ميلس منتدى الألعاب العام -- اجازة صيفيه كشخه ووناسه

[smigle]

اللي يبي صوره يدخل موضوع من أنا...توني حاط صوره فرش لعضو بعد محادثه معه على المسنجر

[NsaN]

مبروك اسف و مارش..زين اللي خلصتوا و افتكيتوا..
ان شاء الله موفقين بالنتايج..

اليوم خذت Phoenix Wright..

توني خلصت القضية الاولى..The Game Is Soo Much Fun...

بس للحين ما قلت: OBJECTION!!

اصلاً يصير اقول باستخدام المايك يعني؟ و لا؟

[القــعـقـاع]

حبيبي جولدن:

طريق خريص من اشهر شوارع الرياض...اسال عنه او شوف اية خريطة و راح تلقاه وااااضح

[ثريول]

نمبر ون: سهم مصرف الريان وصل 15,6 .

نمبر تو: شفت أمس فلم Terms of Endearment, فلم جيّد جداً, لاتغركم الصورة اللي تخليك تاخذ فكره بأن الفلم خايس , لا, الفلم ممتاز وفايز بالأوسكار عن سنة 1983. فلم إجتمعاي كوميدي حلو, أعجبني أداء ديبرا وينقر, وتأثرت بالمشهد يوم تكون مريضة ويدخل عليها عيالها والياهل منكسر خاطره على أمه ومنقهر من أخوه الثاني لأنه مب مهتم .. كسر خاطري الياهل .

نمبر ثري: بما أن موضوع كأس العالم خاص بكأس العالم, وهالموضوع عام, عندي فيديو لقيته في النت كنت أدور عليه من زمان, هدف سنداي أوليش لاعب الأرجنتين على الأسبان سنة 98.. أنا ماقد شفت قول أقوى من هالقذيفة طول عمري, وإذا حد فيه قول في باله يشوفه أقوى خل يعلمنا .. المهم, هذا هو القول.

[Rory]

مبروك عصفور و Marche! بس مادري ليش.. أحس الثانوية العامة خلصو بسرعه هالسنه..

تصدق .. كنت بصور الرازبيري اللي كنت اشربه في ستار بكس .. بس قلت .. يمكن روري تتحسبني هبله ولا شي ×_×
فما صورت شي مول .. خلاص بنصور على اللقاء الثاني

الحين إذا إنتي طلعتي هبله أنا شو بكون بالضبط؟!!!
XD
خلاص ولا يهمكم ... في الـ second date ما بنخلي شي ما بنصوره..
الصراحه أنا كنت شوي مرتبكه بعد يعني مول ما فكرت إني أصور شي.. .___.

[SFS]

نمبر ثري: بما أن موضوع كأس العالم خاص بكأس العالم, وهالموضوع عام, عندي فيديو لقيته في النت كنت أدور عليه من زمان, هدف سنداي أوليش لاعب الأرجنتين على الأسبان سنة 98.. أنا ماقد شفت قول أقوى من هالقذيفة طول عمري, وإذا حد فيه قول في باله يشوفه أقوى خل يعلمنا .. المهم, هذا هو القول.

والله هالمباراة ليلحين بذاكرتي..

ما أنسى تعليق حماده امام..ويومها أذل النيجيريين الأسبان في الدور الأول..وحرموهم من الـتأهل..

يا ليت القول بتعليق حماده امام..

ويا ليت أيضا هدف بيركامب التاريخي على الأرجنتين بمونديال 98..لما سحبها من أيالا بطريقة خرافية..ويومها المعلق الاماراتي علي حميد بكى ..

أيام وذكريات ..

[Electro M]

عدوي اللدود إليكترا تشان يو ~

ههههههههههههههههههههههههههههههههههههه

تصدق في كذا واحد قالي هاللقب

بعديييييييييييين تعااااااااااااااااااااااااااااااااااال ؟؟؟
الحين سرت أنت تذب في ذوقي ؟؟؟

والله وودي أرد على ترهاتك وهرطقتك لكن المشكلة الوالدة في صفك وما نقدر نقول شيء ههههه

ههههههههههه طيب اسمع مني .. أنت يظهر إن مستواك في الأفلام بدأ يرتفع شوي ( وهالشيء ما أنكره لأن عجبك فيلم خلف خطوط العدو ) لأنك فترة ملصق فيني وشيء طبيعي يرتفع مستواك . عشان تشي أبغاك تروح تتفرج سكارفيس مرة ثانية وبدون ما تعد عدد الحراس

اصلا خلف خطوط العدو عاجبني من قبل لا اعرفك
بس ذكرته لانه قبل كم يوم جا على one
و الا ذوقي الحمدلله
اذا قلت ان الفيلم حلو مستحيل يختلف معي احد

انت اللي ماخذ مقلب بذوقك
و فيلم سلاحف النينجا عندي على DVD و متحسف عليه لاني ضيعت 800 ميجا على الفاضي عليه

[kirby64]

مبروك اسف و مارش..زين اللي خلصتوا و افتكيتوا..
ان شاء الله موفقين بالنتايج..

اليوم خذت Phoenix Wright..

توني خلصت القضية الاولى..The Game Is Soo Much Fun...

بس للحين ما قلت: OBJECTION!!

اصلاً يصير اقول باستخدام المايك يعني؟ و لا؟

e..تقدر تستخدم المايك ...@_@

اضغط Y بعدين قول Hold it ..او اختار present بعدين اضغط Y و قول Objection

تونس اللعبه صراحه @_@ انا الحين بآخر قضيه ...

[smigle]

اليوم خذت Phoenix Wright..

Is it that funny?

أنا مادري ليش ماكنت متحمس لها، بس بصراحه كلامكم يشجع.

يمكن بكرا أروح اشتري نيو ماريو بروس، عموما تنصحوني فيها وايد، يعني بالعربي مب خساره فيها 200 أو 180؟

[Marche]

البارحة سرت في Date ثاني ويا Asf
شفنا فيلم Da Vinci Code المعفن و رقدت أنا في السينما في نص الفيلم
إذا وافق الدب Asf إنا نحط موضوع عن الـDates الإثنين بنحط خصوصا إنه عنده الصورة مالت الـDate
الحين أبغي أشوف ناس ثانين مليت من Asf يا نااااااااااس

[asf4ever]

الله يبارك فيكم
وعن إنا للحين نمتحن فهذا لأنه في نظامنا التعليمي العزيز إمتحان آخر العام يكون بالفصلين ودرجته هي إلي تنحط في الشهادة بس

البارحة سرت في Date ثاني ويا Asf
شفنا فيلم Da Vinci Code المعفن و رقدت أنا في السينما في نص الفيلم
إذا وافق الدب Asf إنا نحط موضوع عن الـDates الإثنين بنحط خصوصا إنه عنده الصورة مالت الـDate
الحين أبغي أشوف ناس ثانين مليت من Asf يا نااااااااااس

مليت مني يالنذل@@
يا ناس البارح قاعدين في السينما وشوي أطالعه أشوفه @@
ومدامك مليت مني لا تسوي موضوع ولا حتى بتشوف الصورة

[Marche]

مليت مني يالنذل@@
يا ناس البارح قاعدين في السينما وشوي أطالعه أشوفه @@
ومدامك مليت مني لا تسوي موضوع ولا حتى بتشوف الصورة

لا خلاص اسمح لنا عاد :P

ياخي في رقاد و الفيلم ممل شو كنت تبغيني أسوي يعني @@؟

أفا, انته مول ما ينمل منك و والله لو تقول نسوي Date اليوم بعد مب مشكلة XD, بس أقول أبغي أشوف ناس زيادة ما شفتهم كمثال : Yamato
P.S : أي صور يالمفتري, كلها صورة وحدة ~.~

[~ SoKo ~]

اتصلي و بطلع بس نبغي مكالمات في النهار مب تتصلي الساعة 2 فليل مثل قبل << داش عرض

يمكن بكرا أروح اشتري نيو ماريو بروس، عموما تنصحوني فيها وايد، يعني بالعربي مب خساره فيها 200 أو 180؟

اللعبة تستاهل بس مشكلتها قصيرة -_-
عادي تخلصها في اقل من خمس ساعات اذا اختصرت

أنا حاليًا أحاول اكتشف كل شي فيها و ابحث عن النجوم << يحلل الفلوس

اللعبة تشبه لعبة ماريو الاصلية ايام زمان بس متطورة وايد و حلوة ، لا تفوتك

[Angel whisper]

مارشوه .. مب على اساس انكم بتشوفون اكس من 3 ؟

مبروك عصفور و Marche! بس مادري ليش.. أحس الثانوية العامة خلصو بسرعه هالسنه..


الحين إذا إنتي طلعتي هبله أنا شو بكون بالضبط؟!!!
XD
خلاص ولا يهمكم ... في الـ second date ما بنخلي شي ما بنصوره..
الصراحه أنا كنت شوي مرتبكه بعد يعني مول ما فكرت إني أصور شي.. .___.

uhhhhhhhhh يعني انا مب هبله؟
OK XD
اعتقد النظره الـblank اللي عطيتكم اياها يوم دشيتو ستار بكس توضح عدل اذا كنت انا مرتبكه ولا لا ..
فاذا انا اللي ويهي لوح ارتبكت شوي .. عيل انتي مسكينه شو ><
خلاص المره اليايه بنصورلهم كل شي .. وبنشوف حد يرمس ..
هاه نطلع باجر؟
*عيبتها السالفه*
وصح امتحانات الثنويه خلصت بسرعه ..

[NsaN]

كيربي

مشكورة..سويت الطريقة و نجحت..
بس ما قلت Objection..كله اقول Hold It..استحي

Smigle

اذا تطري NSMB فما اعتقد تحتاج حد ينصحك ابها..
اللعبة A Must..

واصل للزعيم الاخير..بس ما ابي ادخل عليه (زواج هب لعبة ) قبل لا احصل النجمة الوحيدة اللي باقيتلي..
بس بديت افقد الامل..هب قادر اييبها

و اذا تطري Phoenix..اللعبة تستاهل..
ممكن وقت الـInvestigation تحس بملل شوي..
خاصة ان اللعبة Text-Driven..
بس بمجرد ما تبدأ المحاكمة..حماس كبييييييييييير..

توني توووووني..خلصت القضية الثانية..والله ما تحس بالوقت..
خاصة الجلسة الاولى منها..Edge Of Ur Seat-Kind-Of-A-Situation..

و هذا Edgeworth الـProsecutor..ياخي اسميه متعب..كل ما تقول خلاص..بتخلص القضية..يطلعلك بشي يديد..
بهدلني..

حتى الكوميديا باللعبة حلوة..مش كثيرة..بس موجودة..و بشكل حلو..

بعدين ليش 180-200 ريال؟؟
ماريو خذتها بـ135..و فينيكس بـ125..

ويسبر

نسيت اقولج..
مشكورة عالاغنية..
عيبتني..بس شكل المطربة فيه شي غلط

دورت عالاغنية MP3 بس ما حصلتها

و الفيلم هذا على فكرة من اخراج ولد Miyazaki..
بنشوف كيف بيطلع..