موضوع كامل للطلبات والاستفسارات .. تمارين .. مكملات .. تغذية !!

[InTouch]

سلام عليكم

ان بصراحه سالت و سالت بس ما في شي ثبت في راسي و قلت بسويه و بستمر عليه ف ان شاءالله هالمره عندي اجازه طويله و راح امشي على شي مضمون و بنتظام عشان احصل النتيجه المطلوبه

انا طولي 175 و وزني 54 يعني نحيف مره تمرنت فتره بسيطه و قطعت و السبب الاختبارات + بصراحه ما تشجعت حسيت جسمي يتقسم اكثر من انه يزيد وزني انا بصراحه كان ودي ازيد وزني بعدين اقسم جسمي اما احس عمليه تقسيم و في نفس الوقت انا قاعد احاول ازيد في الاكل ما ينفع ف ياريت لو حد يصححلي المعلومه

الزبده انا بختصار ودي امتن ازيد وزني تقريبا 68 او 72 في هالحدود و سالفه التقسيم بسيطه
شو الي علي اني اسويه؟ كم وجبه في اليوم و في اي وقت اكل و اي بروتين استعمل و متى بضبط استعمله

و الشي الثاني شو هو التمرين بنمط "التضخيم" هل يفرق عن التقسيم؟

[SKiLLLeT]

السلام عليكم ..
انا طولي 183 ووزني 78 بس شكلي مو ضعيف وجسمي مقسم كله. صارلي بالنادي 5 أشهر تقريبا وولا مرة مارحت إلا كل يمعة أخليه OFF للراحة.

الصراحة أول ماخذيت بروتين ( whey protein gold standard) وأمينو(Amino 2222) في الشهر الرابع قام يخرب جسمي علما بأني ماشي على دايت منظم واخذهم بشكل صحيح. الحين هديتهم. بغيت أسأل عن منتج carantine . هذا ينشف ولا لأ ؟ لأني بنشف مرة ثانية وبغيت جسمي يرد مثل أول ( Lean ) . فشرايكم بهالمنتج وشنو يسوي بالضبط وفيه أعراض ولا لا ؟؟ ومشكورين

[fw4e]

السلام عليكم*
في بعض الاحيان لا استطيع الذهاب الى الجيم لظروف العمل هل هناك تمارين استطيع عملها في المنزل ..

[Kuwaty]

الـسلام عليكم ..

كـيف الحال اخووي البرساا ..

حاب اسألك شغله ...

عندي صديق لي تقريباا اقل من وزني بشوي ..

وأخذ كرياتين اسمه Phosphagen .. قاله البائع يخزن ماء في العضله ويتفخهاا ما ادري ..

عالعمووم صديقي حاب يعرف معلومات اكثر عن هالمنتج و طريقه استعماله .. وياريت لو تعطوني معلومات

عنه ولا تعطوني وصله لموقع انجليزي لاني ما اعرف اترجم وما ادري ايش .. اتمنى تعطوني الخلاصه ..

ويعطيكم الف الف الف عاافيه ..

[al3neeed]

الـسلام عليكم ..

كـيف الحال اخووي البرساا ..

حاب اسألك شغله ...

عندي صديق لي تقريباا اقل من وزني بشوي ..

وأخذ كرياتين اسمه Phosphagen .. قاله البائع يخزن ماء في العضله ويتفخهاا ما ادري ..

عالعمووم صديقي حاب يعرف معلومات اكثر عن هالمنتج و طريقه استعماله .. وياريت لو تعطوني معلومات

عنه ولا تعطوني وصله لموقع انجليزي لاني ما اعرف اترجم وما ادري ايش .. اتمنى تعطوني الخلاصه ..

ويعطيكم الف الف الف عاافيه ..

هلا اخووي .. وااحشنا صارلكـ مدة مختفي عسى خيير .. ان شالله في تغيرات حلوة .. المهم هذا الكريتين حق شركة EAS وهذا هو اظن



المهم كل منتجات الكرياتين تقريباً بنفس التركيبة والإستخدامـ
والكريتين الله يسلمكـ يملأ العضلو ماي صح كلامه .. يعني حلو حق التضخيمـ .. بس شي مهم انك تستعمله فترة شهرين وتتركه شهر تقريباً حلوو
طريقة استعماله .. هو اول اسبوع تاخذه 5 مرات باليوم وهي مرحلة تحميل الكريتين .. بمقدار ملعقة شاي( 5 جرام) للحصة الواحدة .. يعني ملعقة شاي الصبح .. الظهر .. قبل التمرين وبعده .. والعشا .. .. الاسبوع الثاني تبدا تستعمله مرتين باليوم .. قبل التمرين وبعده ( 5جرام لكل مرة ) .. وتظل لدمة شهرين وتتركه فترة شهر ..

[AI_BARCA]

اخوي Freezard

اولاً الوجبة اللي قبل التمرين لازم تكون ملئية بالكاربوهيدرات علشان التمرين يعني كورن فليكس وبروتين قبل التمرين وحبتين معمول تمر ما يجيبوا تلك النتجة للاداء الممتاز في التمرين خصوصاً انك صاحي 8 وتمرينك 10 يعني لسه جسمك ما اخذ احتياجاته اليومية من الاكل والطاقة

بخصوص الدهون الحين يمكن ما تلاحظ ولكن على المدى البعيد ستشاهد الطبقة الدهنية لذلك الاكل لازم ما يكون خربطة ولخبطة ^_^ .. وبخصوص الوزن شيء طبيعي يزيد او يقصر بسرعة في البداية ولكن بعدين يتباطئ .. وطبعاً مسألة سعرات كل مازاد وزنك تحتاج زيادة سعرات علشان تزيد الوزن اللي انت وصلت له .. فاللي يحتاجها صاحب الوزن 50 كيلو علشان يزيد وزنك غير عما يحتاجه واحد 55 كيلو علشان يزيد وزنه

حاول تخلي تمرينك بعد الامتحان لو عندك امتحانات يكون جسمك استمد طاقته شوي

اكثر من اكل الكربوهيدرات وخاصة البطاطا المسلوقة وزبدة الفول السوداني في الصباح .. والخبز الاسمر والرز الاسمر والمكرونة المصنوعة من الحنطة الخ الخ الخ من الكاربوهيدرات

-----------------------------

اخوي محم215

ما اقدر اعطيك مقياس يختلف من شركة لاخرى والسكوب الموجود بالداخل حاول تبحث عنه بملعقة طويلة شوي او حاجة لازم يكون موجود مستحيل ما يكون موجود

-----------------------

الاخ هيركيول بوارو

خلاص يبقى لازم اول ما تصحى تاخذ وجبة فطورك يعني قصدي لو تصحى 7 مثلاً تاخذ وجبتك 7.45 او 8 وانت متوجه للعمل .. على الساعة 11 تاخذلك وي بروتين تاخذه معاك العمل وتخليه هناك لو امكن مع العلبة او ما يسمى الشيكر الخاص فيه .. فعلى الساعة 11 تاخذلك وي بروتين .. بعدين عندك الساعة 2 تاخذ وجبة الغداء وتخليها مليئة بالكاربوهيدرات المطلوبة .. على الساعة 5 تاخذلك وي بروتين وممكن لو حبيت على الساعة 5.45 او 6 تاخذلك كوب بلاك كوفي للنشاط حق التمرين وتنطلق للتمرين بعج رجوعك من الدوام تخلص التمرين تاخذ وي بروتين مباشرة وتاخذ وجبتك بعدها بساعة وجبة العشاء .. وقبل ماتنام تاخذ وي بروتين

وانتهت الحكاية ^_^

----------------------

barca.for.life

حيالله البرشلونين .. اعتقد خلاص تمت الاجابة صح ^_^

تحياتي

[Kuwaty]

هلا اخووي .. وااحشنا صارلكـ مدة مختفي عسى خيير .. ان شالله في تغيرات حلوة .. المهم هذا الكريتين حق شركة EAS وهذا هو اظن

المهم كل منتجات الكرياتين تقريباً بنفس التركيبة والإستخدامـ
والكريتين الله يسلمكـ يملأ العضلو ماي صح كلامه .. يعني حلو حق التضخيمـ .. بس شي مهم انك تستعمله فترة شهرين وتتركه شهر تقريباً حلوو

طريقة استعماله .. هو اول اسبوع تاخذه 5 مرات باليوم وهي مرحلة تحميل الكريتين .. بمقدار ملعقة شاي( 5 جرام) للحصة الواحدة .. يعني ملعقة شاي الصبح .. الظهر .. قبل التمرين وبعده .. والعشا .. .. الاسبوع الثاني تبدا تستعمله مرتين باليوم .. قبل التمرين وبعده ( 5جرام لكل مرة ) .. وتظل لدمة شهرين وتتركه فترة شهر ..

شكـراا العنييد .. وانتو بعد لكم وحشه ..

بس تدري مشااغل الحيااه ..

عالعمووم .. على كلام صاحبي يقول قاله فتره اسبوع صحيح 5 مرات باليوم ..

قبل الفطور .. وقبل الغداا .. وقبل التمرين .. وبعد التمرين .. وقبل العشاا

وبعدين بعد هالاسبوع ..

يآخذ ملعقه قبل الفطور الصبح .. وملعقه قبل الغداا

ما ادري اذا هالطريقه صح ولا لا ..

وبغيت اعرف اذا نتايجه حلوه ولا لا .. انا نصحته بالنواكسبلود بس مارضى ..


ويعطيك العاافيه ..

[AI_BARCA]

الاخ InTouch

نعم كلامك صحيح ما يصير تقسم وتضخم وتزيد وزن في نفس الوقت

فالأول تضخم بعدين تقسم .. فلذلك تحتاج فكل الحالات لنظام 5-6 وجبات بس الكمية وعدد السعرات تفرق وقت التقسيم ووقت التضخيم وزيادة الوزن

فلذلك لزيادة وزنك تحتاج إلى 2500-3000 سعرة يومياً

بخصوص المكملات تستطيع استخدام وي بروتين وملتي فيتامين وكريتين .. ولو وجباتك مش كافية او تريد استخدام بروتين جنر اللي يكون سعراته عالية وكربوهيدراته عالية ويساعد في زيادة الوزن شيء راجعلك

وبخصوص الجدول ايوه يفرق ودايماً التضخيم يكون التكرار 6-10 بالكثير وزيادة في الوزن وكذلك الراحة تكون اكثر من فترة التقسيم .. في التقسيم وزن اخف تكرار اكثر من 10-20 وراحة اقل ما بين الجلسات

-----------------------------------

الاخ SKiLLLeT

مع احترامي ولكن الكلام غير منطقي ولا صحيح اصلاً بخصوص الوي بروتين .. فعمره ماكان الوي بروتين يخرب الجسم او التقسيمات .. بالعكس فهو يمد العضل بالبروتين اللازم يومياً بالاضافة لاكلك .. هل لم يختلف شيء من بدايتك لليوم من ناحية الوزن او التقسيم او الاكل .. وهل لما استخدمت البروتين غيرت في اكلك او في نومك او او او ؟!؟

لانه ماهو الوي بروتين .. هو منتج سعراته 130 سعرة حرارية فيه 24 غرام بروتين و 3 غرام كربوهيدرات و1.5 غرام دهون

فمستحيل يزيد الوزن مثلاً لو كان الاكل زائد البروتين يعطيك حاجتك اليومية من السعرات المطلوبة

تستطيع انك تسأل الاخ العنيد جسمه مقسم ويستخدم وي بروتين صارله فترة بالعكس يحس ببروز العضل اكثر

اسئلة اتمنى الاجابة عليها

ماهو نظامك الغذائي + هل تمارس الكارديو اذا كان نعم كم مرة في الاسبوع وماهو + هل وقفت الكارديو يوم استخدمت الوي بروتين + نومك كيف الساعة كم تنام وكم ساعة

بخصوص الكريتين فهو يستخدم في جميع الاحوال التنشيف او التضخيم فهو يساعد في الحفاظ على العضلة والحفاظ على الماء في العضلة لانه الجسم 70% ماء والعضلة نفس الشيء بالاضافة انه يساعد في مد الطاقة في الجسم للتمرين

فقط هو يفضل اكثار شرب الماء لدى استخدامه ويؤخذ على شكل كورس شهرين كحد اقصى وشهر راحة

بالاضافة ماهو جدول تمرينك اللي تلعبه والتكرارات

---------------------

الاخ Kuwaty

يا هلا فيك وين هالغيبات

بخصوص ما وضعت الاخ العنيد افادك وكفى ووفى

ولكن توضيح لهذا النوع لاني استخدمه فالمكتوب الحصة عبارة عن ملعقة شاي ونصف هذا ما حبيت اوضحه

بالاضافة للتوضيح الثاني هو يستخدم في جميع الاحوال سواء تضخيم او تقسيم وليس تضخيم فقط

وبخصوص فترة التحميل هي خمس ايام وليس اسبوع يعني 5 ايام تحميل وبعدين عادي خلاص تستخدمه مرتين في اليوم قبل وبعد التمرين

---------------------------------

الاخ fw4e والله شاقولك البيت مافي تمارين الواحد يقدر يسويها كثير غير البوش اب والبطن وممكن التراي اللي تمسك طرف السرير وتنزل بجسمك وترتفع

تحياتي

[AI_BARCA]

اخوي كويتي مشكلة الكريتين في اكثر من مدرسة واكثر من راي

ناس تستخدمه 5 ايام تحميل وناس 7 ايام

وبعدين في ناس تستخدمه قبل وبعد التمرين

وفي ناس تفضل بعد التمرين وقبل النوم

ويقدر يستخدمه البروتين ماله لو كان ياخذه مع ماي وليس حليب

تحياتي

[InTouch]

الاخ InTouch

نعم كلامك صحيح ما يصير تقسم وتضخم وتزيد وزن في نفس الوقت

فالأول تضخم بعدين تقسم .. فلذلك تحتاج فكل الحالات لنظام 5-6 وجبات بس الكمية وعدد السعرات تفرق وقت التقسيم ووقت التضخيم وزيادة الوزن

فلذلك لزيادة وزنك تحتاج إلى 2500-3000 سعرة يومياً

بخصوص المكملات تستطيع استخدام وي بروتين وملتي فيتامين وكريتين .. ولو وجباتك مش كافية او تريد استخدام بروتين جنر اللي يكون سعراته عالية وكربوهيدراته عالية ويساعد في زيادة الوزن شيء راجعلك

وبخصوص الجدول ايوه يفرق ودايماً التضخيم يكون التكرار 6-10 بالكثير وزيادة في الوزن وكذلك الراحة تكون اكثر من فترة التقسيم .. في التقسيم وزن اخف تكرار اكثر من 10-20 وراحة اقل ما بين الجلسات

مشكور و ما قصرت اخوي albarca
انت تنصحني لو ابي ازيد وزني اني اسوي هالشغلتين 1- 5 او 6 وجبات يومياً 2- التمرين بنمط التضخيم صح والى انا غلطان؟

انا عندي Mega mass 2000 هل اعتبر تناوله عن وجبه؟ و متى الوقت الي اتناوله فيه ؟

و كيف اعرف السعرات الحراريه ؟

ان شاءالله اني ما ثقلت عليك و مشكور مره ثانيه اخوي

[SKiLLLeT]

السلام عليكم,,
بخصوص الواي بروتين , أول ماستخدمته قمت أخفف الكارديو من نصف ساعة إلى ربع ساعة وأكلي نفسه أكل دايت بس قاعد أزيد الكمية وبالنسبة لجدولي:
اليوم الأول : صدر + باي + سواعد
اليوم الثاني: ظهر + تراي
اليوم الثالث: أكتاف + أرجل
اليوم الرابع: نفس اليوم الأول
اليوم الخامس: نفس اليوم الثاني
اليوم السادس نفس اليوم الثالث
اليوم السابع: راحة
التكرارات من كل تمرين (( الجولة الأولى 12 )) (( الجولة الثانية 10 مع وزن أكثر) ( الجولة الأخيرة 8 مع وزن أكثر))
كنت آخذ أمينو 2222 قبل التمرين 3 وبعد التمرين 3 وقبل النوم 3
والواي بروتين قبل وبعد التمرين وقبل النوم
علما بأن كل يوم ألعب معدة وبس الجمعة راحة. وماشي على دايت منظم والكارديو كله قبل التمارين

وبالنسبة للكارانتين, مشكور عالمعلومات الحلوة

[AI_BARCA]

الاخ InTouch

نعم زي ما قلت

بخصوص السعرات طبعاً ماتقدر تحسبها بالملي يعني بس بشكل تقريبي وكل شيء تاكله تعرف سعراته لانه مكتوب عليه

وبخصوص البروتين نعم تقدر تعتبره وجبة من ضمن الـ 6 وجبات

----------------------------------------

اخوي SKiLLLeT

كما توقعت لي عرف السبب بطل العجب مثل ما يقولون

اولاً ربع ساعة ابداً غير كافية لحرق الدهون لانه اقل شيء نصف ساعة علشان تحرق الدهون او لين يصل الجسم لحالة حرق الدهون تقريباً بعد الدقيقة عشرين يبدأ الجسم في حرق الدهون واتكلم عن الدهون وليس السعرات

ثانياً انت تقول اكل دايت بس زودت الكمية يعني انك اصبحت العملية عكسية صرت تأكل سعرات اكثر وتحرق اقل فمن الطبيعي ان تقل التقسيمات .. نعم ممكن لو كنت في برنامج تضخيم ستبني عضل ويزيد عضلك وهذا الصح .. ولكن بخصوص التقسيم الامر عكسي

فلا دخل للوي بروتين في المسألة اذا الخلل منك وليس من الوي بروتين ^_^

بالاضافة لأكلك دايت طيب ممكن اعرف كم وجبة ويعني انواع الاكل اللي تاكله

اليوم الأول : صدر + باي + سواعد
اليوم الثاني: ظهر + تراي
اليوم الثالث: أكتاف + أرجل
اليوم الرابع: نفس اليوم الأول
اليوم الخامس: نفس اليوم الثاني
اليوم السادس نفس اليوم الثالث
اليوم السابع: راحة

هذي شغلة ثانية خاطئة اولاً كل عضلة تحتاج 24-48 ساعة للراحة لكي تعيد بناء نفسها

ولما تلعب صدر انت تمرن التراي في نفس الالعاب كعضلة ثانية لانه اغلب العاب الصدر تأخذ الباي معها كعضلة ثانية لذلك فأنك تلعب صدر وباي وتلعب اليوم اللي بعده ظهر وتراي خطئ نفس الامر ينطبق على الظهر يأخذ الباي

يا انك تعكس تخلي الارجل والاكتاف بعد الصدر والباي وتخلي الظهر والتراي في اليوم الثالث او تلعب صدر وتراي .. ظهر وباي

ثالثاً اللعب 6 ايام متواصلة خطأ فأنك ماتعطي العضلة حقها في الراحة وتمرنها مرتين في الاسبوع وتهلكها وهي ما ترتاح فمن الطبيعي ما تستفيد ولا تبنى صح لذلك اقصى حد ممكن تلعب 5 ايام وتخلي يومين راحة وتقسم العضلات كل يوم عضلة لو تحب تلعب ايام كثيرة في الاسبوع

مثلاً

صدر
فخذ وبطات
باي وتراي
اكتاف وسواعد
ظهر

يومين راحة

وبخصوص الكريتين هو اسمه كريتين وليس كريناتين لانه هناك شي لا كرنتين فهو يختلف كلياً عن وضع الكريتين

فيبدو انك تقصد L-crantine ما ادري اذا كان السبلينج صح هذا يفيد في حرق الدهون ويستخدم لخسارة الوزن او الدهون

بخصوص المعدة كل يوم ايضاً خطأ .. مرتين إلى ثلاث في الاسبوع تعتبر ممتازة وكافية وتعطي العضلة حقها لانه البطن ايضاً عضلة حالها حال باقي عضلات الجسم

اما الكريتين فهو مختلف مثل الكريتين المونيهادرت

معلومة التضخيم والتقسيم في نفس الوقت ما يصلح او ما يصير

لذلك الشخص يضخم فترة ويقسم فترة .. وطبيعي وقت التضخيم يخفف الكارديو ويتغير الجدول ويزيد الاكل وتخف التقاسيم .. والعكس في التقسيم

تحياتي

[homaid]

لما تخلص تسوي تمرين كارديو لمدة لاتقل عن 30 دقيقة لانه الجسم بعد الـ 30 دقيقة يبدأ يحرق الدهون مع تنظيم اكلك وتقيل الكاربوهيدرات خصوصاً من بعد المغرب والاكثار منها صباحاً واقصد الكاربوهيدرات المطلوبة وليس الرز الابيض والمكرونة البيضاء وهالامور

كابتن البرسا ممكن تعطينا تشرحلنا عن الكربوهيدرات المفيده

[al3neeed]

كابتن البرسا ممكن تعطينا تشرحلنا عن الكربوهيدرات المفيده

هلا اخووي حمبد ... وين هـ الغييبه صارلك فترررة ..

خبرنا عن ااخر تطورااتكـ .. .. ؟؟؟

المهم هذا الرابط بتحصل كل اللي يفيدكـ

http://www.montada.com/showthread.ph...50#post6102050

[DARAR]

السلام عليكم ورحمه الله وبركاته

مشكلتي هي كبر المؤخره والارداف والفخذين

بختصار الجزء السفلي من الجسم

علما بان وزني 103 كيلو وطولي 176 تقريبا

الكثير نصحوني باستخدام جهاز الدراجه لازاله الدهون

اتمنى ان اجد الحل عندكم