نصائح للاعبين بوكيمون روبي و سيفير الجزء الثاني

[GOCO]

ممكن اسئل

1)ايش اسم الاداة الي اعطيه للذكر علشان يتزوج ووين الاقيه

2)جروندون وش هجماته والى اي لفل تصير الهجمات ماتجي

3)انا شريت شريط بوكيمون روبي وعطون كاتلوج او فهرس وشكل الشريط يلمع هل هو اصلي 65ريال

4)الي مطلع الجزيرة الجنوبية ممكن يقولي باي بوكيمون كلم العجوز

5)ممكن كل واحد يحط لفل بوكيموناتهم


اذا تبغى هجمة ice beem روح لمدينة الوسام الثاني الي بازاوية الي تحت وعدين اسبح لما تجيك سفينة ادخله بتشوف من داخل انها مكسورة روح مع السلالم الى ماتلقى عالم يعطيك مفتاح للغرف
ادخل احد الغرف تلقى الكورة للهجمة

[Nuil]

مشكوررررررررررر علي الموضوع

[الكستن]

السلام وعليكم

انا من زمان قاعد اتابع هالموضوع لين ما تنفخت عيويناتي
فكل ما احتجت لشي في بوكيمون روبي القاه بدون ما اسأل
بس الحين ماعندي اسئلة عن روبي ابي احد يجاوبني عن جولد.سلفر.كريستال
كلهم نفس الحكاية انا ختمت هالاجزاءبس في شي تعسرت فيه...
كيف ممكن ابعد الرجل الواقف قدام الدرج في شركة سلف(مدينةسافرون)اللي فيها سابرينا
وكيف اقدر ابعد الرجل الواقف قدام الدرج اللي في المبنى الضخم في مدينة لافندر(بيت البوكيمونات الشبحية في نسخة رد)

فأنا اتمنى احد يجيب على اسئلتي فلا تخيبوني ممكن سؤالي مخالف لكن سألت في المواضيع المتخصصة ولا ردو لي جواب
وابي اعرف من الخطير كيف جاب ميوتو لبوكيمون جولد او منين وانا متاكد انه يعرف الحل لباقي لاسئلتي
او اي واحد يقدر يحلهم لا يبخل
واتمنى اني ما ثقلت عليكم وتحياتي

[الكستن]

وينكم شباب
وين الخطير
وين بلازي
وين بوكي_مان
وين باقي الشلة
انا معتمد على الله
ثم على قدراتي ثم عليكم
فلا تخيبوني

[المـلقب بالخطير]

السلام عليكم .....

أخوي الكستن :

بس الحين ماعندي اسئلة عن روبي ابي احد يجاوبني عن جولد.سلفر.كريستال
كلهم نفس الحكاية انا ختمت هالاجزاءبس في شي تعسرت فيه...
كيف ممكن ابعد الرجل الواقف قدام الدرج في شركة سلف(مدينةسافرون)اللي فيها سابرينا
وكيف اقدر ابعد الرجل الواقف قدام الدرج اللي في المبنى الضخم في مدينة لافندر(بيت البوكيمونات الشبحية في نسخة رد)

شوف أخوي ..... حقيقة لي أكثر من ثلاث سنوات وما لعبت اللعبة ..... أتريد مني أن أتذكر أحداث الفصة .... ومع ذلك بذلت ما في وسعي ..... ولا أتذكر موقفك بالتحديد ..... لكن خذها قاعدة .... أي واحد يسد طريق لك .... اعرف أنه لا يمكنك عبروه .... في الوقت الحالي ..... إلا إذا رجعت طريقك .... أخذت أداة ما .... صارت أحداث ...الخ .... وهذا ما سوف يحدث لك ..... إذا كان ذلك الشخص يسد الطريق لك .... اتجه طريقا آخر ....لعلك تجد أداة تحتاجها في هذا الوقت .... ويمكن السبب .... أنك يجب أن تقابل عصابة الرداء الأبيض ( تيم روكيت ) ... ربما .... فأنا تناسيت اللعبة .....بسبب أن الرسوم ضعيفة + ليست لديها اقبال للنسخ الجديدة مثل بوكيمون روبي و سيفير.... ولهذا .... تبني فرقة محترمة في بوكيمون ريد وبلو .... وترميه في الزبالة ..... بسبب عدم امكانية نقله للأجزاء الجديدة .

انا من زمان قاعد اتابع هالموضوع لين ما تنفخت عيويناتي
فكل ما احتجت لشي في بوكيمون روبي القاه بدون ما اسأل

تسلم لي أخوي .... هذا بفضل الله سبحانه ....ثم الأعضاء .... الله يجزاهم خير .... ما قصروا .... سألوا من الألف إلى الياء .

أخوتي اللذين لم أستطع أن أجيب عليهم :

انا وانت ، سورا ، Poke-Man ، T-REX ، جارح القلوب

السبب الذي جعلني لم أستطع أن أجيب عليكم ...... هو أنني كنت أكتب الحل بعد بحث وتدقيق .... وفي الأخير تحذف الصفحة ..... ثم الكيبورد ( لوحة المفاتيح ) مقربعة .... بعض الأحيان .... تجدون كلامي مخربط .... بسبب الأزرار .... اضغطه ظانا منه أنه كتب .... لم يكتب .... مثل الحروف : ع ، ي ، س ..... مثال : اللمفروض أن أكتب كلمة ( بعض ) يطلع لي (بض) .... (يطلع ) = (طل) ..... وهكذا

وهذا مما جعلني أكره الكتابة .... :vereymad:

وأخيرا .... كنت مسافر ... والله يعيني من الترم الصيفي

وشكرا لكل من شارك ..... وبإذن الله .... سأحاول أن أتفادى مشاكلي .

والسلام عليكم ....

[COLOR=DarkRed]الكاتب : المـلقب بالخطير.[/COLOR

[latias]

السلام عليكم

ماذا تنصحوني ان اختار لMY TEAM

انابوكويموني ألاول:
swampert lv60

[الكستن]

كيفكم اخواني
كيفك يا الخطير كيف السفر
الحمد الله على السلامة ومشكور على ردك
بس ابي اعرف ادا ممكن انقل البوكيمونات من كريستال الى روبي/سفير
وكيف طريقة النقل ادا ممكن
وتحياتي

[الكستن]

منين احصل البوكيمونات التالية وبالتفصيل اذا ممكن:
1-Slakoth (اللي يشبه القرد)
2-Nosepas سمعت انه بكسر الحجر في كهف الجرانيت بس انا كسرت كا الاحجار ولا طلع لي غير جيودود

وابي اعرف كيف اقدر اسرق الادوات لاني قريت الطريقة في الموضوع
بس لما جيت اطبق ما صار شي فاتمنى احد يعيد لي ادا ممكن

[~ Snake ~]

كيفكم اخواني
كيفك يا الخطير كيف السفر
الحمد الله على السلامة ومشكور على ردك
بس ابي اعرف ادا ممكن انقل البوكيمونات من كريستال الى روبي/سفير
وكيف طريقة النقل ادا ممكن
وتحياتي

النقل غير ممكن

اما السؤال الثاني

فلازم تكون عندك TM اسمه Theif على ما اظن و تعطيه بوكيمون يقدر يتعلمها و بعدين تستخدمها لبوكيمون عنده شي ((بوكيمون الخصم)) فبتسرق من عنده هذا الشي

[الكستن]

مشكور اخوي الخطير
انا حاولت بس ما نفعت معي
بحاول مرة ثانية وبشوف
تسلم انت وكل اهل السعودية
(على ما اظن انك سعودي)

[heardy boy]

هلا يا الخطير كيف حالك ( ما روحت عن الجزء القديم إلى الجزء الجديد) الصراحة الموضوع جديم و لو تسوي عن فاير رد أحسن(معني ما ألعبه) بس البوكيمون على الجيم كيوب مرة مصخرة

يلي باي إذا شفت الرد اكتب أي شيء عشان أعرف أنك قريته

[الكستن]

انا وياك في اقتراحك يا هيردي بوي

فكرة حلوة

وانا متأكد انه حيلاقي مشجعين وايد

[الكستن]

انا وياك في اقتراحك يا هيردي بوي

فكرة حلوة

وانا متأكد انه حيلاقي مشجعين وايد

وتحياتي

[المـلقب بالخطير]

السلام عليكم ......

أخوي latias :

ماذا تنصحوني ان اختار لMY TEAM

أول شيء تنقية الفريق (البوكيمون ) يعود الأمر للاعب ...... لأنه هو المخطط للهجمات التي تناسب فريقه + اثبات قوة مهارة اللاعب ....... أما إذا كنت تسأل عن الهجمات .... فمعك حق ..... فالهجمات كثيرة .... والواحد يمكن يندم إذا فاتته هجمة رهيبة ..... لذلك عندك أخونا Blazy .... هو اللي سوى موضوع خاص للهجمات .

أخوي الكستن :

كيفكم اخواني
كيفك يا الخطير كيف السفر
الحمد الله على السلامة ومشكور على ردك
بس ابي اعرف ادا ممكن انقل البوكيمونات من كريستال الى روبي/سفير
وكيف طريقة النقل ادا ممكن
وتحياتي

الحمد لله على السلامة .....وآسف إذا لم أفدك في شيء .....

وكما قلت لك :

تبني فرقة محترمة في بوكيمون ريد وبلو .... وترميه في الزبالة ..... بسبب عدم امكانية نقله للأجزاء الجديدة .

لا يمكنك أن تنقل أي بوكيمون .... من جميع أجزاء الذي في الجيم بوي كلر .... كرستال ، سلفر ، جولد ..الخ .

2-Nosepas سمعت انه بكسر الحجر في كهف الجرانيت بس انا كسرت كا الاحجار ولا طلع لي غير جيودود

أنا لا أذكر الآن اسم المدن ..... لكنني سوف أوضحها لك ..... اذهب لمدينة الوسام الثاني .... هناك ستجد كهف ... ( ستحتاج إلى ثلاث بوكيمونات: بوكيمون كشاف يستخدم هجمة Flash لكي ترى الطريق .... وبوكيمون آخر من النوع الناري ... ضعه في المقدمة .... وبوكيمون يكسر الصخور بإستخدام Rock Smash....) والآن ابحث في الكهف عن تلك الصخور لكسرها ..... وقد يستخرق البحث عنه .... مدة ساعات ... لذلك .... استغل الوقت بالزراعة .

1-Slakoth (اللي يشبه القرد)

شفت مدينة الوسام الخامس .... اتجه غربا .... إلى أن تدخل الغابة .... أذكر أنني وجدته في تلك الغابة .

لمزيد من التفاصيل .... عن أماكن البوكيمونات لأي أجزاء البوكيمون الجديدة ..... سواء في روبي أو سيفير أو فاير أو ليف :

اضغط هنا

وطبعا أخونا بوكي مان ماقصر في المساعدة

مشكور اخوي الخطير
انا حاولت بس ما نفعت معي
بحاول مرة ثانية وبشوف
تسلم انت وكل اهل السعودية
(على ما اظن انك سعودي)

آسف أخوي إذا ما قدرت أسادك في شيء .... تسلم لي أخوي .... وهل أنت من السعودية ؟ مثلي

أخوي Poke-Man :

مشكور أخوي على المساعدة

طيب يالخطير اي النسخ افضل روبي او سفير خلاص بشتري شريط اصلي و ابي رايك

أخوي ؟؟؟ مع أنك سؤالك قديم .... إلا إنه لا يفيد ؟؟؟ مع احترامي الشديد ... أخوي ... هذا رأيك الخاص ... أما أنا .... اشتريت بوكيمون روبي لأن البوكيمون جرودان عاجبني ... ومع هذا .... دبرت نفسي .... وحصلت على بوكيمون سيفير .... من أحد أعز أصدقائي ... ختمته لما قلت بس ... يعني في الأخير ..... ستحتاج للإثنين .

و ممكن تقولي البوكيمونات الي احصل عندهم yellow shard green shard

أعذرني أخوي على عدم التذكر بأماكنهم .... لكن ستجدها أغلبها في المحيط ....

أخوي heardy boy :

هلا أخوي هاردي .... الحمد لله على السلامة ...

هلا يا الخطير كيف حالك ( ما روحت عن الجزء القديم إلى الجزء الجديد) الصراحة الموضوع جديم و لو تسوي عن فاير رد أحسن(معني ما ألعبه) بس البوكيمون على الجيم كيوب مرة مصخرة
يلي باي إذا شفت الرد اكتب أي شيء عشان أعرف أنك قريته

بالنسبة للجديد ..... ما لعبت فيه حتى الحين .... ولا أريد أن أضع معلومات ما أعرف عن هنا شيء .... أما على الجيم كيوب ..... كنت سوف أتكلم عن أسرار اللعبة .... لكنني لن أكتب قبل أن أمسك البوكيمون HO-OH..... أنا مسكت كل البوكيمونات في اللعبة .... وفزت في طور المئة لاعب .... ومع ذلك كيف أستطيع أن أقابله ؟

هاه يا أخوي ..... رديت علشانك ..... ونشوفك على خير.

والسلام عليكم ....

الكاتب : المـلقب بالخطير.

[heardy boy]

هلا أخوي

أصلاً الجزء الجديد مب حلو لأنه مُل تكملة الأجزاء إلي قبله و أنا قريت في موضوع أنه بينزلون جزء جديد