قهوة WoW .. :P

[Karazhan]

هلا والله فاني

عسى دوم مو يوم تكونون بخير وعافيه , انت لما الحين لفل 85 ؟

تدري ان في توسعه نزلت اسمها باندا ؟ وصل اللفل 90 ؟

ادري مو مصدق بس والله نزل باتش جديد اقسم بالله و طلعت ديره جديده . انت شكل اشتراكك بطيئ حده ولما الحين تلعب لفل 85

لا يااخي روح اشترك ترى الاشتراكات الحين طاحت بالقاع

http://fasttelco.com/residential/gpon/

هذا الرابط اذا مو مصدق , لا و فايبر بعد , ال8 ميجا ب200 دينار عند فاستيلكو

طبعا واجد 8 ميجا اذا العاب , 2 ميجا كافي , انا 2 ميجا والعداد اخضر على طول 159 الهوم و 163 الوورلد و الاف بي اس 73 اللي اهو الفريم , جهازي ماك

طبعا ينزل اللاق يوصل 113 ويزيد 159 مع ان اول مره اشوفه 159 العاده 130

هذا 2 ميجا فايبر , وان شاء الله ان شاء الله اذا زادوا بدل اجار 100 دينار و الاولاد خلوهم 75 دينار بشترك 8 ميجا وادفع الفرق

بعد شنو
والله نسيت شبقول , لما اتذكر اقول

[FaneY]

هههههه هلا والله ,,,, لا ياقلبي انت انا لفل 90 فديتك والله ههههههه دايم دمك عسل

فاستيلكو مو شي وليم الحين ما شغلوا الفايبر بالقرين عندنا :>

[Karazhan]

السلام عليكم

شلونكم يالربع كيف حالكم ان شاء الله بخير

انا بحاول ارجع هالقسم شوي شوي لين ربك يفرجها و تنزل لعبه جديده خاصه من نفس الشركه و ماادري اذا يصير لها موضوع خاص مستقل او موضوع يتثبت

لكن بالوقت الحالي انا شفت ان القسم مات , و في ناس تسأل وبالغصب احد يرد , مع اني قطعت اللعبه لكن بحاول ارد على اللي اعرفه

انا حاليا راح اتواجد يمكن بشكل يومي مو اكيد , انا اضربت على الكلام ولكن شفت ان القسم يحتاج تنشيط , ومصلحه المنتدى فوق مصلحتي الشخصيه

عموما بشوف اللي اقدر عليه و ابشركم راح اناشب كل الخارجين بكل الاقسام واخلي قسم الشكاوي ينشط مره اخرى من شكاوي الناس علي

يلا الحين بطق فره عالمنتدى بشوف الجديد

برب

[Karazhan]

امس يمكن او قبل امس وانا بالمطبخ في المزرعه لفت انتباهي تفاحه وذكرتني بشخص عزيز علي جان اصورها عشان انتوا تشوفونها

مو تشبه Gruul

[Dudette]

سلام عليكم كييييكرز

شخباركم واشلونكم

حبييييت اسلم عليكم وصج مثل ما قال عمي شنبو القسم ميت

ادري ادري لاني انا مب موجوده

عمي شنبو تدري اشتقت حق منو ؟؟؟؟؟

الي كان دوم يتضارب معانا حتى نسيت اسمه والله له وحشه ههههههههه

والسموحه اخاف الحين يدخل ويتضارب مافينا

[Karazhan]

اهلين دوديت شلونج شخبارج والله انتي اللي لج وحشه

قصدج بوحا , اي بوحا راح خلاص زعل علينا , اهو بعد الله يهديه مايتحمل توقيفات , توقف مره وزعل وتهاوش معانا وراح

خلك روح رياضيه و تقبل التوقيف بصدر رحب , مثلي بالضبط , شكثر اتوقف لكن اتقبل التوقيفات بسعه صدر

مع ان التوقيف يخدم , يعني شوفني انا كنت استغل التوقيفات واسوي روحي مسكين ومظلوم لين وقفوا معاي الناس و صاروا يساندوني

انت لو متمسكن يعني مسوي روحك مسكين بعد التوقيف جان كسبت تعاطف الناس , لأن بطبع الناس ان ينكسر خاطرهم بسرعه , انت المفروض تسوي روحك مسكين ومظلوم وراح تحصل تعاطف مع ناس و حتى انك تحصل شبيحه يدافعون عنك بالخفاء

نفس البسطويسي و نخيلان و باقي الشبيحه اللي اخر مره قاموا يتهاوشون معاك

انت خلك جذي جمع شبيحه غير الناس اللي يتعاطفون معاك

وين تعال بشوفك , من زمان ماشفتك ولا سمعت صوتك , مع اني ادري 100% انك تموت فيني بس تسوي روحك ماتحبني وكله تتهاوش معاي

اذا كان على الكلام الاخير اللي طلع منك فأنا مسامحك على كل كلمه قلتها لي و انا اصلا نسيت كل الماضي , انت انسى الماضي وتعال لأحضان حبيبك

ايديني مفتوحه لأستقبالك تعال بالحضن ياعمري

برب غداااا

[Dudette]

هههههههههه ما عليك هو يقرا ومتابعك بس يستحي يدخل باسم مستعار ثاني بنقول حق مشرفنا الي قلبه ابيض يشيل التوقيف منه وصافي يا لبن ويدخل ويتضارب لان صج القسم ميت بدون ضرابه
وترا عمي شنبو هو بعد يحبك ويموت فيك وخلاص سامحك (امبيه صج اخاف يطلع وينهد علينا) ترا انا ما يخصني انزين

عالعموم شخبارك عمي شنبوووو

[Jeremie]

السلام عليكم ورحمته الله وبركاته ...

أعزائي الكرام:

حبينا نسلم عليكم ونفيدكم بأنه لا نعلم لماذا تركنا المنتدى.... أي شي حطوه برأس يوشي... قولوا هو ألي مزعلنا...
أنقذوا القسم ... أنقذوا الحيتان....
ولدبطنها .... لا تتزيدن PLZ.

[Karazhan]

وعليكم السلام

يوشي مختفي , يمكن تزوج و شارطين عليه بالعقد ان مايدخل النت

القسم توفى , الناس بطلت تلعب ووركرافت , ستار وورز و جيلد وور 2

بس تبي الصج احسن جذي , ماكو احد و تستفرد بالقسم على كيفك , يعني لو تكتب كل يوم "السلام عليكم" يعطونك وسام نشاط لأنك الوحيد اللي تكتب بالقسم

وهذي من صالحي لأن انا من هواياتي جمع الاوسمه , يعني لو تشوفني بالشارع وتقولي يالطيب انا هوايتي جمع الطوابع . انت شنو هوايتك ؟

اقولك انا هوايتي جمع الاوسمه ونقاط التقييم

بعدين عاد لما تاخذ ال3 اوسمه لكل قسم تبدأ تقول للناس تدخل المنتدى , تكون شنو ؟ ضبطت نفسك بالاوسمه و تقعد متفرج . مثل ماتقول تلعب فاينل فانتسي 8 و تحط كلمات سريه تخلي infinit health بدليه بس يعني طاقه ماتخلص وفلوس ماتخلص وكل شي مايخلص

ماعلينا

انا ملاحظ ان ناس تكتب تحت اسمهم كلمات شلون جذي ؟ انت ماشاءالله عليك خبير بالمنتديات وجذي . هل في اختيار يخليني اكتب ؟ دخلت الضبط وماشفت شي

ابي اكتب عضو موقوف هههههههه

[Dudette]

ما يحتاي تكتب الحين بطرش مسج حق راعي المنتدى وبقول ولدبطنها تحرش ويغازل وبتحصل احلى توقيف مني

[Karazhan]

شالمنتدى اللي نص اعضاءه يدخلون مخفي

انا ماتحرشت ولا غازلت , قاعد اتكلم عادي , حتى شوفي كلامي مافي اي شي مشبوه

[Dudette]

يالخواف انزين بقول عالخاص غازلني

[Karazhan]

وانتي بس ودج اتوقف

ماشبعتي وانتي تشوفيني كل يومين موقوف

مع اني احب الاماراتيين مادري ليش ماتحبوني

اليوله , كندوره , ماروم , ميهود , دريول

يمكن اللي مايعرف يقول هذوله اسماء اسباط بني اسرائيل , خصوصا ميهود قريبه من يهود

لا هذي كلمات اماراتيه و حسب كلام صديق لي يقول كلمات قديمه والجيل هذا ماصار يقولها

المهم ان الامارات الحين تطالب الاتحاد الاوربي للأنضمام لهم

[Karazhan]

اي ركبت تواير من زمان . اخوانا الصينيين مو مقصرين , صراحه ماقصروا فينا , من بعد المطاعم و خصوصا بط بكين المحمره و مقطعه شرايح الى لزوم الكشخه من اقلام و محفظه و يكرم المشاهد جواتي و نعال

الحين قدموا لنا الشغلات الخاصه بالسيارات ومنهم تواير , لا اخوانا الصينيين مو مقصرين فينا ابدا

انا حاليا افكر ارفع السياره 6 انش , نفس الوانيت اللي كان عندي قبل و اخلي التاهو نفس جذي



هذا فقير LT انا التاهو مالي LTZ

هذا تقريبا 6 انش مرفعه , وانا بسوي نفسه وكلمت واحد يجيبهم من امريكا ومادري بنطر اشوف اذا تكفي فلوسي

وهذا يبيله تواير بعد نص حجريه او حجريه عشان يطلع احلى

وهالصوره بعد ما ركب تواير حجريه



بس لازم تراعيين الارتفاع , لأن الصوره فوق 6 انش و مع التواير يرتفع اكثر يصير 8 انش او 10

وانتي اذا فكرتي ترفعين سيارتج قوليلي عشان اضبطج , لأن مو على طول ترفعين و خلاص , جذي يطق الجير بعد شهر يمكن لأن الجير مبرمج على حجم تواير معينه

فأنتي اذا تبين ترفعين الموتر اول ماتخلصين روحي حق علم , مو علم الامارات لا , واحد اسمه علم , اهو جذي اسمه , قوليله ابيك تبرمج الجير , اهو يعرف شغله ويعرف المطلوب , هذا بالكويت بالشويخ خلف سوق رامز , بالامارات مادري وين تروحين

المهم ان سيارتي نفسها بالضبط ونفس اللون , وقاعد ادور كراج زين بصبغ السياره بعد كامل لون اسود ملكي وبعدين بشوف الرفعات واسعارهم

و التواير الله يخليلنا اخوانا الصينيين بس ياليت عندهم تواير حجريه


شكلج تهزين راسج يعني فاهمه وانتي ماتدرين عن شي

[Dudette]

ههههههههههههههه ما فهمت شي شو السالفه