طلاب البترول يقولونmath..و هم يقولون..ريض!!!!!

[هندسه كهربائية]

السلام عليكم

موضوع غريب قريته من اوله لآخره لكن بقول ان عاقبة كاتب هالموضوع يمكن تكون وخيمه لانه صابه شي من الغرور والله لا ينظر الى العاااائل المستكبر يوم القيامه ....

اقول وبالله التوفيق جامعه الملك فهد للبترول والمعادن افضل جامعه في السعوديه تدرس هندسه بدون شك (على فكره انقبلت فيها وما رحت)

لكن انك تتكلم بهذا الاسلوب اختلف معك تمامآ لأن العبره مو فالفيز والريض العبره في الي يتدرس في الكتاب والمدرس
انا اعرف دكتور عندنا في جامعتنا أم القرى كان يدرس في جامعتكم الملك فهد و درسني ماده تحكم آسف قصدي control عشان ما تقول عننا متخلفين لكن للأسف الدكتور الي جاي من عندكم لا يفقه شئ في مادة التحكم يعني الي درسو عنده تحكم من طلابكم تخرجو وهم ما يعرفون ايش معنى تحكم لكن عندنا اعضاء تدريس يدرسون الي عندكم وعندنا غير كذا وتعال وشوف

العبره مو في الاسم يا عزيزي احذر من هالكلام

وبعدين تعال ايش الي تاخذ صدر المجلس وغيرك ما يتكلم لمن تتكلم ... يا عزيزي بعدك صغير وتتكلم بسطحيه وبدون تجربه وبهذا الاسلوب ما تستحق ابدآ تاخذ صدر المجلس واذكرك بقول احد السلف ان العلم لا يناله خجول ولا متكبر

اتمنى انك تتراجع عن كلامك وتحترم الغير

وبعدين هذا من أسباب التخلف انك تتكلم وتقول مصطلحات انجليزيه يعني شوفوني اعرف انجليزي لازم يكزن عندك افتخار بنفسك واصلك

وانت جالس تخلق نقطه خلاف بين الطلاب ربما لا تحمد عقباها الفتنه نائمه لعن الله من ايقظها ...

فاهم ولا لا ؟؟؟؟؟؟

سامحني لأني مثقف بس ما ادرس في جامعه البترول والمعادن

[xl_cool]

السلام عليكم
اشوف الناس يمدح بالجامعه وبعض يذمها جامعة البترول
وانا بحكم اني طالب بالجامعه
احب ام ابدي رايي بالجامعه
طبعا لاحد ينكر ان افضل مكافات طلاب جامعة الملك فهد الي هي 1000 ريال اسف 990 ريال او د
لا يمكن توصل 500 مع المخالفات اعاذنا الله واياكم
ثاني شي المدرسين يا عيني عليهم
صراحة بعضهم كويسين وبعضهم عطه اشكل(دق اللطمه (ما البس شماغ)ونام
اليوم واحد منهم ما ادري ويش لون يشرح على النوت باد(درس سي بلس بلس)
و بعضهم احلى شي عنده يشرح قليل ويحل اسئلة كتيرة من مياجر السنوات الي قبل(مفيده بالفيزيا) لانها من الجامعه مو من المدرسين
وايضا المويه مصديه ريحت الصدا طالعه منها حتى بالسكن
والغرف جدا صغيره
يدوب تنام فيها انت وخشتك(روميتك)
الى الله المشتكى
وهكدا
لكن اعتبرها من افضل الجامعات بالمملكه
لكن لو يشيلون هالاتيندانس الجامعات بره ما يهتمون بيه
لان الطالب في هادي المرحله يعرف مصلحته وين
واسف على الاطاله

[حسن طنقر]

والله كلام الأخ هندسة كهربائية صحيح ..ايش الي بترول ومابترول والفشخرة الزايدة .. حبيبي ياكثر الي جو من أمريكا وغيرها بشهادات قد الدنيا ولمن اتوظف مو عارف يجيب معادلة رياضية بسيطة حتى يمشي شغله.. وبعدين مو شرط الطالب يعتمد على الجامعة والدكاترة .. المفروض هو يبحث ويوسع معارفه ومداركه لحاله ويسأل ويجرب وياخذ أكثر من دورة لها علاقة بتخصصه.. هذا هو مقياس المفاضلة .. وبعدين شايفك انت الوحيد الي فرحان شوف بقية زملاءك واضح إن وضعهم صعب فعلا .. والله إلي يشوف بلاوي الناس تهون عليه بلوته .. يازينك ياجامعة أم القرى ساكن في حي العوالي 5 دقائق ماتاخذ من بيتك للجامعة.. بلا سكن بفلوس ورووم ميت ومطعم مسمم " الله يخلي شيخ برجر " واذا عندك بريك ماتقعد تصيع في الجامعة ترجع بيتك .. الحمد لله على النعمة.

[Ceaser]

السلام عليكم ورحمة الله وبركاته

الاحبة بارك الله فيهم ,

بحكم خبرتي في الجامعات , وخاصة اني درست في جامعة الملك فهد للبترول والمعادن

وايضا جامعة الامام محمد بن سعود الاسلامية وايضا جامعة الملك سعود , فلعلي خبرتي البسيطة

تكون افضل من تقصي الاراء من الطرفين ,

جامعة الملك فهد للبترول والمعادن طريقتها في التعليم طريقة متميزة وجوها الدراسي والتسهيلات

المقدمة للدارس لا تضاهيها جامعة اخرى , تتميز الجامعة من نواحي اكاديمية بتفوق واضح خاصة بالنسبة

للكوادر التعليمية وايضا تبنيها المواد باللغة الانجليزية تؤهلك لاكمال الدراسة العاليا في الجامعات العالمية

سواء الامريكية او الكندية او البريطانية بسهولة اكبر وتمكن , وخاصة الكثير من مناهجها مطابقة لبعض

مناهج الجامعات هناك,

في جامعة البترول يقوم الطلاب بتقييم (مدرس المادة ) ويمكن وفق هذه التقييمات والملاحضات تغيير

مدرس المادة او حتى الاستغناء عنه ,

تدريس اللغة الانجليزية يكون بكوادر اجنبية امريكية او بريطانية او استراليه , وهذا يضفي ميزة على برامجها

اللغوية ويقوي مستوى الطلاب , لانشطة الرياضية فعالة وتنمية المهارات الرياضية ميزة من مميزات هذه الجامعة

تتميز جامعة البترول بتطبيق صارم للانضمة مشابه لما في بعض الجامعات الامريكية العريقة وهذا يؤدي في حالة

تأقل الطالب معه الى نتائج ايجابية .

بالنسبة لجامعة الملك سعود ايضا فيها كوادر عالمية وبروفسورات على مستوى عالي , وخصيصا من خريجي

الجامعات العالمية المتميزة , تعاني هذه الجامعة من اختلالات بسبب كثرة عدد الطلاب فيمكنك في كلية واحد

ان تجد اضعاف العددالكلي لطلاب جامعة البترول !, اذان المشكلة الاساسية الكم الهائل من الطلاب وهذا بدوره

يؤثر على مخرجاتها ,

في الجامعة كليات على مستوى عالي جدا وشهرة عالية عالميا مثل كلية الطب البشري حيت تخرج طلاب على

مستوى عالي , التساهل بالنبسة للانضمة وعدم التدقيق هي ميزة وخاصة الاعداد الكبيرة من الطلاب كما ذكر

سابقا ,

ختاما تميز الطالب هو السبب الاول والاخير في النجاح سواء في هذه الجامعة او تلك , وشغفه بالاطلاع وتطوير

القدرات الذاتيه قد يكون الركيزة التي تفتح امامه ابواب النجاح على مصراعيها , واعتقد ان خريجي الجامعتين سواء

الملك سعود او الملك فهد , يستطيع ضمان مقعد في جامعة هارفارد او ماستشيوستس او غيرها من افضل

الجامعات العالمية ولكن يحتاج الى (لعزيمة ).

سبحانك اللهم وبحمدك اشهد أن لا اله الا أنت استغفرك وأتوب اليك

[back street]

انا ادرس بجامعه الكينق سعود

شفت اعرف انقليش وش رايك بالكينق
المهم
اسوى جامعه هي الي ادررس فيها
مع اني ماقد درست بغيرها
والاسباب عدة من اهمها واولها دكتاتورية الدكاتره فمن حق الدكتور ترسيب الطلبه كلهم وعدم حبهم للمناقشه الطلبة والا من رحم الله
فكم من دكتور حمل طالب المادة بسبب انه ناقشه في حل مساله وش هالتخلف ياتقول كلامي صح يا انت راسب
بس على كل هذا جامعتنا احس انها لها ثقل وكل الناس تحسب حسابها

[motawish]

فالبدايه السلام عليكم ورحمة الله وبركاته

اما بعد

فانا واعوذ بالله من قول انا احد طلاب جامعة الملك فهد للبترول والمعادن

واحد الطلاب المبتعثين من ارامكو السعوديه(سي بي سي).
وانا في السنه الرابعه تخصص علوم الحاسب والمعلومات.
وانني لاثني على جامعتي ولا اقلل من شان ومستوى الجامعات الاخرى
فكلها جامعاتنا ونحن اخوه ولا داعي لبعض الحزازيات والعنصريات الجاهليه
فاقول وبالله التوفيق
ان جامعة الملك فهد من افضل الجامعات واقولها لكم بكل صدق فانني احبها ولو كانت بنتا لخطبتها
ولكن
يقال ان هناك بعض النصب والاحتيال من قبل الاداره الجامعيه فاقول اننا لانزكي على الله احدا ولكن وبحسن الظن بالناس انهم من افضل الاداريين وانجحهم واعلم ان تعاملهم ممتاز مع كل الطلبه
(ولكن يوجد بعض الطلاب الذين همهم الاسواق والبنات ولا يعبرون الدراسه وينتجون اخيرا تقديرات مشينه)
وعند ذلك فلابد للاداره من التعامل معهم بحزم ويعطونهم الفرصه تلو الاخرى ولكن بعظم يتمادون
وهم الذين يسبون الاداريين فالغالب
وانا اقول ان شخصا اتى للدراسه او اي واجب كان ولم يتقن واجبه باكمل وجه وهو قادر على اكماله
فانه لايستحق ان يقدر ولابد من معاقبته وعدم تقديره(وجهة نظر)
اما من ناحية الاكاديميين فانه لايخلو اي مكان من الجيد والردي ولولا الردي ماعرف الجيد
ولكن نسبة الاكاديميين الرديئين لا تتعدى بتقدير 5% على الاكثر(بتقديري او اقل بعد)
واخبركم انني لا اعرف اكاديميا عندنا واعتقد انه رديء فكل اللذين اعرفهم ممتازين وافخر انهم درسوني.ولوكان الوقت يكفي لذكترتهم واثنيت عليهم
اما الذين يسبون الدكاتره فاغلبه يسبونهم لانهم شديدين ويبغون الطلاب يكونوا اعلى مستوى فيضغطون عليهم والطلاب يبغون كل شي بالراحه.ومافيه شي يجي بالراحه.
ولا اريد الاطاله في هذه النقطه
اما الاسكان فاقول وبالله التوفيق ان الدكتور السلطان عندما تولي ادارة الجامعه وعد الطلاب بحل مشكلة السكن والمشاريع الان شغاله وقد سالت احد المسوولين فاخبرني انهم سوف ينجزون عملهم ويكملونه على بداية العام الدراسي الجديد.
(مع العلم انني وزملائي نسكن في العماره وهمجالسين يبنون جنبنا ولجونا بدقهم وحفرهم وصار الطريق ضيق للروحه والجيه) لكن الصبر زين من صبر قدر(يعني لو بكيفنا قلنا لاتبنون شي خل كل شي كما هو لكن الطلاب الاخرين لازم تحل مشكلة السكن عندهم)
والكتب ببلاش والحمد لله
والمكافات كل راس شهر
ولانريد الا ان يدوم فضل الله علينا
واما سالفة الوظيفه بعد التخرج فان الله هو كاتب الارزاق ولكن فرص العمل متاحه واغلب الشركات تمدح طلاب البترول وغيرهم

واما الجامعات الاخرى فليس عندي خبر عنها ولكن اعتقد انها لن تقل مكانه عن جامعة البترول

واما اللذي يريد المقارنه الصحيحه فلايلتفت الى السكن او المكافاه او الاشياء الماديه
ولكن يقارن الاداء الاكاديمي ويقارن المواد التي تقدمها الجامعه ومستوى تدريسها ومواكبتها للعصر
ويحاول ان يبتعد كل البعد عن الانحيازيه

وانني في هذا المقال اشكر كل من ساهم في هالموضوع والله يسامح من بدا فيه فالمفروض يبتدا باشياء تثلج الصدر وليس بالماث او السكشن فحتى الهنود يعرفن انجليزي. ولكن ياطلاب فكروا كيف تنهضون بالامه لاعلى ولا تكونوا سطحييين وتنشغلوا بالمظاهر
واخير وليس اخرا
الله اعز الاسلام والمسلمين
واحفط امن بلادنا وساعد ولاة الامر والمواطنين في نحر الارهاب واعوانه واحفظ لنا ملكنا
واحفطنا ولي عهدنا ابو متعب طير شلوا
وجميع المسولين والاخوه
والسلام عليكم ورحمة الله وبركاته واسفين على الاطاله.
ودمتم