العابنا ونحن صغار

[sakura_is_cute]

ههههههههههههههههه


موٍِتوني من الضحك :0) :0)


بس انا ما اذكر شي ....... لما اتذكر اكتب :-)

[shaheen]

خلود اختي...
كبمارو يمكن قصدة تيزاب مخفف ... هههههههههه

اخت sakura_is_cute

بانتظار سوالفج تذكري.. اعصري مخج

[lady death]

خلووود.. اينن الموضووووووووع ..فضيييييييع احلا موضوع في المنتدى الحين.. والله ضحكت ضحك...........ههههههههههههه والله اياااااااااااااااام .. وصح كلامك يهال هالايام ما استمتعوا نفسنا هههههههههههه بااااااااااال كنت انا واختي كله نلعب بالمواسد .. تعافر وضرب في بعض.. ههههههههههه وعقبها نروح اناقز على الفراش انشوف من ينط اعلى من الثاني هه لين ماتنكسر الفرشه ويطيح الفراش عقبها هاهاهاهاها الوالد يهاوشنا هواااااااااش وامي المسكينه هههههههههه .. والله بعد ايييييييييييي ملره اختي الصغيره يعني هي اصغر مني بسنتين وانا كنت حوالي 8 سنين وهي 6 على ماظن وعقب في اخوي الاصغر منها بسنه وشوي.. كانت تحب تلعب مع اخوي حلاااااااااااااق.. اي اي حلااااق شعر .. وفي يوم قصت شعره كله بماكينه حلاقه مالت ابوي واضطر ابوي يوديه الحلاق وقرع له .. حلق على الصفر اخوي المسكين لانه راسه صار شارع ههههههههاهاهاهاهااا.. في العاب وايد مثلكم تقريبا نفس.. الجيس .. الصبه .. الاتيل... جلااد حرامي ههههههههه والي نحقد عليه نضربه بقوه...ههه ااي كنا كله نقول (( من المفتش .. ويرد المفتش .. انا المفتش ههههههههه)) ونااااااااسه...وفي لعبه ستوووب.. هاي اورقه فيها افضل لون .. وسياره وخرابيط ولما تقول ستوب انت وحظك ههههههههههه :" :0) اللللللللله ونااااااسه ايااام قبل . الحين مانسوي شيء كله على الكمبيوتر.. والشوتايم...ههههههههههه.. بس بعد في الاتاري.. وبعدهاااا ..سوبر ماريو....وفي لعبه ماعرف شنو هي فيها مسدسات .. وتصويب بس ماكنت احبهااا......زاي اي بعد اخوي الصغير كان كله يحرق النمل في الحديقه..ههههههههههه وكنا انا واختي نسوي كيك بالطين.. وسندويشات نفسكم يعني هههههههههههههه...وناسه ونروح نشق دفاتر ..وعقب نكتب عليها عشر ولا 100 .. والي عنده اكثر فلوس يشتري الي يبيي.. كثر مايبي من سندويشات الطين ههههههههه والهمبرجر .. يم يم ههههههههههههه اااخ خلاص بطني عورني.. اخر لعبه بقولها هي لعبه المشي على السور.. في الحديقه بلاط احمر مصفوف وبارز .. نمشي عليه والي يطيح ويفقد التوازن يطيح في الناااررر..لوووووووووووول هاهاهاهاهاهاها .. تسلمين مره ثانيه على الموضوع ;-) :" اياااااام لا تنسى :":

[wildkitty]

هههههههههه
والله الموضوع تحفه
يخبري العاب قبل
وانا اصغيره كنت اروح العب حيله بالبراحه
كان عندي باربي كنت اخيط لها ملابس من الكلينكس
ماكان في بنات غير انا واختي والباجي كله اولاد من اهلي كلهم فكنها عصابات اخوي العود اهو الرئيس طبعا مع خالي كبرنه اهودايما كان اخوي يدافع عني اذكر مره كنه بالحديقه يه ولد وطقاني وله اخوي ايب المطرقه يطق ريله : ) هاذه شي ما انساه


وكنت العب كرة قدم وهاذه للحين العبه
نلعب صيدد مصيده بالضلام ننخش بالغرفه طبعا اهي كبيره ونصك اليتات ونربط عينه ونخليه يطلعنه وكنه ننخش بالماكن داخل الدرج( يكفي)
نتعلق بالشباك

بعدين يقولون اخوي كبر فانا سرت رئيسو العصابه لاني اكبر وحده كانت مهمتنه نروح الحديقه نطق الهنود
اذا رحنه بيت يدتي نقلب البيت فوق حدر نقلب المساند نسوي قلعات نحذف نعل على الجيران
نلعب شد الحبل الفار والقطو شرطي حرامي شبره امره


ايام ليت الماضي يعود يوما

[sakura_is_cute]

اتذكرت شوي ..........

كنا ناخذ مفارش الاسرة ونسوي خيام ..........:0) لكل عصابة خيمة <<يا اننا كنا اشقياء

ومرة كنا ناخذها ونمثل اننا اشباح..........


واغلب الاحيان كنا ناخذ الماترس ونحط اصغر واحد فينا <<<<<انا>>>> ونصفطها عليه والكبار ينططون على الماترس المسفوطة ويقولون سندوتشا عاد انا جربت اكون وحدة مضغوطة عاد ويش ...... مساكين البزور إلي بجربون زيي <<<<<<كذا بطلع )( جسمه ........ههههههه :!

[orange road]

ههههههههه
فظيعة الالعاب اللي كنتوا تلعبونها

ههههههههه
اذكر بعد ان في لعبة غريبة وايد كنا نلعبها انا وبنت خالتي
كانت حذا بيتنا عمارة
وكل طابق فيها ملون لون
وكنا ناخذ كرة تنس ارضي ونغمسها بالطين ونضرب فيها طوفة العمارة
ونتسابق من اللي يضربها اعلى من الثاني
طبعا كنا نلقى صراخ من اهل العمارة لان كنا نوصخ طوفتهم بالطين
لكن من اللي كان يعبرهم

:6

[محمد همام]

موضوع حلو كتير ........شكراً اورنج رود
بالنسبة لي كنت ألعب ألعاب صبيان وخصوصاً كرة القدم مع أخوتي وولاد الجيران .......وكنا نلعب صراع مخدات ببيت جدي ولعبة التنكر كنا نمثل قصص أفلام كارتون لإضافة أنني وأخي كنا نتخيل أنفسنا من المغامرين الخمسة ونلاحق الناس المشبوهين .........
لكن اجمل العابنا كانت لعبة البحث عن الكنز وهي مجموعة أوراق كل ورقة تدل على مكان الورقة التي تليها بشكل غامض مثل الألغاز وفي النهاية الخريطة التي تقود إلى الكنز ..
ولعبة كريستال ميز وهي عبارة عن مضمار يحوي حواجز على الفريق اجتياز كل حاجز في وقته المحدد حتى يتم الوصول إلى الكريستالة –وبالعلامة أخذتها من الثريا الموجودة في بيتنا دون أن يعرف احد-
واللعبة الشعبية الأخيرة هي دقة عيش .............والله كانت أيام حلوة
شكراً خلود لأنك رجعتينا للماضي

[لينيير13]

آسفة دائماً بدخل بتسجيل أخي .....................اللي فوق كانت لينيير مو محمد همام

[Touya]

أووووه الحين تذكرت كنا نلعب نفس اللعبه بعد وهي كريستال ميز

كنا نطلع على حديقة البيت ونحط فيها بلاوي وقسمنا البيت إلى أقسام الحديقه هي الغابه الإستوائيه... مجلس الحريم هو المستقبل... المقلط هو حق الدنجن ... السفينه الظاهر كنا مخلينها تحت الدرج


أما قاااااااااااعة الكريستال فهي في صالة الدور الثاني لأن سقفها هو أرفع سقف في البيت ولأنها كبيره ومافيها شي

[جـــــلـنــــار]

هههههههههههههههههههههههههههه:0)
أمبييه خوش موضوع والله يستاهل الحجي فيه والضحك مثل العبط
شكرا خلود وتحياتي للأعضاء;-)


لوجين ضحكتيني:0) خوش عمل الله عليج وعلى هالأصبي الأهبل........


شياطين اليهال اذا فضو لازم يخربون بس ....هم يهبلون و...ينطقون:6
أحـــــــــــم:#

وأنا كنت قراقا كلشي أقول وما يهمني ولا أعرف ليش يضحكون لمن أقول
وكنت جاده وألعب في كل شي وأحب أجرب ومع بنت الخاله نسوي فريقين كره سله أو قدم والباربي أمغبره عندها أمصبيه هالبنت بس بنات العم علموني على الباربي وأشلون لها بيت وحمام سباحه
والله أيام حلوه و ما ترد :-)
????????$$$$$$$$

الأصبيان يعرفون يخربون على البنات .......قالولي مره نقزي على الكرسي الي فوقه كرسي بس أصغير كان والي يقدر أوديه المطعم أنا خو رحت نطيت وتكسرت ........:" :غضب: والطبييب ما أحبه وفوقها
ذحكو علي وراحو كلهم المطعم وأنا بالطبييب يوعانا وييييه من زمان
;-)
×××××××××××××××××××××××××××××××××××

وأذكر بالبر مع العم والأهل .......يمعه وناسه وأكل وبرد.......المهم درو البقيات وقضاء وقت ممتع.........:! ركبت مره أبروحي ومره مع بنت بنت عمتي.....:! من هههههههههههه الوناسه واللفات الحلوه أنقلب :" فيني
بس صج أحراج وفشله وخوف من الريل الي قلت أنكسرت كنت أبجي وأضحك ........ والي يسوقه خافت وأمها بطقها بل ما خليتها:6



قمت وماصار الي الخير وجروح موجوده عادي ...وريايل جمعه بس فشللللللله:# ما أبي أركب مره ثانيه مو أهوه أصغير:-) وأحنا 2 وصار ثقيل
بس هم لا ينعاد ...ودييييييل باله الي بسوق مثل هالبقي الأخضر

وخوووووووووووش موضوع والي عنده بعد يكتب خو الطفوله عزيزه


:-) جلنارررررررروه:6 ;-)

[Ryu man]

اهلا بيكم يا حضرات:0)

يوم كنت انا صغير كنت احب احسن لعبه في حياتي الشباااق

كنت اضرب ابوي وامي وخوالي وخلاتي وولاد خالتي

باقول ليكم قصه


يوم كنت صغير احب اصير شريييييييكل شوي اصير كذي:غضب:

ديك المرره بت دزتني بالغلط

قمت لحقتها لين ما ضربتها وشلختها نتفت فعافيتها

وجا خالي استحرق عليي قمت اخذت ملاس خشب رحت من ورا خالي ضربته بالملاس على ضهره وقمت شردت وتالي قمت انخشيت في الحمام لين ما طلع خالي وبينته من بيتنا وتالي طلعت من الحمام ومرتاح


ها وش رايكم في القصه

هاذي هوايتي الشباااااااااااااااااق


صحيح هاذي حقيقه القصه ما اكذب انا الكذب حراااااااام

وقولو لي اذا عجبتكم القصه لو لا وشكرا

[orange road]

الظاهر ان الاغلبية كانت تلعب الكريستال مايز

ههههههههه
احنا فترة مرت علينا كنا نلعب الحصن
وكنا نسوي عوائق ولازم يتخطونها

عاد انا اللي كنت اتفنن في اختراع هالعوائق

:6 المساكين..
عمرهم ما فازوا علي

واحلى شي لما كنا متولعين بالعاب الاختبارات
كنا ناخذ ماي ونوزعه في غراش بيبسي فاضية
وبعدين نلون كل غرشة بلون
ونخلط الالوان مع بعض ونكتب ملاحظاتنا الخطيرة اللي بتقلب موازين العالم
سائل احمر مع سائل اصفر يعطي سائل برتقالي
ههههههههههههههه
ترى اول ما تعلمت على خلط الالوان كان بهالتجارب
ولا يفوتكم .. الملاحظات كنا نسجلها بالفحم على الطوفة علشان ما تضيع :6

[ESOZ]

هههههههه..على طاري الألعاب...

أيام ما كنا صغار كنا طبيعي بريئيييييين ووديعيييين وعيونا تلامع


وكانت عندنا لعبه حلللوه واتناسب طبيعتنا (طبيعة اليهال)...

كان اسمها "الحمل الوديع"...

شلون كنا نلعبها؟ أنا أقول...

كنا نلبس ثياب خفيفه (عادة تكون سروال وفانيله) ونوقف عند باب غرفه بدون لا ندخل..وواحد منا (اللي هو الحمل الوديع) يوقف في ذيك الغرفه عند الباب وفي يده عصا طويله وخفيفه (عادة تكون خيزران)...
واللي فيه أمه خير يدخل ذيج الغرفه..علشان يحصل له لشطه تخط له خط أحمممر من رقبته لين ظهره!!!!!!!!!!!ههههههههههههههههههههه


وشوفو الصياح عقب عاد!!!!!كخخخخخخخخخخخخخخخخخخخخخ

فللله..انشوف الواحد منا يصيح ونضحك عليه..كخخخخخ..لين ايي الدور علينا!!!!!!!!!!

[orange road]

عاد هاذي لعبة يا عيسوز؟؟؟؟؟

صج انكم كنتوا مجرمين :6

[wildkitty]

هههههههههههههه
خرطبوز خوش لعب هاذه