Knight Online World .. لعبة MMORPG مجاني

[Ralf]

سلام عليكم

أسف اني طولت عليكم كنت مشغول باألعاب كاسلفانيا Castlevania

المهم وصلت لفل 35

وبالنسبة لمشاكل Disconnect انا ماعندي مشاكل نادراً مايصير عندي Disconnect يمكن المشكلة من أجهزتكم
وانا عندي دي اس ال وكمان يحصل تقطيع لكن على خفيف اي نادراً مايحصل تقطيع وخاصة في الأماكن المزدحمة

صراحة اللعبة مونستني على ابعد حد ذكرتني بأيام فاينل فانتسي 11 يوم تركتها عند بيت اهلي بالمدينة وسافرت ادرس بالرياض

سلام

[Flanteus]

اسف على التأخيير لاني ما كنت موجود في بيتي

المهم انا فصيله El-Morad واخترت ساحر بس ما ادري مو مرتاح للساحر

بودي انكم تنصحوني

وشكرا

والله يا اخي .. هي ترجع لميولك .. ان كنت تحب السحر والضربات القوية وتتحمل ان يكون درعك ضعيف فكمل بالساحر غير كذا راح تلاقي تنوع في الشخصيات وانا راح اضع ترتيب بسيط ممكن يفيدك ..



قوة الهجوم بالترتيب :
1- الساحر
2- المحارب
3- الرامي
4 الكاهن

قوة الدفاع :
1- المحارب
2- الكاهن
3- الرامي
4 الساحر

مقدار الطاقة ( الدم - الحياة - HP ) :
1- المحارب
2- الرامي
3- الكاهن
4- الساحر

مقدار طاقة السحر ( بالون الأزرق - مانا ) :
1- الساحر
2- الكاهن
3- الرامي
4- المحارب


الأهمية في القتال :
المحارب : غير مرغوب فيه كثيرا إلا للمساعدة وتلقي الضربات عن البقية ..ولكن تزداد الرغبة عند مواجة وحوش قوية جدا مثل ترول - جولم ستون .

العدد : 1- 5 ....
الكاهن : مرغوب وبشدة في أي بارتي لا يوجد به كاهن آخر لأنه يعطي حالات حسنة لأعضاء الفريق .
العدد : 1-3..
غالبا ما يكون واحد لإعطاء الحالات والآخر للعلاج ...
الساحر : مرغوب به وبشدة لأنه الأفضل في قوة الهجوم عن بعد ..
العدد : 1- 8 ..
قد تجد بارتي كامل كله سحره ويقضون على ترول بسهولة !!
الرامي : غير مرغوب به كثيرا لأن درعه ضعيف وضرباته قوية بعض الشيء .. ولكن تزداد الرغبة به عند الفريق الذي قد يحتاج الى سرعة في الجري أو قدرة على جذب الوحوش .
العدد 1-2 ..


المحارب يتطور ليصبح فارسا .. لديه قدرة عجيبة في الهجوم والدفاع ويخترق صفوف العدو بالراحة !!

الكاهن يتطور ليصبح فارسا نبيلا .. لديه قدرة دفاعية قد تفوق الفارس العادي ولديه قدرات علاجية خارقة ويستطيع أن يهاجم اي وحش لوحده مع قلة طاقته ..!

الساحر .. يتطور ليصبح مشعوذا ويمتلك اقوى انواع الهجمات في عالم نايت يستطيع الفتك بأي وحش في اللعبة قبل أن يصله !

الرامي .. لا أعرف لم اجربه بعد
ارجو اني افدتك ..



سلام

[Flanteus]

مشككككور يا اخ عندي سؤال هذي اللعبه تشتغل على جميع السرعات لو بس 128ك ب
[/QUOTE]
نعم

سلام عليكم

أسف اني طولت عليكم كنت مشغول باألعاب كاسلفانيا Castlevania

المهم وصلت لفل 35

وبالنسبة لمشاكل Disconnect انا ماعندي مشاكل نادراً مايصير عندي Disconnect يمكن المشكلة من أجهزتكم
وانا عندي دي اس ال وكمان يحصل تقطيع لكن على خفيف اي نادراً مايحصل تقطيع وخاصة في الأماكن المزدحمة

اها !! يعني الدي اس ال يخفف من الديسكونيكت

تعال شوف هنا التقطيع بعينه !!!

صراحة اللعبة مونستني على ابعد حد ذكرتني بأيام فاينل فانتسي 11 يوم تركتها عند بيت اهلي بالمدينة وسافرت ادرس بالرياض

انا ما جربت فف11 ..
يا حظك ...


سلام

[al@in_888]

يا جماعه لا edsl ولاغيره

أنا عندي أتصال t1 ومواصفات جهازي عاليه جدا بس مشاكل اللعبه حتى أنا أصادفها

يعني قمة القهر اللعبه عاجبتني وايد بس لي ثلاث أيام ما أقدر ألعب صح

المشكله من سيرفر اللعبه لأنها أصلا us فيرجن


وأنا مستعد أدفع اي مبلغ للأشتراك في اللعبه


فا طلبي ياليت حد يشوفلنا النسخه الثانيه اللي كنتو تتكلمون عنها اللي هيه بفلوس هل من مميزاتها ضمانن الأتصال


شكرا

[BOiND]

غريب بمكن هذي السكرول شريتها ؟

أو شكلك تشتري كاش نايت :icon6: ..

1.5 million
لقيت اداة نفسها تزود 1500! لكن باربع ملايين لقيتها واصلا هي حق لفل 40 وطالع! يعني قدم 4 لفلات وشوي
على فكرة ، المليون ونص اللي صرفتها حصلتها مباشرة عبر طريق البيع مرة اخرى وفوقها 300 الف!

cash night??? or cash Knight ??
Never heard of it

[Flanteus]

يا جماعه لا edsl ولاغيره

أنا عندي أتصال t1 ومواصفات جهازي عاليه جدا بس مشاكل اللعبه حتى أنا أصادفها

يعني قمة القهر اللعبه عاجبتني وايد بس لي ثلاث أيام ما أقدر ألعب صح

المشكله من سيرفر اللعبه لأنها أصلا us فيرجن


وأنا مستعد أدفع اي مبلغ للأشتراك في اللعبه


فا طلبي ياليت حد يشوفلنا النسخه الثانيه اللي كنتو تتكلمون عنها اللي هيه بفلوس هل من مميزاتها ضمانن الأتصال


شكرا

.. القصة وما فيها ان اللعبة أصلا كورية .. فالسيرفرات الكورية والصينية وسكان الشرق الأقصى لهم سيرفراتهم الخاصة ويدفعون فلوس ( كل شيء كامل فيها لنها من الشركة المطورة ) ..

اما هذا السيرفرات فهي انجليزية بحتة ومجانية ما يقدروا يطورون اللعبة كثير .. الا الشيء البسيط ..

أما بخصوص الإشتراك فتقدر تدخل الباور أب ستور .. حرف الـ P أعلى الشاشة ..

لكن يا أخي دام انك عندك قدرة تدفع وعندك سرعة وعندك جهاز قوي .. فاشتري أحد الألعاب الأونلاين الضخمة واترك عنك هذي السخيفة .. أمثال WoW و FF11 و LA2 و غيرها الكثير ..

1.5 million
لقيت اداة نفسها تزود 1500! لكن باربع ملايين لقيتها واصلا هي حق لفل 40 وطالع! يعني قدم 4 لفلات وشوي
على فكرة ، المليون ونص اللي صرفتها حصلتها مباشرة عبر طريق البيع مرة اخرى وفوقها 300 الف!

cash night??? or cash Knight ??
Never heard of it

اها ..
الا على فكرة بويند انت عندك دايل أب ولا اتصال سريع ؟ ..
وكيف تبيع وفين وليش وعلى اي طوبة ؟
..

انا البيع في البداية كان مزدهر ولكن انخفضت السعار كثير في ال موراد فاضطريت أبيع أغلب أدواتي بثمن بخس دراهم معدودة ..

التجارة حلوة في اللعبة ..

سلام

[BOiND]

اها ..
الا على فكرة بويند انت عندك دايل أب ولا اتصال سريع ؟ ..

DSL : 4Mb per second
125kb download rate ber sec

وكيف تبيع وفين وليش وعلى اي طوبة ؟
..

Ares 1 always
ابيع في اريس كميرشنت ، عندي زباين مخصصين يجون لي وانت الصادج بعد ، السبب أني اعمل دسكاونت واحتاج ادوات في بعض المرات .. يعني مثلا الجوبلنز بارتس كم يبيعونها؟ من 16 كي الى 45 كي ، انا ابيعها الله يسلمك ب 9 كي و 12 كي..يعني بالراحة اكسب نص مليون وطالع لما اكون مروق لاني ابيع في الغالب من 20 قطعة الى 90

غير هذا ال Opals .. 150 كي وقبل يومين بعت 4 ب 120 كي لاني كنت سوبر محتاجهم وانباعوا بسرعة البرق

وتلقاني في الغالب : على السلالم الرئيسية او جنب بوابة كيروس او امام البوابة الرئيسية .. طبعا في ادوات ما ابيعها غير للكيروسيين في كيروس عشان ما يستفيد منها الالموراديين..اسلحة ودروع اللهم لا حسد >>>>هذا اعلان عشان حد يشتري من عندي اول ما انزل البطحة.. واللي يبي يعمل تريدنج تراني اعطي 30 قطعة جوبلنز بارتز مقابل 1 كرود سفير

انا البيع في البداية كان مزدهر ولكن انخفضت السعار كثير في ال موراد فاضطريت أبيع أغلب أدواتي بثمن بخس دراهم معدودة ..

Never done this...alway +2k to 200k
and always : sold out ^^

التجارة حلوة في اللعبة ..

I agree

[Night Road]

اهلين شباب ، هلا فلنطص XD ، شكلك نسيتني ، المهم ، ترا لي يومين العب نايت ، بس المشكلة انه المنتدى لي يومين موب قادر ادخله يقولي فيه مشكلة !! .,.

انا عندي شخصيتين ، وهي واريور و ساحر ، وكلهم لفل 11 ، والله لو اقلك تضحك ، اخذت الساحر ونسيت قعدت اضيف النقاط بس في الهيلث والسترينث لوووووووووووووول ، ونسيت اضيف اي شي للماجيك والانتلجينس (مدري وش فيني كنت مضيع ) .,.
الحين لفلت بالموراد (البنية ^__^) ووصلت لفل 7 تقريبا (باقي لي 20 اكسبيرينس) ، توني كنت مع بارتي والله فلة دقينا صحبة مع بعض ، حتى كان باقي لي 1 Silk Bundle وواحد اعطاني هو ببلاش وواحد ثاني هدية .,.

شباب كيف اعرف المناطق ؟؟ ، سامعكم تقولي مدري وين ، يعني ابي اعرف الاسماء كيف ؟ ، بعدين الخريطة عندي مرة مو واضحة و صغيرة يعني بس في المكان الي انا فيه !! ، وانا اليوم مدري كيف فكيت نافذة حقت اذا تبي تدور على بارتي او اذا كنت ليدر وتدور على اعضاء ، وتقدر تضيف اصحابك وتشوف اذا اون لاين اولا ، مدري كيف ! .,.
المهم اسمي : JeddahMooN ^_____^ .,.
الحين انا كان عندي شخصيتين من الكاريس الي هم الوحوش في سيرفر اكسينون ، واليوم يوم اخترت الموراد قالي اذا عندك اي شخصية ثانية في الكاريس راح يتمسحوا !! ، يعني اذا اخترت شعب مااقدر اغير حتى لو في سيرفر ثاني ؟؟ .,.
وشباب نبي بارتيات نبي نلفل (في ناس قرفت منهم والله المفروض يلعبوا ا تاري) ...

[Flanteus]

DSL : 4Mb per second
125kb download rate ber sec

ekk !!
..

Ares 1 always
ابيع في اريس كميرشنت ، عندي زباين مخصصين يجون لي وانت الصادج بعد ، السبب أني اعمل دسكاونت واحتاج ادوات في بعض المرات .. يعني مثلا الجوبلنز بارتس كم يبيعونها؟ من 16 كي الى 45 كي ، انا ابيعها الله يسلمك ب 9 كي و 12 كي..يعني بالراحة اكسب نص مليون وطالع لما اكون مروق لاني ابيع في الغالب من 20 قطعة الى 90

غير هذا ال Opals .. 150 كي وقبل يومين بعت 4 ب 120 كي لاني كنت سوبر محتاجهم وانباعوا بسرعة البرق

وتلقاني في الغالب : على السلالم الرئيسية او جنب بوابة كيروس او امام البوابة الرئيسية .. طبعا في ادوات ما ابيعها غير للكيروسيين في كيروس عشان ما يستفيد منها الالموراديين..اسلحة ودروع اللهم لا حسد >>>>هذا اعلان عشان حد يشتري من عندي اول ما انزل البطحة.. واللي يبي يعمل تريدنج تراني اعطي 30 قطعة جوبلنز بارتز مقابل 1 كرود سفير

اهممممممممم
يعني جل اقتصادك من دروع الجوبلن .. انت كيف تجمعها ما شاء الله ؟
وكم ساعة تاخذ .. ؟

أنا أسعاري عادية جدا .. لكن اذا شفت شيء نادر ازيد عليه السعر شوي :icon6:

فتلاقيني أبيع أداة وحدة..... بـ 30 درع جوبلن بنفس سعرك

لكن التقطيع هلك شكلي !!

وعندي دايل أب وفاتورة الله لا يوريك .. وجهازي مكحكح وحالتي صعبة والدنيا زحمة وقلق وارق في الليل وصداع ومغص وووو ..... الخ ..

اضافة اني كل ما اقابل أحد من العرب أعطيته ملايين

لا يعني صرفت عليهم اشياء وايد .. ( هم كلهم اثنين ) ...

كلها عوامل أثرت في تجارتي !!


خيرها في غيرها ..

سلام

[Night Road]

فيه شباب اعرفهم يلعبون Line Age II ، وانا بعد كنت بنزلها بس اول كانوا مقسمينها لثلاث اقسام للتحميل ، طبعا انا قبل مانام اسوي داون لود ، في يومين كملت القسمين (كل قسم 600 وشوي ميغا ) ، بقي الجزء الاخير 300ميغا ، طلع الرابط خربان يوم شيكت على الموقع طلع انهم حذفوها ،يعني صار بس تنزلها على قسم واحد مو مقسمة >,< ، والله انا قفلت معاي ، لأنه الدسل عندي من الشركة ***** ، يقطع والمشكلة انه سيرفر الموقع مايدعم اكمال التحميل >,< ، علشان كذه ماقدر لأنها 1غيغا و 600 ، الزبدة شكلي طولت ، ترا كلهم الي يلعبونها يلعبوها ببلاش موب بفلوس مثل ماتقولوا ^___^ .,.
شباب وش رايكم نشتري فاينل مادام حنا مجانين RBG ونلفل فيها وننبسط ولا في لا لاج ولا كلام فاضي ، ورخيصة بـ 190 ريال ، او يمكن ارخص ، وش رايكم ؟ ^_________________^ ...

[al@in_888]

تسلم أخوي فلنطس على الرد السريع

أنا حبيت هاي اللعيه لأنكم أنتم حببتوني فيها

أما عن الألعاب الثانيه مثل wow وغيرها كلها عندي وخصوصا wow عندي النسخه الأوروبيه وألامريكيه بس نفس المشكله الااااااااااااااااااااااااااااااااااااااااااااااااااااااااااااااااااااااااااااااااق


يعني مالنا حل غير نسخة آسيا أند باسيفك أذا كانو بيطرحونها


أنا دخلت هاذي العبه عشان أتصبرني لما تنزل guld war بس بعد ما أتعمقت فيها شفتها أحلا مادري يمكن أنتم الحلوين بتفاعلكم

[Night Road]

طيب اخوي فلنطس انت من وين ؟ ، بعدين انا توني قبل كم شهر شاري كمبيوتر جديد بـ 2200 ريال (مع كرت الشاشة) الي هو : MSI Nvidia 5700 MX 256 MG لأني عن طريق الشركة جبته بـ 550 ريال ، وتوني باقي كم يوم واكمل شهرين من اول ماجاني الـ DSL ^_______^ .,.
بس ترا في اللعبة لاج مو طبيعي اليوم وامس ، بس قبل امس عادي ، حتى اليوم اول مرة يجيني ديسكونكت !! ، الله يعينكم يالي دايل اب ...

[BOiND]

اهممممممممم
يعني جل اقتصادك من دروع الجوبلن .. انت كيف تجمعها ما شاء الله ؟
وكم ساعة تاخذ .. ؟

My weapon is : Axe atk104 glacier dmg6 fast:slow

Means : 1 atk kill 1koblod
means:4atks kills 1Bugbear
means:3sec only to kill 1 bugbear
means I can kill more than 100 bugbear in 1hour
means:every 5 bugbear there is only 1 have a goblins parts
means: I can get 20-50 Goblins parts per hour
mean:$$$$ mauahahaha

فتلاقيني أبيع أداة وحدة..... بـ 30 درع جوبلن بنفس سعرك

هني اكبر غلطة سويتها بحياتي >.> كان عندي 5 اوبال و 3 كرود سفير ، والاوبالز عارضنهم ب 150كي والكرود سفير ب200 كي..اقول لك تميت على جفا وجهي 3 ايام في اريس 1..محد شراهم..لانه مافي داعية زينة>< >>> والمشكلة انه انقطع السيرفر 145343 مرة بس

اذا تبي حد يشتري منك لازم تكون عندك اداة جيدة بل ممتازة وسعر رخيص تحطها في اعلان لك في الانوسمنت لما تحط بطحة..انا احط جوبلنز بارتز ب12 كي..شو اللي راح يحصل؟ يطبون علي خلق الله هني يجي الفن اكون عارض اسلحة وريورز باسعار$$$$ وتكسب اكثر من الجوبلنز بارتز


عاد تصدج؟ كنت عارض 50 قطعة ب12 كي..اول ما حطيتها قال لي واحد صبر واوقف عن مكانك لا تخلي حد يشتري ، بروح ال inn وبجيب فلوسي..وهوب! اشتراهم كلهم !! بس للاسف محد اشترى الادوات والاسلحة اللي كنت عارضنها لانه ما في دعاية زينة >.> سو حالك نفسي واقفز على الجوبلنز^^

لكن التقطيع هلك شكلي !!

وعندي دايل أب وفاتورة الله لا يوريك .. وجهازي مكحكح وحالتي صعبة والدنيا زحمة وقلق وارق في الليل وصداع ومغص وووو ..... الخ ..

I have a super Ultimite Computer And good Speed:icon6: muahahaha

[Night Road]

افا قالبين تشات ولا حد يبي يرد علي T_T ...

[EliteAr]

الساحر .. يتطور ليصبح مشعوذا ويمتلك اقوى انواع الهجمات في عالم نايت يستطيع الفتك بأي وحش في اللعبة قبل أن يصله !



سلام

شكرا اخوي الحين أقتنعت ان الساحر تحفه

ان شاء الله بستمر عليه