|| .. رابطة عشــاق (الملكي ) ريـــال مــدريـــد .. ||

[iSRT8]

إي طبعا الموسم المقبل , يقولك الماركا يقولون إنه الملعب جنه حقل بطاط لول , شوف الصورة هذي xD

خخخخخخخخخخخخخخخخخخخخخخخخخخخخخخخخخخخخخ
عجبتني هذي " حقل بطاط "

الله يستر بدت لمبارات والارضيه الله بالخير ..!

[iSRT8]

3 أنذارات على لاعبي مدريد .. مقابل 3 لمسات باليد لخيريز والحكم ماحسب شي ..!

لا مترقعين من الارضيه ولا من الحكم ,,

[iSRT8]

3_0 مدريد
دقيقه64 .. اربيلوا
دقيقه69.. ك.رونالدو
دقيقه70.. ك.رونالدو

[iSRT8]

مبروك الفوز بالثلاثه .. مبارات كانت شوي سخيفه بالشوط الاول وبداية الشوط الثاني والارضيه متعبه جداً
بعدها شوي اللاعبين تحرروا من الرقابه وصار اللعب حلو ..

3 انذارات كانت من نصيب .. راموس و اربيلوا و لاسانا
التبديلات
الونسو بـ محمد ديارا
هيقوين بـ راؤول
كاكا بـ درينتي


بالتوفيق امام ليون وان شاء الله يكون اللعب قوي ^_^

[Tockuchi]

مبروك الفوز شباب , و شكر خاص للأخ CHaRGeR SRT8 على التغطية + ليلحين مو مقتنع بلعب كريس و هيجوين معا في الهجوم , أفضل هيجوين و وراه كاكا و فارت يكون صانع ألعاب و كريس يكون جناح وسط أو جناح مهاجم

[iSRT8]

الله يبارك فيك .. والعفو حبيبي ,,

بخصوص رونالدو وهيقوين .. انا اشوف انهم زينين اذا كانو راس حربه وتبادلوا المراكز .. او رونالدو ينزل ويروح عالاجنحه وهيقوين يضل راس حربه صريح ,,

والجار أتلتيكو مدريد سواها وفاز على برشلونه .. والفارق الى نقطتين

إن شاء الله يستمر هالتألق .. والدفاع يضل ثابت ومانبي هفوات ومشاكل منه ..!

[Tockuchi]

مبروك للجميع تقليص الفارق
أهو المشكلة هيجوين لمه يكون بروحه صعب عليه يأدي زين لأنه كان متعود إنه وياه واحد يسانده , يعني لو تلاحظ بنزيما و هيجوين اب كل المباريات الي لعبوها ويا بعض تلقى الفريق كان لاعب أحسن مبارياته لأنه طريقة لعبهم متشابهة و قريبين يم بعض عكس رونالدو الي يتحرر من الهجوم و يرجع للوسط و خاصة يروح للأجنحة لأنه هذا اهو المكان الي يبدع فيه

[Tockuchi]

القائمة المستدعاة لملاقاة ليون

الحراسة : كاسياس و أدان

الدفاع : أربيلوا , ألبيول , راموس , جاراي و مارسيلو

الوسط : كاكا , ألونسو , ديارا , جاجو , ديرنثي , لاس و جرانيرو

الهجوم : رونالدو , راؤول , هيجوين و بنزيما

الأخبار المفرحة : عودة بنزيما من الإصابة

الأخبار المحزنة : غياب كل من جوتي , فارت , متزيلدر و دوديك بسبب الإصابة

[THE ROCK IS THE BEST EVER]

مبروك للجميع تقليص الفارق

الله يبارك فيك

بالتوفيق للملكي غدا ضد ليون

[Tockuchi]

التشكيلة الرسمية لريال مدريد

كاسياس

أربيلوا - راموس - ألبيول - مارسيلو

ألونسو - مامادو ديارا
جرانيرو - كاكا

هيجوين - رونالدو

[Tockuchi]

هاردلك شباب على الخسارة
أداء سيء جدا و مالي خلق أكتب السلبيات اب صراحة!! + غياب مارسيلو و ألونسو عن لقاء الإياب

[Tockuchi]

حان وقت كتابة السلبيات لول

1- إشراك ديارا من البداية رغم إنه لم يلعب دقائق كثيرة منذ عودته من الإصابة , صحيح إنه مممكن نستفيد من جسمه و طوله لاكنه بطيء الحركة و كذلك تمريراته , فأعتقد إنه كنا نحتاج لاس أكثر منه لأنه لاس سريع الحركة و دايما يضغط على المنافس و هو لاعب مقاتل و باصاته سريعة.

2- وضع هيجوين و رونالدو في الهجوم وهذا ما دائما أعارضه و كما وضحت سابقا فأنا أشوف رونالدو أفضل بكثير بأن يلعب كجناح مهاجم أو جناح وسط وأحيانا خلف المهاجمين و ليس كمهاجم صريح علأقل كان المفروض يبدل جرانيرو و يدخل بنزيما أو راؤول و يصير الهجوم رونالدو و أمامه راؤول أو بنزيما و هيجوين.

3- هيجوين ألاحظه إنه ما يلعب عدل في المباريات الي تكون في ملعب الخصم و ساعات ما يركز في الباص أو التسكين , يمكن لأنه يكون بروحه بالهجوم و رونالدو يكون راجع , فالأحسن إنه بنزيما و هيجوين مع بعض لأنه طريقة أدائهم مشابهة لبعض و دائما يكونون قريبين من بعض , و هذا ما ذكرته في السابق أيضا.

[Tockuchi]

غياب ألونسو و أربيلوا عن الفريق في مباراة الإياب أمام ليون في البرنابيو بسبب تراكم البطاقات الصفراء

[legendforever]

مرحبا انا جديد في قسم في الرياضة
بس قلبي ملكي من سنة 2000 اشجعه


بالنسبة للمبارة فعلا كانت سلبية والسلبيات نفس ما قلت انا متفق في اغلبها

بس ما مشكلة في امل ترى 1-0 نتيجة عادية

يقدر الريال يحسمها على ارضه

[Tockuchi]

^^^^
حياك الله
مو المشكلة عقدة دور 16 ما أتمنى تتكرر خصوصا هذي السنة

[THE ROCK IS THE BEST EVER]

هارد لك شباب على الخسارة

مو المشكلة عقدة دور 16 ما أتمنى تتكرر خصوصا هذي السنة

من جد

حتى انا ما اتمنها تتكرر

[iSRT8]

هاردلك شباب على الخسارة
أداء سيء جدا و مالي خلق أكتب السلبيات اب صراحة!! + غياب مارسيلو و ألونسو عن لقاء الإياب

تقريباً كنت مثلك محبط .. انا ما همتني النتيجه .. صحيح ان خسرنا 1-0
بس المشكله باللعب ..!

نقاطك الي ذكرتها صحيحه بس لا تظلم ديارا .. كان من افضل اللاعبين ,,

بس
هل ان بلقريني مدرب سهل .. وبيول مدرب ليون قدر ان يقرأ افكاره ووخطته وتغلب عليه ..!

وثاني شي .. مدريد يفقتد للروح .. ويفقتد للاعب الي عنده روح مدريد .. او اللاعب المخضرم الي يلعب بمدريد من زمان ..
مثل بيرلو بالميلان .. ودل بيرو باليوفي ..
مثل جيرارد بليفربول ووو إلخ

فـ الله يستر من دور 16 ..!

مرحبا انا جديد في قسم في الرياضة
بس قلبي ملكي من سنة 2000 اشجعه


بالنسبة للمبارة فعلا كانت سلبية والسلبيات نفس ما قلت انا متفق في اغلبها

بس ما مشكلة في امل ترى 1-0 نتيجة عادية

يقدر الريال يحسمها على ارضه

حياك الله اخوي ..
صحيح ان النتيجه عاديه .. بس المشكله بالفريق نفسه
يعني ممكن انهم يلعبون بنفس المستوى وبنفس الهفوات من الدفاع والحارس والاطراف

وانت عارف بالمواسم الخمس الي طافت بدور 16
الفرق الي تقابل مدريد .. كانت تقريباَ بعيده عن المراكز الاولى في دورياتها
مثل روما واليوفي والبايرن والليفر .. وليون معاهم ,,

بس نتمى من المدرب ان يلعب بخطه جيده جدام هالفرق .. وإحنا متفائلين ان شاء الله ,, <<<

[Tockuchi]

تقريباً كنت مثلك محبط .. انا ما همتني النتيجه .. صحيح ان خسرنا 1-0
بس المشكله باللعب ..!
فعلا اللعب ما كان زين و ما حسينه إنه كنا نستحق الفوز!.


نقاطك الي ذكرتها صحيحه بس لا تظلم ديارا .. كان من افضل اللاعبين ,,
بس لو كان أكثر جهازية مثل لاس كان بيقدم أفضل.

بس
هل ان بلقريني مدرب سهل .. وبيول مدرب ليون قدر ان يقرأ افكاره ووخطته وتغلب عليه ..!
بليجريني مو سهل و مدرب حازم و تعامل مع ظروف صعبة رغم إصابات اللاعبين , مدرب ليون ضغط على فريقنا بطريقته و ماخلانه نستلم الكرة اب راحة عشان جذي معظم الباصات غلط لأنه الفريق مو متعود إنه الفريق الي ضده يضغط عليه و بعد ترى إنه تكون صاحب الأرض يسهل عليك و يصعب على الفريق الي ضدك.

وثاني شي .. مدريد يفقتد للروح .. ويفقتد للاعب الي عنده روح مدريد .. او اللاعب المخضرم الي يلعب بمدريد من زمان ..
مثل بيرلو بالميلان .. ودل بيرو باليوفي ..
مثل جيرارد بليفربول ووو إلخ
راؤول و جوتي و فارت هم الي أراهم يلعبون بروح مدريد هالموسم , أعتقد إذا لعب فارت راح تلاحظ اللعب جميل جدا و لا يتوقف و حركات و كعب و إلخ... و صنع الكرات الخطيرة للفريق.

فـ الله يستر من دور 16 ..!
إي والله , خايف ما تنفك العقدة

..............

[iSRT8]

بليجريني مو سهل و مدرب حازم و تعامل مع ظروف صعبة رغم إصابات اللاعبين , مدرب ليون ضغط على فريقنا بطريقته و ماخلانه نستلم الكرة اب راحة عشان جذي معظم الباصات غلط لأنه الفريق مو متعود إنه الفريق الي ضده يضغط عليه و بعد ترى إنه تكون صاحب الأرض يسهل عليك و يصعب على الفريق الي ضدك.

انا معاك بكلامك .. بس الكامب نو من اقوى الملاعب وفوق هذا كنا نلعب ضد برشلونه افضل فريق بالعالم حالياَ .. ومع كل هذا .. قدرنه ان نسيطر على اغلب اوقات المبارات واللعب كان ممتاز
ما نقدر نحط العذر بالغيابات .. لأنه الموجودين امس كانوا لاعبين ممتازين .. بس فقدنا الروح وفقدنه اللاعب الي يقدر يحرك ويشجع الفريق ,,

راؤول و جوتي و فارت هم الي أراهم يلعبون بروح مدريد هالموسم , أعتقد إذا لعب فارت راح تلاحظ اللعب جميل جدا و لا يتوقف و حركات و كعب و إلخ... و صنع الكرات الخطيرة للفريق.

صل عالنبي ياخوي ..!
راؤول اسمحلي .. حتى لو قلت خبره .. بطيء
وقوتي ممتاز مع الفرق لصغيره .. بس المبارات الكبيره .. بسهوله ينطرد ويكون معصب ومزاجي ويخرب عالفريق
بس فارت صراحه احترمه هاللاعب .. أكثر لاعب مظلوم ومن افضل اللاعبين
ان شاء الله يرجع ونشوف المستوى احلى واقوى ,,

إي والله , خايف ما تنفك العقدة

دام ارتحنا من عقدة الريازور .. إن شاء الله راح نتأهل ونفتك من هالعقده ,,


بالتوفيق للريال ضد فيا ريال ,,

[Tockuchi]

انا معاك بكلامك .. بس الكامب نو من اقوى الملاعب وفوق هذا كنا نلعب ضد برشلونه افضل فريق بالعالم حالياَ .. ومع كل هذا .. قدرنه ان نسيطر على اغلب اوقات المبارات واللعب كان ممتاز
ما نقدر نحط العذر بالغيابات .. لأنه الموجودين امس كانوا لاعبين ممتازين .. بس فقدنا الروح وفقدنه اللاعب الي يقدر يحرك ويشجع الفريق ,,
بس مباراة برشلونة و الريال غير عن كل المباريات , برشلونة كان تحت ضعط أكبر من الريال كونه مطالب بالفوز لأنه المباراة على ملعبه , يمكن ما يكون عذر هذا لاكن المدرب أكيد إهتمامه كان أكثر بكثير من إهتمامه بمباراة ليون , و أعتقد إنه كان ماخذ الثقة بالفوز على ليون لاكن مدرب ليون فاجأنه بأسلوبه باللعب.


صل عالنبي ياخوي ..!
راؤول اسمحلي .. حتى لو قلت خبره .. بطيء
وقوتي ممتاز مع الفرق لصغيره .. بس المبارات الكبيره .. بسهوله ينطرد ويكون معصب ومزاجي ويخرب عالفريق
بس فارت صراحه احترمه هاللاعب .. أكثر لاعب مظلوم ومن افضل اللاعبين
ان شاء الله يرجع ونشوف المستوى احلى واقوى ,,

اللهم صلي و سلم عليه
راؤول صحيح بطيء لاكن شوف شلون يتمركز صح و شلون يخلصلك الكرات و كذلك يرجع للوسط حتى يصيرون لاعبين الريال أكثر عدد من الفريق الخصم غالبا و هذا يعطي حلول أكثر و الشيء الي قلة القليل من اللاعبين في العالم هو توقعه لأي شيء مثل ما حدث في مباراة ميلان عندما سجل الهدف الأول عن طريق توقعه لشيء يحدث من الحارس و فعلا ولاحظ قربه من الحارس في أي مباراة.

جوتي , بهالفترة أعتقد يقدر يسوي أي شيء لتألقه و عودة ثقة الجمهور و المدرب به , وهذا الي لاحظناه في مباراته أمام الديبور و بلا شك كان أفضل لاعب بالمباراة و كنت أحس إنه في قائد بالوسط ينضم كل شيء , عكس مباراة ليون الي ماكان في تنظيم بالوسط و أغلب الباصات كانت خطأ و عدم التمركز الصحيح.

فارت إظلموه كثير خاصة وقت أول إصابة لرونالدو , كان يفضل جرانيرو عليه في وقت كان جرانيرو أسوأ اللاعبين في الفريق , و كان يدخل إحتياط و يأدي ساعات أحسن من اللاعبين الي إلعبوا المباراة كاملة!

دام ارتحنا من عقدة الريازور .. إن شاء الله راح نتأهل ونفتك من هالعقده ,,
إن شاء الله بإذن الله

بالتوفيق للريال ضد فيا ريال ,,
إن شاء الله يحققون الفوز

..........................