماء ونحط شعارات ونرمي نقاط سمعة ونكتب ألقاب ونشارك البعض على الخاص عند حصول أمر مفرح لهم .. يعني دلع .. بس مع هذا, يجيك واحد حفزّوني, جرّب كل إللي فات ولساعه يبغى تحفيز زيادة .. بس المشكلة الرقابة ما تعتبر تحفيز .. الرقابة تعطيها لواحد تضمن إنه ما راح يعفس لك الشغل في النهاية..

معليش إذا كلامي كان صريح شوية ..

إلكترو, تقول لي الادارة مو ملزمة بتحفيز أحد؟ يا ليت كل الاعضاء زيّك !! خخخ .. بس بعدين مشكلة, تحصل كل واحد فيهم ما يسكت عن الثاني .. "أنا إنسان صريح وما أجامل" .. لالا, يا ليت بس كلهم يشاركوك نفس فكرة عدم التزام الادارة بالتحفيز ..

طيب اسمع هذا القول أو البيت مدري: ليس الغبيُ سيّدَ قومهِ ولكنْ سيّدَ قومهِ المتغابي ..
بمعنى, إنك مو لازم تبيّن إنك تعرف كل كبيرة وصغيرة .. لكن مشّي .. سوي نفسك ما عرفت (المشكلة يوم واحد يصدق ويحسب نفسه فعلا يخدعك) .. على كل حال, يا ليت تخفف من صراحتك أو الـ Sarcastic everywhere في منتدى البلايستيشن, لأنه دايما تسبب لي أزمة مع الشباب على المسنجر .. ليش هذا بالذات ما تعاقبوه ! (مع إني ما كنت أشوف الرد يستحق عقوبة أصلا) .. أقصد كلامك عن الصومعة والكهف .. شخصيا, فهمت انها مزحة.. بس البقية يقولون هذا يستهزيء بشباب الـ RPG .. عموما, إذا بتمزح .. فمع واحد تعرفه, الشباب حسّاسين هنا ..

إلا على سالفة البيت أو المقولة .. كنت أطبقها, بس هذه الكم يوم أحس إني بعّدت عنها شوية .. والدليل ردي هنا في الملتقى ..

حمد .. تتوقّع أعضاء الفئات هذي بيقرون ردّك ؟ .. .. Forget it ..

يا ليت يقرونه والله .. وهذا الرد كمان ..

[hussien-11]

انت سكرته لانه انتهى خلاص .. مااحد يزوره .. أظن الدبدبة عنك انت تفوقت على حسين ...

هع هعهعهعه هع هعهع ، صادق و حتى مسوي برنامج في الترفيهي الأخ لتخفيف الوزن

شباب ملاحظين انه معركة الإدارة انقلبت إلى معركة ضد الأعضاء ؟

[Zero]

شباب ملاحظين انه معركة الإدارة انقلبت إلى معركة ضد الأعضاء ؟

أنا التشريف لا يهمني ولا الرقابة ولا التميز ومستحيل أذل نفسي بطلبه .. ولا شيء يهمني ما دمت جنديا مخلصا لوطني منتدى البلايستيشن <<هذا ما يسمونه عزة النفس ؟

أما بالنسبة لكلام أخونا soliden .. فمن كلامك حاس أنك تقصد عضو معين *يبغى يشعل حرب * .. لكن صراحة كلامك واضح جدا .. وما يحتاج أقول من هذا الفلان ..

[squallx]

عندي نكتة في رجال كان حزين جدا خصوصا انه المصايب تلاحقه ليل ونهار

أوكي جلس يمشي



ويمشي



ويمشي




ويمشي





ويمشي






ويمشي





ويمشي




وبس انشاء الله انبسطتوا من النكتة ويالله سمعونا اصواتكم بالقهقه والضحك

[squallx]

شباب انا حاب اكلمكم يخصوص عضو محبوب اسمه متل جير اكس وين راح وين اختفى

اشتقنا له