}~}الموضوع الرسمي لcall of duty :black ops {~{

[Akihiko]

^^^
nice هالمابات يعني بيصيرون عندنا الشهر الجاي D: !؟

-الاون لاين: للأسف ماتغير شئ، نفس الاخطاء الغبية اللي كانت موجودة في MW2 لازالت فيه.
- اعطيكم مثال: تتواجه انت وخصمك وجهاً لوجه، انت تطلق عليه اول لكن هو اللي يقتلك، تشوف
الاعادة تكتشف انك ما اطلقت شئ
- الاعداء اللي تقتلهم باستخدام الكيل ستريك ماينحسبون بالنسبة للكيل ستريك التالي، مدري
هو خطا في اللعبة ولا المصممين سووها كذا!؟
- الجرافيك عادي جداً.
- لايزعلون مني عشاق اللعبة، لكن بصراحة احس اللعب يقلب استهبال في كثير من المعارك!

هههه اوافقك في الي اقتبسته والباقي ما ادري لان ما عندي خبرة في هالألعاب , كود من نوادر الشوتر الي لعبتهم

Hey guys
في احد يعرف حل لمشكلة الاونلاين؟ الاونلاين مالها مو طبيعي... ابداً مايخليني اشبك مع ربعي ولا اقدر العب :S
يقولون لازم اغير النت حق Type 1
It never works! :S any ideas?
-.- والله محبطة جداً من الاونلاين، ماتوقعته جذي سيئ.. الستوري روعه.. حرام يخربونها في الاونلاين

اووه تلعبين كود !

[g4mer]

سراحا قسة اللعبا روووعا بس فيها تعقيد و يبيلها تحليل شوي لانها للاذكياء و الشطار

اللعبة شو فيها ذكاء ؟

[yami vergil]

شرايكم كل واحد يكتب ستراتيجيته لما يلعب طور الزومبي ؟؟

يعني مثلا في اول كم راوند كم يجمع فلوس ؟؟ شنو هي البيبان الي يفتحها قبل ؟؟ اسلحته الي متعود يستخدمها ... الخ

لو شفت تفاعل بكتب ستراتيجيتي ^^

[miss rebecca]

يعطيك العافيه dely على الموضوع الرائع عساك عالقوه

انا لحد الأن مالعبت كول اوف ديوتي بلاك اوبس لكن ان شاء الله سأشتريها قريبا شفت لها فيديوز خيااااااااااااااال

طبعا اول مافتح اللعبه على طول راح اتجه للزومبي بدون كلام

[Razielia]

يعطيك العافية اخوي Dely عالموضوع الرائع...
الصراحة انا عمري مالعبت COD الا لما شفت Black Ops
انا بس العب الCampaign...الصراحة قصتها عجيبة..واحداثها مشوقة..والشخصيات ولا اروع..خاصة frank woods >>انا مسميته عمي خالد لانه يشبه حييييل بس ناقص يحط الربطة(علامة الجودة )


بس انا عندي تساؤلات عن القصة..

تعرفون ان دراغوفيتش سوى غسيل مخ لميسون في سجن فيركوتا وتمت برمجته لاغتيال كينيدي بس ريزنوف تدخل في الموضوع و بدال لايكون الهدف كينيدي صار الهدف 3 اشخاص :نكيتا دراغوفيتش, فريدرك ستاينر, ليف كرافتشينكو ..


السؤال اللي يطرح نفسه...
في نهاية العبة يظهر مشهد فيه جون كينيدي يوم اغتياله و Alex Mason موجود بين الجماهير...
تتوقعون هذا تلميح ان ميسون هو اللي نفذ عملية الاغتيال(في اللعبة مو في الحياة الواقعية طبعاً) وخاصة ان ميسون قناص ماهر...
وفيه تلميح ثاني على هالشي ..في اخر مرحلة في اللعبة (redemption) (احداث هاذي المرحلة في 1968 يعني بعد 5 سنوات على اغتيال كينيدي) في المشهد لما ميسون يخنق دراغوفيتش
بيقول له : you tried to make me kill my own president
ويرد عليه دراغوفيتش وبكل استهزاءوسخرية: Tried?!
كانه يقصد انه نجح في جعل ميسون يغتال كينيدي..وماقتصر على المحاولة بس..
فاحتمال ان ميسون هو اللي نفذ الاغتيال ....ومحد درى عنه طبعا..وهو نفسه مايدري لانه لازال نوعاً ما تحت تأثر عملية غسيل المخ و مايتذكر لانه عنده (memory gaps)

وتساؤل ثاني ..
في الانتل الاخير
مكتوب ان اليكس ميسون و غريغوري ويفر و جيسون هدسن يمثلون خطر على الامن القومي ويجب التخلص منهم فوراً ..والCIA تبي تتخلص ..والثلاثة المطلوبين بيتوجهون الى جنوب افريقيا..والاحداث بتكون عام 1978...
تتوقعون هذا تلميح ل Black ops2 ?!

الصراحة اتمنى يكملون القصة لاني الصراحة حبيتها وااااااايد...واتمنى اللي مالعب الcampaign يلعبها.. لان القصة رهييييبة..حتى انا اللي كنت اكرةCOD حبيتها وادمنتها بعد...

وتقبلوا مروري[/COLOR]

[Razielia]

^^^^

يب احكم من الجيمبلاي الموجود في الترايلر . في شي يضحك ؟؟!


ما كنت ملزم اصلا انك ترد على !!

و صدق الناس اطباع بعد !!

شرايك تلعب بعدين تحكم عاللعبة...
لان الترايلر ولاشي بالمقارنة باللعبة نفسها....

ومثل ماقال dely اللعبة تستاهل كل فلس

[yami vergil]

raz raz

منوره الموضوع <<< على كيفها XD

من بعد ماقريت ردج تحمست حق القصه ... بس لييييش ماتلعبين ال Zombie mode يالمجرمه ؟؟
انا خاطري حد يلعب معاي >< بس اشوف حل الاول حق النت الغبي

بس اظن ميسون هو القاتل على حسب الي كنت اسمعه لاني ماكنت اشوف بس اسمع خخخخخخ
لين لعبت بحط في بالي هالشي ^^

[Razielia]

raz raz

منوره الموضوع <<< على كيفها XD

من بعد ماقريت ردج تحمست حق القصه ... بس لييييش ماتلعبين ال Zombie mode يالمجرمه ؟؟
انا خاطري حد يلعب معاي >< بس اشوف حل الاول حق النت الغبي

بس اظن ميسون هو القاتل على حسب الي كنت اسمعه لاني ماكنت اشوف بس اسمع خخخخخخ
لين لعبت بحط في بالي هالشي ^^

انا لعبت شوي زومبي مود..بس اخااااف اشكالهم تخرع ..
واذا لعبت ..حدي 10 او 11 جوله(مبتدئه) ..بس اخوي الصغير ماشاء الله عليه يوصل فوق ال28 جولة بروحه..
باحاول اتدرب

بس انتي المجرمة صج المفروض تلعبين campaign mode بعدين تلعبين زومبي...يعني الشركة المنتجه للعبه يتعبون على القصة والاحداث والشخصيات وانتي تخلين كل هذا وتروحين على طول لZombie mode
وعلى فكرة في black ops طاقم الشركة كاااامل اشتغلوا على اللعبة..
وعلى فكرة بعد ترى اللي قلته عن القصة يعتبر ولا شي انا تكلمت بس عن اغتيال كينيدي..هذي جزئية صغيييرة وموب مهمة من القصة..القصة اكبر من جذي بوايد..في ناس عبالهم القصة كلها عن كنيدي

المهم العبي القصة ولا ترى ياويلج مني ...هههههه امزح (لاما امزح العبي ولا ياويلج!!)

[yami vergil]

انا لعبت شوي زومبي مود..بس اخااااف اشكالهم تخرع ..
واذا لعبت ..حدي 10 او 11 جوله(مبتدئه) ..بس اخوي الصغير ماشاء الله عليه يوصل فوق ال28 جولة بروحه..
باحاول اتدرب

بالعكس ممتاز انا حدي 24 XD مشكلتي منهوره في اللعب ولازم استهبل واسوي حركات
واغامر عشان جي صايره هالايام ماعدي راوند 18 خخخخخخ بس يبيله نلعب مع بعض انا وانتي واروش
بس احل مشكلة النت اول مسببه لي ازمه

بس انتي المجرمة صج المفروض تلعبين campaign mode بعدين تلعبين زومبي...يعني الشركة المنتجه للعبه يتعبون على القصة والاحداث والشخصيات وانتي تخلين كل هذا وتروحين على طول لZombie mode

معاج حق لازم العب القصه... ترى انا اعرف السوبيلرات والمفاجآت الي في القصه ماعليج هههههههه

وعلى فكرة في black ops طاقم الشركة كاااامل اشتغلوا على اللعبة..
وعلى فكرة بعد ترى اللي قلته عن القصة يعتبر ولا شي انا تكلمت بس عن اغتيال كينيدي..هذي جزئية صغيييرة وموب مهمة من القصة..القصة اكبر من جذي بوايد..في ناس عبالهم القصة كلها عن كنيدي

ومع ذلك في اعضاء من الي لعبوا الجزء WM2 <<< صح اسمه ولا غلط !!؟
يقولون انه احسن بوااااااايد من بلاك اوبس ماعرف ليش بس الجزء الي فات ماكان فيه الزومبي
وانا بس عشان الزومبي العبه تبين الصدق ال death math sth ماحبه وجربته مره خخخخ
ماعرف العبه دايما اذبح 3 وعقب يموتوني وهكذا

المهم العبي القصة ولا ترى ياويلج مني ...هههههه امزح (لاما امزح العبي ولا ياويلج!!)

ان شاء الله ولا يهمج بس شرط لين تصلح الانترنت تلعبين معاي الزومبي XD

[الجناحي]

تعال يا dely موضوعك صحى من النوم ههههههههههههه

مشكورين على متابعة الموضوع جميعا و حياكم الله

[yami vergil]

^^^^

الله يحييك ويسلمك يا ولد بلادي ^^
ديلي زعلان من صار له زمان مايدخل XD
عالعموم اليوم ان شاء الله لو حصلت فرصه بلعب القصه نشوف شسالفتها
انا وعدج يا RAZ RAZ

بما ان محد كتب استراتيجيته في الزومبي مود انا بكتبها لعل وعسى نشوف تفاعل

1- في البدايه في أول راوندين اضرب كل زومبي بثلاث طلقات واقتله بالسكين عساس اجمع 2800 تقريبا

2- افتح أول بابين في الطابق الثاني وانزل البار اشتري سلاح من الطوفه نسيت اسمه بس هو احسن سلاح عندي
ويستمر معاي لين راوند 12 تقريبا



اظن هشكل شكله هذا اسمه AK-47

3- عقب العب راوندين في البار ... اكون جمعت عشان افتح البابين الي عقب واكون وصلت المسرح لكن ما افتح الستاره

4- هني اتبهدل شوي صعب المكان لانه ضيق احاول اجمع 2500 وحتى لو ماكملت اقتلهم كلهم افتح الستاره ومباشرة
اسوي link للTeleport واشتري شراب الطاقه واخلص على الزومبي

5- عقب ادخل داخل الجهاز Teleport واطلق عليهم لين يكثرون شوي وادوس على المربع عشان ينقلني فوق

6- اقط عليهم القنابل واشتري مرتين من الطوفه ان احتجت واحذفهم اكثر .. طبعا بعد مده معينه
بينزلني الصاله... المهم اذبحهم واخذ لفه على المكان كله واخلي لي وحش واحد من الوحوش الزاحفه
الي تشبه ال lickers عشان اخذ راحتي اشتري من الصندوق واجهز الTeleport مره ثانيه
لاني في كل راوند راح استخدمه ... مع التقدم اقدر اخلي مجموعة زومبيات زاحفه عشان اتفاهم مع الصندوق
واطلع لي سلاح سنع >_> اذا كان حظي تعيس في الراودات الاولى

الاسلحه المفضله عندي والي احب استخدمها

في مسدسات ماحطهم ديلي <<< تبوق الصور خخخ

المهم

Ray gun

Thunder Gun

Commando

اذا ذلني الصندوق استخدم ال Commando ... فقط اذا ماحصلت HK21 في منه نوعين واحد يشيل 500 طلقه وهو احسن من الثاني الي يشيل 400 طلقه تقريبا

اظن الي يشيل 500 طلقه اسمه M16 ماعرف مايمدي اصلا اشوف اسم السلاح >_>

اهم شي عندي Thunder gun مع ال Ray Gun او HK21

ابعد راوند وصلت له لحد الان 24

ابي رأيكم في ستراتيجيتي ^_^ واذا عندكم افكار افضل عشان اوصل راوند 30 @@ <<< امنيه وماتحققت

[Razielia]

تعال يا dely موضوعك صحى من النوم ههههههههههههه

مشكورين على متابعة الموضوع جميعا و حياكم الله

الله يحييك *_^

بس وين dely ..لاحس ولاخبر..شكله نسى الموضوع

[Razielia]

"عالعموم اليوم ان شاء الله لو حصلت فرصه بلعب القصه نشوف شسالفتها
انا وعدج يا RAZ RAZ "


يالله عاد خلصينا والعبي القصة ..ناطرة اسمع رايج في القصة

وبالنسبة للزومبي انا في اول جولتين اسوي مثلج بس ماعندي استراتيجية معينه..افتح الابواب بشكل عشوائي يعني ماعندي ترتيب معين مرات افتح الابواب الي تحت اول ومرات اللي فوق اول..يعني على حسب المزاج
والاسلحة ما اطورها ولا شي..اصلاً حتى ماغيرها ..يعني الاسلحه اللي في البدايه اخليها معاي على طول..اخوي يقول على شان جذي ماستمر بعد الراوند10 او 11..
والصندوق هذا..مادري عنه كله يطلعلي اسلحة فاشله ..نادر مايطلع لي سلاح قوي..مره طلع لي القرد اللي يطبل مرتين ورى بعض (الظاهر هاذي حوبة سباردا *_^if you know what I mean)

any way

بحاول اتدرب...لعل وعسى يتحسن مستواي شوي

[yami vergil]

ههههههههههههه ان شاء الله ولا يهمج ^^

تدرين انتي ما شاء الله اذا على هاللعب توصلين راوند 11 يعني لو خططتي ورتبتي امورج بتتفوقين علي وبتوصلين حتى 30 ما شاء الله

مب شرط يكون سلاح قوي .. انتي اختاري الي ترتاحين عليه ولازم تطورينهم لان على راوند 15 يصيرون الزومبيه اقوياء

ولا تيئسين من الصندوق ... جربي طريقتي يمكن تناسبج وتوصلين لين راوند 24 XD

صح شباب لاحظت شي غبي في طور الزومبي واخوي نفس الشي لاحظ ... كل لاعب تطلع له انواع معينه من الاسلحه مممم او لا اقصد مثلا
الدكتور اتحكم فيه يكون حظي من الاسلحه في الصندوق وايد زين اما الروسي تعييييييييييييس تعيييييييس اتعس الاسلحه تطلع لي

انتوا لاحظتوا هالشي ولا لا ؟؟

[Razielia]

ههههههههههههه ان شاء الله ولا يهمج ^^

تدرين انتي ما شاء الله اذا على هاللعب توصلين راوند 11 يعني لو خططتي ورتبتي امورج بتتفوقين علي وبتوصلين حتى 30 ما شاء الله


مب شرط يكون سلاح قوي .. انتي اختاري الي ترتاحين عليه ولازم تطورينهم لان على راوند 15 يصيرون الزومبيه اقوياء

ولا تيئسين من الصندوق ... جربي طريقتي يمكن تناسبج وتوصلين لين راوند 24 XD

صح شباب لاحظت شي غبي في طور الزومبي واخوي نفس الشي لاحظ ... كل لاعب تطلع له انواع معينه من الاسلحه مممم او لا اقصد مثلا
الدكتور اتحكم فيه يكون حظي من الاسلحه في الصندوق وايد زين اما الروسي تعييييييييييييس تعيييييييس اتعس الاسلحه تطلع لي

انتوا لاحظتوا هالشي ولا لا ؟؟

صج والله ^_^ ..عيل خلاص بارتب اموري والعب بتخطيط هالمرة وانشوف اكمل لحد اي راوند*_^

بس بالنسبة للصندوق ..الصراحة انا مالاحظت....بالعب انا واخوي وانشوف...
بس الروسي هذا (نيكولاي) انا مااطيقه بعيشة الله.. اذا طلعلي على طول اعيد المرحله عشان يطلعلي واحد غيره!!
اقولج ماطيقه!!! ماطيق شكله!! ماطيق صوته!! ماطيق ريحته!!( ماشميت بس اكيييد ريحته خايسة مثل شكله )

اففف.. ليش اتذكريني فيه ياريتني ما شفته ولاعرفته...
احياناً اتمنى لو يكون عندي الجهاز اللي يمسح الذاكرة (اللي في فيلم men in black) عشان امسح ذاكرتي وانسى شيفته ..