ديوانية استراحة المنتدى ..

[HIROSHI_11]

ليه على راسه ريشة و الا شلون ؟!
بعدين وش قصدك
اسلوبي فاشل لها الدرجة ؟

لا ما قصدت جيه والله..
بس لأنه تعابيره خرافية..اكيد الحين يكح..اقول غريب اشرب ماي ولا بتنتهي بالمستشفى..خخخخ

محاولتك خطيييييرة ضحكت من خاطر..يعني فيه امل توصل له..وتتفوق عليه بعد..

[Electro M]

طيب وين موضوع ميستا؟
عطيني وصلة له

تعرفين توني راجع و كل شي متغير
فطبيعي اتنح شوي

[HIROSHI_11]

ياااااااي لخبطت.. كله من غريب..
اقصد موضوع مادا مادا صديق ريوما العزيز..

تحرير:
اسمه والله فيني الضحكة...بس اعكسها..

[Electro M]

قريته
وشفت المناحة اللي صايرة هناك
و واحد يقول لا تشاركون ترى الدايركتور بياكلكم ان حس انكم موافقين

احنا نشارك عشان الدايركتور و الا عشان الاعضاء اللي هنا؟
صحيح ان 3 ارباعهم توقفوا
لكن الايقاف للجدعان و كلها 3 ايام

هو اللي لاحظت ان مادا يتكلم عن نقطة ان في اعضاء ما يشاركون
لكن يتابعون المنتدى
في هالنقطة انا ما اشوف ان لها فايدة
اللي يتابع بس ما راح ينفعنا نبيه يشارك
لو شارك ما كان لقى داريكتور عذر انه ينقله
و ايضا اذا كان خايف عليهم يضيعون في المنتديات
فالمثل يقول
اللي يسأل ما يتوهش

[HIROSHI_11]

صح لسانك خيو..
الأعضاء مب مقتنعين بالفكرة..ويمكن ما يبون يقتنعون اصلا..
مب متقبلين الفكرة كلها..

وهذا اللي يبينا ما نشارك..انا فكرت انه عضو قديم بمنتدى الألعاب..عشان جيه يقول هالكلام..
يالقرصان على قولة دويل اللي ما يعرف ما يتفلسف..

[Electro M]

.زين ذكرتيني
اخيرا شفت بيرزون بريك اللي ازعجونا فيه الشباب
اول 7 حلقات جابت لي النوم و بغيت ما اكمله
لكن لما بدا الحماس بعد الفوضى اللي صارت في السجن بصراحة تعلقت فيه

بس في شي رفع ضغطي
المحامية عندها عين اكبر من الثانية
و المخرج فرحان كل ما جت لقطة لزق الكاميرا في وجهها كأنه يقول كاد المريب ان يقول خذوني
بالاضافة الى اني كنت معجب بشخصية تي باق
مصرقع الواد
و الممثل ضبط الدور بغض النظر عن سوء الشخصية


لكن مع احترامي
حماسي مع لوست في الجزء الاول كان اكبر منه و ما اشوف ان فيه مقارنة حتى
كل احداث الجزء الاول كانت تلفت انتباهك
انا اذكر في احدى الحلقات الاولى من كثر القرق جلست اقلب في ملفات الكمبيوتر انتظر يصير شي مهم عشان اتحمس

باختصار اللي يبي يشوف بريزون بريك لا يحط في باله ان المسلسل بيكون حماسي من بدايته مثل لوست
لازم يصبر عليه شوي
بالاضافة الى ان الاخ الصغير اللي يخطط لعملية الهرب ما هضمته

[Yamato]

سون اوف لوبريكيشن..
تعليقي... >>>
ياخي لو قلت شي بخدش الحياء العام في القسم العام


عماد الدين سلفرراج..
حيالله ياللي غاب ورجع بعد ما طارت الطيور بارزاقها.. يا ليتك كنت موجود.. عالاقل كنت تقدم نفسك مرشح اول للرقابة هنا.. ما دام انه دايركتور شافني ما استاهلها..

بس كلامك هدا نفسي نوعا ما.. يعني راح اخذ برايك عن القسم.. وبمشي معك.. بس بظل اريد راس دايركتور

[Electro M]

الله يحييك و يبقيك
طيب باركت لك على الملكة ليش ما تقول الله يبارك فيك و عقبى لك و الا ما تبي الخير لي ؟!

اما الارزاق فنعم الارزاق الي فاتتني
احلا شي اني تأكدت على الاقل ان مشاكل المنتدى العام موب كلها من تحت راسي <== يحب يطالع الجانب المشرق في كل شي

بعدين من قال اني بقبل اصير مراقب؟
اولا دايركتور ما راح يقبل بتعييني لانه يعرف ان اتجاهاتي تختلف كليا عن اتجاهات الادارة
ثانيا انا ما اقبل اصير مراقب على فاشوش
يعني فيه راتب اهلا و سهلا ما في راتب ليش ازعج نفسي و اتعبها في متابعة الناس على الفاضي؟!

[Yamato]

عماد الدين كبيرخان..
سوري نسيت (كذاب).. الله يبارك فيك وعقبال ما تحصل اللي تغنيك عن كل صاحبات السيقان امثال سكارليت ونعومي بنت واطسن

ياخي اقبل واحنا بندفع لك

[Electro M]

انا قابل من عمري 11 سنة

[Black Box]

والله فيني العبرة مادري شقول >.<

من 2002 وأنا ما بقى عضو بالمنتدى إلا تهاوشت معاه.. ما بقى عضو ما دخلت في نقاشات غبية معاه.. حتى العضوات ما سلموا مني وهذي آخرتها >.<

والمصيبة أنه فيه ناس عاجبها الوضع.. الحين أحس أني زي المصرقعين والحشاشين وإلى آخرهم وصار منتدانا يعتبر ترفيهي , حلاة المنتدى يوم كان خاش عرض في منتديات الألعاب >.<

الله يهديك يا مراقبنا The Dictator بس! , لو مقفلين المنتدى ومخلينه زي منتدى السيجا أرشيف بس كان أحسن.. على الأقل نتذكر اللحظات الرائعة والهوشات الجميلة اللي كانت موجودة هنا

آخرتها المنتدى العام لمنتديات الألعاب (يا زين هالإسم ويا محلى نطقه ) يصير استراحه >.<

[Black Box]

الله يبارك فيك وعقبال ما تحصل اللي تغنيك عن كل صاحبات السيقان امثال سكارليت ونعومي بنت واطسن

مداخلة: نعومي بنت واطسن محجوزة لي.. لحد يقرب منها >.<

[asf4ever]

ياخي الحين نقل القسم وغير إسمه بالمزاج
شو يضمن إنه ما يشيله بكبره بمزاجه
وشي ثاني..
يا ليت حد يسوي موضوع مخالف نبي نشوف مراقبنا

[Yamato]

عصفور..
ياخي انت توووحفة...
مراقبنا وينه <<< متحمس واااايد

[asf4ever]

مراقبنا...أنا ما أحبك>>>أونه رد مخالف
الحين بيي
وشحالك بعد ياموتو
ووينه إنسان ما سمعنا أخباره من زمان