قهوة WoW .. :P

[Cry Me A River]

:
ههههههههههههههههههههههههههههههههههههههههههههههههههههههههههههههه

وين احنا يابو في عهد ابو لهب

سؤال ؟


في منه مقاسات ؟ << يفكر بهالحل ههههههههههههههههههههههههههه

ابغا مقاس 6x لو سمحت لون بنكي
0

[Karazhan]

ماكو الا الحل هذا امامك

لأن مستحيل تحصل ناس توقف معاك من الصبح لي الليل , لازم تحمي نفسك بنفسك

صج قديم لكن اهو الموجود

في مقاسات على كيفك والوان و رسومات بعد , ان ما حصلت في امازون روح اقرب صناعيه و دور حداد يسوي , يفصل ستانلس ستيل عشان يعمر معاك ومايصدي

وعشان تؤجره بعد بعدين للشباب , نفس لما يروحون محل بشوت و يستأجرون بشت , يمرون عليك و يستأجرون الشيلد منك

وبالحاله هذي تكون قدمت خدمه جليله للمواطن السعودي ويمكن يعطونك وسام الدوله , لأنك قضيت على ظاهره عربجيه تحدث بكل اسف في حفلات الزواج

[Jeremie]

لاتنساني كراي أطلب لي واحد بعد. أبيه كحلي ومكتوب رقم 9 .

[Cry Me A River]

:

طيب هالشيلد هذا ماله اي تأثيرات جانبيه يادكتور ؟؟؟



الثاني طالب رقم تسعه راس حربه الاخ هههههههههههه
<< فاهم غلط


0

[Cry Me A River]

العمرو اسم العايله الصحيح الي كنت ابي اسال عنه ياشباب

اتوقع انهم عيال عم صحيح ميكافيلي / جيرمي ؟


0

:
جيرميييييي ميكافلي لاهنتوا

0

[Karazhan]

ماله اي اعراض جانبيه


واهو يباع لون سلفر بس , انت روح اي شخص يعرف يرسم و ارسم عليه اللي تحب

يعني تحط ارقام لاعبين , او ترسم عليه صوره اسد يعني ترى الصوره تعكس اللي داخل

انت وكيفك

بس تحتاج تحط كرسي عند الباب عشان تقعد بين فتره وفتره يمكن تتعب

بس مو ثقيل ترى , وزنه يمكن نص كيلو


شهيتني على قهوه

خلني اروح اسوي بقلاص جبن

[Karazhan]

انا عندي مشكله وادري ماتعرفون الحل لكن بقولها لك للعبره واذا احد عنده نفس المشكله يشاركني احزاني

انا اشتركت في شركه كيمز و لما اشتركت اخوي قالي لاتشتري راوتر لأن عندي راوتر قوي اسمه لنكسس e3000 وهذا من اقوى الراوترات الموجوده

قلت حلو بس ليش تعطيني وانت مشترك معاي , قال لأني طلبت من شركه ابل جهاز اسمه تايم كبسول و اهو راوتر بعد و مالي حاجه بالراوتر هذا

المهم اخذته وبدأت معاناتي لدرجه اني حسب الخلل من شركه كيمز و قعدت اشخط فيهم بالتويتر لين عطوني توقيف و حظر و احذفوني من القائمه , نفس جيلد وور 2 لما اشتركت معاهم وقعدت اشخط فيهم و عطوني حظر

وانا كل الناس تعطيني حظر مادري ليش

المهم زهقت ياجماعه لأن اشغل بوت ووركرافت و كل شوي تفصل اللعبه , خربت علي الفارم على الماينقق و جمع الذهب



هذا الراوتر بالضبط , حتى نفس اللون

المهم كل شوي يفصل و عملت reset و رحت كيمز اللي في مجمع البحر بحولي , وين جسر الجابريه وحولي , المجمع عاليمين

المهم رحت للموظف و ذكرني قالي انت اللي جيتني مع اخوك , قلت اي و شفت اخوي عطاني هالراوتر وقالي راوتر قوي , قال اي هذا معروف و من اقوى الراوترات

بس احنا في كيمز مانعطي هالراوتر لأن غالي , نبيع الراوتر اللي يمشي الحال

المهم قلت كم سعره مالكم ؟ قال ب20 دينار

قلت حلو , الحين ابي ابرمج هالراوتر لأني سويت ريست عليه وراحت البرمجه , قالي اوكي

وقالي ها شخبار الالعاب ؟ قلت والله ماقمت العب لأن الراوتر هذا طلعلي قرون , ذبحني كل شوي يفصل لين كرهت اللعبه


اهو هذا الموظف كنا مسولفين معاه من قبل انا واخوي و طلع شاري لعبه جيلد وور 2 و يلعب كل فتره يفتحونها و ناطرها نفسنا

المهم قعدت اسولف معاه شوي لين ضبط الراوتر , وقالي اذا قام يفصل معناته انه في شي الجهاز ويحتاج تاخذه للوكيل

المهم اني رجعت البيت و دخلت موقع الراوتر و شفتهم منزلين باتشات و برمجه والامور هذي و نزلت باتشات وكل شي ولكن مازال يفصل

الحين وانا اكلمكم قاعد استخدم الكيبل , من البوكس مال الفاير الى جهازي الكمبيوتر , و انا بالطريقه هذي حرمت زوجتي و عيالي ال4 و من النت

يعني 5 اشخاص صارلهم اسبوع محرومين من النت خصوصا عيالي اللي كل واحد ايبود و ايباد و اللي يدخل يوتيوب يطالع توم وجيري واللي يلعب هاي نوون و مادري شنو

فأنا كأنسان ذو ضمير حي ماتحملت الشي هذا وقلت لازم اشوف حل و ارجع الوايرلس مره ثانيه لو كلفني عمري

تعرفون انا مندوب الملك والملك والمندوبين مستعدين يفدون ارواحهم للمجتمع

فأنا ابي اعرف هل فيكم احد يستخدم هالراوتر ؟

هل احد مرت عليه نفس المشكله ؟

هل في حل للمشكله هذي اللي كل شوي يفصل ؟


انا الحين مسوي قهوه و بشربها و بعدين بروح مجمع البحر بشتري جهاز جديد منهم

بس يقولون ان هالراوتر قوي وانا ما ودي اشتري منهم ويطلع سكه

انا يوم كان يفصل عندي و تهاوشت من كيمز قلت اشتراكاتكم سكه و صكوني حظر و بعدين صار اللي صار واكتشفت ان الخلل من الراوتر , كلمت اخوي وقلتله

قالي ابو الشباب ان يوم كان يستخدمه كان يفصل معاه ومايدري شنو مشكلته و بعدين قطه و شرى تايم كبسول . ماقالي من قبل انه يفصل بس قالي راوتر قوي

لو ادري كان شريت من زمان راوتر





تحويشت عمري كلما ضاعت هاليومين

امس ركبت تايرين ولما رجعت البيت شفت وحدات التكييف اثنينهم خربانين ويخرون ماي

تايرين يعني كفرين

يخرون ماي يعني ينقطون مويه

والزوليه كلها غرقانه ماي و البراده مالت الماي ضربت بعد بنفس اليوم

بعد شنو

تايرين و وحدتين تكييف وبراده الماي والراوتر
وطلعت رخصه السلاح وشريت شوزن ب600 دينار


يعني قطيت كل ما املك

والحين على الله و على اصحاب القلوب الرحيمه

خلوني اروح اشتري راوتر لأن العصر بودي المدام الجمعيه تشتري الماجله

الله لا يخسر

انا ليش تزوجت

كنت مرتاح وعايش احلى عيشه


اخوكم محمود الخلفاني

[darkitp]

علشان تشغل العاب مع رواتر لازم تفتح بورتات ( منافذ ) علشان يعطيك كونكشن صحيح و بدون تعليق
( لكن هو المعروف إذا تلعب اون لاين , ما تحط راوتر .. على طول اشبك بالكمبيوتر .. )
بس إذا ما فيه مجال إلا بالراوتر روح هالرابط و شوف اللعبة اللي تبي تفتح لها بورتات

http://portforward.com/english/routers/port_forwarding/Cisco/Linksys-E3000/default.htm

انا عندي EA4500 الجديد و لكنه بعد مذلة مع العاب الاون لاين .. لازم افصل الروتر و اشبك النت بالبلاي ستيشن او الاكس بوكس على طول بدون راوتر

[ميكافلي]

:
جيرميييييي ميكافلي لاهنتوا

0

اممم العمرو ياخي اسم متكرر ،،، بس حسب خبري من الشرقية مافيه ناس بالاسم هذا أو على الأقل مو معروفين ،،، ولا يمتون للشرقية بصلة

بس كيف حكمت انهم من الشرقية ؟؟

[Karazhan]

انا لازم احط وايرلس اذا ما حطيت يطقوني عيالي

لازم احط ماكو مفر

عشان جذي انا مغصوب , بس قبل لما كان عندي اشتراك DSL و راوتر الاشتراك هذا غير عن اللي عندي لأن الحالي اللي يفصل للفايبر , المهم قعد اشتراكي سنه , مااذكر انه فصل معاي

وكنت العب بلي ستيشن و كمبيوتر بدون اي مشاكل نهائيا , لكن هالراوتر اللي اخذته مال الفايبر جنني وصار يفصل كل 5 الى 10 دقايق , ويفصل فصلات قهر , يعني بعز الهوشه يفصل و بعز الاحداث تقول مسلط علي

رحت و طلعت منه واير , شريت واير طويل شوي يطلع من الراوتر الى الكمبيوتر واشبك منه , و هم يفصل

بعدين شلت الراوتر و قطيته وركبت واير الفايبر دايركت للكمبيوتر و مافصل معاي كلش , عرفت ان المشكله من الراوتر

الحين توني رجعت وشريت راوتر جديد و شغال 100% بس طلعت منه واير عشان اشبكه بالكمبيوتر بس مو راضي يشبك

انا جذي عمره ما ضبط معاي شي من اول مره

بحاول فيه لأن الموظف قالي بالكيبل تاخذ السرعه كامله اما بالوايرلس تضعف و تقوى حسب الفلزات

مشكور على مشاركه احزاني

لو اني مليونير كان عمره مافصل لو اقطه بالنار يشتغل , بس لأني فقير يسوي فيني جذي

[Cry Me A River]

:
لا عرفت خلاص من وين
هذول سلمك الله يرجعون عنزه ,,

هذي قصة طويلة يارجال ,,, عرفت واحد من دردشة عام 2001 وكان يقولي اسمه خالد ,, ونسولف ونضحك ونحش ببعض جوالات بيننا
وعلى اتصال سنين وسنين ونقلنا موقع ثاني ومعي وله اخوياه بالموقع من نفس حارته

المهم عام 2004 تهاوش مع واحد منهم وجاني قالي ان اسمه الحقيقي علي وانه بزر عمره 17 سنه وقتها

قلت غريبه ليه يكذب وانا وهو نسولف مع بعض سنين ..... انقطعت علاقتنا عام 2008 تقريبا ومازال ارقام جوالاته عندي

السالفة ياطويل العمر جاني واحد من زمان ماشفته من نفس الموقع نفسه الي تعرفت انا والاخ علي / خالد

قالي عندي برنامج بالاي فون يطلع اسمه الحقيقي الي هو numberbook قلت خذ الرقم وطلعه لي

الا كل الارقام بأسم شخص واحد / علي العمرو

عرفت وقتها انه فعلا بزر ههههههههههههههههههههههه الظاهر كان يخاف مني

او يمكن انه من الربع الطيبين الي انت خابرهم ,,, لانه هو من الشرقيه فقط


هذي قصة حياتي هههههههههههههه

0

[darkitp]

ترى جهاز الفايبر له عدة منافذ .. ليش ما تخصص واحد للالعاب و تشبكه دايركت و الثاني تخليه بوايرلس للاهل ؟ ؟
و لا تشوفه زيادة مصاريف ؟

انا عندي اشتراك الفايبر , و كنت مشترك معاه للاهل كلهم بالبيت , و هذا عمل لي النت عندي بطيء جدا
لكن بعدين خذت لي خط ثاني و خليته شابك دايركت على جهاز البلاي ستيشن أوالاكس بوكس ..
و المشكلة بالعاب البلاي ستيشن و الاكس بوكس ما فيهم سيرفر مخصص , و واحد منهم يكون الهوست و إذا هو فصل الكل يفصل معاه و يطلعون من اللعبة .

[Karazhan]

كان ودي


احنا بالبيت 12 شخص وكلهم يبون دي اس ال او فايبر , لكن الخطوط من سبق لبق , بيتنا فيه 6 خطوط و كلهم اخذوهم اخواني ورحت للوزاره ابي خط قالوا مافي خطوط لمنطقتك full

المهم حطوا الفايبر لنا و راحوا اخواني 2 سبقونا و اخذوهم , والفايبر يشيل خطين بس لأن في فتحتين مخارج

مادري اذا عندكم غير ولكن احنا حدك تركب اشتراكين على الصندوق

انا لما صار في خطين تلفون اشتركت دي اس ال , وكان 100% مايفصل ولا شي , بعدين قالي الموظف ان تقدر تحط اشتراك على الفايبر حتى لو اخوانك 2 ماخذين

قلت شلون ؟

قال تشترك من نفس الشركات اللي مشتركين فيهم اخوانك , وانت اخوانك كيمز و كوالتي , يعني تروح وحده فيهم وتشترك على خط تلفونك

قلت اوكي و رحت واشتركت مع اخوي , حطوا switch جهاز صغير و افصلوا منه اشتراكي و اشتراك اخوي

انا زين طلعت بفايبر يامعود , وله قبل على وصله من شركه زين مطلعه روحي



الحين قصدك جهاز الفايبر اللي انت مسويه , الجهاز مال الوزاره او الراوتر ؟

انا اللي مسويه اني حاط الراوتر شغال و من الراوتر فيه منافذ من 1 الى 4 و حاط كيبل بمنفذ 1 وموصله بالكمبيوتر

او قصدك جهاز الفايبر اللي تحت السلم واللي يكون رئيسي لأن هذا لما ركبوا سويج له و طلعوا منه اشتراكين لي و لأخوي

اهو الجهاز اللي ركبوه نفس راوتر صغير تقريبا كبر كف اليد و فيه منافذ مادري كم واحد , و مركبين كيبل بمنفذ 1 الى شقه اخوي و كيبل بمنفذ 2 الى شقتي

وفي منافذ فاضيه , قالي الي ركبه اي شخص يبي يشترك فايبر يروح كيمز لازم و يشترك على خط تلفونه ويجي يركب كيبل من منفذ 3 , والاشتراكات مفتوحه على عدد المنافذ بالسويج واذا خلصوا ركبوا سويج جديد

ان شاء الله تشتركون 100 اشتراك عادي


انت الحين تقصد اي جهاز فيهم ؟ اللي انا مسويه او من الرئيسي

[Karazhan]

انا قرأت كلامك بتعمق اكثر

كأنك تقصد اني اشترك اشتراكين واحد لي خاص والثاني للأهل ؟


اخ دارك

انا قعدت 6 شهور احوش عشان اركب تايرين بس


لا وبالنهايه ركبت تواير صينيه

ان سمعت تاهو لازق بالصبه على الخط السريع بسبب انفجار الاطار ترى انا

[Jeremie]

أنا شابك 4 ميجا لأني مع الإتصالات مافيه ثقه خير شر... الكابينه الإلكترونيه على الشارع أفتح الباب أشوفها والفايبر على اليسار بنفس الشارع ولا فكرت أشترك لأني مأضمنهم....
الخط يدعم 23 ميجا والسرعه عندي ... بصراحا مأدري مؤشر السوق شابكينه بالخط عندي لإنه السرعه مش راضيه تنسب...
طبعاً 100% أنا شابك بال PC و الXbox360 مشبوك بعد على البورت الثاني والباقي يشبكون وايرليس عند الحاجة.. بس لما أكون شابك لحالي أم التقطيع... أحياناً الفينت شابك مافي شي ولا أقدر أتصفح..... أمس من الحماس في باتل جراوند على أخر 5 ثواني فايزين .. DC شق وجهي ولا أنحسب لي شي...
وأخاطر أرفع السرعه أو احول فايبر مستحيله... ونقص على مين الخدمة ماراح تتعدل خير شر ونبقى أحنا ندفع أعلى رسوم بالعالم..