اللي يتذكر لقطات مضحكة من الانمي يجي يشارك ..

**Anime-Girl** · 05-07-2002, 03:15 AM

الرسالة الأصلية كتبت بواسطة عماد 18
ضحكت مرة الشهر هذا ..
الشهر الجاي ادبر لك ضحكة :6
انا مو نادر الابتسام ..
بس اللي ما يعرفني يجهلني ..

اي والله من جد اللي ما يعرف الاخ عماد ..فوت صراحه كنز..من جد شخص حكيم ومحترم ونعم الاخ..

,انا اعتبره قدوتي واحب استشيره دائم
واستفيد من خبرته...

**ماستر ريو** · 05-07-2002, 11:14 PM

اها

**Naif Eissa** · 06-07-2002, 01:00 AM

صراحة اكثر رسوم ضحكتني في العالم هي ماروكو ..

اكثر لقطة فيها يوم تدخل هي و ابوها مدينة الرعب اللي في الملاهي ..كانت اللقطة وايد تضحك ,,

و بعد يوم جدها يساعدها في خططها الشريرة مثلا يوم تريد تسوي سرير مثل الاميرات و سوته من صناديق الكارتون و فنص الليل و هي راقدة ينكسر الكارتون و تطيح بين الصناديق ..

و بعد يوم بتروح السوق مع ضيفة كانت جاية عندهم و تبدل الكيس مالها مع الثانية .. و يوم شافت ماروكو الكيس ..اللقطة كانت مقطوعة في الرسوم العربية بس اكيد عرفتوا شو كان داخل الكيس ..ضحكت لانه اهل ماروكو كانوا يحسبون ان الضيفة اعطت هذا الشي هذية لماروكو

صراحة اللقطات اللي يضحكن في هذي الرسوم بالذات كثيرة و اذا تذكرت زيادة برد عليكم و اكتبهن

**angel on earth** · 06-07-2002, 05:35 PM

أنا أشياء كثير تضحكني لكن بأذكر 3

1_ عدنان أول ما يتعرف على عبسي و يبدأون النصب ... عبسي يقول قتلت فئران كثيرة ...... أربعة آلاف , تسعون
و عدنان أنا قتلت حوتا أكبر بكثير من هذه الجزيرة .... و نصب
و يبدون تحدي ... لازقين في بعض وركض .... ولايهمهم ... داعسين ...
وكل واحد يقول لماذا تقلدني .... رهيبين ولا السحلية , اللي وراها يبون يصيدونها و أنقطع ذيلها ....

2_ رانزي في الفحص الطبي .... لما تنتحل شخصية الطبيب و تستهبل على يوكو ... و تتأزم لما يدخل شان ....
و تلمسه و تجيها حالة تضحك و ترقص طالعه نازلة ... و ترجع تلمسه
و نفس الحالة ... وشان شك في نفسه وقال أشعر بالمرض ..
شك أن الطبيب ... مهو صاحي و ميت علية , وحس بالقرف ... تموت تضحك

3_ سلام دنك .... حسان مقهور و غيران من فادي و الكابتن طلب من فادي أنه يعلم حسان كيف يرمي الكرة في السلة ... و حسان يسوي غلطان و يرمي الكرة على فادي في كل مرة .... و بعض الأماكن الي رمى الكورة عليهاغلط مرة رأسه ومرة خلفية فادي .... و يبرر و يقول انزلقت الكرة ....
ينقهر فادي (البارد) و يردها له .... يعتذر حسان هالمرة ويصير مؤدب .. وخلاص يبغى يتعلم رمي الكرة ويقول لفادي أرجوك علمني ....
وبعد شوي مليون من الكور على راس فادي و يرميها حسان من قلب ...
ويقول كيف تجرؤ على رمي الكرة علي ....
تفطس من الضحك :0) :0) :0)

**alamal13** · 08-07-2002, 04:26 AM

تعرف يا اينجل كنت اقرا ردك بصوت عالي واخوي جنبي ....وكان تعليقه انه اللقطات اللي حطيتها هي من اللقطات الي يحبها وقعد يكركر من الضحك:0)

**angel on earth** · 08-07-2002, 01:45 PM

حلو والله ..... خلاص إذا تذكرت شيء بعد .. بكتبه
.... شكل أخوكِ مثلي :0) :0) :0) :0)

الموضوع: اللي يتذكر لقطات مضحكة من الانمي يجي يشارك ..

أدوات الموضوع

ضوابط المشاركة