• 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • صفحة 3 من 8 الأولىالأولى 12345678 الأخيرةالأخيرة
    النتائج 31 إلى 45 من 107

    الموضوع: الرسم و التلوين بالفتوشوب .... ( بس بجنوون !)

    1. #31
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      بعد ما تنتهي من الرسم
      خفف الصوره و خلها شفافه لكن مع الحفاظ على ملامحها واضحه
      يعني غير قيمة الـ Opacity للطبقه المرسوم عليها إلى 25 مثلا



      الحين أضف طبقه جديده فوق الطبقه اللي رسمة عليها
      و إذا ما صارت فوق الطبقه القديمه المرسوم عليها ....إسحبها بالماوس و خلها فوقها
      مثل ها الصوره



      الحين إختار أداة الـ pen



      و تأكد ان الطبقه الجديده مأشر عليها باللون الأزرق ........ و إبدا بوضع النقاط
      حط نقطه ببداية الخط .... بضغطه وحده سريعه على الماوس
      و حط نقطه عند كل ذروة منحنى ....و نقطه عند بداية المنحنى الجديد ..... و هكذا
      و كل ما تضغط على الماوس شيل إيدك بسرعه ( وناسه :6 ) ....و لا تسحب و لا تستمر بالضغط :غضب: ... يعني فقط ضغطه سريعه عند المكان المطلوب بس (ها الشرح يذكرني بخناقي مع تايدوس لما اشرح له :6 )
      و النتيجه راح تكون مثل ها الصوره



      و تقدر تزيد النقاط عند الحاجه إذا بغيت تفصيل أكبر (( مثل الرسم بمناطق الشعر و العين تحتاج تفاصيل دقيقه))
      و الحين إختار أداة الـ Convert Point



      و روح لكل نقطه على الخط ........ إضغط عليها و إستمر بالضغط و إسحب بالماوس .... راح يظهر لك خطوط توجيهيه تتحكم بميلان الخط بنعومه
      و إستمر بتعديل الخط كله بواسطة شد كل النقاط ليما ينتج معاك الشكل النهائي الناعم اللي تبيه ....... و اللي يمشي مع خطوطك و شخابيطك بالخلف



      التعديل الأخير تم بواسطة orange road ; 30-09-2002 الساعة 11:10 AM

    2. #32
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      بعد ما تنتهي من رسم الخط كله بشكله الصحيح
      إضغط على زر الماوس اليمين ........ و إختار الأمر Stroke Path ( راح يخط لك بخط الفرشاه على الاتجاه اللي سويناه )



      و بعدها إختر نوع الأداه اللي راح تخط فوق المتجه اللي سوينها ..... إختار الـ paintbrush



      بعدين إضغط أوكي .....

      راح تلقى الـ paintbrush رسمة خط فوق المتجه الناعم الدقيق اللي سويناه .... (( إختار سماكة الفرشاه المناسبه ... و يفضل الفرشاه تكون نحيفه و خطها دقيق مثل اللي بالصوره ))



      الحين إضغط زد Delete بالكي بورد
      راح ينمسح خط المتجه و يبقى خط الفرشاه فقط



      و إذا ما انمسح المتجه .... إضغط عليه بالماوس و بعدين إضغط Delete لما ينمسح و يبقى خط الفرشاه بروحه مثل الصوره اللي فوق

      و الحين وصلنا لمرحة مسح الرسمه البدائيه الأساسيه و الشخابيط اللي ورا ....... اللي سويناهم أول شي
      ممكن نمسح الطبقه بالمره (( الطبقه اللي سويناها اول وحده .. Layer 1 ))
      او نضغط على رمز العين اللي جنب الطبقه و راح تصير مخفيه



      و بالنهايه تكون النتيجه ..... هي رسمه خطوطها صحيحه ..... و ناعمه و بالشكل المطلوب تمام ..... و بطبقه بروحها

      التعديل الأخير تم بواسطة orange road ; 30-09-2002 الساعة 11:12 AM

    3. #33
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      من المثال السابق ........ نطبق نفس الفكره و نفس الخطوات
      و ما ننسى ان الخطوط و النقط والطبقات ببلاش ........... يعني حط على حسب الدقه اللي تحتاجها
      و الرسمه اللي هي موضوعنا للشرح كانت خطواتها بنفس الفكره
      اولا نحط خطوط الرسمه بشكل سريع ....... سواء من الخيال او فكره مستوحاه من شخصيه ........ و كإننا نرسم برصاص على ورقه



      و بعدها نضيف طبقه جديده ..... و نحول الخطوط الأوليه و الشخابيط لخطوط ناعمه و دقيقه بالـ Pen Tool بنفس الاسلوب بالمثال الأول البسيط



      لكن يفضل ..... انك تعزل الشعر عن الوجه بطبقه مستقله .....
      يعني مثل ما هو موضح بالصوره



      راح تنتج معانا الرسمه نظيفه و خطوطها سليمه



      بعدها بالمساحه ..... نمسح الخطوط و الأطراف الزايده



      و أخيرا ........ تنتهي الرسمه المحبره و الجاهزه للتلوين ...... بخلفيه بيضا و طبقه للوجه و طبقه فوقها للشعر

      تأكد ان الخطوه الأولى هي أساس الفن ....... يعني لا تتوقع بعد ها الخطوه إذا شغلك فيه خلل انه بيترقع
      حاول قدر الإمكان تطور قدراتك الفنيه بالخطوه الأولى بأكبر شكل تقدر عليه
      و هي رسمه نظيفه محبره و حلوه

      إنتهت الخطوه الأولى .....
      التعديل الأخير تم بواسطة orange road ; 30-09-2002 الساعة 11:15 AM

    4. #34
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      الخطوه الثانيه

      و هي التلوين
      في هاذي الخطوه راح نستخدم طبقات كثيره
      الأمر مو صعب ..... بالعكس ممتع لدرجه كبيره (( هونها تهون ....... عقدها تتعقد ))
      بمجرد التفكير راح تعرف اننا راح نلون بطبقه جديده .... و تكون تحت طبقة رسمة الوجه المحبره
      على شان خطوط الوجه و الشعر تصير فوقها باينه
      يعني كل طبقات الألوان سواء البشره او الشعر كلها تكون (((بين))) طبقة الخلفيه البيضا (Background) و طبقة الرسمه المحبره
      و طبقات الألوان نفسها تنقسم ........ لطبقات تلوين الجلد ... و طبقات تلوين الشعر
      اولا .... طبقات تلوين الجلد
      نضيف طبقه جديده ..... بين الخلفيه و الرسمه المحبره مثل ماهو واضح بالصوره



      و تكون هاذي هي أول طبقه من طبقات تلوين الجلد ....... و هي طبقة اللون الأساسي للبشره ( اللي ماهو فاتح و لا غامج )
      و الحين وصلنا لإختيار الألوان
      أسهل و أسلم طريقه لإختيار الألوان :6 ..... هي اننا نفتح صوره حقيقيه ألوانه متناسقه ..... او رسمة مانجا فيها نفس درجات الالوان اللي نحتاجها :6 و ما اضن فيه حد يحب الرسم و ما يكون عنده مخزون ضخم من الصور و الرسوم اللي منقيها نقوه من الانترنت .... ( ههههههه وناسه الحين بوريكم قشي اللي بالكمبيوتر :6 )
      إفتح أي صوره ... فيها لون البشره عاجبك



      و لا تنسى شغلنا و تسرح و تروح بالخيال مع صور المانجا بالانترنت :6 ( واحد عارف روحه .... بسرعه يسرح )

      و خذ درجات الوان البشره بورقه جديده مستقله ....... ( تذكر ها الخطوه مهمه في جمييييع رسومك و تلوينك بالفوتوشوب ... يعني حاول تنقي و تحفظ أحسن شي )



      او خل الصوره اللي فيها الوان البشره جدامك على طول
      و غير لون الفرشاه إلى لون البشره ..... بأداة الـ Eyedropper

      التعديل الأخير تم بواسطة orange road ; 30-09-2002 الساعة 11:16 AM

    5. #35
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      و الحين إختار الفرشاه ( Paintbrush) و إختار اللون الأساسي المناسب للجلد ......... و لون على طبقة الجلد بعد ما تختار نوع و حجم الفرشاه المناسب
      سواء فرشاه صغيره او كبيره من قائمة الفرش



      لاحظ اننا نلون بستخدام الفرشاه العاديه ....... مو بأداة الصبغ المعروفه Paint Bucket
      لان الفرشاه دقيقه بتلوين المناطق الصغيره ..... و هي الأفضل إذا كنت تبي نتايج صحيح بالكامل
      الحين لون البشره بلونها الاساسي



      الحين جاء دور طبقات جديده من طبقات الجلد ........ و هي طبقة لون البشره الداكن ( المظلل )
      و فوقها طبقة لون البشره الفاتح
      ضيف طبقه جديده فوق طبقة لون البشره الاساسي (( إذا ما صارت فوقها .... تقدر تنقل الطبقات بالماوس و تسحبهم و ترتبهم بكيفك بالشكل الصحيح))



      بعدها حدد أماكن الظلال بالوجه ........
      اللي بتكون تحت الفك السفلي جهة الرقبه ..... و تجويف العين تحت الحاجب ..... و الخشم
      نبدأ بالتلوين .... ( بطبقة لون البشره الداكن )
      أولا نختار للفرشاه اللون المناسب للبشره المظلله الداكن بالـ Eyedropper Tool ......... و بعدها بالفرشاه نحط خطوط قليله ببداية المنطقه اللي نبي نظللها

      باللون الداكن



      بعدين نسحب ها الخطوط و النقط القليله و ننشر و نفرش اللون الداكن بستخدام أداة الـ Smudge
      و لاحظ حجم الفرشاه الكبير للـ Smudge Tool اللي هو قيمته 100 ( واضح فوق علي اليسار بالصوره )
      و قوة السحب و نشر اللون ( الضغط ) قيمتها 57% او خمسين ... ( واظحه بأعلى الصوره بالوسط )



      على شان تطلع النتايج جميله ..... إستخدم أداة الـ Smudge بنعومه و حرص ... و إسحب اللون من طرف الفرشاه مو من نصها
      و لا تهتم حتى لو طلع اللون من المنطقه المطلوبه
      و بعد ما ننتهي ....... نمسح اللون الزايد اللي طلع برا المنطقه



      نكرر نفس الإسلوب على الخشم و الوجنه و تجويف العين و الإذن
      و بعدها نسحب و ننشر اللون و نفرشه بالشكل المقبول .... و لا تهتم للون حتى لو طلع و راح بعيد



      ((( و لا تنسى و تتأكد ان التلوين موجود بطبقة اللون الداكن للبشره .... مو بأي طبقه ثانيه .... لان بنص الغشل مرات تتلخبط و تنسى و تلون بطبقه غير الطبقه

      المطلوبه )))
      و لاااااااااااااااااااااا تنسااااااااااااااااااااااا :غضب: تحفظظظظظظظظظظظظظظظظظظظظ الشغللللللللللللللللللللل كللللللللللللللللللللللل ربعععععععععععععععععععع

      سااااااااااااااااااعهههههههههههههههه :6 (( انا معصب على الكمبيوتر :6 مو على احد ))

      صج مصيبه إذا نسيت تحفظ ......... دير بالك


      الحين إمسح اللون الزايد

      التعديل الأخير تم بواسطة orange road ; 30-09-2002 الساعة 11:30 AM

    6. #36
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      و الحين نتجه حق طبقة لون البشره الفاتح ......... و نختار لون البشره المناسب
      و نحدد أماكن النور بالوجه .......
      و راح تكون في المنطقه تحت العين و أجزاء من الإذن .... و مقدمة الرقبه ( و على مزاجك/مزاجج ... )

      و نحط نقطه بالفرشاه الكبيره على المنطقه تحت العين ( و لا ننسى نأشر على الطبقه حقت لون البشره الفاتح أول شي ..... بعدين نلون )



      و نحط نقطه ثانيه كبيره جنبها بالفرشاه ( و كإنك صج تحط بودر على الوجه .... مثل حطت الحريم للمكياج :6 .... خوش تشبيه )



      إسحب و إنشر اللون بالـ Smudge Tool ( بفرشاه كبيره مثل قبل ..... و إسحب اللون من أطراف الفرشاه من من وسطها )



      الحين حط خطوط و نقط اللون الفاتح على منطقة الإذن



      شد اللون و إنشره بستخدام الـ Smudge Tool ( و لا تنسى أفضل النتايج تطلع لما تسحب بطرف الفرشاه ... و يفضل تكون الفرشاه كبير شوي)



      الحين نفس الشي نعمله على مقدمة الرقبه ...... حط اللون الفاتح



      إفرش اللون و إنشره بالـ Smudge Tool



      و الخطوه الجايه ........ هي مسح الألوان الزايده على الأطراف ....
      كان المفروض ها الألوان من بداية التلوين ما تطلع ..... لكن أنا أحب يكون التلوين مريح و ما تتقيد بشي و لا يزعجك شي و انت تلون و تشد اللون
      يعني لما تلون خذ راحتك على الآخر و شد اللون وين ما تبي ..... و ركز ..... لإن فيه خطوه راح تريحك و هي خطوت المسح
      الحين نمسح التلوين الزايد اللي طلع عن حدود الوجه (( لا تنسى ان كل لون له طبقه مختلفه ..... يعني إختار الطبقه حقت اللون و بعدين إمسح الزايد منه ))

      التعديل الأخير تم بواسطة orange road ; 30-09-2002 الساعة 11:34 AM

    7. #37
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      الحين إنتهينا من تلوين الوجه بشكل المطلوب و المقبول

      الخطوه الجايه خطوه و لمسه مهمه و لها تاثير قوي بالفعل
      و هي حدود الرسمه و خطوطها
      واضحه حدود رسمتنا انها سوده عريضه و فاقعه ... ما تتماشى مع تلوين الوجه المتدرج
      و على شان توضح الفكره ..... شوف الفرق بين حدود رسمتنا و رسمه ثانيه نطمح اننا نرسم بنفس إسلوبها



      الفرق واضح
      الحين نبدى بالتغير
      اول شي روح لطبقه خطوط حدود الوجه
      بعدين إختار أداة الصبغ Paint Bucket



      و نختار لها لون مثل لون البشره بأداة الـ Eyedropper..... لكن داكن
      و نروح على الخط تمام و نصبغه و نغير لونه ((( تأكد انك تشتغل على طبقة حدود الوجه .... مو أي طبقه ثانيه )))



      الحين ننعم الخطوط ..... و نشيل الحده اللي فيها بأداة Blur



      بعدها نختار أداة الحرق الـ Burn Tool
      و نحرق و نغمج الخط بالمناطق العميقه ( مثل طرف الفم ) ....... و الناطق المظلله (مثل أسفل الفك) ......... و انت و مزاجك يا فنان/ فنانه



      نكمل عملية تغميج الخط بأداة الحرق ..... على العين و الحاجر و الإذن



      و لما ننتهي من تحسين شكل حدود الوجه بشكل يتماشى مع لون البشره
      يجي دور تعديد نهايات الخطوط ....... لان نهايات الخطوط الحاليه مدوره و ماهي مندمجه مع الجلد
      نختار المساحه ..... و نغير الفرشاه لحجم مناسبه و نغير قوة المسح ..... مثل ما هو موضح بالصوره الجايه
      و نمسح نهايات الخطوط بحرص ..... بحيث تندمج مع الجلد و تصير كإنها خطوط بقلم تلوين حقيقي ناعه شكلها جميل و دقيق



      و الحين ... نمسح خطوط العين اللي صارت داخل حدود الشعر ....... و نعدل الحاجب (( نتأكد اننا مازلنا على نفس الطبقه حقت حدود و ملامح الوجه ))



      الحين وصلنا للشعر و تلوينه .....
      لتلوين و رسم الشعر بالفوتوشوب طرق كثير .... منها اللي يستخدمون ثلاث الوان بس بتلوين الشعر و يكون باسلوب المانجا الأصلي الكرتوني المعروف



      و منها اللي يلونون بأكثر واقعيه ..... و كأنها تلوين بقلم ....و تكون الخطوط باينه و واضحه و مسترسله بنعومه مع الحركه (( الرسمه مرسومه باليد بدون برنامج ....... لكن للتوضيح عرضتها ))



      و منها إسلوب لرسم الشعر ناعم بشكل خيالي و متوهج .... يسحر العين



      و غيرها كثير و ما يحدك غير خيالك (( للفوتوشوب إمكانيه قويه بمحاكات الرسمات الحقيقيه .... يعني بإمكانك ترسم لوحات مثل الزيت بالفوتوشوب ... من دون ما يميز حد انها انرسمت فيه ... و هذا يتوقف على خبرة مستخدمه .. و دقة شغله ))
      التعديل الأخير تم بواسطة orange road ; 30-09-2002 الساعة 11:36 AM

    8. #38
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      نبدأ برسم الشعر بإسلوب بسيط و سريع
      اولا رسم شعر الحاجب
      راح ناخذ منعطف بسيط بالشرح ........ و نظرب مثال بسيط لرسم الحاجب بالتفصيل (( بناء على طلب أخوي العضو Touya ))

      اولا الحاجب يكون في طبقه مستقله فوق الجلد ((( في مثالنا الأصلي الحاجب موجود مع طبقة الوجه فوق الجلد )))



      نأشر على طبقة الحاجب ....... و نحط تحديد حول منطقة الحاجب بالـ Polygonal lasso Tool مثل ما هو واضح بالصوره (( على شان ما تتأثر الخطوط اللي حول الحاجب بنفس الطبقه لما نشتغل عليه ))



      و بعدها نختار الـ Dodge Tool (( أداه لتفتيح اللون )) و نغير الفرشاه مثل ماهو واضح بالصوره الجايه فوق على اليسار...... و نختار فرشاه فيها نقط منتشره

      ..... و يكون حجمها كبير و مناسب ....... و تأكد ان قيمة الـExposure منخفضه ..... مثلا خمسه مثل ماهو بالصوره



      حرك الفرشاه على الحاجب بنعومه بإتجاه حركة الشعر ........ و راح تلاحظ اللون بدى يتفتح على شكل خطوط مفرقه .... و كل ما حركت الفرشاه اكثر كل ما

      تفتح اللون أكثر (( لاحظ شكل و حجم الفرشاه بالصوره .....واضح داخل الدائره))



      الحين نختار الـ Smudge tool على شان نشد الشعرات بأعلى الحاجب (( لاحظ قيمة الـ Pressure هي 20 ....... و لاحظ إني أشد الشعر بطرف الفرشاه الخشنه بإتجاه حركة الشعر الطبيعيه ))



      الحين نختار أداة الحرق ..... الـ Burn Tool ....... و تكون قيمة الـ Exposure منخفضه ...مثلا 12% ..... و نحرق و نغمج المنطقه السفلى من الحاجب .....

      لاحظ حجم الفرشاه الكبير .... و اننا دااااائما نشتغل بطرف الفرشاه الكبيره مثل ما هو واضح بالصوره على شان نحصل أفضل و أنعم نتيجه



      الحين نختار المساحه ..... بفرشاه كبيره ..... و قيمة الـ Opacity قليله......تساوي 25% ........ و نمسح أطراف الحاجب بشكل خفيف على شان يتداخل مع الجلد بشكل اكثر دقه



      و النتيجه هي حاجب شكله حلو و مقبول مثل ما في الصوره



      انتهى الحاجب
      التعديل الأخير تم بواسطة orange road ; 30-09-2002 الساعة 11:45 AM

    9. #39
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      طبق نفس الإسلوب على الحاجب برسمتنا الاساسيه

      و الحين جاء دور تلوين شعر الراس
      راح يكون الشرح سريع لاننا صرنا اكبر خبره بأسماء الأدوات و إستخدامها
      الحين سو طبقه جديده فوق طبقات الجلد و سمها طبقة تلوين الشعر .....
      لون فيها باللون المناسب منطقة شعر الراس ..... و إمسح اللون الزايد إذا طلع برا الحدود



      كمل التلوين بشكل كامل ....... و إذا فيه أي نقص او مكان فارغ خلصه .... و إمسح الزوائد .... و خل الرسمه تتلون كلها



      الحين مثل ما بدلنا و غيّرنا لون حدود الوجه قبل و خليناها تتماشى مع لون البشره ....
      نغير لون حدود الشعر .... بلون قريب للون الشعر نفسه ....... (( إختار طبقة حدود الشعر ..... و إصبغ لون الحدود بلون قريب للون الشعر ... لكن داكن أكثر ))



      ننعم و نشتت حدود الشعر بأداة الـ Blur



      الآن وصلنا لتفصيل الشعر
      راح أبسط الأمر بشرح مثال جانبي بسيط مثل العاده
      و نستخدم بعد المثال التفصيلي نفس الإسلوب لجميع مناطق الشعر بالرسمه الأساسيه للشخصيه حقتنا
      نبدأ المثال
      اولا راح نرسم خصلة شعر ..... بعدين نرسم لمعات بروحها بورقه ثانيه ..... و ننقل اللمعه المناسبه فوق الخصله (( مثل أوراق القص و اللصق ))

      نبدأ
      أولا خصلة شعر مستقله بطبقه (( الخلفيه أصبحت سودا للتوضيح بشكل أكبر ))



      الآن إفتح ورقه جديده بيضاء ( File > New )
      و لون خلفيتها و خلها سودا
      و أضف طبقه جديده ..... مثلا إسمها ..( لمعه ... 1 ) (( ملاحظه ممكن تغير إسم الطبقه بالضغط على الزر الأيمن للماوس وفوق الطبقه بعدين غير خصائصها إكتب الإسم اللي تبي عليها))



      إرسم بالفرشاه خط أفقي داخل طبقة اللمعه 1 .......... مثل ما هو موضح بالصوره



      الآن إختار أداة السحب الـ Smudge tool و تكون قيمة الـ Pressure تساوي خمسين بالميه ..... و الفرشاه تكون خشنه ( نقط مفرقه )

      التعديل الأخير تم بواسطة orange road ; 30-09-2002 الساعة 11:51 AM

    10. #40
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      نبدا نشد الخط الابيض بشكل عمودي ....... فوق ...تحت ... لما يتشتت (( لان من السهل اننا نحرك الماوس بشكل عميدي ....... لكن الميلات الناعمه صعبه))



      نحدد .... تحديد مستطيل حول الخط الابيض المشدود ..... مع ترك مسافه معقوله من فوق و تحت (( لا تحدد المستطيل على الخط بالضبط ... اترك مسافه بسيطه ))
      مثل ما هو موضح بالصوره الجايه ........ و بعدها نضغط بزر الماوس اليمين فوق التحديد .... و نختار من القائمه اللي تطلع .... أمر Free Transform (( تشكيل حر ))



      نلاحظ ان طلعت لنا محاور و نقط تحكم ........ نقدر فيها نشد و نفر الشكل براحتنا



      شد الشكل ..... مثل ما هو باين بالصوره ( من فوق و من تحت )



      إضغط على Apply إذا النتيجه من الشد عجبتك



      الحين طلعت لنا لمعه للشعر شكلها جميل ....... لكنها جامده ما فيها ليونه مثل ليونة و مرونت الشعر

      التعديل الأخير تم بواسطة orange road ; 30-09-2002 الساعة 12:01 PM

    11. #41
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      لازم نحني اللمعه .... على شان تكون أكثر مرونه و شكلها انسيابي و مسترسل مع الخصله اللي راح نحطها فوقها
      و على شان نحنيها ..... نروح لفلتر اسمه Shear ( إتبع الصوره على شان تعرف مكانه)



      لما يفتح الفلتر ........ راح تشوف خط رأسي .... حط عليه نقطه و خله يميل للدرجه المطلوبه بالإتجاه اللي تبيه ..... و لاحظ شكل اللمعه ينحني معاك تحت كل ما

      تغير بميلان الخط



      إضغط اوكي
      و راح ينتج معانا لمعه جميله للشعر ..... مايله بشكل متناسق



      الحين أضف طبقات كثيره و كل طبقه حط فيها لمعه شكلها غير ... و طولها غير ... و ميلانها غير (( و تقدر تنسخ الطبقه بدون ما تعيد كل الشغل من جديد

      .... بضغطه على زر الماوس اليمين على الطبقه اللي تبي تنسخها ... و بعدين إختار أمر Duplicate Layer ))
      و الحين صارت عندنا صوره فيها لمعات كثيره كل وحده شكلها غير و ميلتها غير



      هاذي الصوره بمثابة أرشيف او مخزون للمعات شعر ممكن أستخدمها في أي وقت و على اي رسمه للشعر (( مثل أوراق القص و اللزق ))
      يعني ما يحتاج كل مره نعيدها .......بس نسويها مره وحده بعدين نحفظها و نستخدمها متى ما نبي

      نرجع لصورة الخصله ....... و نفتح جنبها صورة اللمعات
      و نختار أداة التحريك الـ Move Tool مع مراعان ان خاصيتين الـ Auto Select Layer و الـ Show Bounding Box شغالات و عليهم علامة صح

      .......... و ننقل اللمعه المناسبه إلى صورة الخصله



      إنتقلت اللمعه بنجاح و صارت بطقبه بروحها مثل ما هو واضح ....... و صارت جنب الخصله (( لازم تكون طبقة اللمعه فوق طبقة الخصله ..... ))
      و لاحط محاور و نقط الشد و الفر باينه حول اللمعه ......... تقدر فيها تعدل و تضبط و تفر اللمعه لما تركب على الخصله تمام



      الآن غير باللمعه و شدها و فرها لما تركب فوق الخصله بشكل مقبول ....... و لا تهتم حتى لو ما صارت ميه بالميه ..... لكن على الاقل خلها تتماشى مع حركة الخصله و تكون بحجم مقبول

      التعديل الأخير تم بواسطة shaheen ; 11-11-2002 الساعة 12:02 PM

    12. #42
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      الحين غير شفافية اللمعه ....... و خلها تندمج بشكل ناعم مع الخصله .... يعني إضغط على طبقة اللمعه بالأول بعدين غير بخاصية الـ Opacity و قللها للدرجه المناسبه



      الحين إستخدم المساحه و إمسح أطراف اللمعه اللي طلعه برا الخصله بشكل خفيف ....... و إحرق و غمق أطراف الخصله الفوقي و التحتي ......



      و النتيجه الأخيره بمثالنا البسيط هي خصله عليها لمعه مفصله و دقيقه





      (( ممكن من كثر الكلام تحس الخطوات طويله ..... لكن بالحقيقه الأمر ما ياخذ ثلاث دقايق لو طبقته من نفسك ))
      التعديل الأخير تم بواسطة shaheen ; 11-11-2002 الساعة 12:03 PM

    13. #43
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      الحين نرجع لرسمتنا الأساسيه

      و نطبق نفس الإسلوب ........ نفتح صورة اللمعات ... و نحطهم داخل صورت الشخصيه و نشدهم و نعدلهم و نركبهم بنعومه على كل خصله بشكل سريع
      و ما ننسى ان اللمعات لازم تكون فوق طبقة الشعر
      و بعدها نحرق الشعر و نغمق أطرافه بأداة الـ Burn
      و راح اعرض الصور بالتريب ..... و منها تعرف الخطوات من دون شرح
      انقل اللمعات و نسقها على أطراف الشعر بالشكل المناسب



      اسمر بوضع اللمعات بمكانها الصحيح ..... و مسح الأطراف الزايده



      استمر (( واضحه اللمعه بالجهه اليمين ..... إستخدمها بالمكان المناسب ))



      بنفس الوقت إحرق و غمق أطراف الشعر ....... القمة الراس .....(( يمكن تكون الصور لونها داكن و مو باينه التفاصيل ..... فتح ألوان شاشتك و زود السطوع على شان تبان الألوان بالشكل الصحيح و تبان التفاصيل))







      إنتهينا من تلوين الشعر و الوجه بالكامل
      التعديل الأخير تم بواسطة shaheen ; 11-11-2002 الساعة 12:05 PM

    14. #44
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      و الحين وصلنا للعين .....


      حبيت أخليها آخر شي لانها على الرغم من بساطة خطواتها إلا إن تأثيرها قوي جدا على الرسمه ....

      نعمل طبقه جديده للعين ..... و تكون ها الطبقه تحت طبقة الجلد و الشعر و الحدود ........ يعني آخر طبقه من تحت
      و مثل ما تعلمنى كيف نلون الوجه و نحط طبقات مفصله ..... و مثل الشعر كيف فصلناه ..... الحين جا دورك ترسم دائرة سواد العين بنفس المبادىء
      يعني حط لها طبقه .... تحت كل الطبقات .... و حط لون الأساس ..... بعدين الطبقات للألوان ..... و طبقةاللمعات ....... لما تكتمل معاك العين كلها



      و الحين بعد ما إكتملت الرسمه بالكامل من ناحيت التعبيه و التلوين
      جاء دور اللمسات الأخيره .......
      مثل الظلال ...... و تعديل حواف الشعر الدائريه .... و نخليها حاده ... و مسح أي أخطاء و تعديلها .... يعني نظره عامه على الرسمه بعنايه مع التعديل


      اولا الظلال
      نبدأ بظل الجفن الخفيف على العين
      اولا نسوي طبقه فوق كللل الطبقات ..... يعني طبقه جديده في القمه
      ناخذ الفرشاه العاديه .... و نختار اللون الأسود ..... و نختار حجم الفرشاه المناسب للعين .....و نخط خط عريض و كبير على الجفن العلوي للعين (( مثل ما هو موضح بالصوره ))



      نأشر على طبقة اللون الأسود (( طبقة الظل للعين اللي في القمه )) ... و نزيد من شفافيتها (( نخفض الـOpacity))..... و نخليها مثل الطيف الناعم



      نمسح الظل اللي طالع برا العين ....... و نخلي الطبقه شفافه أكثر .... مثل ما في الصوره ...



      الحين خلصنا من ظل العين
      التعديل الأخير تم بواسطة shaheen ; 11-11-2002 الساعة 12:06 PM

    15. #45
      التسجيل
      15-12-2001
      المشاركات
      1,255
      المواضيع
      15
      شكر / اعجاب مشاركة
      نبدا بظل الشعر بنفس الطريقه ........ حط طبقه جديده تحت طبقه الشعر و فوق طبقة الجلد ..... يعني بينهم (( على شان الظل أصلا فوق الجلد و تحت الشعر ))
      و حط خطوط سودا فوق الجلد بطبقة الظلمل تتماشى مع الشعر ...... و بعدين خل الطبقه شفافه .....و مزح الزوائد .... و بعدها ينتج معاك ها الشكل



      نلاحظ الحين ....... ان الظلال على الجبهه خفيف يحتاج سواد أكثر (( من نظراتك الأخيره للرسمه تعرف النقص و تحاول تعدل فيه ..... ليما تطلع الرسمه بالشكل

      الأفضل ))
      نزيد طبقه للظل بعد ..... و نخليها طبعا بين الشعر و الجلد
      و نلون باللون الأسود على المنطقه المطلوبه



      نخلي الطبقه أكثر شفافيه ..... و تطلع بها الشكل



      و أخيرا .......إنتهة رسمه راس الشخصيه .... بشكلها النهائي
      لكن صبر ?:
      ليما الحين فيه بعض المناطق فيها شي غلط ...... مثلا اطراف الشعر .... او الخصله اللي يم الإذن شكلها غريب



      عندك المساحه ..... و عندك كل الأدوات ..... دبر عمرك الحين يا فنان
      و الخلفيه أمرها بسيط ....... بكل بساطه أرسم خلفيه مناسبه للشخصيه .... و حطها بطبقه أسف كللللل الطبقات
      و إنتهينا يا فنان و يا فنانه :6

      التعديل الأخير تم بواسطة shaheen ; 11-11-2002 الساعة 12:08 PM

    صفحة 3 من 8 الأولىالأولى 12345678 الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •