سرعات جنونيه مع ADSL <ادخل لكي ترى>

**RichMan** · 09-05-2002, 05:50 PM

السلام عليكم

اخوي PcMan اليوم دقيت عليهم تلفون وقالوا ان الاشتراك كالتالي:

مافي اجور تركيب كله مجاني

اما السرعات قالوا ان 128 بـ 35 دينار بالشهر والـ256 كيلو 50 بالشهر

شرايك بسرعة 256 كيلو سريعه والا تمشي حالها ؟؟؟
يعني 100 ميجا بايت بكم دقيقه تنزل؟؟!؟

الحين اشتراك الاتصال بالمودم العادي كم يعطي سرعه ؟؟ هل 56 كيلو او

6.5 كيلوو ؟؟؟؟

اخوي محمد S.M شنو الموقع اللي استعملته لفحص سرعت الاتصال عندك؟؟

بالتوفيق للكل.

**محمدS.M** · 09-05-2002, 06:17 PM

سرعة256kb ..ستكون جيده يعني توقع ..سرعة تنزيل سيكون 40-70 kb/sec ...اما بخصوص المودم 56السرعه القصوى ..حيث تكون بالتصفح حوالي 30-50 والتي سالت عنها 6.5 هيه سرعة الداون لود <على فكره6.5 ممتازه لمودم!!!> ...
لكي تحسب سرعة اتصالك ....اكبس هنا ....

**RichMan** · 09-05-2002, 11:10 PM

السلام عليكم

الحين السرعه 256 والتنزيل بس 70 !!؟! انا كنت اتوقع ان سرعة التنزيل راح تكون 256 !!!

اما بالنسبة للمودم فسرعته 5.6 خمسه بوينت سته

مو العكس

طيب 100 ميجا بايت كم وقت تاخذ اذا السرعه 70 ؟؟؟

مشكور على الموقع...

بالتوفيق للكل

**RichMan** · 09-05-2002, 11:20 PM

السلام عليكم

شوف انا الحين على كم شابك من مودم عادي56KB ... معقولة !!

بالتوفيق

**asrabiah** · 10-05-2002, 08:32 AM

يا شباب ممكن تفيدون بكم سعر الستالايت عندنا هنا في السعوديه لاني سمعت انك تدفع 20000ريال طول عمرك وهل فيه ستالايت حق انترنت يرسل ويستقبل يعني ما يحتاج مودم وهل خدمه wowموجوده عندنا في السعوديه ومعليش على الايطاله

مع خالص تحياتي للجميع

**PCman** · 10-05-2002, 06:13 PM

256 Bytes سرعة جيدة
وإذا عندك 100MB تنزلها في ساعة و خمس دقائق (1:05) في اقصى حد للسرعة.

وتكون سرعة النقل 23 Kb في الثانية تقريباً

وهي ممتازة في اللعب Online

**Perfect Chaos** · 11-05-2002, 12:57 AM

ماشاء الله ...
سرعة رهيييييييبة
وين ممكن أجد مثل الخدمة هذه بالسرعة هذه هنا في السعودية ؟؟؟

:" :" :" :" طلعنا جِزَم :" :" :" :"

**MAD-BOSS** · 11-05-2002, 02:58 AM

الرسالة الأصلية كتبت بواسطة Perfect Choas
ماشاء الله ...
سرعة رهيييييييبة
وين ممكن أجد مثل الخدمة هذه بالسرعة هذه هنا في السعودية ؟؟؟

:" :" :" :" طلعنا جِزَم :" :" :" :"

موجوده عند سعودي نت اتصل عليهم ويشرحولك اللي تبي بالتفصيل وهي عندهم من زمان DSL بس انت مستعد تدفع

....تراها تلسع

>>>>>>جزم مو كانها قويه شوي ?: ?: ?:

**RichMan** · 11-05-2002, 07:24 PM

السلام عليكم

اخوي PcMan

انا قالي واحد من الربع ان الشو نت سريع جدا جدا واحسن من ADSL... انا بتأكد من المعلومات هذي منك انت لاني اذا كلمت الشركة مايقولون لي الصج.

1-كم يركب يركب عندي ويكون جاهز ؟... كواليتي يقولون الدي اس ال خمس ايام يكون راكب وجاهز.

2-اسرع من الـADSL ? بكم تنزل الـ100 mb مثلا ؟

3-طيب اذا نزلت اكثر من 1.5GB بالشهر شنو يسوون ؟؟ ياخذون رسوم زياده؟

4-يسوون عقد سنوي معاي والا لا؟ يعني يلزموني بسنه مثلا اجباري؟

معلش اسأله كثيرة شوية بس فيك العشم ومو قصور بالشباب الموجودين

5- اقدر اشغل فيه قنوات الشوتايم !؟!؟

بالتوفيق للكل

**PCman** · 12-05-2002, 01:44 PM

1- يومين أو ثلاث
2- ستلايت ينزل 500 DSL ينزل 500 وفي 256 و 128 .

- ستلايت يفصل على حسب الأشتراك الأرضي و مرات مايتسقبل الأوامر مثلا تضغط على " دقمه " في صفحة يطلعلك لاتوجد هذه الصفحه بس تعطي ريفرش ويضبط الموضوع . و فاشل مع اللعب الجماعي لأنه البنج مالك ماراح يقل عن 800 حتى لو لعبة في سيرفر كوالتي (سيرفر كوالتي اذا لعبت بمودم عادي 56 يكون بنجك 250) . بس راح يكون سريع بالعب حتى لو بنجك 1800 بس راح تنطرد من بعض السيرفرات اللي (Auto) يطرد البنجه مرتفع.

- DSL كبست زر ويشبك

و 24 ساعة شابك مايفصل وسرعة ثابته لأنه Digital وإذا كنت تريد سحب ملفات كبيرة تستطيع ان تسحبها في الليل لما تنام لانه شابك 24 ساعة و مايشغل الخط .

3- لن تستطيع أن تشبك لو سحبت أكثر من الحد المعطى لك

4- تستطيع ان تدفع سنوي ويحسبون عليك الشهر 23 دينار و إذا تريد ان تدفع شهري يحسب الشهر 30 .

5- لا أعلم بس انا ما شفت شي (أعتقد لازم رسوم زياده)

**BATiYAZ** · 12-05-2002, 02:23 PM

يا حظكم انا ال DSL عندنا بفوق ال1200 على الاقل وياليت DSL محترم 64 كيلو بايت مخنز :غضب: :غضب: نصبر لين ينزل الكيبل بعد ثلاث او اربع سنين

مبروك التوقيع الحلو هذا يا بي سي مان

**RichMan** · 12-05-2002, 02:47 PM

السلام عليكم

مشكور والله اخوي PcMan على هذي المعلومات صراحه

يعني افهم من كلامك ان الـ DSL افضل من الشو نت ؟؟ لاني حسيت من كلامك انك ندمت على الشو نت اللي عندك؟؟

على فكره انا اللعب اون لاين ماكان هدفي من الDSL ابي اتصفح بسرعه واسوي داون لوود بسرعه .... اما الالعاب مو ذات اهمية عندي.

بالتوفيق للكل

**العراقي17** · 12-05-2002, 03:02 PM

RichMan

اصبر يبه لا تشترك الحين....

وزارة المواصلات بتخفظ اسعار التكلفة على شركات الانترنت بنسبة 90%!!!!!!!!!

يعني بالاسعار بتنزل حيييييييييييييييييييييييييييييييييييييييييييييل!!!

وايضا راح تبدأ الوزاة اعتبارة من شهر اغسطس بتركيب الالياف الضوئية وتوصيلها لجميع المنازل ل34 منطقة (وطبعا كلكم تعرفون الالياف الضوئية والسرعة العالية تصل ال 75 ميجا بايت بالثانية!!!!!!!:واو: )

**Athlon™ eX** · 12-05-2002, 07:10 PM

الخدمة هذي متوفرة في البحرين باسم SpeedNet وهي نوعين وسرعتين، وهم 256 و 386 وطبعا معروفة بتلكو ( الشركة المحتكرة لخدمات الهاتف والإنترنت في البحرين ) حرامية فلوس، النوع الأول اللي سرعته 256 سرعة الداون لوود دائما أكثر من 35 وهذا اللي أنا مشترك فيه. وسعره 40 دينار شهريا لكن هناك سعر للتركيب يصلك مع الشهر الأول يصل إلى 112 دينار وهو 40 للشهر الأول والباقي للتركيب ومحول الـ ADSL وغلط يسمونه مودم طبعا لأن طريقة عملة تختلف.

النوع الثاني سعره 50 دينار شهريا،

طبعا النوعين اثنينهم مفتوحين أربع وعشرين ساعة، وتقدر تستخدم التلفون في نفس الوقت.

طبعا الكل يتسائل يعني ويش ADSL أصل الخدمة DSL وتعني Digital Subscriber Line أو خط المستأجر الرقمي، التقنية الثانية وهي الأرخص هي ADSL وحرف A الزيادة ( نسيت يعني ويش بالإنجليزي ) لكن بالعربية يعني اللامتزامن يعني سرعة تنزيل البيانات تختلف عن سرعة تحميل البيانات طبعا ودائما سرعة التنزيل أسرع. في خدمة DSL تكون السرعتين متساويتين.

**العراقي17** · 12-05-2002, 07:40 PM

Athlon™ eX

مودم الدي اس ال يسمى مودم ايضا من قالك انه اسمه مو مودم؟

الموضوع: سرعات جنونيه مع ADSL <ادخل لكي ترى>

أدوات الموضوع

ضوابط المشاركة