قمة القهر !!!

[عماد 18]

قمة القهر ان بعض افكار رواية علمانية ..

[Rewayah]

الرسالة الأصلية كتبت بواسطة عماد 18
قمة القهر ان بعض افكار رواية علمانية ..

قمة القهر (أي جملة لازم نبدأ بها بـ "قمة قهر"!! ) بس عماد أنا تراني ما أأيد منظمة حقوق المرأة ولا أأيد حركة تحرير المرأة التي تنادي بها المنظمة. :"
لأنه كل أفكارهم علمانية أرضية وضعية سخيفة, لاتوازي التعاليم الإسلامية, لا قياساً ولا شكلاً ولا هدفاً حتى.

بس بخصوص "هالبعض الأفكار" اللي أنت تقول عنها عني, أدري مثل "قيادة المرأة للسيارة".
هاذي أنا من زمان مغيظ عليها لأسباب وايد, قد تبدو علمانية, بس أنا أنقهر "أو قمة القهر مثل ما يقولون " لما أسمع واحد يقول: لأ!! السيارة إخترعوها للرياييل بس! وحق الرياييل فقط! مو حق الحريم!! :"
يا سلام, ومن متى مخترعات المواصلات فيها حق رياييل وحق حريم؟!

والله!
لمثل هالأسباب أنا ماخذ مثل هالمواقف, مو لأني نفس هالحمير العلمانيين اللي يقولون: "لأ, الحرمة لازم تسوق"!! :"
ليش؟؟
والله لأنه عشان هذا "بيضمن لها المساواة مع الرجل"!!!! :"
شوف التخاريف...
أما أنا فأعني من جهة أن المرأة "تقدر" تسوق!! مو ما تقدر كما يتهمها بعض الرجال!!

فهمت أخي عماد كيف التفاوت في الأفكار.

فالجواب اللي على سؤال:
البنت: بابا, ممكن آخذ ليسن سواقه؟

مو يكون... :
الأب: نعم؟!! أتخسين!! السيايير للرياييل! الحريم ما يقدرون يسوقون!
يالله روحي دارج لا بركتن فيج وفي أمج وفي الحريم كلهم!!
ويقوم "يدفرها" من كتفها أو يهزأها لأنها سألت عن سواقة سيارة...

وإنما... :
الأب: لأ يا بنتي!! أنت ما ناقصنج شيء!! كل اللي تبينه أييبلج إياه!! عيوني لج!! ما تحتاجين السيارة!! قريب راح تتزوجين وتصيرين أم وربة منزل وبتعتنين بزوجج وعيالج!!
مالج في هالأمور وخرابيط الشباب الهبلة!
ويقوم يبوسها على جبهتها!!! :غضب:

بس!

جمعية حقوق المرأة و"المساواة" اللي ينادي بها العالم اليوم والعولمة, هي المساواة في المظهر والشكليات!
أسميها "مساواة العنز"!!

حركة الـ "Faminesim" تبي تعطي للمرأة حقوقها, وهم ما يدرون إنه الإسلام عطاها كامل حقوقها وكرمها وتوجها بأشياء هم يحلمون بها من قبل ما يقارب الألف وخمس مائة سنة! :غضب:

أنا مستحيل أتبع علمانيتهم التي تطالب بنزع الحجاب... :غضب:
وتصور في ذلك "مساواة".

أنا أعني بأسلوب التعامل مع المرأة وبنظرة المجتمع لها.
هي صح, عليها حقوق وواجبات كما هو الرجل.
وتتمتع بأمور تناسب فطرتها في الأسلام كما هو الرجل.

أرجوا أني وظحت لك فرق في موقفي عماد...

والله إن شاء الله يبعدنا عن العلمانية ودروبها وينور عقولنا. -_^

[Mahdee87]

قمة القهر انه ملاك شالت توقيها لأنها خايفة حد يحسدها خخخخخخ


قمة القهر انه رواية يكتب كلام طويل ما اقدر اقراه كله:"


قمة القهر اني مريض:":

[عماد 18]

انا ما قصدت بس قيادة المراة ..
و تراي انا معك ..
المفروض ان المراة تتعلم القيادة (((للحالات الطارئة فقط !!))) ..
لكن برد على كلامك نقطة نقطة ..


قمة القهر إن كل ما جت فرصة للمرأة أن تحكم, شجرة الدر, زنوبيا, بلقيس, كليوبترا, الزباء, يطيحون بها وبعرشها!! :غضب:
لو كان مقدر للمراة انها تحكم ..
ما اظن ان الله راح يجعل العصمة بيد الرجل ..
صح ؟؟



قمة القهر أن الرجل له الأحقية باللعب واللهو إينما شاء, والمرأة تلزم بيتها!! :غضب:
اللعب و اللهو عمره ما كان حق ..
كل جنس و له طرق لهوه ((الشرعية)) فقط ..
و اظن الاسلام حافظ حق المراة في اللهو و اكبر قدوة لنا هو رسولنا الكريم صلى الله عليه و سلم لما كان يتسابق مع عائشة رضوان الله عليها ..
يعني كلامك ينطبق على ناس مخالفين الشرع و ما اظن اللي يخالف شرع ربه راح يهتم بشي ثاني ..
صح ؟؟

قمة القهر أن بعض الناس "يبيعون" بناتهم لرجال مسنين تحت ما يسمونه "زواجاً" ويأكلون هم المهر!! :غضب:
بهذه انا معك ..
و الله يحفظ بناتنا من كل شر ..


قمة القهر أن يلصق العار بالمرأة في مسألة الزنا, ولو حتى كانت مغتصبة!!!! ولا يصيب الرجل شيء منه!! :غضب:
كلامك خطا ..
الشرع حدد عقوبة الزنا للرجل و المراة ..
و اظنك تعرف انها نفس العقوبة للجنسين ..
المحصن (المتزوج) او المحصنة الرجم حتى الموت ..
غير المحصن او غير المحصنة 80 جلدة ..
و بكذا يتضح ان الشرع يثبت العار على الاثنين ..
لكن الاغتصاب طبعا يثبته على المعتدي فقط اما الضحية قما لها ذنب لكن المجتمع مثل ما قلت ما دامه خالف شرع الله في اشياء كثيرة فما اظن هالشي راح يكون مهم بالنسبة له ..

قمة القهر إنه الناس يشوفون الولد اللي يغازل مقبول نسبياً وأهون من البنت اللي تغازل!! :غضب:
الناس اللي يشوفون هالشي مكابرين في الاثم ..
بالعكس ..
هالشي يوجب الدخول في النار ..
اللي يقول ان اثم معروف بانه محرم شرعا بانه حلال او عادي او مقبول فهذا يوجب دخوله النار ..
و في حديث ما اذكره زين يقول كل امتي مغفور له - كلمة بهالمعنى - الا المجاهرون -ايضا كلمة بهالمعنى ..
او كما قال عليه الصلاة و السلام ..

قمة القهر أن يكون الحد الأدنى لدرجة الرسوب بالنسبة للطالبات أعلى من الحد الأدنى لدرجة الرسوب لقرنائهم الطلاب, بحجة أنهن أذكياء!! :غضب:
(ويقولولها أنتي "ناقصة عقل"... والله مســـخـــــرة).
النساء ناقصات عقل و دين ..
الدين لانهن يمرن بفترة تمنعهم من الصلاة ..
اما عقل فما ادري بصراحة تفسيرها ..
لكن اتوقع بما ان الناس صاروا يفسرون على كيفهم فهالمعنى اللي فهموه غلط ..

قمة القهر أن بعض الآباء يحزنون بل ويغضبون عندما يكون المولود أنثى!! :غضب:
قمة القهر إنه بعض الآباء يعاملون بناتهم بتفرقة ظالمة غير عن أولادهم!! :غضب:
افعال الجاهلية و اتفق معك فيها ..


قمة القهر إنه المرأة المطلقة ينظر لها بعين ساقطة ومتدنية, بينما الرجل "المٌطَلِّق" ينظر إليه بعين عالية ولا عيب عليه ويمكن تزويجه مرة أخرى!! :غضب:
(MY AAAA*RR*SSSSSS).
نظرة مجتمع جاهل ..
و للاسف موجودة في كل مكان ..


قمة القهر أن بعض الرجال يفكرون بتعدد الزوجات قبل زواجهم بالأولى ويخططون له, في حين أنهم سيختارون قرينة إنسية "واااااحدة" فقط لتكون زوجتهم بالجنة (من غير الحور العين)!! :غضب:
ما دام الشرع احل له هالشي فما اظن انك في موقف يسمح لك بانك تعترض عليه ..


قمة القهر إنه الولد عادي ياخذ "تلفون جوال", والبنت "لأ", أو "يـُنظر في ذلك"!! :غضب:
ايضا هالشي يعتبر مجرد كماليات و ما يستحق انه الواحد يتكلم بخصوصه ..
حتى الولد ما دامه مو محتاج له للضرورة فما له اي فايدة انه يستخدمه ..

قمة القهر إنه الرؤساء وأعضاء المجالس يخطبون ويتكلمون بهالحشود والحضور, وحريمهم هن اللي كاتبات هالخطابات القيادية!! :غضب:
ما جربت هالشي ..


قمة القهر أن تسمع رجلاً يقول: المرأة مكانها "المطبخ"!! :غضب:
(مو الأخ هامه بس كرشه!!).
قال تعالى : (( وقرن في بيوتكن و لا تبرجن تبرج الجاهلية )) ..

نرجع للقيادة ..
مثل ما قلت انا مع تعليم المراة للقيادة عشان حالات الطواريء ..
فمحد يدري متى يحتاج للسيارة ضروري و يكون عاجز عن انه يسوقها بنفسه ..
و طبعا الاسعاف عندنا رهيب ..
الواحد يموت و يدفنونه و يصلون عليه و هم لسا ما عرفوا وين بيت المصاب حتى !!
لكن قول لي وش نفعت السواقة دولة مثل دولة الكويت ؟؟
هم بداو بالسواقة ..
و انتهوا باشياء للاسف الواحد يستحي يقولها ..
و للاسف الامارات اللي كانت قريبة من السعودية اصبحت في الطريق لها الشي ايضا ..
درء المفاسد له الافضلية اكثر من جلب المصالح ..
اتمنى اني ما اكون ثقلت عليك ..
كل واحد و وجهة نظره ..
لكن الافضل ان الواحد يبني وجهة نظره تكون قائمة على الشريعة مو على المجتمع ..



[/B][/QUOTE]

[Mesharey]

الرسالة الأصلية كتبت بواسطة ~MâLâK~
قمة القهر إن مشاري ماقال ماشاء الله ..

بصراحة اول كلمة قلتها هي "ماشاءالله" :6 ..
سوري لأني ماكتبتها >_<

قمة القهر انه يكون اللي بيشجع هولندا مدريدي :"

شسوي بعد..


قمة القهر..لما الواحد يظن فيك ظن السوء...

[Rewayah]

عماد جزاك الله ألف خير, وأسعدتني بتأييدك لبعض النقاط.
أما الأخريات فيمكن أنا نظرت لها بس من منظور المجتمع كما نوهت أنت, وليس الشريعة.
ولكن كان ذلك لأنه هذا موضوع مرح يعني.
وأخريات قلتها أنا غلط في غلط. :6

عموماً مشكور على ردك المستطرد والدقيق.
وإن شاء الله الناس عرفوا.
والرياييل اللي قلوبهم متحجرة يتعضون ويشوفون كيف الناس يفكرون! :غضب:
مو كل الناس مثلهم. ^^

إيه على فكرة عماد, بخصوص الإمارات وسواقة الحريم, لا تخاف نحن مزمتين أكثر عنكم في هالأمور! ":"
سواقة البنت تطلع بالغصة!! كخخخخخخخخخ

الرسالة الأصلية كتبت بواسطة king_kubaj


i promise you someday i`ll put

an end

to your

miserable

life

خوباج...

قمة القهر لما الواحد يعتذر علناً وناس مو عاجبهم...
وقمة القهر بعد لما الواحد يعتذر على الخاص, وكذلك همن بعد مو عاجبهم...

<== مو قمم قهر "حقيقية" وأنما "زعل"...

الرسالة الأصلية كتبت بواسطة BOOOB_2002
قمة القهر انو المنتدى ملل اليوم هذا ومافي شي جديد...

هاا حركته ولا ما حركته؟؟ ^^

لاحظ إني حطيت ردي حول المرأة مبشارة بعد ما قريت ردك ذاك. :6
فقلت أكيد بيكون في تفاعل! ;-)
وكان هناك تفاعل!!
وعجبني... ^^

وخصوصاً لما يكون في أحد أطراف الحديث اللي يحاورك ناس فاهمة! ^^
ردودهم متواضعة ورزينة ومو متسرعة. ;-)


قمة القهر إنه اليوم كان عندي إجراآت هامة وريولي تقطعن لإنجازها... :"

[عماد 18]

و انا اشكر لك تفهمك ..

[~MâLâK~]

الرسالة الأصلية كتبت بواسطة Mahdee87
قمة القهر انه ملاك شالت توقيها لأنها خايفة حد يحسدها خخخخخخ

توقيها:6؟!


وقمة القهر إن الصوره مو صورتي:6..

الرسالة الأصلية كتبت بواسطة Mesharey

بصراحة اول كلمة قلتها هي "ماشاءالله" :6 ..
سوري لأني ماكتبتها >_<

شسوي بعد..

زين لاتصيح:6..










ياللهslaaaaaaaaaaaaaaam

[RPG_master]

قمة القهر اني صرت زومبي

[Mesharey]

الرسالة الأصلية كتبت بواسطة RPG_master
قمة القهر اني صرت زومبي

What Zombie؟!

wassap with ya؟؟

~MâLâK~
What is this..cry ??


قمة القهر..اني اليوم قعدت على ستار اوشن اكثر من نص ساعة...
وعلقت ..

[Rewayah]

الرسالة الأصلية كتبت بواسطة king_kubaj
روايه ..انت ليه تحب تتخيل انه الكل يوجه كلامه لك ؟

انا اتكلم عن واحد من الشباب خارج النت ..

وصدقني ..ماراح اتكلم عن واحد ما اعرفه بهالشكل ..

الله يصلح بينك وبينه...

الرسالة الأصلية كتبت بواسطة RPG_master
قمة القهر اني صرت زومبي

آر بي جي ماستر, أستعمل عليك ألحين Phoenix Down؟

ههههههههههههه ^^

ولا أقول Elixir أحسن!!

Heal ليفيل ألف 1000!!
<== ملعون يستغل المواقف!!

[RPG_master]

الرسالة الأصلية كتبت بواسطة Rewayah

آر بي جي ماستر, أستعمل عليك ألحين Phoenix Down؟

ههههههههههههه ^^

ولا أقول Elixir أحسن!!

Heal ليفيل ألف 1000!!
<== ملعون يستغل المواقف!!

اذا بتستحمل منظر أسناني بعد التحفير موش مشوكله

[{gaia_girl}]

أن وايلد آرمز 3 يا حتجيبلي انهيار عصبي يا انفجار في الراس

[I`m HeRe]

قمة القهر أن عندي أختبار بكره ولا ذاكرت

المشكله ما عندي دفتر أذاكر منه ويوم صورت دفتر رحت البيت
متحمس بذاكر لقيته مهب وااااااااضح أبد ?:

حسبي الله على راعي المكتبه :غضب:

[Rewayah]

الرسالة الأصلية كتبت بواسطة RPG_master
اذا بتستحمل منظر أسناني بعد التحفير موش مشوكله

أوه سلمات آر بي جي ماستر!!

أكيد إنت عندك Sweet Tooth, يعني حب تناول الحلوى.

حاول تبتعد عن باسكن روبنز ودانكين دونتس آر بي جي! ;-)
<== أدري تحبهم!!

وسلمات.