}~}الموضوع الرسمي لcall of duty :black ops {~{

[UAExHEALER]

لو تلعب طور الزومبي ضيفني عندك
شوف الID من التوقيع تبعي

خلاص ان شاء الله العصر
بدخل وبسويلك ادد

[devil cober]

^^^
اوك بس لاتنسى كتب اسمك في الرسالة عشان أعرفك

[Bo Shesmah]

بغيت أسأل في لعب الأونلاين إذا ضغطت Select واخترت locate only
يحصر لي البحث عن طريق الـ IP فتكون النتائج من بلدي، أم عن طريق حسابي
إلي هو أمريكي؟

[الجناحي]

إذا إخترت LOCALE ONLY
فراح يحاول يحصر لك نتائج البحث في منطقتك وإذا لم يجد أي شي قريب وكان النت عندك ممتاز فممكن يعطيك الهوست
لكن حصل لي أكثر من مرة إنه كان يدخلني عند ناس صينين أو فلبينين أو إيرانيين فكان إرسالي حده تعبان
وصار لي أكثر من مرة إني دخلت عندك هوست إماراتي أو كويتي

بس هذي أحسن طريقة عشان تحصل هوست قريب منك ولازم تجرب أكثر من مره عشان تدخل عندك هوست جيد

بالتوفيق


ملاحظة: الحساب ماله أي دخل في نتايج البحث, كله يعتمد على النت والـIP

[Bo Shesmah]

أنا ماهي ضابطة معاي! بالنسبة لي Default أفضل منها!!
أغلب اللعب مع أجانب للأسف!!

[dely10]

مثل ماقال الجناحي
LOCALE ONLY افضل لنا وخاصة اذا كنت تلعب بوقت فيه لاعبين وايد يلعبون بمنطقتك والاماكن اللي حول منطقتك

ساعات بعد الساعه 3 الفجر عدد الاعبين العرب شوي وما تحصل غيم.. انا احط
Default واكيد فيه لاق وساعات مايكون في لاق لان تلعب من ناس ابعد في منطقتك

[dely10]

فيديو للاضافة الجديدة
1-2-2011

[Nez 17]

^

الاضافة حصريا شهر كامل للـ x-box360

ياجماعة عندي كذا سوال اول شي ..

1- من امس عندي لااق قوي و كل مايدخلوني سيرفر ويا ناس يدشون يبدا الجيم انا لودنج مايخلص ويعلق الجهاز ؟ شالحل

2- ابي اللعب مع عرب شلون كل مادخل يقطوني ويا اجانب ؟

[الجناحي]

http://www.youtube.com/user/ArabBattles

قناة لشباب عرب على اليوتيوب إن شاءالله تعجبكم

[Unique Aya]

هاللعبا من اجمل العاب هالجيل ماكو احلى منها
كول اوف دوتي احلى من سايلنت هيل
انا وسلت بعيد حييل في بلاك اوبس و الزومبي موود حده ممتع و الزومبي يخرعون عيونهم تشب ليت وااااو احلا بوايد من زومبي رزدنت ايفل
بسراحا قسة اللعبا روووعا بس فيها تعقيد و يبيلها تحليل شوي لانها للاذكياء و الشطار
اتمنى يسوون المزيد من كول اوف دوتي

[Sobotka]

بعد مالعبت اللعبة، سأكتب رأيي عنها:
- الكمبين كعادة كود مثير و حماسي، مع اني في العاب الشوتنق من المنظور ما اهتم بالقصة لأنها في الاخير
سلاح في وسط الشاشة تطلق به على اللي قدامك،ومتعة العاب الشوتنق هي في اولان لاين فقط، لكن كود تميزت في هذا المجال
- الاضافات الجديدة في الاون لاين جميلة وزدات من متعة اللعبة، مثل السيارة الصغيرة وصبغة الوجه والرموز إلــخ.
- الزومبي لعبته كذا مرة وماحسيت انه شئ جدير بالاهتمام!

الحين باجي للشئ اللي طشفني في اللعبة:
-الاون لاين: للأسف ماتغير شئ، نفس الاخطاء الغبية اللي كانت موجودة في MW2 لازالت فيه.
- اعطيكم مثال: تتواجه انت وخصمك وجهاً لوجه، انت تطلق عليه اول لكن هو اللي يقتلك، تشوف
الاعادة تكتشف انك ما اطلقت شئ
- في مشكلة في دقة التصويب لما تطلق على الاهداف البعيدة، صعب انك تقتلهم.
- الاعداء اللي تقتلهم باستخدام الكيل ستريك ماينحسبون بالنسبة للكيل ستريك التالي، مدري
هو خطا في اللعبة ولا المصممين سووها كذا!؟
- الجرافيك عادي جداً.
- اصوات تفجيرات الالغام و القنابل اليدوية غبية، تحسها اصوات طراطيع
- لايزعلون مني عشاق اللعبة، لكن بصراحة احس اللعب يقلب استهبال في كثير من المعارك!

شركة اكتفيشن اثبتت ان رضا عملاءها هو اخر اهتماماتها

نصيحة لوجه الله ياشباب، سووا في انفسكم معروف والعبوا باتل فيلد

[Dark Sky]

Hey guys
في احد يعرف حل لمشكلة الاونلاين؟ الاونلاين مالها مو طبيعي... ابداً مايخليني اشبك مع ربعي ولا اقدر العب :S
يقولون لازم اغير النت حق Type 1
It never works! :S any ideas?
-.- والله محبطة جداً من الاونلاين، ماتوقعته جذي سيئ.. الستوري روعه.. حرام يخربونها في الاونلاين

[yami vergil]

ممممممممم انتي بس مشكلتج مع هاللعبه لما تلعبين اونلاين ؟؟

ماجربتي العاب ثانيه ؟؟ لان المفروض نفس التضبيط حق كل الالعاب

جربي العاب ثانيه الاول

[الجناحي]

لجميع من سئل عن الأونلاين جربوا التالي:

أول شي الـNAT type عندكم لازم يكون Open عشان تحصلون أحسن رووم, حاولوا تعملون Port Forwarding أو تعيدون تشغيل الراوتر, إذا مانفع حطوا لعبة MW2 وإذا طلع لكم Open إطلعوا منها ورجعوا لعبة Black Ops و أن شاءالله بيطلع Open

قبل لا تدورون على رووم إضغطوا SELECT بعدين من ثاني إختيار حطوا LOCALE ONLY وجربوا إدخلوا أي رووم, إذا شفتوا الأسامي عربية يعني دخلتوا عند هوست قريب وإذا لا إطلعوا وجربوا مرة ثانية

بالمناسبة أنا أمسك هوست وألعب Team Deathmatch إذا تحبون ممكن ندخل كفريق و إن شاءالله الإرسال بيكون أحسن

بالتوفيق ولأي أسئلة أنا حاضر وبالخدمة

[AL- M a T a D o r]

فيديو للاضافة الجديدة
1-2-2011

اعجبتني المابات ..ان شاء الله راح اشتريها لما تنزل..
وهذي صور لها

• 
• 
• 
• 
• 
•