رسم السحرة

[shaheen]

رسمة حلوة ومضحكة يا كبمارو
بداية جيدة هههههههههههههههه

ساحرة رائعة يا لوجين
هل هي ساحرة الجليد؟؟
وماذا في يدها ؟؟؟؟
ارجو ان تستطيعي تلوينها ايضا

[لوجــــــين]

هاااااااااااااااي شاهين

مشكور والله

مادري والله اهي توحي بالثلج ممكن ..............

بس لا تسألني عن التظليل و التلوين

حاولت أشارك في موضوعك حق التلوين و النتيجة طلعت روحي و الرسمه انعفست فوق حدر

مشكور مرة ثانية

:0)

[**lonely star**]

الرسالة الأصلية كتبت بواسطة Ranma Saotome
هي هي هي هي هي هي هي هي حلوه ساحرتك كبمارو.. هذا الملل ومايسوي...

لونلي ستار وببل احنا ماقلنا شي.. انتوا الظاهر فهمتوا السالفه غلط ومانتبهتوا للرسمه وخطوطها...
شوفوا.. الساحره صح شعرها احلى لو يكون كثيف ووايد.. لكن طبعا كل رسمه لها لمعة شعر.. واللمعه يرسمونها عن طريق رسم خطوط متعامده عادة على اتجاه الشعر.. يعني شوفوا في رسمة وايلد كيتي الشعر متجه افقيا تقريباصحح؟ يعني خطوط اللمعه تكون عموديه..
خطوط الشعر مبعثره.. المفروض ان هالشي يبين كثافة الشعر.. لكن وايلد كيتي ماركزت عدل.. كل خطين عباره عن جزء من الشعر.. الخطوط مب منظمه وماتقدرين تقولين هذا جزء من الشعر ولا فراغ بين خصلتين.... فهالخطوط ماعطه كثافه غريبه للشعر وبس..

المشكله ان الكمبيوتر اللي اشتغل عليه مافيه ولااااااااا برنامج رسم.. ولا كنت بوضح لكن بالتحديد على الرسمه....

سوري طولت وايد في الكلام... (ياممل )

من ناحيت طولت الكلام والله طولت الكلام وليت طلعنا بنتيجه ما فهمت ولا كلمه?: ?:


لوجين
رسمتك وايد حلوه وكان وجها يشبه الصوره اللي حاطتها ولا جاني حول وانا ما ادري:!

[لوجــــــين]

هااااااااااااااااااااااي لوني ستار

مشكورة عيونش الحلوة

صح تقريبا أغلب رسماتي أحب أرسمهم بنف اسلوب الرسمه اللي بتوقيعي أو اللي بأسمي

الحين بسكم كلام و رسمو ساحرة الحين يالله

[Ranma Saotome]

هعهعهعهعهع لونلي ستار.. أنا كنت متأكد ان كلامي كان مخربط..

لوجين انا بعد بتكلم..
لوجين ماتعرض رسوم ألا إذا كانت دسمه.. ماشالله عليها..
رسمتج حلوه.. لكن ماتبين عدل.. الخطوط ممسوحه شوي.. ليش؟
بس شنو هالشرايط اللي طالعه من الزاويه ومارّه بين يدين الساحره..!

رسمه رووعه ماعليها كلام.. لكن بالتلوين بتطلع ارررررررررررررروع...:-)

[لوجــــــين]

هاااااااااااااااااااي رانما

مشكور على رادك الحلو

و بالنسبة حق الخطوط اللي مو واضحه هاي السكانر مالي ما أعرف اشلون أطلع الخطوط واضحة أو يمكن من قلمي مو واضح الرسم فيه

و بالنسبة حق الشرايط كنت أحاول اخلق جو من الغموض يعني شي ماله تفسير كل واحد يتخيلة أي شي

هههههههههههههه

و بالنسبة حق التلوين هاي الله يعطينا العمر يعني ممكن بعد 20 سنه يالله أعرف اشلون ألون

و مشكور مرة ثانية

[BUBLE]

كلامك تقريبا صح يا رانما

اهو خصلات الشعر مسويتهم بشكل حلو بس مع التظليل او التلوين بتطلع اوضح و انا مرات اواجه هذي المشاكل بس تعدي على خير

بس لا تزعلين كيتي رسمتج حلوة لو انها مو مضبوطة بس زين انج حاولتي

[مستعجله بالمره]

ممكن اشارك..........

انزين عندي رسمتين......

هاذي الاولى ....قبل التلوين...

[مستعجله بالمره]

بعد التلوين.....

[BUBLE]

اوووه .....اوجين توني اشوف رسمتج:واو:

اخيرا حطيتي رسمة

شفتي طلعت حلوة ..ولا وبعد ايننن و الككل عجبته تقريبا

يللا هذا اول الخير

والحين ننطر الباجي وانا منهم الحين انا قاعدة على رسمتي
بقى تقريبا نصها ....اسفة على التاخير

[**lonely star**]

اليوم اخواني قومني بازعاجهم من النوم الساعه 2باليل (الديايه نايمه الساعه 9 )
واول ما قمت (مو قايمه قايمه يعني نص نايمه ) تذكرت اني مافرشت اسناني?: (غريبه الاشياء اللي يفكر فيها الواحد اول مايقوم )
المهم رحت الحمام يعني اني بفرش (صباح الخير )
وكالعاده جلست قدام مرايه الحمام نص ساعه احاول اتذكر انا ليه جيت هنا (ومنه نطلع الاخطاء السبعه بعد )
الزبده اني وانا اناظر المرايه نزل علي الالهام لرسمت ساااااااااااحره فرشت اسناني بسرعه وركض ادور بنسل وطلعت بذا الرسمه
هي مو مثل ما تخيلتها بالضبط بس يالله هذا اللي قدرت عليه والباقي يفتح الله

[Ranma Saotome]

حلوه رسمتج المستعجله.. لكن اتوقع تقدرين تسوين احلى من كذيه بوايد.. رسمج وايد حلو وانشالله نشوف منج مشاركه احلى..

لولنلي ستار.. هعهعهعهعهعهعهعهعهعهعهعهع اما صج عبيطه..
الرسمه بصناااااحه وايد حلوه... اححححلى شي النار اللي في يدها..
بس ماتحسين ان طولتي اكثر من اللازم في الريول.. احسها واايد طويله.. هالرسمه مو ناقصها الا تلوين.. وممكن بالتلوين تطلعين انها مو طويله اصلا.. لكن هي مرتفعه عن الارض لكن اللبس هو الطويل.. لكن اذا انتي تشوفين الطول مناسب.. فمانقدر نقول شي...

[**lonely star**]

تلوين ?: انا الون لا يبى يفتح الله كان تتلون الرض والجدران وملابسي وماتتلون الصوره قال الون قال

ومن ناحيه الريول طويله انا كنت مسويتها تطير (طاروخ على غفله ) لكن اما جيت انحطها قصيتها عشان ما تطلع طويله
اذا تبي لونها وخل نشوف;-)

[BUBLE]

هذي رسمتي اللي وعدتكم فيها

اهي يعني مو مضبوطة عالاخر بس تجسد صورة الساحرة

عطوني رايكم فيها

[لوجــــــين]

هااااااااااااااااااااااااااي أوووووووووووول

ماشالله

لوني ستار رسمتش وايد حلوة التفاصيل بالثوب وايد جميلة

بس لو اهتميتي بالراس اكثر من ناحيه الملامح و رسمه الوجه

انا متأكده انش بتتغلبين على ها الشغلة

موفقة ;-)