الكل يقول ايش الرسوم إلي كان يشوفها وهو ياهل

[هـداف]

شكرا على ردكم بالموضوع يازهرة الجبل ويياروايه....مع أني متأخر بالرد لكن إعذروني:#

روايه عليك ذاكرة قوية...مشاءالله عليك

[Ranze Eto]

موضوووووع حلوووووووو .....

امممممممم اذكر لما كنت اصغيره كان عندي اكثر من 250 شريط

بعضهم وارثتهم من خواتي اللي اكبر مني و البعض اآخر شاريتهم و مسجلتهم من التلفزيوون ....

اول شريط اغتنيته في حياتي وكان ملكي يعني ما ورثته اذكر كان هديه من عمي ( و الله و الهديه عاد ) شريط توم اند جيري

وااااااااو احلا شي توم اند جيري القديم .... حكيييت الشريط حك لين انقطع لا و خليت اخوي الكبير يصلحه لي عشان ارجع اشوفه ..

من بعدها ... بديت اشوف

* سبانك ( هذا حبيبي لين اللحين ) الاجزاء كلها

* رانزي الساحره ( اعتقد انكم اتعرفون مدى اعجابي بهالكارتون) اجزاءه كامله عندي

* المقاتل المضح (:واو: كح كح كح اطلعت اغبره ..ادري لانه قديم )

* سالي

* سالي (رحلة العجائب)

*بسمة و عبدو

*المهرج كيري

* الرجل الحديدي

* سوسن (الزهرة الجميله)

* ساندي بل

* توم سوير

* فلونه

* هايدي

* أسألو لبيبه

* لوسي

* قصص عالمية ( كنت احب قصة كسارت البندق و البجعات و كنت اتأثر لما الساحره العجوز ادخل الابره في قدم البنت :" )

* نينجااااا المغامر "كبامارووو" حبيييييييبي العبيط :6

* و الاميره ياقووووت

*بوليانا

* لولو الصغيره

*زينه و نحوول

* بشار

*الهداف

*الكابتن ماجد

* مغامرات أحلام و الكوالا

* باربا شاطر اعظم ساحر ( كح كح كح:واو: )

*جورجي

* مغامرات ريمي (القديم "الولد" )

*بن بن .... (ههههه كنت احب العم شنبو )

* الضفدع الشجاع

* سهم الفضاء

* رنين (سفينة الاصدقاء)

* الدب تيدي

*الدببه الطيبون

* اليس في بلاد العجائب

* السندباد

*نصف بطل

* صاحب الظل الطويل

* التوأمان

* رحلة عنابه

* ماوكلي

*أحلام ذهبية

*حكايات لا تنسى

* ليدي ليدي

*عدنان و لينا

*فولترون

* خماسي

*سانشيرو البطل

*الليث الابيض

*كاليميرو

*ماهر المغامر

*فتاة المراعي

*السنافر

*جونكر

*الشناكل

*ميمي الصغيره

*لبني السريعه

*اخي العزيز

* فتاة المراعي

*نيلز

*جازورا

*السيدة ملعقه

*رامي الصياد الصغير

*مغامرات كوكي (فشفش )

*ساسوكي

امممممممممممممم استرجع

* فيه رسوم و الله ما اذكر اسمه الولد اللي يسافر عن طري المذنب و عنده ورده حمره تطلع منها بنت حلووه .. ?: نسيت اسمه

و الله نسيت الرسوم اللي شفتها وايد ... اذا ذكرت بكتبهم لكم
اممممم اغلب هالرسوم عندي الاجزاء كلها و بعضها كم جزء و بعضها جزء واحد ... هذا قبل ... بعضهم اللي تمو عندي للحين

بس اللحين لم يبقى سوى الاطلال :6

[DAURAGON]

الله ...ذكرتونى بأيام الطفوله.....واتذكر اشياء مرره ظريفه
اتذكر ايام زينه ونحول لما كان ينعرض على القناه الأولى...لما يجى وقته
نروح انا واخوى المطبخ علشان نجهز حليب شوكلاته باالمزازه حق البيبى
ونجلس مقابلين التلفزيون ونشفط فى المزاز.......ههههه ذكريات حلوه
وكمان كنت اموت على شى اسمه حكايات لاتنسى حق القرود الثلاثه:6
وكنت اتابع هايدى بعد....كنت بعد ماتنتهى الحلقه اروح عند ابوى اصرخ
واصيح ابيه يشتريلى معزه صغيره مثل هايدى...
وكنت اموت على كعبول وبسيط.......:6
كمان تابعت اوسكار وبصراحه احلى رسوم كرتونيه تابعتها وعرفتها للحين
اهى وصديقها اندريه وماري انطوانيت ..بصراحه مرره كانت روعه وعلى فكره اوسكار طالعتها اخر مره الشهر اللى فات....يعنى مو وانا ياهل...
وكمان كنت اتابع بوليانا وساسوكى وكبمارو وسنشيرو .........وبصراحه ماخليت شى الا وتابعته
ونا للحين اتابع.....سلام دانك وكونان وسابق ولاحق ودراغون بول..<<اصله بيبى:6 :6

[Madoka]

الرسالة الأصلية كتبت بواسطة DAURAGON
وكمان كنت اموت على شى اسمه حكايات لاتنسى حق القرود الثلاثه:6

ذكرتني فيه كنت اتابعه انا و اخواني و ليلحين اتذكر حلقه قوس قزح و الطيور لما تتلون .. كانت مؤثره جدا:"

.. و هم كنت اتابع عقله الاصبع ":"

و جم شغله مثل كريم و ريم ، و سبورت بيلي هههه و بيبي فوت (الفقمه البيضاء) ^___^

الحين لو اشوف واحد من آخر 3 مسلسلات كتبتها تلوع جبدي :": ساعات افكر احنا اشلون تابعنا بعض هالرسوم ^^!

[Ranze Eto]

الرسالة الأصلية كتبت بواسطة Madoka

الحين لو اشوف واحد من آخر 3 مسلسلات كتبتها تلوع جبدي :": ساعات افكر احنا اشلون تابعنا بعض هالرسوم ^^!

:واو: بس مادوكاااااا ...كانت ايام حلوه ... احس للحين لو شفنا هالرسوم بنحبها مو عشان آلوانها البهاته و الرسوم القديمه لا بس لانها جزء من ذكرياتنا و ايامنا الحلووو

على الاقل احلا من التفاهات اللي يحطونها لليهال هالايام ... و الترجمة الركيكه :6 و التأليف و خصوصا سبيس تون ....

الصراحه انا انقهر لما يحطون لقطات لكارتون انا واخي ويسونه على رمضان و انهم صايميين و هالحركات ...

صدقوني انا مب مقهوره عشان ارمضان بالعكس احترمه و احب انه لو بيسون شي عشان رمضان من انتاج عربي ...بيكون احسن بوايد من انهم يترجمون غلط و يستخفون بعقلية الاطفال ... و اليهال مب اغبياء

طلعنا عن موضوعنا الاساسي ....

على طاري " ريم و كريم " ههههه كنت اصغيره لما اعرضو هالرسوم كان عمري 5 سنين (ياحليلي) ...و تأثرت وايد بكريم لما كان ياكل و يشرب بصبعه ....لما كانت امي اتحط لي الاكل احط صبعي عليه و احرك حلجي
هههههههه ... لين احصل لي صرخه من امي بعدين آكل عدل ..:6
عبط

[Rewayah]

الرسالة الأصلية كتبت بواسطة Ranzie Eto
* باربا شاطر اعظم ساحر ( كح كح كح:واو: )

ول خييييييييبة! هذا صدج جديم عاد!

الرسالة الأصلية كتبت بواسطة Ranzie Eto
* مغامرات ريمي (القديم "الولد" )

أدري أعرفه! وايد حلو!

الرسالة الأصلية كتبت بواسطة Ranzie Eto
* الضفدع الشجاع

نؤ نؤ؟ طبلوج؟ ":"

الرسالة الأصلية كتبت بواسطة Ranzie Eto
*مغامرات كوكي (فشفش )

فشفش؟ @@
ليكون تقصدين "مشمش" أخو كوكي الصغير؟ @@

هالرسوم أنا عقدني من حلات شخصياته وأفكاره!
أحلى الحلقات, حلقة الداراكولا اللي كان يبغي يمتص دم لولي أخت مشمش الكبرى...
وبعدين إكتشف إنها آلية.
عض رقبتها وإنكسر ضرسه! @@ ههههه

وكذلك حلقة الرجال اللي يتحولون إلى ذئاب وجايين من كوكب إنفجر ليختبؤا في الأرض.
كانوا الصيادين يصطادونهم وهم في حالة الذئب, وهم يحاولون وقف عمليات القتل دون أن يكشفوا حقيقتهم.

وحلقة المخلوقات اللي فوق الكوكب اللي ياخذون الوجوه عن طريق لمس اليد...
الصراحة "أرعب" حلقة!

وحلقة يوم يتعرفون على الـ "ديسبيرادو" الرحال, شكله كان رهيب! ;-) اللي ساعدهم يقبضون على عصابة تهريب المخدرات اللي يتعاطونها الآليين واللي بعد أن تزودهم بالقوة الخارقة, تجعل معدنهم يتآكل...

ومن أحلى أحلى الحلقات, حلقة الأم الآلية اللي زوجها الدكتور خبير الآندرويدز لما ماتت زوجته في الحادث وتركت طفله, نقل مخها في آندرويد آخر وصنع "حاضنة" أو أم بديله تحب ولدها حب ولا حب أمهات الأرض مجتمعة.
ويوم خطفوا ولدها لصوص الإبتزاز, حدث اللي كان متخوف منه الأب الدكتور, وتحولت الأم إلى آلة حرب مدمرة لا يقف شيء في طريقها لإستعادة ولدها... :!
وأحلى شيء لما قال أبو لولي لكوكي: "لن يستطيع مائة كوكي أن يوقِفوها"!!!! :!
أحب أب المانجا - تيسوكا أوسامو... بعد ما مات, محد يسوي مثل أفكاره! :"

الرسالة الأصلية كتبت بواسطة Ranzie Eto
*ساسوكي

وهل يخفى القمر؟ ^^

ساسوكي: تعال يا جامبو!
جامبو: لحظة يا ساسوكي, دعني ألقن الكلب روكي كيف يتوقف عن سرقة طعامي!
ساسوكي: بسرعة يا جامبو! القائد سانادا ينتظرنا وهانزو هاتوري على وشك إرسال جنوده الملاعين!!
جامبو: ساسوكي إنتبه! سنيكي خلفك!!
سنيكي: هذه المرة... سأقضي عليك! وأثبت نفسي لأخي هانزو!
ساسوكي: أون بازارون... فن الكوgـا... الطائر الناري!! :غضب:

الرسالة الأصلية كتبت بواسطة Ranzie Eto
* فيه رسوم و الله ما اذكر اسمه الولد اللي يسافر عن طري المذنب و عنده ورده حمره تطلع منها بنت حلووه .. نسيت اسمه

"الرحالة الصغير" يا رانزي. -_^

وينج من زمان؟
صار لج فترة؟

[Ranze Eto]

فشفش؟ @@
ليكون تقصدين "مشمش" أخو كوكي الصغير؟ @@

احم احم :":

و الله مدري اللي اذكره انه اخو كوكي الصغير كان دايما يقول ...فشفش

فشفش


--------------------------------------------------------------------------------
الرسالة الأصلية كتبت بواسطة Ranzie Eto
* فيه رسوم و الله ما اذكر اسمه الولد اللي يسافر عن طري المذنب و عنده ورده حمره تطلع منها بنت حلووه .. نسيت اسمه
--------------------------------------------------------------------------------

:واو: اهاااااااااا الرحاله الصغير صح تذكرت ... كنت احبه و الله

;-) هلا رواية انا موجوده من زمان في المنتدى بس ماكنت أشارك

بس اللحين بتتمللون مني ...برجع لكم مثل قبل ممله طالعه لكم في كل مكان ...و جاهزه للخدمات السريعه و المهمات الصعبة ;-)

رانزي ايتوا دائماً في الخدمة

[orange road]

بل رواية..

والله كتبت حلقات كوكي المفضلة عندي بالضبط...

كانت وايد تخوفني حلقة كوكب الفجر.. وللحين :"
واحب حلقة مصاص الدماء.. حزنت لما مات.. مع انه يستاهل هو واهالي كوكب الخفافيش..
لما كنت صغيرة وجفت الحلقة اذا تذكر اخر الحلقة يوقف كوكي وعلى جسمه بقايا معطف الفامباير.. ويرفع يده ويصير على شكل صليب وتشرق الشمس وراه...
ما فهمت هاللقطة حزتها.. بس بعدين فهمتها...
بس عور قلبي لما تلاشى كل شي فيهم وما بقت الا اليد الآلية وفيها الخاتم اللي فيه الصورة... :"

وحلقة الأم... ولدي.. ولدي... :!
احم احم.. عاد هاي حطها على جنب بروحها.. تينن الحلقة...
_____________________

ساسوكي...
حبيبي... لما جفته كنت مستخفة على شي اسمه نينجا..
وكنت اتمنى دايما ان تكون عندي قدرات مثل قدرته...
ولما نلعب دايما انا ساسوكي... (بعدين حولت على ليدي اوسكار :6 )

ودي القى الحين حلقات ساسوكي.. كااااااااااملة

[هـداف]

مشكورين شباب شابات ........ تسلمون والله على المشاركات يمكن ماأعطي كل واحد حقه بالرد....لكنكم ذكرتوني بأشياء كثيره كثيره

وأكرر سؤالي.......في موقع ثاني يعرض أغاني للأنيمي العربي

[Bu Laban]

للرفع ... لاني أحب الموضوع هذا .. حتى يوم كتبت عن نفس الموضوع ما أحد عطاني وجه ... بس هذا هو اللنك ^^

http://www.montada.com/showthread.ph...0&pagenumber=1

[assassin]

اهلا بصديقي العزيز

الصراحه ما اتذكر الانمي الي كنت اشوفه ذاكرتي مول تعبانه بس اتذكر سنشيرو و ببيرو و جرندايز ومازنجر و جونقر ووايد بس ما اتذكر :":

وأكرر سؤالي.......في موقع ثاني يعرض أغاني للأنيمي العربي

تفضل الموقع

[كبماروو]

مشكور اخوي عالموضوع الحلو الي رجع لنا الذكريات الحلوه ايام جرنديزر وسنشيرو يا خي والله انمي لا يمكن ينسى مو زي الانمي الجديد اكثره ماله داعي^_^
فاذكر اول انمي شفته <وهو الافضل> كان جرنديزر وأاااااه ماحلى جرنديزر
برضه زي صاحبنا بدايه طيبه ^__^ هذا غير جميع الانمي الي جا عالسعوديه الاولى والثانيه وانا اعتبر افضل انمي عرضته السعوديه كان فارس الفتى الشجاع وأااه يالقهر ماجابو الحلقه الاخيره ما ادري هم قطعوها ولا اصلا مالها حلقه اخيره واذا كان لها فيا ليت تقولولي كيف اشوفها....
واخيرا ارجو ان تقبلوني صديق وعضو لكم

[هـداف]

هاهاه..
موضوعي القديم

حياك اخوي كبمارو في منتداك..وان شاء الله نشوفك عضو نشيط معانا
_________
بخصوص سؤالك..بصراحه انا نسيت الأحداث ...
بس ان شاء الله تحصلها بأسرع وقت^_^

وحياك مره ثانية