[كرسي التعذيب] حكمت المحكمة على Yashiro بالتعذيب لـ إسبوع

[Lonely Hunter]

1. اي نوع ( مسلسلات - افلام - مسرحيات ) تفضل ( دراما - كوميديا - رعب - أكشن )
مسلسلات و مسرحيات: افضلها كوميديه خاصه المسرحيات
اما الافلام فحب كل الانواع ماعدى الرعب ...اي لإني اخاف

2. ماهو اول قسم شاركت فيه ؟
اعتقد ان البلي ستيشن بهالعضويه بس يمكن يكون قسم الاربيجي بعضويتي القديمه المغبره اللي ناسي شنو اهيا اصلا (2003)

3. ماهو مؤهلك الدراسي ؟
طالب جامعي على وشك التخرج ان شاء الله

4. هل تؤمن بالحظ ؟
أؤمن ان سبحانه يرزق من يشاء

5. اول عضو تعرفت عليه ؟
ancient history
يمكن سوبر سونك ايام قبل بمنتدى جيم ماستر

6. من افضل (مراقب) و ( عضو) بالنسبه لك ؟
و هل يخفى القمر
كاسح المنتدى اكيد

7. هل كنت متشوق لما اول مره دخلت الأ بتدائي والمتوسطه والثانوي ؟
كنت ابكي

8. ماهي افضل العابك من كل جهاز ؟
atari
لعبة دبابات تمشي بخندق و تدمر دبابات ثانيه
msx
البطريق مايبيله
nes
ميجا مان
snes
سوبر ماريو ورلد
n64
يوشي ايلند
gamecube
زلدا ويند ويكر
wii
ماريو جالكسي
sega mega drive
سونك
sega saturn
ري مان
dream cast
سونك ادفنشر
gameboy
سلاحف الننجا
gameboy color
بوكيمون رد
ds
نيو سوبر مارو بروس
sega game gear
سونك
psp
لوكو روكو
3do
لعبة حرب بين جيش اخضر و جيش بني بني
xbox
جراند ثيفت اوتو فايس سيتي
ps1
كراش
ps2
هذه يبيلها قعده طويله من كثر الالعاب القويه اللي لعبتها منها كنقدوم و اونيموشا و فاينل 10 و ووووالخ
ps3
انشارتد 3 (للتاريخ)


9. كم طولك ووزنك ؟
182سم و الوزن بالتسعينات اعتقد (دهر ماقست)

10. تشوف ان السمايلات بالردود والمواضيع مهمه ولا لا ؟
مو مهمه بس تزيد من فاعلية توصيل مشاعر كاتبها

[baduo]

السلام عليكم

حتى قاعد افكر جديا اني ابني داري على انها تكون عازله للصوت بس مادري وين اسئل

يعني تخلى غرفتك مثل استيديو التسجلات و الاذاعة (عزل تام)؟
ارخص طريقة خلي الباب سميك ويغلق على الزوايا باحكام بدون فراغات للفتحات وكذلك للنوافذ
نبتدي بالاسألة
1- طموحاتك بعد الدراسة؟
2-تسوي رياضات معينة؟ ورأيك برياضات الفنون القتالية؟
3-تتابع( الأغاني ،الأفلام ،الدرامات) اليابانية والكورية؟
4-طبعا انت تتابع ون بيس ، شو هو الشيء اللي شدك ليه؟ولحظات الحزن فيه كثيرة .شو أكثر موقف تأثرت فيه؟
5-تحب تتابع الانمي أكثر أم تقرأ المانجا؟ وشو تتابع في هالفترة؟
6- تحب القراءة؟اذكر كتب قرأتها ؟
7- طبعا تحب التصوير, انت من الناس اللي تطبع الصورة اللي تعجبه وتحطة في ألبوم خاص؟
8- نوع الكامرا اللي تحلم انك تمتلكها ( Red- Hasselblad-Leica......) ؟ومافي مرة حاولت انك تتعلم التصوير بالكاميرا ابو فيلم ؟ ورأيك بكامرات فلم 35ملم؟
9-اسم قارئ القرآن اللي تستمع ليه كثير ؟ واسم محاضر تستمع إلى محاضراته؟
10-تحس انك مقصر في شي وتحاول تغيره؟
والله يعطيك العافية

[dely10]

ياحيالله بلوني
تبي الصراحة >>>> ابيـــــــــــــــــك


ماتفكر تسوي رجيم ؟ يالبفه

ليش راسك يابس وتحكم على الشي حكم نهائي وماتعطيه فرصه>>> جرب بلاك اوبس!!

شنو ماركتك الرياضيه المفضله؟

شنو السيارة اللي تحلم فيها؟

شنو هوايتك؟؟ ابي رياضه غير الغيمز

تعال ... شسمك؟

شرايك بالشباب العربي؟

لو عندك مليون شتفكر تسوي فيهم؟

لو اسوي لعب كرة تلعب معاي؟

ابيك تذكر مقوله او بيت شعر او اغنيه دايمن ترددها ومعجب فيها؟

وسلامت عمرك

[dely10]

وين اراشي وين يامي فاقدينهم !!!!

يلا بسكم نوووووم قوموووو

[Mr.Tommy]

^
^
عاااش عاشق الكرة هههههه
عاد تلعب والا لعب وناسة؟ P: >>>> مو جني حولت التعذيب عليه هههههه



سؤال واحد عالسريع دامي بطلع اكمل البحث

1- شنو اكبر انجاز سويته بحياتك؟

[Lonely Hunter]

baduo

يعني تخلى غرفتك مثل استيديو التسجلات و الاذاعة (عزل تام)؟
ارخص طريقة خلي الباب سميك ويغلق على الزوايا باحكام بدون فراغات للفتحات وكذلك للنوافذ
اتمنى
بس يبيلها اعادة بنيان ماينفع التصكير

نبتدي بالاسألة
1- طموحاتك بعد الدراسة؟
اشتغل بمكان ممتاز و يشرح ...aka قطاع خاص ماتمنى حكومه لانها اتضيق الخلق

2-تسوي رياضات معينة؟ ورأيك برياضات الفنون القتالية؟
مره كنت بدخل ججتسو بس الله ماكتب

3-تتابع( الأغاني ،الأفلام ،الدرامات) اليابانية والكورية؟
نوب بس اسمع اغاني الانميات اللي شفتها بعض المرات

4-طبعا انت تتابع ون بيس ، شو هو الشيء اللي شدك ليه؟ولحظات الحزن فيه كثيرة .شو أكثر موقف تأثرت فيه؟
انا قبل ماكنت افكر اشوفه لان كان موصل فوق 400+ حلقه و ماكان عندي dsl فكان صعب جدا اني اشوفه الا اذا شريته من محلات dvd النصابين الي يحطون 3 حلقات بالشريط و يبيعونه على دينار و عليك الحسبه بس بعد الدي اس ال همن ماكنت مفكر اشوفه الا بعد ما لاحظت وااايد من اعضاء ترو جيمنق المنتدى الثاني اللي اشارك فيه حاطين افتارات و تواقيع ون بيس قلت اكيد هالانمي جيد على الاقل خل اعطيه فرصه........

5-تحب تتابع الانمي أكثر أم تقرأ المانجا؟ وشو تتابع في هالفترة؟
الانمي اكيد بس المانجا لها طعم خاص لانها من الماجاكا نفسه بدون فلرات و لا زيادات فتكون دسمه بأفكاره
اما اللي اتباعه حاليا فما تابع غير ون بيس و فيري تيل و ناطر انميات موسم الشتاء تبدي عشان اشوف الي يعجبني منها

6- تحب القراءة؟اذكر كتب قرأتها ؟
احبها بس من زمان ماقريت شي, من فتره طويله يمكن سنتين او اكثر
اما من الكتب اللي قريتها:

روايات اجاثا كرستي (اكثر من ثلثين اللي انزلوا رسمي بالعربي)
روايات هيثم بودي (النخيل - الطريق الى كراتشي..)
life of pi
كتب علميه
national geographic magazin
ووايد بعد بس انا الحين مو بالبيت فقاعد اتذكر اكثر شي الكتب اللي شريتها و للحين ماقريتها

7- طبعا تحب التصوير, انت من الناس اللي تطبع الصورة اللي تعجبه وتحطة في ألبوم خاص؟
لا ماحب بس قاعد افكر اشتري برواز الكتروني

8- نوع الكامرا اللي تحلم انك تمتلكها ( Red- Hasselblad-Leica......) ؟ومافي مرة حاولت انك تتعلم التصوير بالكاميرا ابو فيلم ؟ ورأيك بكامرات فلم 35ملم؟
مافي شي ببالي بس اتمنى تكون عندي كل canon L lens
اما كامرات بو فلم فأنا اول كامره لي كانت بو فلم ماركة minolta هذا لو غضينا النظر عن كامرات بو استعمال مرّه وحده

اعتقد ان هذه اهيا, شريتها اخر التسعينات

9-اسم قارئ القرآن اللي تستمع ليه كثير ؟ واسم محاضر تستمع إلى محاضراته؟
احب اسمع للعفاسي
اما المحاضر فهو الدكتور محمد العوضي

10-تحس انك مقصر في شي وتحاول تغيره؟
والله اي احس اني مقصر وايد بديني بس مكتفي بالصلاة بدون ما ادرس و اتعمق بالدين اكثر

[Lonely Hunter]

dely10



ياحيالله بلوني
تبي الصراحة >>>> ابيـــــــــــــــــك
حتى انا ابيك بس مترقب السؤال المنتظر من وحده

ماتفكر تسوي رجيم ؟ يالبفه
المشكله مو بالرجيم لاني بالاساس ماكل وايد بشهادة اللي حولي كلهم
مشكلتي طبيعة جسمي تسمحلي اني امتن بسرعه و التمبله الي فيني ماتساعد اني اضعف

ليش راسك يابس وتحكم على الشي حكم نهائي وماتعطيه فرصه>>> جرب بلاك اوبس!!
انا قلت شي عنها ؟
خالط بيني و وواحد ثاني لاني احب العاب كول اوف ديوتي من الجزء الاول يوم محد كان يدري عنها اصلا

شنو ماركتك الرياضيه المفضله؟
ماعندي وحده بس اذا مصر بpuma عشان القطو

شنو السيارة اللي تحلم فيها؟

عشان اقول باي باي للزحمه
و بنفس الوقت افجر باللي مايعرفون يسوقون

شنو هوايتك؟؟ ابي رياضه غير الغيمز
كل شي بحري
سباحه
غوص سنوركل
رافتينق بطراد بوتفخ الفجر لم تكون المايه زبده
حداق
تقمبر
تمشي بالبحر لم تروح المايه
شيل اثقال (يعني اشيل صخر البحر اشوف شنو تحته)


تعال ... شسمك؟
عبدالعزيز

شرايك بالشباب العربي؟
مظلومين بكبح طموحاتهم

لو عندك مليون شتفكر تسوي فيهم؟
اشتري 3 بيوت بالشهداء قريبين من بعض
واحد اسكن فيه و اثنينه أجرهم عشان اضمن مستقبلي و مستقبل عيالي ويكونون عندي لم يكبرون و يتزوجون

لو اسوي لعب كرة تلعب معاي؟
لأ
بس ايي اشجعك

ابيك تذكر مقوله او بيت شعر او اغنيه دايمن ترددها ومعجب فيها؟
ماقولها بس معجب فيها خاصه بهالزمن
"مد ريولك على قد لحافك"

وسلامت عمرك
الله يسلمك

[Lonely Hunter]

Mr.Tommy

سؤال واحد عالسريع دامي بطلع اكمل البحث

1- شنو اكبر انجاز سويته بحياتك؟
تقريبا مافي ش كبير كل انجازات صغيره

[itachi lover]

Lonly يـــا lonly

مع احترامي لك و لمعاذبيك بس وقت تعذيبك جاء بالغلط <<< اللحين هم اللي غلط و إلا جامعتك الغلط هههههههههههه

كيفك ...

إن شاء الله بخييير ....

لونلي صراحه مافبالي أسئله لك ...


همممممم

بس بأحاول ...:


1- أجمل 5 مسلسلات كارتونية من عبق الطفوله ... يعني لو شفتها اللحين ممكن تتهور و تدمع عيونك هههه ؟!!!

2- أجمل عباره سعتها بالجيم أو أنمي أو أي شيء

3- حذث غير عليك حياتك ؟؟

4- على حد علمي أنك مصور ... so

أيش تنصح أتاتشي لافر بالكاميرا لأنها قررت تدخل هذا المجال ..

للمعلومية جربت كاميرات لصحباتي و اكتشفت ان عندي هالموهبة ....

اي كاميرا تنصحني فيها ....

إلا الآن هذا يكفي

[Lonely Hunter]

itachi lover


Lonly يـــا lonly

مع احترامي لك و لمعاذبيك بس وقت تعذيبك جاء بالغلط <<< اللحين هم اللي غلط و إلا جامعتك الغلط هههههههههههه
بالعكس وقت العذيب يا بأحسن وقت لان الكل مشغول خخخخ
و باقي 600+ رد على الكرسي القادم

كيفك ...

إن شاء الله بخييير ....
حمدالله تمام


همممممم

بس بأحاول ...:
اذا مو ببالك سؤال عادي انا ماعندي اي مشكله انك ماتسئلين

1- أجمل 5 مسلسلات كارتونية من عبق الطفوله ... يعني لو شفتها اللحين ممكن تتهور و تدمع عيونك هههه ؟!!!
النمر المقنع
وادي الامان
الرجل الحديدي
كبمارو
رحلة عنابه

بس مافيها تدميع لول


2- أجمل عباره سعتها بالجيم أو أنمي أو أي شيء

"believe in yourself
not you who believe in me
not me, who belive in you
....................................believe in you who believes in yourself".....Kamina from Gurren Lagann

3- حذث غير عليك حياتك ؟؟
استرجاع الصداقه مع انسان عزيز علي بعد انقطاع سنين (انقطاع ان ماقمنا انشوف بعض بس مو عن زعل)

4- على حد علمي أنك مصور ... so
أيش تنصح أتاتشي لافر بالكاميرا لأنها قررت تدخل هذا المجال ..
للمعلومية جربت كاميرات لصحباتي و اكتشفت ان عندي هالموهبة ....
اي كاميرا تنصحني فيها ....
إلا الآن هذا يكفي

كله يعتمد على ميزانيتك
انتي بس قوليلي كم تقدرين تدفعين (بالدولار) و شنو تحبين اتصورين و هل اذا كان الفيديو مهم لك

[dely10]

^
^
عاااش عاشق الكرة هههههه
عاد تلعب والا لعب وناسة؟ P: >>>> مو جني حولت التعذيب عليه هههههه

عاشت ايامك
افا عليك العب واركض مثل الغزال
لوول اي والله

خالط بيني و وواحد ثاني لاني احب العاب كول اوف ديوتي من الجزء الاول يوم محد كان يدري عنها اصلا

الظاهر ... خالط بينك وبين واحد تصدق يشبهك .. ما عليه النظر وانا خوك لك عليه @_@

[Fantasy Legend]

يااااااو لونلي كيفك يامان ان شاء الله بخير ,,

اممم ترا عندي اسئله الغباء فيها فل ترا كل هذا من كثر الطفش ويسوي اكثر من كذا كمان :

تحب فاينل صح ؟ افضل جزء ؟ افضل شخصيه ؟ اغبى شخصيه ؟

اش الي خلاك تفتح موضوع منو شايب و عجوز المنتدى ؟

موضف ولا عاطل ولا طالب ولا متزوج xD ؟؟

افضل لعبه لك ؟

انتا مرح او عصبي او حزين او هادئ ؟؟

اوصفلي ون بيس بكلمه وحده او اثنين ؟

الاسئله الغبيه :

دخلت حديقه حيوان حصلت فيل خكري اش تسوي xD ؟

احكيلنا اي قصه من ديزني باليمني ,,

انتا تدخن او تعسل اذا ايوا اش الفايده منها ؟

كم مرا اتفقعت وانتا صغير ؟


طبعا منكم نستفيد ,,

لاتخاف راجع بسئله جديده وما تخلو من الغباء ,,

[Arashi]

وااااااااااو @@
تأخرت وايد وكله بسبب القصه >_<

صج ما بقى شي بس مايهون علي اعذبك من غير مراسيم XP



فلتبدأ المراسيم





بث مباشر لاحياء ضحية الكرسي السابق Lonely Hunter والذي لم يبقى منه سوا رأسه ليتم اعادة تعذيبه مرة اخرى في كرسي التعذيب الجديد






ليخرج من بحيرة الاموات






على شكل زومبي





ليجد نفسه في



Toluca

نعم


انها بحيرة الموتى Toluca الواقعه في





Silent Hill



يقوم فريق التعذيب بعمل تنويم مغناطيسي للضحية الزومبي


Lonely Hunter





حيث يتحرك وفقا لأوامرهم الى ان يصل الى



مركز العذاب المطل على البحيرة الرائعه



ويدخل الفريق وخلفهم الضحية عبر الباب







ويتجهون عبر باب الجحيم والذي ينقلهم الى






غرفة التعذيب





ويتم قلع رأس الزومبي (لن يموت طبعا) ويثبت





يقوم الفريق باحاطة الرأس الحي والقيام برقصات التعذيب الاسطوريه








يقوم احدهم بتدليك الرأس لتحمية من اجل التعذيب




بينما شخص اخر باستعراض ادوات التعذيب للضحية





ويقوم احد افراد الفريق بفتح خزنة ضخمه برقم سري



(ان أردت معرفة الرقم قم بعد جميع ضحايا arashi واقسم العدد على عدد موديلات اسهم العذاب في الكرسي الاول واثاني معا ثم اضربه في عدد الشياطين الحمراء في سهم العذاب النسخة الاولى)



ويخرج منها

ســــهم العــــــذاب المربّط (النسخة 2.00)













Lonely Hunter

[Arashi]

نبدأ الاسئله:

هالمره بخليها جامده عشان اعوض الايام اللي راحت XD

1-ادخل هالاعضاء كلهم في قصه مرعبه من خيالك يكون فيها كل العناصر المرعبه الموجوده في سايلينت هيل ورزدنت ايفل واي فلم مرعب شاهدته

arashi
yami vergil
itachi lover
akihiko
delt10
mr.tommy
g4mer
tockuchi
kasih
general big boss
white knight
dro
jinabil
al-raqmi


2-عيد صياغة هاذي القصه لتكون باللهجه البنغاليه (مابي ولا كلمه مكرره اكتبها من يديد XD)

[/SIZE]كان يا مكان في قديم الزمان وسالف العصر والاوان في مكان محد زاره من زماان ... كان هناك رجل وزوجته حن قلبهم ليرزقوا بطفل جميل ... في يوم من الايام خرجت الزوجه للشرفة لتمتع ناظريها بجمال الحديقة التي في البيت المجاور والذي تسكن فيه ساحرة عجوز ... فوقعت عيناها على الارض ... هاهاهاها امزح ... وقعت عيناها على شجرة غنية بثمار طيبة اللون والرائحة لم يسبق ان رأتها في أي مكان ... ومن غير تردد وانتظار، ذهبت الى زوجها وقالت بطولة لسان " حلفت عليك ان لم تحضر لي من هذه الفاكهة لاقتلنّ نفسي" ... استغرب الزوج ورد عليها " في جهنم الحمرااا" ها ها ها امزح... قال" مايصير خاطرج الا طيّب ... ولكني اخاف ان تراني العجوز وتلعن شكلي ولكن من اجلك سوف احاول" ... عندما حل الظلام خرج الزوج مسرعا الى الحديقة ليقطف من هذه الثمار، ولكن الساحرة العجوز صادته ونظرت اليه نظرة خنجرية ثاقبة واشتعلت في عينيها النار. بما ان الزوج مثل الفار جبان، سقط على الارض وبكى مثل النسوان،.. قال بصوت مرتبك "ارجوك يا سيدتي سامحيني فزوجتي هددّتني بأنها سوف تقتل نفسها إن لم تتناول من هذه الفاكهة"... هدأت العجوز وقالت "حسن ... ولكن بشرط، إن رزقت بطفل فسوف آخذه لي وسوف أرّبيه جيدا كما لو كان ابني"... ووافق الزوج فورا على شرطها لأنه أراد الفرار ... وبعد مضي زمن ليس ببعيد رزق الزوجان بطفلة جميله كالغزال، ووفقا للشرط أخذتها الساحرة العجوز واسمتها Rapunzel الشقراء... وبعد أن كبرت وأصبحت فتاة بغاية الجمال والدلال، أخذتها العجوز الى برج عالِ ليس فيه سلم ولا باب .. فقط غرفة وشرفة تطل على حديقة جميله الاشجار، مدعيّة بأنها تريد أن تحيمها من الاشرار ... وكانت لا تزورها سوى في النهار ... يا ترى كيف كانت العجوز تصعد الى Rapunzel ؟؟ بطائرة مروحية؟؟ هاهاها أمزح .

3-قدم لكل عضو 3 نصايح


arashi
yami vergil
itachi lover
akihiko
delt10
mr.tommy
g4mer
tockuchi
kasih
general big boss
white knight
dro
jinabil
al-raqmi


4-هل قابلت حد من اعضاء المنتدى عالواقع؟ اذا ايه اكتب لنا قصة اللقاء الاول بالتفصيل من اول ماتفقتوا تتقالون لين تقابلتوا وايش سويتوا ولين كل واحد رجع بيته XP

5-اختر عضو تطبخه :

شنو الاكله؟
اي جدر تستخدم؟
شنو ادوات الطبخ المستخدمه؟
شنو الخضار؟
البهارات؟
صحن التقديم؟
العصير المقدم معاه؟

وجبه كامله


6-رد على هذا الشعر بشعر بالهندي ...أربع ابيات عالاقل:

كيف حالك وانت عالكرسي يا لونلي هنتر؟
هل بتهرب ولاّ تحارب بشجاعة عنتر؟

هههه عنتر وهنتر نفس الشي
لونلي عنتر


7-حط جنبك ساعه واقعد سو push up لمدة دقيقه وانت تعد...كم مره قدرت تسوي في هالدقيقه؟

8-الحين جيب الكاميرا وصور:

نعالك او جوتيك المفضل (الله يعزكم ^^)
احد حيواناتك الاليفه (يفضل طير)
افتح احد ادراجك وصوره من الداخل
ارسم نفسك على كرسي التعذيب وصور الرسمه


9-جيب لكل عضو صورة طير تناسبه


arashi
yami vergil
itachi lover
akihiko
delt10
mr.tommy
g4mer
tockuchi
kasih
general big boss
white knight
dro
jinabil
al-raqmi


10-كمل هالمقطع واستخدم فيه موسيقى وسمايلات من عندك...تقدر تدخل اي عضو او شخصيه خياليه :

غرفة نوم Birkin- sensei

Akihiko و Itachi lover يستعدون لتنظيف الغرفة

Akihiko: واحنا ننظف خلي ننبش الادراج وندور على اسئلة كويز الكيمياء

Itachi lover: لااااااااااااااااااااااااه تبي يعاقبونا مره ثانيه ؟؟

Akihiko ينظف ويفتح الادراج والكبتات: همممممممم كأني عرفت مكانهم

Itachi lover: اسمعنييي وانا اكلمك

Akihiko: شوفي لقيت مجموعة غراش potions خلي نجرب هذا

Itachi lover: لاااااااااااااااااااااااااه

وتسقط القاروره من يده وينفجر دخان اخضر

الاثنان يفتحان اعينهم

كمل XD

[Lonely Hunter]

اوتش

اسئلتج يبيلها تفرغ دراسي XD

انا ماحب اجاوب نص اجابه فإن شاء الله بحط اجوبتي باجر