قهوة WoW .. :P

[Jeremie]

Darkitp مافيه إمكانيه بالمستقبل يصير فيه شات بالمنتدى ... قلبنا المواضيع شات... موضوع القهوة هنا أحس إنه أكثر موضوع شغال بهل الطريقه بالمنتدى..

[Karazhan]

في شات صوتي و كتابي

انا تعبث لي افتر مخي

20 اختيار و كل واحد له شغله

بس انا احاول اني اخلي اللون ما يعور العين , يعني اللي يدخل بروفايلي ما تعوره عيونه نفس بروفايلات شفتها من ادخل لازم نظاره شمسيه

و الكلام يكون مو واضح بسبب الخلفيه اللي يحطونها

انا عملت الخطه هذي بس المشكله ما تنجح بالزمن هذا لأنهم يبون حركات و سوالف

شرايك

اعطيك حسابي تحط صوره حلوه و مرتبه على كامل الخلفيه و الوان تكون مريحه للعين

اعطيك اكاونتي ؟

انا عطيتك اكاونتي باللعبه و ضربته علي و بعدين ضربتوا علي اكاونت لوعه الفرقا

لا خلاص لا اعطيك ولا تعطيني

وتروح تشوف الرسايل و تفضحني وتفضح الناس

[Karazhan]

عندي استفسار اخي الفاضل دارك

الحين شلون الواحد يفوز بالمسابقه , يعني تصويت اعضاء على اجمل بروفايل او الاداره تختار الاجمل وتعطيه الجائزه

او في اعضاء مهمتهم يعطون اصوات للبروفايل الفائز

عشان نعرف اذا احتاج اسوي دعايه انتخابيه بتوقيعي و اجيش الجيوش عشان يعطوني اصواتهم

[Karazhan]

تعبثت لين عفس كل شي

من سمعت وسام وانا مو على بعضي

انا اقول يشيلون سالفه الاوسمه اللي تربكني ونفتك

[Yoshi]

هههههههههههههههههههه انا اشهد

صارت الأوسمه تربكك اكثر من الحرمه لوووووول

[Karazhan]

انا خلاص ضبطت نفسي و مضمون الكأس لي

وماراح اخذ وسام راح اخذ اثنين

واذا ما فزت يعني في شي او تزوير

يا انجح او تزوير

[Karazhan]

اسلام عليكم ورحمه الله وبركاته

اخواني واخواتي

الملك طلب مني اني اقولكم لا تخلوني

في مسابقه اجمل بروفايل , انا مشارك فيها

ما اوصيكم , الحاضر يبلغ الغايب

ماادري شلون راح يكون التصويت , يمكن الاداره تحط لجنه تحكيم

ويمكن يحطون استطلاع و يحطون اسماء المشاركين والكل من الاعضاء يصوت

ان كانت لجنه من الاداره فلا حول ولا قوه الا بالله

وان كان تصويت من خلال استطلاع فأنا اناشدكم براس الملك انكم تعطوني اصواتكم سنغل

عشان افوز واخذ الوسام ونقاط

اللي عنده عيال عم و عيال خال و عمه و خاله يقولهم يسجلون بالمنتدى عشان يصوتون

والتلاميذ اللي يدخلون بدون تسجيل و يكونون مشاهدين فقط انا اطالبهم بالتسجيل عشان التصويت

والبسطويسي والشبيحه يكونون حاضرين

وكل واحد تعرفونه ترك المنتدى تدقون عليه عشان يرجع للتصويت

يعني بالعربي اناشد التلاميذ والمخلصين من الصحرا الى الصحرا انهم يصوتولي بالمسابقه

حتى لو بروفايلي سكه و في احلى منه , ان قالوا ليش تعطونه و في احلى منه , قولوا اهو مقبول ولكن اللي شجعنا للتصويت ان فيه نشاط

عكس البروفايلات الثانيه اللي كلها سوالف بين الاعضاء او روابط داخل المنتدى و دعايه لمواضيع

اما بروفايل المندوب فيه علم و فن وهندسه , في افلام وثائقيه و رسومات متحركه و كوميديه وغيره

يعني اللي يدخل يستمتع , غير السوالف اللي فيه

خلوا هذا عذركم

طبعا ان كان التصويت مفتوح للكل

اما ان كان حصري للأداره فأبشروا اني خارج المنافسه من الحين


لا تنسونا من خالص دعائكم

يارب افوز

هههههههههه

الحاضر يبلغ الغايب

[darkitp]

بخصوص الشات يا جرمي , ترى القهوة هو الشات أو مجلس الالعاب أو مجلس الترفيهي أو مجلس كمال الاجسام .. إلخ ..
فما فيه داعي نشتري سكربت ثاني للشات علشان يدخل علينا علان و فلان و يسوي زحمة في مكان اصغر من المنتدى

بخصوص القوانين ترى انا ما جهزت شيء .. لهذا قلت اضبط الامور مع المميزين بعدين نستبشر في الاعضاء المشاركة ..

هالحين خذوها على ان ما فيها قوانين .. و التصويت للجميع ..
بعد هالفترة يمكن نحط قوانين و إلخ , و نخربها عليك يا ابو شنبات

[Karazhan]

دام مفتوح اشوه

يلا ياجماعه الملك ومندوب الملك ينادونكم

لا تنسوني ياجماعه , انا حبيبكم تذكروني ؟ انا ولد بطنها التقليد هاهاها الله يقطع ابليسكم

اي اي انا يعني وين بروح منكم يعني

شلونكم وشخباركم ياجماعه

انا الحين مشارك في مسابقه اجمل بروفايل , و محتاج بس دزه خفيفه منكم

ناخذ الوسام وبعدين يحطون شروط تعجيزيه و عادي مو مشكله لو نسقط , اهم شي ناخذ الاول قبل الشروط ونفتك

مااوصيكم , اخوانكم عيال عمكم عيال خالتكم جيرانكم , ربعكم بالدوام

جيرمي كلم عيال الشرقيه , دق على وورشيف يصوت ويرجع ينام

لوعه الفرقا او الراقص مع الالعاب ما اوصيك عيال الرياض

كراي مااوصيك عيال جده واهم شي بوحا تدق عليه

بعد منو

وانت رايح تتزوج بالطايف بلغ عيال الطايف بدربك مره وحده

مااوصيكم ياجماعه

انتوا لازم توقفون معاي , لأن انا منكم وفيكم , انا مرشح من قسم ووركرافت يعني انتوا لازم توقفون معاي

اللي يدخلون زوار اتمنى يسجلون عضويتهم عشان يصوتون

ياجماعه انا طالبكم لا تخلوني , دقوا على جرومكس و ديروفر

اللي عنده لسته ارقام الشباب يحطها هني عشان ندقدق عليهم واحد واحد

ياجماعه وراس امكم عطوني اصواتكم , لازم تصوتون


باجر راح القي خطاب ان شاء الله

الحين انا مازلت سهران و دايخ حدي , لا تخلوني

ترى يوشي نازل بعد , لا تعطونه صوت لأن عمره ما عطاكم وسام , انا اللي طالبت بأوسمه و عطيتكم اوسمه بعد الثوره

ضحيت بعضويتي واوسمتي عشانكم

الحين مابي منكم الا صوت , لا يقص عليكم يوشي و يقولكم عطوني اصواتكم واعطيكم اوسمه , ماكو اوسمه , لا تترجون منه شي

لا تخلوني ياجماعه

اخوكم مزنوق


باجر نكمل

[Karazhan]

يوشي قبل انام

انسحب من المسابقه واعطيك 500 جولد

[Rshaman]

ولد بطنها صوتي لك وفالك البيرق هههه

سؤال خارج موضوع المسابقة .. شنو الفرق بالـping عند كيمز مابين الفايبر والعادي !! هل فيه فرق كبير ولا نفس الشيء ( الحقك وين ماتروح )

الى الآداره مع التحية .. ولد بطنها مشرف ممتاز وكفاءه يتواجد 24 ساعة يوميآ .. ويستحق الأشراف

[Yoshi]

500 بس شنو فقير انت ؟؟؟

عندك ملايين القولدات وتعطيني بس 500 اتقى لله ياشيخ

البوت حقك شغال 24 ساعه 7 ايام في الأسبوع شتبي بالهفلوس جامعها على قلبك
وزع على الفقراء والمساكين في اللعبه مثلي وجيرمي خلك كريم

[Karazhan]

1000 وانسحب

رستو انت لما الحين على الاشتراكات والبتج

شوف الاشتراكات نفس السعر , يعني لاتقول اشترك dsl ارخص من الفايبر , اثنينهم نفس السعر

لكن اذا عشان انت ماعندك بكس الفايبر او لما الحين ما توصل , فماكو فرق بين الاتشراكين من ناحيه السرعه + البنج

انت شفت البنج عندي مايتجاوز 9 وهذا تحصله عند كيمز بس , اما باقي الشركات يوصل 40 يمكن و شركات الاتصالات يوصل 100 وانت صاعد

يعني كيمز الافضل للألعاب و فايبر او دي اس ال نفس الشي من حيث الشكل والتطبيق , اللهم الا ان الفايبر كيبل جديد و حجمه اكبر والياف بصريه ويستقبل سرعات عاليه , يعني لو الله عطانا عمر وعشنا الى عام 3670 ميلاديه و طلعوا بالزمن هذاك ناس شرفاء واعضاء مخلصين يهمهم الشعب

ويحطون اشتراكات جديده سرعتها 100 جيجا , راح تشترك وانت مطمن على الفايبر , اما الخط العادي ماتقدر

هذا الفرق بين الفايبر والدي اس ال بس




المسابقه عن اجمل بروفايل , مو انتخابات مشرف

لا تفضح مخططي الخمسيني

[darkitp]

^

يوشي الرشاوي ممنوعة و فيها طرد , لهذا اقولك لا تقبل باقل من 5000 جولد ..

1000 = رشوة
5000 = اقناع بانسحاب ..
5 مليون = وسام و منصب إداري ( امزح ... )

[Karazhan]

هاهاها انا ماقلت هاهاها رشوه هاهاها

اهي دفعه بلا

امس تعرجبت بغت تنكسر رجلي لكن طلعت سليم , وقلت اول شخص اصادفه بعطيه جولد وطلع يوشي بوجهي

3000 وانسحب