Orange Road Gallery

**orange road** · 17-05-2002, 09:41 PM

شكرا اخوي

ارسم بالقلم على الورق

وبعدين ادخله بالسكانر

**orange road** · 24-05-2002, 01:37 AM

اخيرا المنتدى تصلح

هالرسمة رسمتها لما كنت اجوف مسلسل زينكي

رسمت بطلة المسلسل باسلوبي

**orange road** · 24-05-2002, 01:41 AM

وهاذي رسمة حق طرزون بشكل كيوت على الاخير
اعرف انه ما يليق بشخصية طرزون الشريرة..
ههههههههههه

عاد جفتوا شنو قمة الكيوت اللي هي فيه؟؟؟
خازوقها كيوت مثلها...

**Neo Cid** · 24-05-2002, 02:01 AM

وااااااااااااااااااااو :واو:

marvelles .... incradabole .. :واو:

روعة لي أعلى حدود .. :واو:

أعذروني على البدليات الانجليزية ... لأني قايل الكلام على الطاير ..

و الله أختي عجبتني رسمة طرزون كيوت ..

تسلم هالأنامل ..

**orange road** · 24-05-2002, 02:07 AM

شكرا اخ سيد

**Rex** · 24-05-2002, 02:11 AM

:! ...

بصراحة انا ما شفت الرسمات الا الحين!!!!!

واو ...

خاصة هذيج اللي أتقولين عنها قديمة شوي!! بس حلوه جدا!!!

وأسلوب التظليل اللي اتسمينة Cells ... تسوينهم بشكل جيد جدا!!

أشوف الجو صار ساخن هني

**orange road** · 24-05-2002, 02:22 AM

شكرا ريفليكس...
شهادتك اعتز فيها

اسلوب التظليل يسمونه السل لانه الاسلوب اللي يظللون فيه الانيمي

وانتوا تعرفون طبعا ان الورقة الشفافة اللي يرسمون عليها في الانيمي يسمونها cell

**wildkitty** · 24-05-2002, 11:59 AM

سووووووووووووووووو كيوووووووووووووووووووت
تينن طرزونه
وطالع بنظره كلها برائه

**Ranma Saotome** · 24-05-2002, 04:50 PM

والله الواحد يحس براحه نفسيه لما اخيرا يشوف رسوم تنعرض في المنتدى وخاصه رسومك اورانج رود...
الرسمه الاولى كووول.. حلوه الشخصيه وشلون ناقزه في الهوت او طايره او whatever... هذا الحلو ان تاخذين شخصيه من مسلسل وترسمينها باسلوبك.. تطلع حلوه.. :-)
الرسمه الثانيه... مااااااااااااقدر اعبر..
soooooooooooooooo sweeeeeeeeeeeeeeeeeeeeeeet
شكلها واااااااااااااايد بريئه.. ماتركب.. لكن جد بريييييييييييئه..
واااايد حلوه.. ابدععععععتي في هالرسمه..سلمي على طرزون وخل تشد حيلها.. الله يوفقها انشالله..

**shaheen** · 25-05-2002, 01:46 AM

اختي خلود....

رسماتج في تطور ملحوظ وتقدم لا نظير له
التلوين والرسم عجيب جدا ... وعاجبني وايد

طريقة التلوين متقدمة جدا وتوضح لنا مدى تعلقك بالفوتوشوب وخبرتج فيه

الساحرة الوانها غريبة وحلوة وزينكي جسمها مضبوط وطرزون الكيوت فعلا كيوت باصوله!

**Rewayah** · 25-05-2002, 11:39 AM

وااااو!! سووو قوووول يا أورانجو رووووود!! +@@+

رسمة طرزون كيوت بلاس بلاس بلاس!! +++Cute
وايد ظريفة عيونها! بس ماقلتي هذا أسلوب يخص رفيجتج؟

والخازوق مالها بدال ما يكون معدني ظاهر كأنه "عود من الشوكولا"!

أحسلها طرزون تغمسه في صلصة تشيز كيك وتاكله!

ههههه

ورسمة الساحرة أم شعر برتقالي بعد مظبوطة ومستعدة لخوض مغامرة مانجا! والناس يتابعونها ويستمتعون فيها!
على ما أظن أتعرفين شو معنات هذا؟!
أنه الشخصية وصلت لدرجة عالية من الإتقان ما شاء الله! ;-)
وحلو لو تعطينها واحد من تنانينتش الحلوين الكيوت, أو قطة مجنَّحة مثل اللي في سلسلة لونر.

الولد النينجا حليو وإذا تبين أسم... ممممممم
أسم هايات فنان! :6

ورسمت البنت والولد القديمة بعد جميلة ووقفتهم دراميَّة!!
وكأنهم في مسلسل!!
البنت: لقد سئمت حركات رودريـgـو!
الولد: هدئي أعصابك سِليستي!! أتريدين كأساً من الماء!!

مسلسل مكسيكي!!

كخخخخخخخخخ

أما بطلة زنكي فأتقنتي ملابسها وبشكل مخيف!
وعلى أسلوبتش الجميل!
أنا حبيـــــــــــــــــــت مسلسل زنكي!!
والديمن زنكي و"الأتيتود" ماله بعد يعجبني وبشدة!! ":"
بس ما شفت منه إلا 13 حلقة!

لكنه رهيب!
أحلى حلقة عجبتني وكانت وايد عاطفية ونهايها محزنه مال الولد الصغير المتين اللي عايش ويا أمه...

يوم يجمع أرواح الناس عن طريق أتصالات الهاتف, شفتيها!
بغيت أبجي... :"
خصوصاً النهاية بعد ما يقضي زينكي على الـ "سيد أوف بوزيشِن"...

فكرة! برسم عمري في لباس زينكي في موضوع الكوزبلاي!

الرسمه حلوة وايد!
أكتشفت شيء! الرسمه إذا تكون عن شيء مألوف للأعضاء تشدهم!
وشكراً على الرسومات الحلوة يا أورانج رود!

**RSSAM** · 25-05-2002, 12:05 PM

هاي شباب
مشالله عليج اخت خلود رسمج روعه وااايد حلو وحلوه حركاتج و طريقتج في الرسم والتلوين والملابس بعد وايد حلوه وفكرة الجامه و وراها الشخصيه روعه وصعبه بعض الشيئ

بس الي عجبتني وايد البنت الي جنها طايره ومعها فراش وطريقت شعهرها وايد حلو جنه ماخذ مكان الاجنحه

وتعرفين تستعملين برنامج فوتو شوب عدل
الصراحه طلعتي راعيتهاااا
;-)

وانشالله باليام اليايه اوريج رسماتي اخليج تخترعين من الرسم
الاني ارسم رعب :0)

**orange road** · 25-05-2002, 04:03 PM

شكرا وايلد كيتي

الحمدلله انها عجبتج

شكرا رانما

والله طرزون وايد شاده حيلها في الامتحانات...
الله يعينها بس
ويوفق الجميع انشاءالله

شاهين...
البنت اشتغلت عليها عدل علشان اضبط الجسم

اما رسمة طرزون زين انها عجبتك...
حبيت اقلد تلوين slayers و trigun...
ما سويت التلوين عدل لكن يللا... مشت حالها الرسمة..
بس لو اعرف شلون هاليابانيين النحيسين يلونون

رواية...
ههههههههه حلوة خازوق الشوكولاته... باقول لها انها تغمسه وتاكله
احسن لها من ضرر الناس وخوزقتهم على الفاضي والمليان..
عرفت الحلقة اللي قلت عنها رواية... اي.. حزنتني

لان زينكي كان ينقذ الناس دايما.. شمعنى هالصبي المسكين

بس اكثر لقطة ضحكتني فيه لما كان المدير متحول حق وحش ويبي ياكل البنت راح زينكي اكله اياها لما فكر انها اذا ماتت ما بيرجع صبي صغير

لئيم هالزنكي
يعني ننطر مشاركاتك في الكوستبلاي

رسام...
صج انت ترسم رعب؟؟؟ :واو:
احسدكم على هالموهبة... الرعب احسه شي وايد صعب بالنسبة لي
الوحوش والحيوانات المفترسة والزومبيز دايما يطلعون عندي كيوت
لكني انشاءالله باطلب كتاب من النت يعلم طريقة رسم شخصيات الرعب باسلوب المانجا
وانشاءالله اتطور في هالموضوع
علشان اقدر اشارك في مواضيع الوحوش عدل
وعلشان رانما اللئيم ما يقعد يتطنز على وحوشي

**Kat** · 25-05-2002, 10:38 PM

aaaaawwwwwwww, ^o^ the last one was soooo ADORABLE,I love your art orange road,its so cool!!! sorry I didn't pay much attention to it before:":

**orange road** · 26-05-2002, 01:10 AM

شكرا كات

الحمدلله ان رسمي عجبج

شكلي استانست على تلوين السل وايد

تعرفون اكيد مسلسل slayers...
هاي اميليا الهبلة اللي في المسلسل..
احب هالبنت الغبية حامية العدالة والمدافعة عن المظلومين :6

الموضوع: Orange Road Gallery

أدوات الموضوع

!!

!!

ماشاء الله عليج

المواضيع المتشابهه

معرض رسوم المانجا الى كل من orange road والبنات الى هنا

معرض رسوم المانجا a few orange road pics 4 orange road

الكلمات الدلالية لهذا الموضوع

ضوابط المشاركة