تصحيح لموضوع : الرسم و التلوين بالفتوشوب .... ( بس بجنوون !)

**MZM** · 20-12-2002, 01:58 PM

إعمل ورقه جديده فاضيه بيضا ( File>New )

(( ملاحظه .... كل الصور مضغوطه بشكل كبير على شان سرعه تحميل الصفحه تكون معقوله ))

**MZM** · 20-12-2002, 01:59 PM

إختار حجم الورقه المناسب .... الطول من فوق لي تحت (Height) و العرض من يسار لليمين (Width)

**MZM** · 20-12-2002, 02:02 PM

أضغط اوكي و راح تطلع ورقه بيضا
أضف طبقه جديده فوق الورقه الأصليه (( إضغط على الزر اللي بالدائره الصغيره في الصوره .... على شان تضيف طبقه جديده ))

**MZM** · 20-12-2002, 02:04 PM

أختار أداة Paintbrush

**MZM** · 20-12-2002, 02:06 PM

إبدا بالرسم ... مع التأكد انك ترسم على الطبقه الجديده ..... مو على الخلفيه ( يعني تأكد ان الطبقه مؤشر عليهه و لونها مظلل بالأزرق )
إرسم و كإنك ترسم بقلم رصاص و لا تهتم لتكسر الخطوط ..... او كثرت الخطوط
في هاذا التمرين ارسم حرف s

**MZM** · 20-12-2002, 02:13 PM

بعد ما تنتهي من الرسم
خفف الصوره و خلها شفافه لكن مع الحفاظ على ملامحها واضحه
يعني غير قيمة الـ Opacity للطبقه المرسوم عليها إلى 25 مثلا

**MZM** · 20-12-2002, 02:14 PM

الحين أضف طبقه جديده فوق الطبقه اللي رسمة عليها
و إذا ما صارت فوق الطبقه القديمه المرسوم عليها ....إسحبها بالماوس و خلها فوقها

مثل ها الصوره

**MZM** · 20-12-2002, 02:16 PM

الحين إختار أداة الـ pen

**MZM** · 20-12-2002, 02:19 PM

و تأكد ان الطبقه الجديده مأشر عليها باللون الأزرق ........ و إبدا بوضع النقاط

حط نقطه ببداية الخط .... بضغطه وحده سريعه على الماوس
و حط نقطه عند كل ذروة منحنى ....و نقطه عند بداية المنحنى الجديد ..... و هكذا

و كل ما تضغط على الماوس شيل إيدك بسرعه

( وناسه :6 ) ....و لا تسحب و لا تستمر بالضغط :غضب: ... يعني فقط ضغطه سريعه عند المكان المطلوب بس

(ها الشرح يذكرني بخناقي مع تايدوس لما اشرح له :6 )
و النتيجه راح تكون مثل ها الصوره

**MZM** · 20-12-2002, 02:20 PM

و تقدر تزيد النقاط عند الحاجه إذا بغيت تفصيل أكبر (( مثل الرسم بمناطق الشعر و العين تحتاج تفاصيل دقيقه))
و الحين إختار أداة الـ Convert Point

**MZM** · 20-12-2002, 02:24 PM

و روح لكل نقطه على الخط ........ إضغط عليها و إستمر بالضغط و إسحب بالماوس .... راح يظهر لك خطوط توجيهيه تتحكم بميلان الخط بنعومه
و إستمر بتعديل الخط كله بواسطة شد كل النقاط ليما ينتج معاك الشكل النهائي الناعم اللي تبيه ....... و اللي يمشي مع خطوطك و الشخابيط اللي ورا بالخلف :6 اللي رسمناها بسرعه تحت بالطبقه الأولى

**MZM** · 20-12-2002, 02:27 PM

شد كل النقاط و عدل المنحنى لما يصير ناعم تمام و مثل ما تبي

**MZM** · 20-12-2002, 02:32 PM

بعد ما تنتهي من رسم الخط كله بشكله الصحيح
إضغط على زر الماوس اليمين في أي مكان داخل الرسمه ........ و إختار الأمر Stroke Path ( راح يخط لك بخط الفرشاه الرفيع على الاتجاه اللي سويناه )

**MZM** · 20-12-2002, 02:37 PM

و بعدها إختر نوع الأداه اللي راح تخط خط جديد فوق المتجه اللي سوينها ..... إختار الـ paintbrush ( لا تنسى تختار بالـ paintbrush الفرشاه الدقيقه اللي حجمها صغير و مناسب قبل ما تكمل ... على شان ما يطلع الخط اللي يمشي على المتجه ضخم حيل )

**MZM** · 20-12-2002, 02:42 PM

بعدين إضغط أوكي .....

راح تلقى الـ paintbrush رسمة خط فوق المتجه الناعم الدقيق اللي سويناه .... (( لاحظ نحافة خط الفرشاه اللي إخترناه على شان يمشي فوق المتجه

))

الموضوع: تصحيح لموضوع : الرسم و التلوين بالفتوشوب .... ( بس بجنوون !)

أدوات الموضوع

ضوابط المشاركة