team silent و أخر أخبار التل الصامت (( SILENT HILL )) عرض من الفيلم وموعد اصداره

[./ أنسه خبال/.]

يمكن تشوفوني جديده لكني والله اراقب تحركاتكم وتحاليلكم وجالسه استني الفرصه عشان اهجم بغته عليكم ^_^ انا كنت زياره لمنتدي من سنه 2004 واغلب زياراتي كانت او تقريبا كلها لمنتدي البلاستيشن واهنيكم علي تحاليكم الرائعه والمتعوب فيها مراقبتكم ومراقبه كل تعليق يخص محبوبتي وانشالله افيدكن بالقليل لي عندي واتمني تحصلولي محل عندكم >>>جلست بالنص لسقه ...

اكثر شي شدني وعبجبني هو تحاليلكم لساينلت هيل يارجل ذوبتوها ذوبااان من كثر التحليلات مسكينه بس مشافتكو دققتوا علي الثالث او الاول اغلب التركيز كان علي الرابع والثاني وهم الاروع لكن بعد ماتغير الاستديو طاحت من عييني اللعبه واشوف بالجزء الجاي ذره امل حلوه وبراقه وشهيه >>كليها احسن


اشوف ان اللعبه حرافيكسها يتطور من صوره لصوره تلاحظ القوه فيه لكن ما اضن ان هاذا كل شي بس مالاحظت احد منكم دقق بالنقطه هاذي في بدايه التريلر
حق الثامن يوم تجي رجل يقول .." اول زائر للبلده هاه .." <<وش عنده الحبيب
وهاذا شي يخلي افكر يمكن المطوروين يبون يرجعوا السلسله اللي بدايتها قبل اللكسيا وخرابيطها بس من العرض ومن ردودكم وضحت لي الفكره احسن ان ابو موسوس زي جيمس قتل اولاده او ارتكب جريمه بحق اطفال وجت سايلنت هيل تعاقبه وهاذا شي ماتمناه لنها قصه قديمه شوي بمضمون سالنت هيل

مع اني تمنين تكون شخصية الجزء ذا بنت ملينا من التماسيح ولا انتو شرايكم

[dely10]

يمكن تشوفوني جديده لكني والله اراقب تحركاتكم وتحاليلكم وجالسه استني الفرصه عشان اهجم بغته عليكم ^_^

حياج الله اختي بينا

وان شاء الله تشاركينا التحليل والحديث عن اللعبه

واهنيكم علي تحاليكم الرائعه والمتعوب فيها مراقبتكم ومراقبه كل تعليق يخص محبوبتي

الله يسلمج,,,,

ماشاء الله عليها يامي ملاحظاتها قويه وتحليلها وربطنا للوقائع تخلينا نفكر
تابعينا
بين فتره وفتره راح تكتشف يامي اشياء بالقصه>>>>اي محققتنا كل ساعه تكتشف خيط من خيوط القصه XD

الاستديو طاحت من عييني اللعبه واشوف بالجزء الجاي ذره امل حلوه وبراقه وشهيه >>كليها احسن

ان شاء الله بالجزء الجاي يكون قد التوقعات

اشوف ان اللعبه حرافيكسها يتطور من صوره لصوره تلاحظ القوه فيه لكن ما اضن ان هاذا كل شي بس مالاحظت احد منكم دقق بالنقطه هاذي في بدايه التريلر

هالشي ملحوظ الجرافكس في تطور مستمر

مع اني تمنين تكون شخصية الجزء ذا بنت ملينا من التماسيح ولا انتو شرايكم

اممم لا بالعكس رجل افضل

[yami vergil]

يامي كلامج وتحليلج قد يكون منطقي لان استدلالج للوقائع مقنع

بس انا اختلف معاج بأن ميرفي مجرم مهووس بقتل الاطفال
شلون بنلعب بشخص حقير؟؟
يمكن
اهو دعم باص مدرسه!!

نفس حالة الجزء الثاني بالنسبه حق جيمس

منو قتل زوجته ؟ اهوه الي قتلها وحاول ينسى هالشي ويقنع نفسه ان يحبها وان ماتت من المرض
فتوهم ان وصلته رساله من زوجته تقول له ان انا انظرك في our special place (في سايلنت هيل)
صح ان قدر طول اللعبه يتناسى هالشي لكن ضميره خلاه يوصل للجنون
وخلت سايلنت هيل تستدعيه عشان يلقى جزاءه
تعرف شلون قتلها ؟؟ خنقها بالمخده XD لانها كانت مريضه وتملل من كثر مايداريها وبغى يعيش حياته >_>
ماقدر لها حبها واخلاصها له بس بغى الفكه منها -..-

و الوحوش فعلا وجوها ممسوحه بس ما اظن انها تدل على اشخاص لهم علاقه بميرفي

لا انا ماكنت اقصد اشخاص لهم علاقه بمرفي ... ممم شلون اشرح ... كل شي يتجسد في سايلنت هيل
يعكس الافكار الموجوده في العقل الباطن للبطل (احتمال هالشي ماتطبق في الجزء الخامس)
وترى الوحوش كل واحد في سايلنت هيل يشوفهم بطريقه ... جيمس مثلا في الجزء الثاني
كان يشوف وحوش على شكل حريم وممرضات (لان كان يهتم بالمظر مب الجوهر) إيدي
بعد شخصيه في سايلنت هيل 2 كان عنده عقده من الناس لان كله كانوا يعيبون عليه فكان يقتلهم ...
وفي سايلنت هيل كان يشوف ناس تتطنز عليه (على كلامه) مايشوفهم وحوش نفس مايشوفهم جيمس

ميرفي بعد اتوقع هالشي راح ينطبق معاه لان قال مصمم اللعبه اني راح احتذي بالجزء الثاني
في صنع الجزء 8
بس ماعندي تفسير حق شكل الوحوش واحتمال اليهال يكونون من صنع المدينه
مب يهال حقيقيين استدعتهم المدينه والوحش الي ممسوح ويهه مممم اكيد مسح الملامح يرمز لشي
بس ماعندي فكره حاليا

وعن لون اللبس توني الاحظ اللون الأزرق والبرتقالي >>>> مواحمر

برتقالي بس ماتفرق صح >_> لان نفس كود الجريمه مكتوب على ظهره
بس مب واضح عدل في الصوره

هالصورة الجرافكس سيئ جداااااااااااااااااااا

عدل كلامك -..-

[yami vergil]

نسيت اعقب عالبقيه XD

شخصية مارفي تشبه شخصية هيل رايدير الي في الكوميك مجرم يحاول يمحي خطايا ماضيه و العيش حياة جديدة

أنصحكم تقرون الكوميك اذا ودكم تعرفون قصة الجزء downpour

يس يس جيمر .. احنا بنشتريها ان شاء الله لان بتساعدنا حق التحليل ^^

واهلا وسهلا آنسه خبال ^^

ههههههههههههه عاد ليش اخترتي هالنك XD

نورتي الموضوع وحياج شاركينا بآرائج وتوقعاتج للعبه ^^

ماشاء الله عليها يامي ملاحظاتها قويه وتحليلها وربطنا للوقائع تخلينا نفكر
تابعينا
بين فتره وفتره راح تكتشف يامي اشياء بالقصه>>>>اي محققتنا كل ساعه تكتشف خيط من خيوط القصه XD

الله يسلمك ويخليك ^^
اخاف اني ماعطه القصه اكبر من حجمها XD
مع ان كلنا اتفقنا نوقف تحليل عشان مانخرب على نفسنا القصه
بسي يدي حكتني XD
ترى مب شرط يكونون مصممي اللعبه بهالذكاء
لو على ايام تيم سايلنت كانت القصه بتطلع اقوى من توقعاتنا حتى @@

[./ أنسه خبال/.]

^^
مشالله عليك بس ايش للي خلاك تظني ان الوحوش هي تجسيد لكيان الشخصيه يعني مثلا الوحوش بالجزء الثالث تحس فيها نوع من التوتر والهز لما تمشي هاذا يدل علي شخصيه هذر المتوتره والغير متزنه باختياراتها

وحوش الجزء الثامن باين الملامح ممسوحه زي كل الاجزاء تقريبا انعدام الملامح وهذاا دليل انعدام المشاعر بس تواجد جسدي و معروف في رسومات شعب المايا ان الاشخاص اصحاب الغلطات الكبيره يرسموا علي اشكال وحوش بدون ملامح بس ككل ما اظن ان تواجد الوحوش او اشكالهم له علاقه باشخصيه خصوصا ان الاستديو تغيير واغلب الامثال للي ذكريتها من الجزء الثاني فا يعني اظن اظافه الوحوش او نوعها هو مجرد
عنصر للعرب لا اكثر ولا اقل بس انا لاحظت بكل الاجزاء SILENT HILL اشكال الوحوش المعقداحسها تدلل علي الشخصيه المعقده نفسها واضن انه ميرفي سفاح مجرم يمكن يكون فقد ذاكرته في حادث الباص
للي حصلت بدايه العرض ونسي من هو...^^

[yami vergil]

مشالله عليك بس ايش للي خلاك تظني ان الوحوش هي تجسيد لكيان الشخصيه يعني مثلا الوحوش بالجزء الثالث تحس فيها نوع من التوتر والهز لما تمشي هاذا يدل علي شخصيه هذر المتوتره والغير متزنه باختياراتها

في تحليل حق الجزء الثاني كتبه مستر تومي تقدرين تشوفين الموضوع ^^
تعلمنا واستفدنا منه وايد وضفنا افكارنا عليه بس يبيله تشوفين التحليل والردود الي بعد التحليل XD
والثالث صج اني تابعة قصته مع اراشي بس ماتذكر منه ولاااا شي وناويه العبه ان شاء الله قبل
ماينزل الفلم ^^

وحوش الجزء الثامن باين الملامح ممسوحه زي كل الاجزاء تقريبا انعدام الملامح وهذاا دليل انعدام المشاعر بس تواجد جسدي و معروف في رسومات شعب المايا ان الاشخاص اصحاب الغلطات الكبيره يرسموا علي اشكال وحوش بدون ملامح بس ككل ما اظن ان تواجد الوحوش او اشكالهم له علاقه باشخصيه خصوصا ان الاستديو تغيير واغلب الامثال للي ذكريتها من الجزء الثاني فا يعني اظن اظافه الوحوش او نوعها هو مجرد

اهاااااااا @@ معاج حق يالغاليه ممكن يكون هاي تفسير انعدام الملامح في الوحوش لاني قبل كم رد
ذكرت ان ميرفي تحسين من تعابير وجهه انه عديم المشاعر والاحساس
ماشوف تعابير في ويهه كلش في اي صوره بالمقارنه مع ابطال الاجزاء القبليه
حتى لو الاستوديو تغير ... مثل ماقلت الفريق يحتذي بالجزء الثاني واتوقع انهم قروا تحاليل ... اتذكر مره طحت على موقع
كان فيه تحليل حق شخصيات سايلنت هيل 2 بس في اختلافات في بعض الافكار لكن تقريبا الاساس نفسه
خاصة موضوع الوحوش

عنصر للعرب لا اكثر ولا اقل بس انا لاحظت بكل الاجزاء SILENT HILL اشكال الوحوش المعقداحسها تدلل علي الشخصيه المعقده نفسها واضن انه ميرفي سفاح مجرم يمكن يكون فقد ذاكرته في حادث الباصللي حصلت بدايه العرض ونسي من هو...^^

عجبني وصفج للاشكال المعقده على انها تعكس الشخصيه المعقده
لكن اختلف معاج في فكرة انه فقد الذاكره ... الباص اول انقلب عليهن داخل مدينة سايلنت هيل
اتوقع هاي بفعل المدينه نفسها عشان يهرب ميرفي
فكرة المدينه انج تكتشفين نفسج وتكتشفين خطأج ^^

[./ أنسه خبال/.]

انا المشكله للي عندي ابي اعرف احداث الجزء هاذا في اي سنه يعني اكيد قبل الاول لكن متى وهل تتوقعون بنشوف اماكن ومناطق من الاجزاء الماضيه بس من خلال الصور المدينه لسى شبهه عاديه والشر باقي ما تأصل في جذورها وصح انا يوم شقت العرض ببدايته في الباص ميرفي كان يناظر للبنت واتوقع انها الليكسا وهي صغيره او امها ومساله المطر اضن دليل انه ارتكب جريمته بالمطر ويظل المطر يهطل عشان يذكره بغلطته بس ككل اتمني تكون القصه سبشل ورائعه وجارفه وخاليه من السطحيه زي قصه الرابع او الثاني وتكون شاعريه وتخلينا نجعر >>نبكي هع هع الدراما هو العنصر الاساسي لسايلنت هيل وليست الرعب وهاذا للي اظنه

[night_walker]

السلام عليكم ورحمة الله وبركاتة...^^

كيف حالكم .. ؟؟


امممم .. صراحة مب وايد أزور منتديات البلاي ستيشن وكلة متواجد في منتدى اونلاين الـ PC واشارك بسوالف هذي الألعاب اللي مالها نهاية .. .

سايلنت هيل.. عاشق لهذي السلسلة .. من أول ما جربت الجزء الأول والرعب اللي قدمة وخصوصاً الألغاز اللي اتخلي الواحد يحوس ساعات عشان ما يلاقي الحل.. أيام حلوة ومرعبة كثير ألغاز ضلينا معلقين فيها بالأسابيع ومرات نفقد الأمل ونتركتها فترة طويلة . أيام أول حلوة لأن ما في youtube الحين كل شي متوفر على اليوتوب من حلول كاملة لكل الأماكن في أي لعبة.

لغز البيانو قبل قعدت عليه فترة طويلة وكنت ما اعرف انجليزي عدل قريت الكلام اللي على السبورة وما فهمت . وبعدين جلست أطقطق بالأزرار الصامته وسبحان الله أي شي وحليت اللغز .

كان الجزء الثاني تجربة رائعة من أول ما حطيت الديفيدي بالبلاي ستيشن 2 والقصة على طول أسرتني من بداية الكلام من رسالة ميري .. ويكتمل الغموض بمقابلة آنجلا في المقبرة والحوار اللي كان على أيامها بمثل العجب لأن الحوار وتحرك الشفاة كثير واقعي .^^

الجزء الثالث قبل لا ينزل ..!! كنت اتابع المواقع بشكل شبة يومي عشان اشوف اخبارها أو أي صورة.. وكان في موقع للحين اتذكرة silenthillheaven وكانت الصدمة لما قريت خبر بأن الشخصية الأساسية هي فتاة وكانت كثير شائعات بأنها قد تكون شيري من الجزء الأول ..!!

لعبتها واعجبتني كثير وانهيتها اكثر عن مرة ..!!

الجزء الرابع قبل لا ينزل كررت اللي كنت اسوية في الجزء الثالث تشييك شبة يومي بالمواقع والأخبار مثل silenthillheaven والقصة كثير استحوذتني فعلاً تغيير شامل في القصة
عندما حبس تيري في شقته لأسابيع ووجد فتحة في جدار الحمام توصلة بعالم سفي وقصة الولد وامة " الشقة"
فعلاً جزء لا أنكر بمقدار قوته وقصته

أيام حماس احس اني ابحث واقرأ واليوم لا ادري ماذا حدث .. هل فقدت الألعاب بريقها .؟؟ سايلنت هيل homecoming لم اقرأ عنها الكثير وانهيتها لمرة واحدة فقط .. جزء الـ psp اعجبني كثيراً shattered memories .

والجزء الجديد لا أدري لماذا فقدت شهية المتابعة والبحث عن المعلومات والصور.. هل فقدت السلسلة بريقها من بعد الـ team silent .. لماذا شعور حب قراءة المعلومات ومشاهدة الصور قد خبى .. ولماذا لم تعد سايلنت تستهويني مثل الأيام الخوالي .. كل ما قرأت خبر عنها قبل صدورها تحمست .. وشبكت احداثها بالأجزاء اللتي قبلها..

لماذا سايلنت هيل الجديدة نفسي لا تدفعني للنظر إلى جديدها واخبارها.. ولكن في داخلي هناك دائماً شعلة أمل تقولي بأن سايلنت هيل سوف تكون على ما يرام.. وستقدم شيئاً قوياً وفيه بعض الحزن المعتاد والحبكة المعتادة

[./ أنسه خبال/.]

^^
حقا سايلنت هيل عالم خاص متفرد بروعته وجماليته وكان الرائد دائما بمجال الرجافيكس والقصه ولكن بتاكيد ولاشك مستواه طاح بعد ماتشتت الفريق الاصلي وصارت اللعبه المسكينه تتراما بين هاذا وهذاك بس تظل معشوقتي وخاصتا الجزء الثالث للي كان من جد معجزه في مجال الجرافيكس والقصه ابهرني ولازال يبهرني وخاصه شخصية هذر الاكثر من محبوكه ومدققين في تفاصيل كل شي حركاتها مشيتها كلامك كل شي الجزء الرابع ورا يمديني اختمهم ومستحيل امل منهم اطلاقا مو زي هوم كومنق صراحه باللعافيه ختمته حسيت اني كرهته ممل وقصته سطحيه حيل وممله واللعبه نفسها تجيب الاكتاب مو زي اجزاء سايلنت هيل وخصوصا الثالث رعب ولكن مستحيل يجيب لك الكئابه مهما كان

[night_walker]

من فترة لقيت نسخة حق الجزء الثاني خاصة بالـ PC ..^^ و انهيتها ومافي أي مشاكل بالنسخة واحتفظت فيها بديفيدي ونزلت الجزء الثالث ولعبته على اللابتوب .^^ وعندي بعد الجزء الرابع مال كمبيوتر.. والجزء الأول محتفظ فيه على البي إس بي.

البلاي ستيشن 2 ودع الحياة وما يشتغل خير مادري شو مشكلته للأسف ودع الحياة =(.

بس احس سايلنت هيل ع الكمبيوتر الجرافيكس أكثر متطور .^^ الضباب متطور أكثر..

نعم يا أنسة تفاصيل شخصيات الجزء الثالث وايد رهيبة هذيك الفترة وما زالت تبهرني واذكر ان هذا الجزء الشخصيات اللي فيه شوي مختلفة عن الجزء الأول والثاني .. اممم كيف يعني مثل أول ما طلعت كلاوديا حسيت اول شي ان اللعبة غريبة مافيها ناس بس لما قابلت كلاوديا بديت تحلى أكثر واكثر اللعبة وما صدمني صدمة العمر ان طول هذاك الوقت انا عبالي في مدينة سايلنت هيل ولكن لم ارسلت الوحش اللي قتل هاري ميسون قالت ميعادنا راح يكون في مدينة سايلنت

انا ويهي جي استوى O__o هاه انا بعدني مب بسايلنت هيل .. فعلاً الجزء الثالث تحفة .^^

[./ أنسه خبال/.]

اخ يوم يموت ابوها هاري ميسون ..T_T مالهم داعي والله ظلموه ماشفنا منه ولا مشهد واحد ولاحوار حتا تفاصيل وجهه موباينه يوم لقيته هذر ميت بالشقه بس من جد حقدت علي كلوديا مدري ليه مقدر امل منه هههه والله مرات كثير انهيتها فيه برضوا مامليت منه احس في شي يخلني ارجع وارجع له حسافه والله نسخه الـPS 2 لها طعم ثاني والله و^_^

[yami vergil]

انا المشكله للي عندي ابي اعرف احداث الجزء هاذا في اي سنه يعني اكيد قبل الاول لكن متى وهل تتوقعون بنشوف اماكن ومناطق من الاجزاء الماضيه بس من خلال الصور المدينه لسى شبهه عاديه والشر باقي ما تأصل في جذورها وصح انا يوم شقت العرض ببدايته في الباص ميرفي كان يناظر للبنت واتوقع انها الليكسا وهي صغيره او امها ومساله المطر اضن دليل انه ارتكب جريمته بالمطر ويظل المطر يهطل عشان يذكره بغلطته بس ككل اتمني تكون القصه سبشل ورائعه وجارفه وخاليه من السطحيه زي قصه الرابع او الثاني وتكون شاعريه وتخلينا نجعر >>نبكي هع هع الدراما هو العنصر الاساسي لسايلنت هيل وليست الرعب وهاذا للي اظنه

يمكن في بداية الثمانينات
بالنسبه حق اليكسيا او ايليسا اما مانتبت على هالشي !! لازم اشوف التريلير مره ثانيه ماخبر
انه شاف بنت اوشي من الباص
بالنسبه للمطر ممكن ليش لا ^^ كلامج منطقي وجميل


بس ملاحظه يا اعزائي .. من قوانين الموضوع انكم ماتتكلمون عن اي جزء غير الثامن والفلم
ترى صاحب الموضوع بيعصب عليكم XD

[dely10]

نقاشكم وتحاليلكم تعور المخ

انا مستغرب من دقت ملاحظتكم

اللي قاعد يحللون كلهم بنات >>> ماتوقعت ان البنات يركزون ودقيقين بالملاحظه لدرجة تعور المخ XD

[night_walker]

ما عليـــش أسمحلنا ياصاحب الموضوع .^^ << خشينا عرض انا اتحسب الموضوع حق سوالف ودردشة عن سايلنت هيل

مادريت إنه عن الجزء الثامن بس

<< شردة تسجيل خروج والسموحة لو خربت الموضوع

أنتظر منكم أي اخبار بخصوص الثامن لأن مالي نفس ابحث عن معلومات .^^

تعديل : انا مش بنت هههـ الصورة الرمزية صديق لي اهداني إياها .^^ ماعندي شي ثاني

[./ أنسه خبال/.]

ديلي xD

وليه مستغرب عادي مو الذكور دائما مخختهم مطفيه اح احم ... ههههههههههه