آآآآآآآآآآآه مو شئ .....

**Dagger** · 16-07-2002, 08:12 PM

HAMAD: مشكور بس ما احد تضارب ولا شئ ?: ?: :0) ..

اوكي اكمل ليش لآ تامر أمر

..

عندي كم دعوة من الحلوين ..

لما احد يشتري شئ جديد مثلا
ثوب نقول له ( تقطعة في العافية )
واذا آله ولا شئ نقول له( تكسرة في العافية ) <<< فعلا امرهم غريب يدعوله ولا يدعون عليه ..

ولما احد يساعدنا ونبي نشكره ندعي له ..
للرجال : عطاك الله مرة قد البقرة ..
للنفية : عطاش الله ريل قد العيل ...

وعندي بعض الكلمات الغريبة لليوم بعد ...

حوي : هذي الي يسمونها بعض الناس الحوش يعني حديقة البيت نسميها الحوي ..

عين عماد : الشخص الي يعاندك ويتقصد الاذية يعني انت كنت ماشي ومد رجوله يعرقل لك يعني سواها عين عماد ..

المرة الجاية بقول لكم سالفة

...

**Tidus_2007** · 16-07-2002, 10:34 PM

ثااااااااانكس ...

لما احد يشتري شئ جديد مثلا
ثوب نقول له ( تقطعة في العافية )
واذا آله ولا شئ نقول له( تكسرة في العافية )

:واو: هههههههههههههههه و الله شي

اول مره اسمع فيها بس حلوه

ما يحظرني شي حاليا و الله ...

بس بقول يمكن سالفه بعد ما تكتبين سالفتك

**Dagger** · 17-07-2002, 02:07 AM

السالفة الي بكتبها يمكن تطول ..
فقسمتها 4 اجزاء ادري ادري ملل وما احد بيقراها ..
بس المهم تعبتي وان شاء الله ما بتروح ..
---------------------------------

هالفة تقصها لنا امي عن جدتي عن جدة امي عن جدة جدتي .....

نبدا..

زور بن الزرزور الي عمرة ما شدب ولا حلف زور ذبح بقة وترس سبعة جدور وخلى الشحوم واللحوم على الصواني تدوم ...
وما يحلى الكلام إلا بذكر الرسول .....

كان فيه رجال شيبة وعندة سبع بنات كل يوم يروحون ارضهم ويسقونها ماي طبعا من قبل الماي ما يطلع لحاله
لازم يغرفونه بالغرافة ومرة لما كان الرجال يغرف طلع مع الماي كيس فتحه لقاه مليان دراهم وهو رجال فقير والكيس طلع من بئره اخذه وصرف منه وشرى شئ لبناته وبنى اله صندقه يعيشون فيها ، مرت الايام ومرة لما
كانت البنت رايحة تسقي الارض لقت عند البير رجال لحيته كبيرة خافت البنت وقامت تصارخ : ابووووووووي ابووووووي ..
سمع الرجال ورفع اوزاره وقام يركض شاف الرجال واقف كلمه قال اله يبغى كيس الدراهم ما قدر الرجال يرجعه لانه صرف الفلوس قال الرجال خلاص يا كيس الدراهم يا وحدة من بناته ...
سلم الرجال امره الى الله وعطاه بنته الكبيرة ..
تزوجها واخذها الى بيته وكانت كل الغرف الي فيه تقريبا مقفله ...
كل يوم يرجع من الشغل ويتغذى وينام مرة بعد ما تغذى نام خلى مرته تفلي لحيته
( للمعلوميه تفلي يعني تفرق الشعر اعزكم الله مثل القرود ) و سألها أي احسن فلاي ( من فلى يفلي تفلي ) الشعر
ولا طيبت النفس؟ هي اكيد اي واحد بيقول طيبة النفس فقالت طيبة النفس قال ليها زين يصير خير ..
واخذها وذبحها ..

تو بي كنتنيود .......

ملحوظه : ادا في كلمة استعصت على المفتكر وقرى السالفة يسال وانا احاول افهمه معناها..

**Tidus_2007** · 18-07-2002, 08:27 AM

لااااااااااا مافي اي كلمه استعصت علينا

كملي كملي

**Fly_Batman** · 18-07-2002, 10:22 AM

هع...

**Flanteus** · 18-07-2002, 10:40 AM

الرسالة الأصلية كتبت بواسطة fly_batman
هع...

مرة ثانية ...ما تعقل...:6

**Fly_Batman** · 18-07-2002, 10:44 AM

هع...ويعني وش فيها هذى الكلمة

**Flanteus** · 18-07-2002, 11:59 AM

أبد

..ما بها شيئ...هع :6

**Dagger** · 18-07-2002, 03:47 PM

Tidus_2007:ايه اكيد ما بيستعصي عليك لان بيني وبينك هي الكلمات اصعب من كذا المفروض بس انا جبت لها بديل

..

flanteusوfly_batman: هعين

..

**Dagger** · 18-07-2002, 03:48 PM

يالله نكمل ملل وزهق ...

بعد ما ذبحها راح الى الرجال الشيبة وقال اله يا كيس الدراهم يا وحدة من بناتك ....
الرجال ما في يدة حيلة عطاه البنت الثانية ....
وصار نفس الشئ وسألها أي احسن فلاي اللحية لة طيبة النفس قالت طيبة النفس فقتلها .....
ورجع واخذ البنت الثالثة الى ان قتل بناته كلهم ما بقى الا الصغيرة واخذها بعد ما قتل خواتها .....
ومرة قبل ما يرجع الرجال من العمل كانت المرة تشتغل في البيت تسوي سمك للغذاء مرت عليها قطوة
تقول لها ميااااااااااااااو قالت ليها المرة : تت اهو روحي عني خليني اشتغل ( ملوحظه تت هذي تنقال الى القطوة القطه يعني اذا يبون يطردوها والعكيس الي اليها طعو .... واهو هذي يعني مممممم يعني ممممم والله ما ني قادرة افسرها بس هي كلمة يعني تنقال واااااااجد من قبل يقولوها اذا بغو ياخدون شئ من احد يقولون أهوووو )
قالت لها القطوة اعطيني واغنيش كسرت خاطرها وعطتها سمك من الي تسويه اكلته القطوة و قالت لمرة اليوم اذا رجع الرجال بيخليش تفلين لحيته وبيسألش أي احسن فلاي اللحية لو طيبة النفس انتي قولي له فلاي اللحية ..
ولما رجع الرجال صار مثل ما قالت القطوة ولما سألها قالت له فلاي اللحية وخلاها ونام وهي تفلي لحيته لقت مفاتيح في لحيته ........

فعلا قبل كان خيالهم وااااااااااااااااسع ههههههههه ...
يالله نكمل ان ا نكست تايم .....

**Flanteus** · 18-07-2002, 04:03 PM

الرجاء التكملة قبل ما ينفجر المنتدى

...

**Tidus_2007** · 18-07-2002, 05:26 PM

هههههههههههههههههههههههههههههه و الله القصه صكت على فاينال ... فعلا خيااااااااال وااااااااسع

و الله من جد عجيبه كملي

**HAMAD** · 18-07-2002, 05:28 PM

الرسالة الأصلية كتبت بواسطة Tidus_2007
هههههههههههههههههههههههههههههه و الله القصه صكت على فاينال ... فعلا خيااااااااال وااااااااسع

و الله من جد عجيبه كملي

مرة وحدة صكت على قصة فاينل

**Tidus_2007** · 18-07-2002, 05:32 PM

الرسالة الأصلية كتبت بواسطة HAMAD

مرة وحدة صكت على قصة فاينل

اي و لا احسن بعد ... ":"

شرايك !!!

**ستيف بورنسايد** · 18-07-2002, 05:33 PM

شي

الموضوع: آآآآآآآآآآآه مو شئ .....

أدوات الموضوع

ضوابط المشاركة